Ми треба совет и мислење

Да сам мушко била би без мане

 

Страшно, човек да не знае дали е комплимент или што е .... ај, на нет ами во реалноста ... страшно ... ее маж да бев други убавини немаше да осетам, добро е што сум жена

 

Па според последните мислења што ги прочитав тешко да познаеш што е. Башка не сум кај нејзе на кафе па да знам. На крајот на краиштата тоа баш и не се однесуваше директно за нејзе туку беше општо кажано.

 

Не е проблем, размислувањето како маж некогаш има предност, едно 2 чекора си пред нив најмалку, а некогаш и вака, оставаш погрешен впечаток, уживај, ОК е.

 

@MiloMalo, ќе ти го пишам мојот став за оваа работа, што не значи дека сум во право но така функционирам- не толерирам блиски другарки, не толерирам легнување на телефон со саати, не толерирам пишување реферати на фб а особено нема шанси да преќутам искачање на само! Еднаш поштено се имам изгорено вака со заедничка „другарка“ и никогаш повеќе. Не дека тој ќе ме изневери (да сака, јас и онака нема да дознаам) ама моментот што некоја таму намерно ме прави будала и ми се сити (зошто е свесна дека ако јас изреагирам автоматски испаѓам љубоморна и шлакната) страшно ме иритира. Откако убаво си искинав нерви во таа врска, сама на себе си се зареков дека дечко со „блиски другарки“ повеќе не доаѓа во предвид! Која има нерви да гледа како врз дечко и се беси некоја цуца која (цитирам) „никој не ја разбира како тој“, слободно, ама јас не можам!

Во твојот случај, особено бидејќи станува збор за врска на далечина, каде довербата е најважен фактор, тој би требало да намали на дружба со неа, особено бидејќи знае дека тебе тоа ти смета. И не само тоа, бидејќи од километар и се јасни намерите, не само тебе, туку и на него самиот би требало да му смета тоа нејзино невкусно однесување. Две-три реченици се доволни: „Имам девојка, зошто пред неа ме викаш на само? Зарем сакаш да ми направиш проблеми со врската? Те молам, немој тоа да го правиш во иднина, ми смета!“ Е сега, прашањето е дали тој сака да го прекине таквиот однос со неа...

Што да ти кажам друго освен верувај и на интуицијата! Ако нешто од внатре ти вели дека има нешто меѓу нив двајца, веројатно и има

 

Или има некој психички проблем или сака да те остави.

 

Разговаравме Овојпат објаснив убаво, се сложи со мене, за се. Но кога ми кажа некои работи кои искрено не ги очекував мислам дека успеа да ми ја затне устата за навек, барем на таа тема. Не можам да истакнам јавно што точно се случи, дури ми навреа солзи, а тие околу што видоа се изненадени и тоа премногу, еве и сега се ежам додека пишувам. Дури и другарката изреагира, покажа внимание конечно, осет барем малку, толку и барав... Инаку многу е кроток е по природа, не е кавгаџија, не е женкар далеку е од се тоа и затоа не можам да го рамнам со некој бивш или некој друг кој и те како би злоупотребил ваква моја реакција па може и да ми се издере и толку да биде. Не е таков калибар затоа.. Тука јас сум многу поизбувлива и искрено досега никој не успеал вака да ме избалансира и да покаже разбирање притоа, да не ме напаѓа или вреѓа што реагирам туку цело време со културно и кротко да се реши било што... На таа девојка не ни помислувам веќе, искрено. Испадна дека порано биле блиски цело друштво и се гледале почесто но сега тоа сведено на минимум, секој по свој пат свои обврски, различни смени различни друштва, па се случувало као да се сретнат еднаш во неколку месеци.. ова девојчиња блиски ми го кажаа, но плус ми помогна тоа што увидов (лично) дека со цело друштво па и пошироко таа си е таква природно, буквално, само културата да и беше подобра ќе знаеше дека така не е убаво така а и него го ставаше во незгодно, не само него туку и другите другари што си имаат девојки.. Фактот што тој сам ми кажуваше отворено секогаш кога ќе му пише или ќе се сретнат, не само со нејзе туку општо, е голем плус, иако не го барам тоа од него но ете, обзирен е. Посебно сега на последниот муабет увиде дека сум малку посериозна околу тоа и ми значи тоа што не остави така туку ми покажа дека нему мојот внатрешен мир му значи многу повеќе отколку што мислев, разбирањето на целата ситуација и тоа што на крај сепак ме сфати и одма си презема мерки...
Го женам готово, сите сте канети

