Ми треба совет и мислење

Девојки,
сакам накратко да ви ја раскажам својата приказна и да добијам искрен совет и мислење. Со дечко ми одам веќе 5 години. И во овие години буквално паднав во голема депресија. Си го запустив животот и факултетот немам многу пријатели , машко не смеам да погледнам а не пак муабет да направам. Постојано плачев се затворав во мене, ослабев многу. Дечко ми уште на почеток почна да ми забранува да се гледам со машки, почна да ми наредува кој и што да имам на фб, со кого смеам да излезам, да не смеам да објавувам слики по социјални мрежи кај што сум сама, туку само со него. Секогаш успеваше да ме убеди во тоа со плачење, демек он многу ме сакал. Сите блиски околу мене ми зборуваа дека ме вара и ме прави лом, ама јас бев заслепена. Се до летото другарките (оние што ми останаа) малку ме свестија, тогаш почнав да излегувам да се забавувам без да ми трепне око се подобрив значително на факултет и тој фраерот наеднаш се смени. Во тој период бакнав друго машко и не можев да си простам себе си дека сум го изварала мојот „прекрасен“ дечко. Сега пред два дена дечко ми ме викна на муабет ми вика дека сака искрено да ми каже што ми правел во минатото. Ми кажа дека се смувал со две девојки (наводно тука застанало), а многу други 5-6 девојки сакал да ги легне и постојано пишувал со нив на viber, тие го одбивале, но призна дека доколку некоја прифатела сигурно го правел тоа. Искрено тој секогаш ми го проверуваше телефонот, но јас не сум таков карактер, не сакам да контролирам никој и ништо, затоа тој си имал слобода да го прави тоа. Mи кажа дека нон-стоп излегувал скришно навечер и дека се пијанел и правел глупости, се изедовв жива бидејќи додека јас плачев дома му пишував убавии романтични поракии тој ми правел страшни работи зад грб. Му кажав и јас за летната авантура и замислете ме направи мене дека јас сум правела пострашни работи од него. Ми ррече дека на тој што сум го бакнала ќе му го згорчел животот ќе го направел да зажали итн. Ми кажа дека сите негови другари знаеле што ми прави дека ме вара и трча по други (а еј замислете и со тие негови другари 5 години се знам и заедно излегуваме, за што ме сметале тие не можам да си поверувам..) Кога го прашав зошто ми го кажува сето ова, ми кажа дека бил сменет и дека сакал да почне нова врска со мене. Искрена без никакви лаги и скриени намери. Наводно јас сум била вистинскаата со мене сакал да го помине животот, дека му поминале тие периоди и сега е нов сменет човек. Сакал да ги заборави тие периоди и повеќе да не погледне друга. Што мислите дали треба да му верувамм или да бегамм што подалеку од него.? Што мислите зошто ми го кажа сето тоа, плачеше дури зборуваше и се колнеше дека се сменил?? АМА ЗОШТО го направи тоа и зошто сега?? BTW пробав да му раскинам, меѓутоа плачеше и не си заминуваше од мојот стан додека не му се смирив. Затоа ако ми кажете да бегам и да му раскинам дајте предлог и како зашо тојј не прифаќа не за одговор. Ве молам за помош

 

Прво сакам да те прашам дали ти се почитуваш себеси девојче? Ако е да ,тогаш колку имаш почит кон себе?
Освести се,треба да знаеш дека има доста глумци,ако машко плаче за тебе не значи дека вистински те сака ,а тебе тоа веќе вајда и ти е јасно со оглед на тоа што ти правел.
Ти не си негов роб па да ти наредува што и како ама тоа е - ти си дозволила.Жал ми е за 5те така поминати години и јас мислам дека е време да покажеш една друга ТИ.Ќе му објасниш на типот дека е време за некој што ќе знае да те почитува и дека е време да го смениш.Кажи му дека он губи,а не ти.И на крај ќе го натераш и да се извини,затоа што тоа ти го должи.И ќе прифати и НЕ како одговор,а ќе бареа ДА од тие што сакал да ги легне ,не од тебе. Пиши што си направила.

