Ми треба совет и мислење

знам, многу згрешив што си ги запоставив пријателите.Знам и да ги побарам ќе бидат покрај мене бидејќи ја знаат и сами мојата ситуација.Проблемот бил дека јас кога влегов во врска со него веќе нетребаше да идам со другиво град, да излегувам како демек што барам јас со другарки во град зошто се правеше муабет и за брак, како демек сега е тој со кого треба да одам кај и да е.И сега јас да излезам некаде туку така, мислам дека ќе го загубам засекогаш.Тој за глупости бара оправдувања, а за ова знам дека ќе стори се за да ме повреди најлошо.Е тоа неможам да го поднесам.Затоа се надевам, чекам овие години.

 

Немој да се измачуваш повеќе, затоа што очигледно човеков не те цени и дефинитивно нема да се промени, колку и да се надеваш. Верувам дека си паметна и убава, пред тебе е животот, ќе си најдеш некој што ќе ти посветува внимание и ќе те сака.

 

Девојче и во брак да си не треба да ти брани да излегуваш, некој ако треба да ти брани тоа се твоите родители. Ти си му одела по газот и нему му скиснало и сега те навредува. Уште кога ти рекол дека не си достојна за него си требала да му раскинеш веднаш. Тој не се замара со тебе сега, колку што ти се замараш по форуми. Сигурно некаде е излезен и пие и шета, а ти седиш и се замараш како да го вратиш и да смениш нешто. Излези си слободно, не си врзана птица во кафез животот е еден сега ако не го живееш на стари години па ич.

 

Ви благодарам на сите кои пишаа, се надевам ме разбирате зошто сум допуштила вака.Друго што заборавив да напоменам, по завршувањето на фах. се вработив во банка еве втора година веќе, истовремено започнав да се бавам и со други работи, да се надоградувам во повеќе овласти и тој наместо да се радува на тоа како се да ми префрла демек што мисламјас дека сум толку многу постигнала дека не сум ништо, а еве колку да напоменам тој не работи никаде,ниту има фах.сепак тоа не е битно но јас никогаш не сум помислила за него на таков начин.Ви благодарам уште еднаш незнам што ќе правам и јас самата, ама морам да сменам нешто и тоа кај мене.

 

Помала сум од тебе ама сепак ќе ти пишам кое е моето мислење.Се согласувам со сите погоре совети,и убаво си напишала факт е дека треба да смениш нешто кај тебе.Факт е дека изгледа застрашувачки после толку години во врска да продолжиш понатака,ама тука не е крајот,и верувај многу подобро е сега отколку да заглавиш уште повеќе со ваков човек.Моето мислење конкретно за целата твоја ситуација е дека во никој случај не си требала да дозволиш некој до тој степен да управува со твојот живот,меѓутоа сега веќе доцна е за назад,се што можеш да направиш е да му ја одземеш таа контрола.Имам другарка баш во ваква врска,верувај толку имам зборено и зборено и залудно зборев,ќе ми биде мило ако барем ти примениш некој од овие совети и продолжиш без него,остави ги годините,сигурно ќе најдеш некој подобар.Конкретно за дечково мислам дека пати од пониска вредност,и се повеќе тие негови комплекси ќе ги истерува на тебе ако можам така да се изразам,влечејки те на дно.Не ти треба ваков човек,не само поради фактот што нема завршено факс,бидејки тоа е најмал проблем,најголем проблем е неговата љубомора и неговата неспособност да ти даде подршка,да се гордее,и да те сака поради она што ти си го постигнала и за себе како личност,а воедно и за вашата врска.Паметна си,имаш работа,се трудиш,продолжи и во другите сфери од твојот живот да се трудиш за ти да бидеш среќна прво,па после и во некоја врска.Џабе љубовта верувај,ако нема разбирање,доверба и се останато.Една врска за да успее треба и двајцата да се трудат за среќата на другиот,ти доживуваш лажна среќа покрај него,немој да дозволиш премногу касно да го увидиш тоа.

