Ми треба совет и мислење

Инто ми треба совет очајна сум!
Имам веќе напишано низ темите во врска сум веќе еве 5 години. Како и секоја врска има периоди на монотонија и правење на нешта од навика и секојдневие. Тоа веќе јасно мие. Не знам како но ете некогаш имам чувство како да не ме сака како да му е смачено од мене. Извесен период се гледаме и многу ретко. Секогаш се правда со изговорот дека оди на работа и е уморен. Но и кога ќе се видиме како со сила е. Избегнува да го допирам да го бакнувам да го гушнам. Имаме разговарано и одговорот е секогаш ист. Уморен сум и некогаш не мие дојдено до овие работи и дека ме сакал и времето не му било да бара допрва друга и дека иднината ја гледа со мене. Но мене не мие доволно тоа само да го слушам. Се чувствувам запоставено и игнорирано. Некогаш и кога сме излезени одбива и да се сликаме како демек тоа му е глупаво него и исто и гушкањето, држењето за рака во јавност сето тоа е глупаво. Значи ај да се запознаваме вечерта па да не сака во јавност ништо мие многу прифатливо отколку вака во нашиот случај. Размислував да не е друга во прашање но по фб неможам да откријам нешто сомнително а и не излегува сам за да се сомневам дека прави нешто. Но тоа немора да значи дека и не прави. Во ваков случај не можам да сфатам што е проблемот.
И како и секоја запоставена женска и јас така се јадам во себеси. Неодамна почнав да комуницирам со еден на фб. Не знам ете дали намерно или свесно влегов во ова ама вака се случи. Машково ме додаде на фб јас го прифатив да видам за кого се работи од чиста љубопитност и потоа да го избришам бидејќи не прифаќам некој што не го познавам имам таков принцип, секакви луѓе има по фб а прво и основно што сум во врска. Ама ете од секое правило има и исклучок. Го прифатив и не го избришав. Почна да ме следи тој и на инстаграм и да ми лајкува некои слики таму. Не реагирав на тоа како да не ми беше важно во тој момент. Една вечер бевме излезени со дечкото и друштво. Не си поминав баш најдобро оти како и секогаш истото, ме одбиваше и никакво внимание не ми посвети како да не седевме еден до друг или како да седев со некој другар. И од тага пијав. Си дојдов дома прилично разочарана и како се да ми беше преку нос дојдено и како по обичај се пуштам на фб да видам што има. Го видов машково онлине. Нешто ме копкаше да видам кој е ама не ми доаѓаше на памет како да го изведам тоа. И се решив на најглупавиот како да му пишувам на грешка. И нормално тој не е глуп да не се сети. Ама не одби да разговара. Како да чекаше јас да го направам првиот чекор. Се запишувавме со него како да се знаеме со години по 15 часа без престан 2 и пол недели така. Постар е од мене 5 години. Многу искусен и интелегентен. Почна да ме привлекува од разговорот само. Не му открив многу за себеси и врската ама сфаќа дека не ми оди. Ми рече и да се видиме неколку пати. Но јас неможам да го направам тоа. Не за дечкото туку лично за себеси. Прво до сега не ми се случило да изневерам а второ какво лице ќе оставам и пред него. На разговорите многу и ми ја форсира темата секс. Ми кажува за искуствата со жените во кревет. Се плашам дека намерата му е да се забавува само. Му кажав отворено дека неможам да се видам со него под такви околности. Плус дека јасно мие што би се случило меѓу нас со оглед на мојата ситуација и годините негови. Мислев дека ќе престани да ми пишува но не испадна така. Ми вика сакам само да те видам нема да те допирам ништо да ти правам ако мислиш дека мие за секс само. Неможам да му верувам од разговор само. Ми кажа дека ќе си оди за месец и пол од тука да работи и дека има карта резервирано и ќе се врати по неколку месеци. Ми вика ај да пробаме да изградиме нешто дури сум тука ама не сум спремен на врска јас од одма, на не видено неможам да ти ветам ништо. Мене јасно мие тоа оти и јас на не видени како би започнала нешто со некој што не знам како би ми било па и дали би вредело и да почнам нешто. Некако ми нема логика ова што ми го вика. Ја знае ситуацијата дека сум во врска толку време и упорен е со помислата дека убава и паметна женска не се наоѓала се крадела од тој што не ја заслужува. Му кажав за рамзислувањата мои дека јас неможам да се видам со некој што планира да си замини и што не е спремен за врска и никако неможиме да се убедиме во тој поглед. Збунета сум многу и сама сум виновна знам. Од една страна врската од друга страна ова. Ве молам за совет очајна сум. Немоќна сум да се справам со ситуацијава во која сум ми треба совет од слични вакви ситуации или искуства. Ви благодарам однапред