 

Искрено не се почитував пред некое време. Но сега нешто кликна во мене се смени.. и затоа сакам да ставам крај. само сакав да побарам и други мислења да ја анализираат ситуцијава и да ми помогнат како да прекинам со дечко ми. Бидејќи верувај ми многу пати имам пробано. Се дешавало по цела вечер да плаче пред мојот стан на -10 додека не го пуштам внатре. Затоа и ми треба помош. Фала ти многу за советов немаш појма колку ми помага да слушнам нешто вакво од личност што ја гледа ситуацијата од страна. Ќе пишам се како ќе се одвива. Ако има нешто страшно ќе пишам пак. Имам 21 год сакам да си го средам животот дури можам. ПС се плашам од него пошо неколку пати бил агресивен со мене .....

 

Ќе му раскинеш преку порака, ако чека пред стан ќе го пријавиш во полиција. Верувам дека може и после тоа да ти досаѓа некое време, ама ќе се откаже ако го заплашиш со полиција или татко ти, братучед некој и слично. Мило ми е што ти дошол памет, и што си решила да се тргнеш од такво ѓубре. Немам потреба повеќе да зборам зошто верувам дека и сама знаеш каков е.Избриши го од секаде, блокирај му го бројот, и никаков контакт со него, па макар и да плаче и да моли на -110. Ти посакувам среќа, и пиши ни што направи.

 

Iskreno smetam deka treba da svrtis drug list i toa bel cist iskren zavrsi so minatoto i taa edna dve nebile edna dve a i sto e bitno kolku bile istoto vazi i za tebe. Onoj moment koga ke pomines nok so nekoj drig veke nisto ne e isto. Ednas dvepati ili stopati imalo a i ke ima ona nesto sto ke fali. I eve ti situacija vo brak ti doma so deca kuka i se ostanato i nemas zivot zatoa sto se ti brani a toj setanje drusvo i pak ke najde nekoja za provod. Koj e toj tolku sto te saka a pominal sito i reseto zosto ti zabranuval se ...... Za da je doznaes nisto. I edno svati masko nikogas nema da izdade masko se krijat i se pokrivaat za se sto ne e slucaj i kaj zenskite. Taka da mojot sovet go dobi uste vednas pocni si nov iskren i sreken zivot

 

Хммм, си имаме работа со психопатче... Праел што праел, го мавнало у глава, признал, тебе за еден бакнеж те направил бетер, ама решена си да ставиш крај само сега е прашање како да го откачиш? Прво, блокирај го секаде. Буквално секаде. Ако ти иде дома, клуч на врата. И кажи дома, брат, братучед, близок пријател, другар, за ваквите мора да имаш грб. Другарите батали му ги, не ги фермај. На кретенов стави му на ум дека не му простуваш и џабе е што ти симнува ѕвезди месечини, веќе усрал, а таков не се менува. Штом е напорен кажи му дека ќе го пријавиш во полиција па ако треба и стварно пријави го. Снимај го кога ти се заканува и ќе имаш црно на бело. Покажи заби, немој да му се плашиш. Ништо не губиш, само ќе добиеш. (слобода, среќа, а понатаму вистинска љубов која нема да ти прави вакви циркузи во животот). Секое добро.

 

Ви благодарам девојки во моментов ми треба вакво нешто и некој да ми ја лрене самодовербата. Инаку стварно не знам како да прекинам се. Тој е ЛУД буквално. Татко му е ЈАК човек во градов и само се заканува со негоо.. Дека ќе досадува знам. СОБИРАМ храброст и смислувам план како да направам да е најбезболно и најсигурно за мене а за него не ми е гајле... Само не сакам после тоа да направам големи проблеми е тоа ме мачи...