 

Би сакала да ти го кажам моето мислење преку пример од еден пар во мојата околина. Значи слична ситуација на твојата ,заедно беа 5 години(врска), тој ја омаловажува, ја вреѓа и тоа пред други не само насамо. Коментари од типот: каде те најдов толку проста, не ме нервирај со твоите глупи мислења, курво и да не набројувам повеќе.. Тој можеше да си излегува со друштво до колку и каде сака, кога е по цела ноќ со другарите не и крева на мобилен никако до следното утро,а кога таа сака да излезе на кафе со другарки не и е дозволено без него. Да не должам ќе ти го кажам истото што и го кажав и на мојата пријателка. Според мене тоа не е МАЖ. Културен и воспитан маж ја почитува својата девојка и жена. Во твојот случај 27 годишен маж во врска од 7 години те вреѓа ,не те цени и пробува да ги омаловажи дури и твоите успеси. Глава горе девојко, имаш 26 години,убаво работно место,самостална си ,сама велиш дека не е касно да си ги вратиш пријателите и да си ја поправиш таа грешка. Подобро да се спречи отколку да се лечи. Во твојот случај според мене не можеш ни да излечиш. Тој сега не те почитува како негова девојка ,па сигурно нема ни како негова жена. Мојата пријателка за жал не послуша ниеден совет и многу касно ги отвори очите. Сега е во брак со маж кој ја игнорира неа, па и нејзината фамилија ,се однесува како тие да не постојат ,важни се само тој и неговите. Те молам немој да се лажеш дека ќе се промени. Штом дошло до тој степен да те навредува со такви погрдни зборови не ми е навистина јасно што уште бараш со него. Девојките треба да бидат сакани и почитувани ,нормално земајќи во предвид дека го заслужуваат тоа. Имаш 26 години,млада си и имаш време. Докажи му дека заслужуваш подобро од таков како него,а тоа сигурно нема да го докажеш ако останеш покрај него.
Поздрав

 

Да и во мојот случај е така, тој може да излегува кај сака а јас никако.И добро се сложив на се, не ми е криво но барем да го ценеше тоа.Само сакам да прашам дали мислите дали ме сака сеуште, зошто сега само лошо се однесува најчесто.

 

@my heart cry Немој повеќе да се измачуваш и напразно да си даваш лажна надеж дека тој ќе се промени, тој ако за овие години не се променил нема ни да се промени. Неговото однесување е толку страмно и бедно што не му одговара на годините што ги има. Тој ако сега те вреѓа, понижува, измачува и не ти дозволува да излегуваш замисли како би било ако во иднина си во брак со него. Немој да мислиш дека ако го оставиш после 7 години врска дека твојот живот ќе застане, има луѓе кој оставиле партнер после 20 години брак па сепак продолжиле до својот живот и се среќн . Животот е пред тебе ќе си најдеш човек кој искрено ќе те цени и заедно со тебе ќе се радува на твоите успеси. Се надевам дека советите кој ти ги даваме со феминките ќе ги прифатиш. Поздрав

 

НЕ тој не те сака а и не е способен да сака. Тој сака да те поседува исто како што јас сакам да ги поседувам сите бутици.
Читам погоре си пишала дека не сакаш да го изгубиш и дека веќе ти е касно за да почнеш одново и дека тој ти ги изгубил најубавите години.
Е сега читај добро.

Ваков кретен треба да го шутнеш најбрзо што можеш, без око да ти трепне. И откако ќе го шутнеш, да си се почастиш со најдобриот пар чевли, најдобрата маичка и најдобрата шминка која одамна ја посакуваш, а која тој ти ја забранил ( иако ова ти не го кажа, ама знам дека ти се меша и за облекувањето и шминката, а најверојатно и за исхраната).

За почнување одново, секогаш е добро време, па имала ти и 50 години. Жени се разведуваат со по 2-3 деца, па одново си ја најдуваат среќата. Кога нема да бидеш со клетников и кога ќе се опуштиш, ќе сфатиш дека светот е убав и дека надвор суште има добри МАЖИ кои можеш да ги бираш.

И како како рече, тој ти ги изгубил најубавите години? НЕ. Ти му го дозволи тоа од сам почеток. Лесно си манипулативна и немаш свое јас. Не си стабилна и си себична. Јас мила не галам и мазам, туку плескам тоа што го мислам, па колку и да те боли, пошто си доволно возрасна. Ти сама си дозволи тој да ти го прави се тоа, ти сама си дозволи да си ги изгубиш пријателите, ти сама дозволи да му станеш роб.

Сега почни од ново. Почни од обновување на пријателствата или започни нови, за да можеш да имаш поддршка и потпора од нив. Биди почесто со семејството и почни да излегуваш надвор и да се замешаш со светот. Само така брзо ќе преболиш и само така ќе се вратиш во колосек.