 

Здраво на сите!
Решив да побарам помош и совет од вас. Ми се допаѓа едно момче веќе подолг период. Е сега он е како со mood swings буквално, два дена е океј супер ми праи муабет, после три дена ми врти глава. Знае дека го свиѓам пошто моја "другарка" му прекажување него се јас што ќе и кажев во врска со него, тој сега скоро и ми го кажа тоа. Проблемот е што кога го правевме муабет а го правевме на фб, ми кажуваше како тој знаел ја што сум сакала, ја да сум му кажела он што сакал и цело време меѓу редови изгледаше како и тој да ме свиѓа, а он не кажува ништо се си чува за себе, пошто муабетов не е за на фб му кажав дека ќе го праиме муабет лице во лице, требаше да излеземе прошлиот викенд само што јас неможев и остана како за овај викенд. Е сега во меѓувреме го гледам на школо цело време се вртка со едно девојче кое муе бивша, и на секој одмор сме заедно а последните два дена не ни се поздравува со мене. Дали вреди да барам со него да излезам и да направиме муабет да си кажеме се отворено како стојат работите или едноставно да си се тргнам настрана?

 

Zdravo, epten me isprovocira da ti odgovoram iako pisuvam od mobilen i nemam mkd poddrska, se izvinuvam za toa. Znaci veruvaj deka vo sekoja dolga vrska se pojavuva period na monotonija i toa ne e pricina da krenes race od vrskata. Od druga strana neznam stvarno kako ti e so deckoto mozebi ne e za tebe, ama ovoj so koj pisuvas da ti kazam epten mi e sumljivo nekako. Em ke zaminuval na rabota vo stranstvo, em samo na seks go vrti muabetot i da ste se videle pred da zamine....plus mnogu kratko vreme komuniciras sonego, moze da ti e samo zanes. Razmisli si ama ne izbrzuvaj, na kraj moze i ovoj noviot da te izvisi i bez nisto da ostanes.

 

има неколку точки што сакам да ги искоментирам.
прво, машково!? хахаха
второ, кој ви се тие принципи да се затварате со дечкови само? биди си ти со дечкоти верна и се е океј, но тоа не значи дека неможеш со друг да напраиш муабет, па и да излезеш на кафе. се додека е сето тоа на одредено културно ниво Нели?!
како тоа мислиш да изневериш? со разговор или до поминување некој саат надвор со некој пријател да го наречеме? побогу човече па луѓето се социјални животни, живеат у заедница, им треба внимание, разговор бла бла....

типов да не е некој фалбаџија, обично интелегентни, озбилни и културни образувани луѓе не зборат за нивните врски со жените во кревет. тргам од себе и ги презирам оние јаки ..., најверојатно се јаки само на зборови. пошто воопшто не ме интересираа нивните сексуални доживувања.

типов отворено флертувал со тебе и е контрадикторен само он знае што сакал да каже
со неколкуте моменти што ги споменуваш.
но воопшто не е спорно што ете има работа и ќе го нема на некој месец,
ако и тоа не е некоја патка....

според твојов профил миличка19, 2010 зачленета сеа треба да си негде 23-4 годнини,
а 5 годишна врска на тие години требала со брак да заврши иначе ќе заврши како што тргнала.
на дечко ти му се сака друга, а ти си влегла во жива песок.
несакам да преудицирам што како не е воопшто доблесно, но ти си си кажуваш сама
како типов твој фаќа кривина.

ај ко за прв крај, и ти незнаеш шо сакаш и кажуваш.
значи да се видиш со некој не значи да ја прекинеш твојата врска ако толку ја сакаш
друго ако се видиш не значи дека си почнала нова врска!
а и ова, никој не дава гаранција за убава и среќна врска и брак!
треба сами да си ја направите таква Нели??!