 

@Manchy ти го зафркаваш тој се лути и ти раскинува... и двајцата се однесувате со извинување како малите деца. Си ја расипувате врската со глупости. Дечко ти оЧигледно е тип што не сака многу зафрканции, па зошто му праиш ако нештому смета ... Можеби му дошло на човекот преку глава од многу зафрканции па решил да стави КРАЈ Остај го нека се лути па после кога ќе му помине и ќе те побара пак тогаш па ти стави КРАЈ,
Ах бре деца...

 

Имам дечко со кој идам година и 3 месеци.кога се фативме тука тој период брзо имаше раскинато со бившата он,а исто и јас со бившиот. После некое време мене бившиот ми пишуваше јас воопшто не му враќав од причина што веќе сум ставила крај на таа врска,а и сум влегла во нова и не сакам да ги повредам чуствата на партнерот.Меѓутоа на почетокот воопшто не чуствував страв од неговата бивша девојка се додека пред некое време видов дека ни лајкнала наша слика на фб.Разговарав со партнерот што се случило ми рече ме адна она,ја прифатив,ја лајкна нашата слика и ја избришав.Немам многу доверба во него,незнам ни дали ова навистина што го кажува е точно,меѓутоа се налутив зошто ја прифатил.Разговарав со него дали му е расчистено,рече да расчистено ми е со неа,но сепак ме копка нешто,сакам да дознаам дали е во контакт со неа,некако во последно време му е и сменето и однесувањето спрема мене.Дали би постоел некој начин да дознаам дали тој е заинтересиран за неа и која и е финтата што лајкува така слики...ве молам за совет

 

Mnogu jasno, ne treba da baras nacini za da doznaes dali e toj zainteresiran za nea, ova se kazuva i potvrduva, deckoti ako nesakal komunikacija so bivsata nemal da stanel prijatel na fb so bivsata, pri toa ima devojka

 

Финтата што ви лајкнува слики е баш оваа да створи недоверба во него од твоја страна. Има начини да дознаеш многу просто види му го инбоксот, повиците во телефонот, пораките доколку сакаш да си ја упропастиш врската копај сегде кај што можеш - сигурно ќе најдеш нешто! Мој совет убиј го црвот на сомнежот, разговарај пак и пак и пак со него. Кажи му отворено дека ти е сумљива работата, расчистете со разговор.

 

Здраво, ми треба совет на една тема поврзана со другарство.
Имам другарка со која скоро 12 години се дружиме. Од мали нози сме заедно, заедно во клупа седевме, буквално како сестри, иако имаше еден период кога се одалечивме поради мои лични проблеми ама можам да кажам дека бевме добри или јас така си мислам.
Скоро сфатив дека другарка ми всушност изгледа не ми е другарка. Кога и да излеземе, да започнеме некоја тема за факултет, работа, љубов и се тоа на приватен план приметувам доза љубомора кај нејзе. Како да ми е љубоморна само не можам да сфатам точно на што. Кога и да разбере дека со дечко ми сме биле на водно, во друг град на прошетка, сме посетиле некое место, сме излегле некаде ја забележувам веднаш како го менува изразот на лицето, како да и е криво за нешто. Кога и кажав што факултет сакам да се запишам, излезе дека и таа истото ќе се запишела како мене. Кога и кажав дека летото 2 месеци каде планирам да работам за пари за одмор да си соберам, излезе дека и таа сакала по мене. Што и да кажам како едно таа буквално ме копира. На фејсбук истити луѓе со кои комуницирам виртуелно и ми коментираат на слики и таа ги додала за пријатели ама океј е мене не ми пречи. Кога пред нејзе ќе ми се јави некој или некоја друга другарка да ме праша/каже нешто таа веднаш се распрашува што е работата, сака се да разбере.
Во последно време приметив дека почна и индиректно да ми префрла и како да сака да ми се потсмева или да ме понижи, не знам како да го објаснам тоа. Кога и да се обидам да разговарам со нејзе дека сме другарки и дека не е убаво да се однесува така таа веднаш се мурти или со потсмевање ќе одговори "ее како не" или "ее нема што", некои такви иритантни одговори. Има некоја болна потреба да привлече внимание и да се допадне секому, а не знае дека изгледа смешно.
И не ова не е од денес, сакам да се одалечам од нејзе ама немам идеја како се влечка каде стигне по мене. Сакам индиректно пополека да се тргнам од нејзе и контактите да ги сведиме на минимум.

