Ми требаат совети... сè во врска свадба

месец и половина пред свадбата значи,но јас прашувам затоа што сакам матичарот да дојде во ресторантот,па да не треба нешто порано да се закаже,сепак ти благодарам [/quote]
Ако веќе сте го одбрале датумот за ресторан, можеш уште сега да си закажеш матично. Дури и подобро е, според мене. Да не излезе после дека нема термин или слободен матичар [/quote]

свадбата ја закажавме минатата година во октомври,за оваа година во октомври ,и се прашувам да не е пак многу рано ако одиме уште сега да прашаме

 

Уште нешто... дали може да се оди во црква пред матично? Ние правиме денска 'свадба' (со 10 души), ама во матичното не ми закажуваат пред 4, демек сега веќе не праеле претпладневни или пладневни регистрации. Луѓето ни се врзани со превоз и сл., па ми спомнаа дека не може во црква ако не си регистриран. Се ми се испоремети некако.

 

Ќе те венчаат во црква со потврда дека си уплатила склучување на граѓански брак.

 

Уплативме, имаме сметка Ај ќе го прашам попот за секој случај. Фала

 

Феминки, да не знаете каде може да се најдат сите тие цветчиња, тракички и слични тркатанци за сами да си ги правиме цветчиња за сватовите, за декорација на маси и слично? Сакаме сами нешт да направиме па добредојдена ќе биде секоја информација

 

во цвекарите сигурно има, оди види...

 

На Бит пазар има магацини

 

На женскиот пзар (Бит пазар) има продавнички и магацини и за на големо и за малопродажба. Јас се од таму купив

 

Незнаев кај да го сместам прашањево..

Другарка ми ме покани да и бидам сведок во матично во Сабота, е сега мене ме интересира што е потребно за таму? дали треба нешто да се купи, некој документи било кој совет е добредојден
а да, дали сведокот т.е. јас морам да бидам и старосватица на свадбата

 

Носиш само лична карта, ако немаш - пасош. За купување, може да и купиш цвеќе - ако сакаш. Кога сум била поканета само во матично, сум носела само обетки или некое ланченце - лесни се за во чанта, а ќе и останат во сеќавање на невестата . Се надевам помогнав.

 

не нема шанси про црква,ние сега правевме свадба мора првин матично па црква

 

Нема везе дека нема шанси да не можеш прво во црква па матично.Јас кога правев свадба бевме прво во црква (со потврдата од матично) и после во матично.Немаше никаков проблем.

 

Дозволено е матично после црква - на крај на краиштата кај сите кои го викаат матичарот во ресторан церемонијата во црква веќе претходела на тоа.

 

Фала ти многу Не знаев за продавниците и магацините А на тезгите ми изгледаа евтино (не по цена него по изглед, квалитет и сл.) и не сакав такво нешто.. Ама ќе одам до магациниве да видам и така на големо ќе купувам

 

Може ли некој да ми каже како се движат во Скопје (па и другите градови) цените за:
-чаши за младенците
-украсени свеќи
-перниче за бурми
-венец за врата
-китенки за сватови
-китенки за кумови/старосвати/младоженец
-бидермаер со вештачки цветови?

 

Мене работиве ми беа порачани од Каталеја и вака се движеа цените :

Чашите беа 450 денари ( нејзини и украсени)
Свеќите си ги украсуваа кумот и старосватицата , со природно цвеќе беа на кумот и беа 400 денари а на старосватицата пообични накај 200 мислам беа
Перничето ми следуваше гратис ама цената му се движеше околу 400-450 денари имаш и поефтини зависи колку сакаш да е украсено.
Венчето за врата 1000-1200 зависи од големината.
Китенките за сватови по 20 денари.
Китенката за кум 100 денари исто и за старосватовите, за младоженецот ја порачав од друго место зашто сакав со природно цвеќе исто како бидермаерот 200 денари.
А за бидермаер со вештачки цветови не знам немав таков

 

Ова наведеново можеш како пакет да го добиеш со поевтина цена,ако земаш од едно место секогаш ке имаш попуст,максимум 6000 денари.
Сега многу актуелни и барани се бидермаери изработени од материјали ,чипка и брошеви или бисери .
Ако треба контакт пиши ми во пп ке ти дадам бројче.

 

^Фала ви онака ме интересира, за споредба отприлика како се движат цените

 

Женски да не шетам сега по темава ако може некој да ми каже за кого се треба да направам китенки, за кого треба да се посебни, а за кого пообични, за деверишите треба и за на рака и китенка или? И за околу 200 гости колку бонбонцинја треба да имам? Бидермаерот сама си го купувам или некој друг? фала ви однапред <3