 

@milicka19,

Сметам дека не треба да се видиш со дечково што рандом сте се запознале на фејсбук од две причини:

1. Ти си во врска и врската ти е во криза. Ти во срцето имаш емотивна празнина и со тоа си ранлива и лесно можеш да западнеш во Rebound (не знам дали имаме македонски збор за ова). Ако не си се сретнала со овој термин, поточно со оваа појава, еве ти добар линк да си прочиташ (се надевам знаеш англиски)
https://www.psychologytoday.com/blo...-strong-feelings/201309/rebound-relationships

Rebound може да настане и пред раскинување со сегашниот партнер особено затоа што емотивно вие веќе сте оддалечени, а со новиот човек можеби имате веќе направено некоја емотивна врска без разлика што не сте се виделе.

2. Штом разговорот од општо-формален ви преминал на поблизок муабет и отворено си зборите за секс, за евентуална врска, тоа значи дека веќе сте преминале и тоа релативно многу брзо неколку фази. Тоа значи дека кога ќе се видите, работите можат да се одвиваат многу брзо и муабетот што ќе го правите со него верувам не би го правела доколку дечко ти е до тебе Штом не би го правела тој муабет со него доколку дечко ти е до тебе, веројатно си во црвена зона на неверство. Еве едно реторичко прашање: Дали ти би сакала твојот дечко да се допишува со некоја непозната од фејсбук на начин како што ти се допишуваш со овој?

3. Дури и да не ги послушаш горните мои совети, која е смислата да се видиш со него кога знаеш дека скоро заминува во страство? Зошто да се врзеш со некој што набрзо ќе си замине? И што после да не го чекаш и да му веруваш дека и тој лојално ќе те чека? Штом на тебе непозната ти се пуштил преку фејсбук и не го грижела совест што ќе биде причинител за раскинување на ранлива врска што е во криза, тој ако има прилика и таму во странсво ќе го направи истото и ич уво нема да го боли што тоа ќе те повреди тебе. Само претпоставувам, не те знам ни тебе, ни него. Сепак убеден сум дека врска започната на овој начин, со Rebound, со неверство и флертување - нема иднина. Во тоа сум сигурен со еден куп искуства (лични и од пријатели)

Ја би те советувал да си ја расчистиш тековната врска, пред да навлегуваш во било какви авантури. Седни на разговор со дечко ти, земете лист и пенкало и запишете ги сите проблеми што ве мачат во врската и разговарајте за нив. Ако разговорот не го реши проблемот, можеби ви треба да се советувате со некој поискусен пар (може и брачен пар ако сте сериозни за понатаму). Тие што би ве советувале не мора да значи дека се попаметни или поискусни од вас, ама ете сигурно ќе бидат пообјективни и емотивно незасегнати и ќе можат да ви дадат некој добар совет или барем мислење.

 