 

Епа ќе се заканиш со тоа дека ако не те остави на раат сите ќе дознаат за синчето на „јакиот“ човек дека е покварен, дека малтретира женски и слично, татко му сигурно не го сака тоа. Ама ова во краен случај.

 

Како прво МНОГУ ДОБРО штом си се освестила после 5 години, колку се толку битно паметот ти дошол и ова е голем плус за разлика од останатите патешествија.

Како второ, раскини му по порака или телефон, не мора да се мачиш да му објаснуваш "во живо" не треба и не смееш да си го трошиш повеќе времето за да му се објаснуваш нему и да му правиш анализи или пак отчети да му даваш, не си должна. Ако решил да седи долу нека седи ич да не ти е гајле, ќе поседи ќе си отиде, ако решил да се заканува заканувај се и ти дека ќе го пријавиш во полиција и дека треба да свати дека не го сакаш во твојот живот, пробај и да играш политички и кажи му дали нему не му е срам вака како некоја стока да седи и да те моли, речи му дека има време млад е згоден ќе си најде друга, подобра.. е баш со такви зборови сожалалувај му се до бескрај и ќе видиш реакција отпосле, кажи му дека е жален.. дека го жалиш, да не си го троши времето со тебе, ако треба и лажи премини и на подрастични муабети со цел да свати.

Како трето.. не знам зошто толку време живееш во некаква заблуда и терор од човек кој е посесивен и ненормален, денес ова утре може и полошо да те снајде, бегај подалеку од такви таткови синови и мамини мази, од такви разгалени и недозреани за да отпосле не ти биде касно.. млада си и животот е пред тебе ќе имаш многу љубови верувај, ќе имаш и човек кој заслужува да те има покрај себе, не си го губи времето и не се мачи со ваков човек.

Направи се што е потребно, ако треба раскажи и на родителите па тие ќе ти помогнат околу ситуацијата најдобро, бидејки претпоставувам дека знаат за вас, прави што ќе правиш и бегај подалеку од него.

 

има некој слободна за мислење ? фала

 

Да, сите знаат за нас... тоа е последица од долга врска..... Сега му пишав дека е крај. Се закани дека на мојата најдобра пријателка ќе и ја расипе врската и дека ќе каже на нејзиниот дечко дека таа го варала. Се закани дека ќе направел големи скандали и сите ќе дознаеле кој е тој. Што да правам??? Ќе ја изгубам другарката ради негоо.. И се јавив нејзе се и кажав и таа се исплаши многу.. Не знам веќе ова е премногу за мене... Сакам само да избегам од него а не знам како...

 

Чувај ги сите пораки од него. Покажете му ја пораката негова на дечкото де. Што е тука тешко. Ако она не го варала како ќе им ја расипе врската.
Боже какви лудаци има! И после како да бидеш во врска со ваков..
Кажи му на татко ти дека ти се заканува. Иако ова треба да биде меѓу вас, ама ако он е ваков ненормален, на крај нека му се јави татко ти и нека му каже да те остави на мира или ќе го пријавите во полиција.
Ќе се откаже на крај. Сите овие се откажуваат после некое време. Само за жал ке потрае... Ќе си најде после нова жртва.

 

Мило девојче не се нервирај и не плачи, не вреди верувај на крај јас сум сигурна дека се ќе заврши добро. Штом ситуацијава дошла до тука не чекај и веднаш кажи им на родителите се им објасни па тие нека го контактираат него а ако е потребно и неговите родители само така можеш да ја смириш ситуацијава, нека се вмешаат тие не оставај ти да го решаваш ова бидејки може и поголемо да бидне. Во случај за другаркати чувај ги пораките и покажи ги на нејзиниот дечко, набрзо се ќе се расветли и сите ќе го дознаат каков психопат е.
Не си го загорчувај животот ради стравот и заканувањата биди силна и оди до крај.