Ова кретенчево твое има најниска самодоверба и за тоа сака да те скрши и тебе иако е свесен дека на многу полиња си подобра од него. НЕ ТИ ТРЕБА ТЕБЕ РОБОВЛАДЕТЕЛ кој те турка на дното туку ти треба маж кој ќе чекори заедно со тебе кон врвот.

Секој почеток е тежок. Луѓето не ги сакаат промените, но некои промени се добродојдени за нас. Пресечи ја оваа работа дека тој нема да се смени. Пресечи ја сега, за да не биде утре доцна.

 

Сум измешала советот се однесуше за @my heart cry :
типот си пати од ниска самодоверба и неговите набиени комплекси од денот на раѓање досега ги лечи врз тебе.Што си ти?Марама за плунка? стависи го прстот на глава и нека ти текне дека си човечко суштество,кое некој се измачил да го израсне во 26 годишна жена, дека и ти имаш потреба за внимание и нежност.Достоинството и карактерот никој не ни ги дал сами си ги градиме време е да се тргнеш од овој сељак кој те уништува само за да си го наполни егото и да започнеш да ЖИВЕЕШ.Сега е тешко но никако не смееш да се предадеш погледнисе во огледало видија таа девојка неа и треба да и надокнадиш за овие изгубени години и неа и должиш љубов од твоја страна и достоинство.Со среќа

 

Повеќе би рекла дека е со тебе ради навика. Љубовта веќе избледела, зашто нема тука љубов ако се се сведува на префлрање, забрани, омраза....И мојот бивши откако раскинав ме молеше дека ќе се променел, но му реков дека е џабе кога не ме сака. Верувај посреќна сум и животот ми тргна по нагорна линија откако се отарасив од таа врска, но и тебе гледам не ти оди лошо во животот (освен врската), и бидејќи си самостална, свои пари, добра работа...неможе да ти биде лошо. Ќе шеташ, ќе запознаваш нови луѓе, ќе најдеш и нова љубов
За почеток ги имаш колешките од работа да излезеш, но не е грешка и да се јавиш на некоја другарка од минатото.

 

Ве читам сите и ви се дивам.Навистина и така треба но ете веќе не сум силна.И на работа и кај и да сум ете, ми се чини и на,најубавата забава да сум се паметот таму кај него ќе ми е, едноствно што и да правам се деконцентрирам и на раб. се мислам како ме наведувал, што било, дека јас сум виновна.Знам се,знам но на срце неможеш да наредиш те боли тоа.Некој спомна погоре за шминка, облека(едноставно ме прочита меѓу редови), така е не ми дозволува да се дотерам како што треба,кога се нашминкам ми вели дека јас се шминкам заради што не сум убава, на секој дел од телото ми наоѓа замерка, та незнам што више.Мене тоа ме боли, јас не сум совршена, никој не е.Исто чудно што ми се случува сакам да напоменам кога е со мене, еве поточно ќе прецизирам станува збор кога имаме односи, не чуствувам никакво заладување, дури мислам дека и повеќе го привлекувам.А јас како женско некогаш ќе одбијам да имаме и тој ми вели тогаш дека така правам зошто имам друг и почнуваат навредите дека сум курва, дека сум се гледала со други, дека он не ме привлекувал...Извинете што лонкретно ви го спомнав и ова, немојте да ме осудувате, јас сум само девојка која беше започнала врска со нормален човек кој сакаше брак, ме сакаше, а сега како да сум некоја тежина врз него.

 

Единствена твоја вина е што си му допуштила до тој степен да раководи со тебе,и што си направила работи што никогаш не би требало да ги направиш.Верувај онаа вистинската љубов не бара вакви жртви и не трпи вакви навреди.Сите ние знаеме дека е тешко после толку години поминати во врска со еден,мораш сама да се избориш со тоа.Еве кога ќе ти текне на него,веднаш помисли на лошите работи кои ти ги кажувал,или ги правел.Напиши ги на лист сите негови добри страни и лоши страни,самата ќе увидиш што преовладува.И за крај те молам не се залажувај,ова не е љубов,колку и да те боли да ги читаш овие работи,единствено се што кажуваш за твојата ситуација,укажува на тоа дека тој не е маж со квалитетни вредности и дека тој не умее да сака(можеби на времето знаел,ама веќе не).Искрено ти посакувам да излезеш од оваа ситуација,и да го пронајдеш твојот пат до среќата.

 

Баш ме интересира зошто си со него? Наведи ми неколку добри причини, ако ги има.
Не гледам ништо добро за тебе од таа врска и од тој човек.