Прво ви благодарам @mila89 @smigool и @EvAngelos за одвоеното време и совет ако знам дека ја има опцијата ми се допаѓа за да ви се заблагодарам. @smigool сакам тебе прво да те цитирам нека не ми замерат другите. Зошто ми се смееш на изразот машково? Немаме принцип да се затвараме излегуваме и одвоено. За вечерните излегувања не излегуваме одвоено често сме заедно бидејќи имаме исто друштво на тоа мислев иако се случува значи и некогаш да излеземе и одвоено и вечер но тоа е многу ретко. Во друг контекст сакав да појаснам дека нема зачестени излегувања сам за кои јас не знам но не мора да значи и тоа дека не би се видел со друга. Да не ја должам тука и да не ја префрлам вината само на него. Социјално никогаш не сум затворена. Сакам да комуницирам. Немам предрасуди дека ако имам дечко треба да се ограничам само на него и да немам никаков контакт со личност од спротивен пол. Но се разбира се додека разговорот оди во сосема друга насока нели по логиката на нештата како зафатена веќе треба да знам до каде ми се границите. Типот, отфрлајќи ги разговорите за секс, ми делуваше интелегентен. Но маж кој со гордост ќе се пофали колку жени или како успеал да ги легне во кревет, па и што правел со нив делува просто. Тоа е голем минус кој јас а и било која би се запрашала која е целта што тој ми го кажува тоа? Одговорот е се разбира повеќе од јасен. Да типот отворено флертуваше со мене како свесен во што влегува. Иначе имам 24 години а уште 6 месеци 25. Со оглед на годините веќе со завршени студии треба да размислувам на брак како што многу други веќе и помлади од мене тоа го прават. Но што ако тој не е вистинскиот за мене или јас за него? Прашање кое јас често си го поставувам себеси но немам одговор. И да се видам не дека јас морам да ја прекинам врската и да почнам нова, туку дали би вредело јас воопшто да го направам тоа? А како би вредело нели дури не пробам? Дилемата е таа.
@mila89 јас свесна сум дека монотонијата е составен дел од секоја врска и не кренав раце веднаш бидејќи не ни го можам тоа. Не сум личност која врти грб туку така лесно и си оди. Во врската опишав многу малку како мие но најбитното го кажав вниманието и возбудата која некогаш ја имав ја снема. Не знам дали е период или што е ама ужасно мие. Типот да и мене мие сумлив анализиран од било кој аспект.
@EvAngelos не знам за тој поим но со задоволство би прочитала. Со оглед на тоа дека разговорот ни се одвиваше во такво темпо го опоменав типот дека премногу брза со разговорите. Му кажав дека не мие дојдено до секс но дека неизбежно би било и тоа реално гледано. Свесна сум дека таквите врски базирани на неверство не успеваат. Какво лице би оставила пред тој човек и каква доверба ќе има во мене? Можеби сум во некаква фаза да но ја знам и божјата заповед да не му го правам она што не сакам тој да ми го прави мене. Тоа типот што си оди е причина плус да не се видам и можеби ако сум допрела некако до него макар и преку разговор ќе сфати дека имал погрешна слика за мене. За крај размислив читајќи ги и советите ваши дека е подобро да не се видам со типот и да седнам да разговарам со дечкото по незнам кој пат. Тоа би ми било најдобро за сега. Кога е во прашање честа, достоинството и гордоста не би ги погазила така лесно во моменти на слабост, бидејќи тие нешта во животот немаат цена или ги имаш или не, нема пазарење тука.

 

@milicka19 Дилемата секогаш ќе биде, дали е тој вистинскиот но нели ако не пробаш нема да знаеш дали ти се свиѓа. дали бил овој дали бил оној. друго ако ти сакаш да се мажиш на 25 тоа е твој личен избор со среќа на тоа поле, не викам дека погрешно размислуваш. онда комотно барај му прстен на твојон не разговај за друго и толку. се зезам малце да разбиеме. така мислам ќе дознаеш многу повеќе за дечко ти од неговата реакција на твојата сериозност. ете нели и сама си сконтала дека типов е прост, и заебал работа за да те украде. ќе има и друг, трет ехеее. убаво е да станеш родител на млади дани, полесни се стварите. али сеа не по секоја цена. така да види си ти со сама себе па со дечкото на шо сте и што сакате.
некои работи ќе искочат на добро.
тука сме да дискутираме!

 

@smigool ми се допаѓа како размилуваш. Од страна вака гледано изгледа многу едноставно. Типот се покажа таков каков и што бил и што би се замарала со него повеќе нели? Немам зборови со кој би си се опишала себеси како мие. Можеби кога некој од страна така ќе ти посвети внимание кое ти недостига се ти изгледа така розово. Но кога ќе се вратам во реалноста има многу работи преку кои неможам така лесно да поминам. Искрено за брак не размислувам воопшто со оглед на ова што ме засега. Секоја работа во животот си има своја убавина само оној кој го доживеал тоа во помлади години знае како е. Зборувам за бракот да не се сфатиме погрешно. Друго и немам што да кажам повеќе.....

 

Mi treba sovet od vas devojki... neka mi pise nekoja od vas vo lp da i go kazam problemot. Pozdrav

 

Пишав за проблемот погоре пред некое време , и еве сум сега пак овде, повторно ми требаат ваши совети кои навистина ми требаат во моментот и би ви била многу благодарна. Да се надоврзам, се случи што се случи, продолжив типот да го игнорирам и да не го фермам ни најмалку ама тој е упорен и не престанува, на секој можен начин се обидува да стапи во некој контакт со мене. Минатиот викенд кога бевме излезени, беше и тој на истото место, дојде на мојата маса кај што бев со друштвото и застана до другарката до мене ( која скоро и да не ја познава).Цело време и правеше некои иронични муабети ( а знаев дека се однесува за мене ) , и оваа другарката само чудно го гледаше цело време. Ме изнервира стварно, се вмешав и јас во муабетот , и го опцув. СТварно ми дојде преку глава веќе. Другата вечер ете го пак ми доага на маса, па застана пред мене и почна да ме вреѓа , к*рва, таква, онаква, збореше ко некој ненормален а другите слушеа. После ова одма си заминав, значи ми го расипа викендот.Овој викенд дома останав само заради него за да не се нервирам пак, не знам како да го откачам . И понатаму ке ми прави вакви проблеми.