 

Те разбирам.И јас кога сакав да прекинам со бившиот беше агресивен исто така не прифаќаше НЕ како одговор.Му реков нема да сме заедно не може повеќе и на тоа тој се дереше и ми викаше "'ќе бидеш со мене,мораш да бидеш со мене, јасно ли ти е ?" и така натака.Му реков дај ми време да размислам и ќе се видиме за 2 саата , само остави ме да размислам.Едвај излезе од станот ипосле преку телефон му раскинав и му реков тоа е тоа.Некако се разбра и не ми се појави оттогаш.Пробај некако ама постави се серизоно и биди строга.Кажи дека не си иста.

 

Направи принт скрин на пораките и чувај ги како доказ во случај да продолжи да те малтретира.Закани му се дека ќе го пријавиш во полиција.Покажи му ги пораките на татко ти или на некој постар роднина.Ако тој е син на јак човек во градот како што викаш и ти не си улица најдена, девојче драго.Сметам дека на никој нема да му е драго вака некој да му се изживљава врз детето.
Верувам дека ваквите закани се само празна слама, а неговата агресивност се должи на тоа што конечно си покажала свое јас и не си му веќе потчинета како-што каже тој, тоа правиш.Ги губи конците од рака, а научен е на друг однос од твоја страна и тоа резултира со закани и ниски ударци.
Иако сега си ранлива после раскинување, што е нормално сепак пет години си вложувала во таа врска, сега е правото време да покажеш сила и да прекинеш секаков контакт со него.Блокирај го на сите социјални мрежи и не одговарај на пораките.И пак ќе се повторам: дали татко ти или некој постар роднина, братучед/чичко на кого му веруваш нека разговора со него сериозно, да те остави на мира.
Следна инстанца-полиција.Не си ти должна да трпиш нечии фрустрации, па кој сака нека е.
Среќно на факултетот и понатаму во животот.

 

Не си единствена,сите се затрескуваме така,Едноставно продолжи си како што ти било пред 8-9 месеци.НА секоја од нас ќе дојдат нашите 5 минути,ама ќе траат 10Не се замарај,од искуство ти кажувам,кога најмалце очекуваш тоаш ќе се појави некој

 

@Shlag-so-jagodi Никогаш не е доцна да се стави крај на деструктивна врска кога проработил факторот на освестување. Тоа што било заборави го и размислувај за понатаму. Ништо не си изгубила и пропуштила. Со посесивна личност си поминала 5 години и позитивно е тоа што си одлучна да заминеш. Во спротивно ќе навлезеш во некој лавиринт и сите негови барања за простување ќе значат нов почеток на психички терор и измачување што не ти е поотребно. Биди децидна во одлуката, најпрво почни да го избегнуваш, а потоа соопшти му низ порака. Игнорирај ги неговите повици, закани и уцени. Тоа се обиди за да потклекнеш на неговото наводно покајување. Ако и на тој начин не можеш да се справиш, побарај помош од твоите родители, па и од органите на безбедноста доколку ситуацијата се развива во таа насока.

 

Па скратив колку што можев.. хехех мојата приказна е долга и тажна Искрено не знам и јас. Многу слаб карактер сум луѓето често ме манипулираат па така и тој знаеше кои ми се слаби точки, како да постапи со мене кога сум најслаба, како да ме придобие и сл. Тој не сака да раскине со мене на никаков можен начин колку повеќе се оддалечувам од него толку повеќе тојј не ме остава на мир. Веќе го исконтактирав преку порака сега е на ред ОПЦИЈА1.

 

Ти благодарам многу .. Веќе ги исконтактирав моите дома не им се веруваше, зашо немате видено таков глумец. Пред моите беше светец на мравка не газеше, прав господин, прав глумец, моите се шокираа кога им ја кажав вистината. Ама крај мораше да биде. Учете од мене девојки, бегајте од агресивни манипулатори и дечковци што сакаат да ве контролираат. На почеток тоа ќе ви изгледа слатко, но сето тоа е само замка. 5 години оставија големи траги врз мене и моето нејжно срце...