Ми треба совет и мислење

Кај сакам таму ќе постирам. И замолив за совет, не некој да ми чита непишани правила по форумов.

 

Не мораш со сите да се караш што ти даваат совет.
Гледам и на другите теми се раскара за истиов проблем, а само сакаат да ти помогнат. И навистина нема потреба за истиов проблем да пипуваш на 4 различни теми.

 

Не знам на колку теми имаш пишувано за проблемов, ама јас ќе ти одговорам овде...
Прво, другарка ти е многу неопределена. Како човек да и даде совет кога и самата не знае што сака?
Да си бидеме искрени, да сакаш двајца истовремено, и тоа баш да ги сакаш до мера да не можеш без нив, не е возможно! Ако беше така ќе си имавме сите по произволен број партнери кои ќе ги сакавме еднакво, и на сите ќе ни беше супер.. Во случајов најмногу може да си помогне таа самата, или да и помогнеш ти во муабет, со цел сама да си го каже одговорот, решението (оти ти не го знаеш).. Нека се преиспита еднаш кого сака, со кого сака да биде, што сака да и се случува понатаму. Ако не може да се одлучи, многу е похумано да се откаже од двајцата отколку цело време да го лаже и дечко и, и бившиот, а притоа колатерална штета да биде сегашната девојка од бившиот.. Гревота е, стварно нема смисла. Таа ја зафркнала работата веќе одамна, и како поминува време само полошо си прави себе, а и на сите кои се свесно или несвесно вмешани во приказната.
Не знам колку години има другарката твоја и колку свесно размислува за проблемот, колку се труди да го реши или само се препушта на случајноста (мене ми изгледа како да е второто). Во секој случај работата е сериозна, особено затоа што не е сама во збрката.. Пробај помогни и да ги си дефинира барањата и да направи нешто.. На што и да се одлучи е подобро отколку сите да ги лаже и да се уништува себе си.

 

ми треба совет, мислење... од вас
во врска сум 2ипол месеци.. и ми побара.. и незнам што да правам, премногу е рано?

 

Ние не можеме да знаеме дали ти е премногу рано или таман,тоа е индивидуална работа.Ако ти се чувствуваш спремна и тој навистина ти значи,тогаш направи го тоа.
Ама штом прашуваш тука,значи не си уште сигурна,така да,не брзај и не размислувај за времето и за него,туку само за твоите чувства.

 

од една страна се чувствувам спремна од една страна се плашам ...што ќе биде понатаму.. пр да не ме остави итн... неќам да го изгубам...

 

По колку години имате?

 

јас 18 тој 20

 

Ако мислиш дека го познаваш доволно добро и дека нема да те остави после тоа направи го. Но пред се важно е дали ти го сакаш и дали сакаш тој да ти биде прв? Немој да го направиш тоа само затоа што тој сака или сите другарки го направиле!
Ако не си подговена немој, тој ако те сака искрено ќе те почека уште малку.

 

фала за советот

 

Додека те секираат овие работи значи дека не си спремна т.е. не си сигурна. Така да почекај уште малце. Во моментот кога нема да имаш потреба да прашаш на форум и кога нема да се секираш дали ќе те остави после сексот тогаш е право време. Верувај ќе си осетиш!

 

Јас и другарка ми порано така ги аднувавме на фб од лажен профил и резултатите баш и не ни се допаднаа. На другарка ми тогашниот дечко се однесуваше како да е сингл и си бараше дечкото состанок да си закаже само незнаеше дека од лажен профил му пишуваме. И мислам дека се поретки се машкиве кои искрено ке кажат дали се во врска/брак итн. Може ништо нема да направат ама како предизвик им е да си пишуваат или флертуваат со фб пријателки.

 

Кога станува збор за избор на партнер,а во конкретниов случај за одлука меѓу сегашниот дечко и т.н. бивш, навистина е несериозно и незрело да се очекува дека проблемот ќе го реши некоја блиска личност.Другарка ти остава впечаток на девојка со ниска самодоверба која не знае што сака.
Од една страна многу го сака дечкото и не може без него,а од друга страна мислите и се преокупирани со сеќавањата за бившиот и некаква фамозна средба со него што ја прави психички целосно изгубена и дезориентирана до степен на очај за што самата е виновна.Да се сакаат две личности истовремено и со ист интензитет е невозможно.Неопределеноста остава впечаток на лабилна личност.
Таа е единствената што треба да одлучи како ќе постапи, дали ќе биде со двјцата,со еден од нив или пак сама, затоа што е голема веројатност да го изгуби и тоа што го има.
Секој е одговорен за сопствените одлуки,а животот ни е таков какви што ни се мислите,благодарение на нашиот разум.

 

Какви работи смислуваваме ко помлади...
Нов профил од вистинска девојка, со сите слики крадени, кој си постои со месеци, и е направен совршено за никој да не дознае дека е лажен. Му договоривме на дечко на другарка состанок, и нормално, се појавивме ние.
Другарката плачеше, ама барем не и го направи ова кога ке биде со стомак до заби.