 

Незнам добри работи во последниот период што да наведам, навистина.Се сеќавам само на почетокот.Сега кога му одговара ме чува, кога не, не сум битна.Го сакам како што ги сакам моите родители.Немам браќа и сестри.Татко ми беше болен многу, среќа сега е добар тогаш тој мн ми даваше сила во тој период, бев скршена.Ме разбираше, ми помагаше.Сето ова го зборувам во минато зошто сега само кога му е ќеф, кога му идам по газот и тој е ок, ако не веднаш ме игнорира.

 

Епа го имаш одговорот тука, дека е редно време да ставиш крај на овој твој пекол.
А да не зборуваме за другите лоши работи што ти ги прави, мислам дека самата си свесна за тоа. Во една врска освен љубов потребно е да има и почит, разбирање, доверба, среќа... за да успее, т.е. да биде нешто што те исполнува.

 

знам, еве сите ми го потврдија истото.Само проблемот е како тоа да го пребродам, мн емотивна и нестабилна личност сум..Немам волја ни за излегување, ни за нова врска воопшто неможам да замислам друг.Ништо едно време така сама ќе гледам да се воздржувам колку и да боли.Велат времето лечи се,ќе чекам дали ќе ми биде подобро.Само овие денови ќе зберам храброст да кажам дека прекинувам.Незнам полесно ќе ми биде тој да ми го каже тоа, јас ќе умирам ако го побарам тоа знам и од самата помисла се заледувам.Ви благодарам за советите, ќе ве известам за извесно времешто било.Поздрав до сите, супер друштво сте, прекрасни и силни.

 

Ах, верувај друго е кога на некој му даваш совет, а друго е кога сам треба да направиш нешто. Само, и самата знаеш дека тоа ќе биде најдобро за тебе, па мораш да собереш храброст и да издржиш. Ќе ти олесни верувај. А во иднина, кога ќе имаш некој добар човек покрај себе, тогаш ќе се навраќаш на ова и ќе се чудиш, што си мислела. Некое време посвети се на работата, и унапредувај се самата. Потоши некој денар на нова облека и нови шминки, поуживај малку и не ги жали парите. Излези со некоја другарка, или еве роднина со деца, однесете ги во зоолошка. Разгали се малку, заборави на се, заслужуваш.
Секое добро и чекаме добри вести

 

Да мила го знаев тоа, па ти го споменав. Ова што го пишуваш го проживеа мојата најблика другарка. За жал не е веќе на овој свет. Во понеделник прави две год како ја нема.
Нејзиниот покрај се ова што ти го наброја, еднаш и рекол цитирам: Девојка ми или жена ми не смее да прди, дека ако ја слушнам одма ќе ја оставам.

Сега дозволи ми да ти објаснам како ќе ти се одвива животот:

Ќе помине уште малку време додека сте во вркса и тој ќе си продолжи со истово.Неговите од дома ќе го напнат да се ожени и ете сте вие во брак. Ќе бидеш бремена и постојано напаѓана како детето можеби не е негово. Ке ринташ ко стока и тој пак нема да биде задоволен. Ќе сакаш на тераса да излезеш или во продавница да одиш, па ќе мораш само трењерки да носиш и нема да смееш 1 мин да доцниш, зошто нели трудните не скитаат. Полека полека почни да забораваш на твоето семејство и твојата фамилија. Ти ќе јадеш ќотек ако пиеш кафе со братучед ти. Ако некој ти дојде на гости, тој ќе мора се да знае за што се зборува. Никој од твоето друштво и од твоја фамилија нема да биде доволно паметен, пошто тој и неговите ќе бидат најпаметни. Ти најверојатно ќе седиш дома со неговата мама, а тој слободно ќе си скита трошејки ја твојата плата. Рачунај и дека бебето “ќе може да биде“ од шефот, колегата, таксистот и бившиот твој од 6то одд.
Редовно ке бидеш млатена, а ретко ќе ти биде дозволено да дремнеш преку ден. Ќе бидеш постојано на таблети и ќе имаш страшно нервозно дете. Ручек никако не смее да нема, а недај Боже да загорел или да не му е по кејф. Тогаш ќе си го добиеш јако. И така ќе поминува времето а ти ќе се изгубиш и ќе попукаш. Не дај Боже и полошо ќе дочекаш.
Е сега мила на тебе останува која сакаш да бидеш. Дали мојата другарка или јака и силна жена, кој животот го зела во свои раце и не дозволува да биде газена.