 

Девојки имам проблем се надевам дека ќе ми помогнете,бидејќи навистина не знам што да правам...обично менструацијата ми трае околу 4-5 дена...денеска немав баш многу и мислев дека ми е завршена ,па со дечко ми имавме односи прво ништо немаше провревиме,но потоа видовме дека има крв..можно ли е да се забремени? :/ и после колку време да направам тест за да се осигурам?Ве молам помогнете ми многу ми е потребно
НЕ ЗНАМ ДАЛИ Е СООДВЕТНА ТЕМАВА,АМА МИ Е МНОГУ ВАЖНО!

 

Заедно сме скоро 3 години ,интересно е тоа што имаме исти погледи на светот,но карактерно сме многу различни.Буквално небо и земја.Од најмала ситница до големи работи...музика,стил-вкусза било што.Среќа е што досега никогаш не сме имеле некоја голема караница повразана со ова, но многу ме интересира дали некој од вас бил во ваква ситуација,каде партнерот е сосема различен од вас и како тоа функционирало за вас.Важно е да кажам дека нашата врска е ,,врска на далечина", секој ден се слушаме колку можеме и се гледаме и сето тоа функционира супер за сега.Она што мене ме загрижува е дека во одреден период(здравје,еден ден кога ќе живееме заедно) ќе почне да ни претставува вистински проблем.Какви се вашите искуства? Дали за вас важи она ,,спротивностите се привлекуваат " или пак полесно ви било со човек со кој делите многу сличности? Aко имате време навистина би сакала да видам какво мислење имате на оваа тема.Фала девојки.

 

Доколку сте имале заштитен однос не е можно.
А доколку не сте користеле заштита и/или свршил во тебе секако дека е можно.
Тестовите за бременост се различни, некои покажуваат неколку дена од ризичниот однос, а за некои треба да се чека 2-3 недели. Сево ова е во зависност од осетливоста на ХЦГ хормонот.
Затоа најдобро е да појдеш во аптека и фармацевтот да ти каже кој тест можешт да го направиш после колку дена.

 

Не сум личност која лесно се отвора пред други, ама немам избор морам некаде да се исплачам.
До вчера се беше ок, се сакавме, се веривме, планиравме свадба...а сега се тоа се уништи поради мене
Бевме излезени и се подналутивме (за глупости) и му го вратив прстенот. Проба да ми го врати ама јас инает му реков не го земам. А сето тоа да го слушале колеги негови од работа и да се зафркавале... И денес се однесуваше како да не постојам. А досега скоро за се ми попушташе, ми одеше по ќефот, ме сакаше... Утре треба да одиме кај деверите, а сакам да ја средам ситуацијата, го сакам. Само ми е страв како ќе реагира, знам дека ќе го смени односот кон мене. Помош...совет...нешто...?

 

Ако премногу го сакаш и ако мислиш дек он е оној правиот , бори се мила за него и не испуштај го НИКАКО!!!! Ретко се наоѓаат нормални мажи во ова лудо време , за жал....
Со среќа

 

Душо не смееш ради инает се тоа да го фрлиш во вода! Оди поразговарај со него , кажи му дека ти е жал и извини му се.Кој признава пола му се простува.

 

Големи инаети знаеме да сме ние жените. Биди упорна, извини му се. Дај му до знаење дека се каеш од се срце и ќе се среди. Ќе видиш

 

За тоа ќе треба да се понижам, а тоа не можам. А не ми е првпат да глумам лудило и секогаш, ама секогаш простувал. Ми е страв дека ова нема да ми го прости

 

@maya..a Мислам вака ви е и подобро си се надополнувате, спротивностите се привлекуваат, ич не се секирај ако има љубов, доверба и разбирање во врската. Ви посакувам се најубаво

 

Да се понижиш ? Ако ја ставаш секогаш гордоста пред љубовта никогаш нема да бидеш СРЕЌНА !