 

Па ја сношти разговарав со неа, по што ми рече дека не и се излегува в град и мислам дека нејзе проблемот и е што сегашната девојка нему навистина му е девојка и таа е само љубоморна што тоа со неа никогаш не се случи (имаше х причини за тоа, таа сакаше да биде се во тајност), ама како и да е, упорно вели дека одвај чека оваа работа да заврши на некој начин и таа не знае на кој.. Сите мене ме прашуваат што и е, а како да им кажам бре луѓе, и јас со неа се чувтсвувам глупаво, навистина..

 

Diamonds.in.the.sky, нема да ширам паника, ама сестра ми, за жал, беше речиси 3 години во таква ситуација, Западна во депресгија, додека дечко и (сегашниот сопруг) и сите други околу неа се чудевме што и е, додека не ми раскажа дека тајно се гледа со бившиот и дека неможе да го заборави. Јас лично побарам од нејзиниот дечко да се позанимава со ситуацијата, секако не му реков дека таа со гледа со бивши, па сестра ми е. Туку му реков внимавај некој друг без разлика на полот да не прави работи со кои таа западнала во таа ситуација.
Целата работа отиде до таму, што сестра ми си ги пресече вените. Среќа во несреќа, не ги беше исекла длабоко, инаку страв ми е да помислам што ќе се случеше. Тогаш во болницата дојде незиниот бивши и лично јас, тогаш имав 16 години, разговарав со него и го замолив да исчезне од нејзиниот живот инаку ќе ја изгуби, не само тој, туку сите ние. Дечкото си замина, а после кратко време слушнавме дека има нова девојка. Инаку тој беше од друг град.
Советувај ја другарка ти да внимава да не го изгуби сегашниот дечко, бидејќи тој другиот, кој и да е, секогаш ќе ја гледа како некоја која го изневерувала дечкото, па зошто тоа да не го направи и на него доколку му биде девојка. Машките се чудни створења, незнам што да речам, но ситуацијава е посериозна отколку што мислите, мислам, секако доколку се работи за слична ситуација како кај сестра ми.

 

Urbaan, се надевам дека работата нема да отиде до таму, навистина.... Наредната недела ќе отидат на летување, се надевам ќе се опорави малце од се и колку може да заборави.

 

Епа вака.. имам дечко со кого сум во врска 6 месеци . Се беше друго во ред освен тоа што во тие 6 месеци ме тргна од сите другари кои ги имав бидејки наводно сите ми се пуштале и етц... И престанав да комуницирам само за да не се расправаме а и не ми беше толку важно дали ке комуницирам со други машки или не... Потоа истото се случи и со моите другарки. Наводно според него не ми биле вистински другарки биле вакви биле онакви... . За некои од нив навистина беше во право и се тргнав од нив .. И од пред некое време стапив повторно во контакт со едни другарки за да искачам со нив малку. Секој има потреба од другарки, оговарање, кој каде бил на одмор ау бау . И ајде некако успеавме да се договориме меѓутоа тоа што почна да ме нервира е тоа што или инсистира да дојде со нас кога јас искачам со нив, или ме следи он лично или праќа други да ме следат. Се чуствувам како да сум заробена . Како да се обидува да го живее мојот живот наместо мене... кога да искачам па со кој да искачам па од колку до колку... И се обидувам да најдам златна средина и по мое и по негово. Но незнам што да направам за да престане да ги прави овие работи. Како да сум излезена од затвор на условно и се посматра секој мој потег што и како ке направам .

 

Разговарај отворено со дечкото и кажи му дека ти сметаат овие работи што ги прави тој.
Една врска не би требало да биде заробеништво, ти треба да имаш свој живот, другарки!
Твоја е грешката што си се оддалечила од другарите и другарките и сега тој тебе те смета за свој заробеник! Доколку не го смени своето однесување, бегај од таква врска

 

Нина, јас отсекогаш сум била за тоа дека треба да се има и дечко и другарки. Секако дека не треба да се остават другарките ради дечкото. Јас мислам дека треба отворено и искрено да разговараш со него за оваа ситуација и да му кажеш што ти смета. Ти си дозволила да контролира тој со тебе и со твојот живот и затоа си се скарала со другарките. Неможе тој да си шета а ти да седиш дома.
Јас мислам дека доколку сега не воспоставиш граница и ако не му поставиш ултиматиум утре друг ден, ќе ти брани да се гледаш со родителите и ќе ти зборува лошо за нив, а кога ќе дојде да раскинете ти ќе бидеш сама и ќе ти биде тешко, а тој ќе си има друшство. Нина, си направила огромна грешка. Ти уште на почетокот си требала да му кажеш дека сакаш и дечко и другарки, дека сакаш слобода во врската да искачате со другарките и без контрола. Тој нема доверба во тебе, Нина. Мислам премногу е ,за тоа до колку ќе бидеш излезена треба само на твоите да им кажуваш. А не, на некој кој сега во животот ти е само дечко. Јас не го кривам него воопшто, пошто самата си крива ти. Дечкото си ја постигнал целта воспоставил контрола врз твојот живот. Инаку Нина јас уште на почеток разговарам со некое момче и му кажувам дека секој од нас двајцата треба да си има друшство, па да си излегува, некогаш заедно, некогаш сами со нив. Но, затоа треба да се има доверба.
Ништо сега обиди се да разговараш со него, доколку не те послуша единствено пробај да бидете малце разделени за да видите дали ќе си недостасувате или ќе ставите крај.