 

Сум била во иста ситуација... или најди некоја причина со која ќе можеш да се тргниш или постепено не излегувај, не ѕвони, не и пиши. Во мојата ситуација морав со првата опција
Многу пати исто како тебе, сум рекла ... ајде не е толку страшно ХХ години сме се дружеле, не можи дотолку да е некој твој непријател. Верувај, се лажиш. Се чудам како не пробува да ти го укради дечко ти

 

Се ти е, само другарка не! Најдобра пак ич.
Истиов случај до сега ме снашол да не те лажам едно 3-4 пати.
И тие личности всушност ми биле ништо друго, туку најголеми непријатели! Долго ми требаше да го разберам тоа. Фала богу, па и навреме сум разбрала.
Чувај се и бегај од таквите за да не патиш во иднина.

 

Што би кажале кога имате почеток со некој со кој работите одат добро во текот на запознавањето, но тој е несериозен и разговарајќи одлучувате да останете другари за да јас лично не бидам повредена, но со тек на време ( целата ситуација трае 9 месеци )тоа преминува во секојдневна блискост, бакнежи, поврзаност,нежност, споделување на тајни, ставови како тој мене ме цени итн.според мене неофицијализирана врска, за потоа кога реагирам дека не сакам еден ден да бидам другарка друг ден повеќе од тоа и пак обратно да ми биде кажано дека јас не ги разбирам работите, дека бакнувањето не е ништо за тип како него, неговиот однос бил другарски!?

На прашањето што според тебе означува нешто повеќе од другарство добив одговор ни јас незнам. Се соочувам со дилема дали 21 годишен човек е можно да ги има овие ставови или па позадината е друга.

Не се чувствувам како да имам вина но очигледно ми е префрлена бидејќи од почеток ми било кажано дека е несериозен па се што сум дозволила да се случи е моја грешка и тоа е тешко да се прифати со оглед на тоа што односот кој во меѓувреме го имавме беше коректен и прилично сериозен за тип каков што тој се претстави на почеток и токму затоа дозволив да преминам граница на другарство.

 

Јас сум out of the dating/going out game веќе неколку години. Еден дечко ме додаде на фб пред 7-8 месеци, и цело време до сега повремено си лајкнуваме постови и тоа е тоа. Не сме збореле, ништо. Синоќа ми пиша дали сакам да излеземе денес и тоа на конкретно место. Не бев во можност, па му одложив, но искрено некако и не ми се излегува додека не позбориме барем малку. Имам мои луѓе што го знаат, можам да се распрашам. Прашањето ми е, дали сум јас престарела па се чудам како така ме вика ни ме знае ни ме познава и како да му кажам дека сакам малце подобро да се запознаеме онлајн, па после евентуално би искочила...?

 

@Possibility, тој ти кажал уште од самиот почеток дека не сака врска додека ти ми мислела дека преку тинтрање ќе му ги „отвориш очите“ колку ти си супер и следствено тој ќе се заљуби бо тебе. Тој си го добил тоа што го сакал (интимност и нежност) без притоа да ги сноси одговорностите кои со себе ги носи врската а ти сега ќе лечиш скршено срце. И реално, немаш право да се лутиш- од почеток ти нагласил дека не сака врска. Време е да му кажеш „чао“ и да си најдеш нормален дечко кој знае што сака.

@littleflower, јас би ти рекла излези и испиј едно кафе со ликот. Виртуелно повеќето се фини и културни ама кога ќе ги запознаеш во живо, многу често впечатокот се менува. Пример, џабе ако сакате исти филмови и музика кога тој не се истуширал од пред Нова Година или со поглед ги соблекува сите девојчиња во кафичот или постојано те прекинува насред реченица итн.

 

Епа вака.. се работи за врска долга нешто повеќе од 5 години. Триста проблеми имавме. Мислев дека крај нема да му има и дека нема да издржиме. Сепак, се решија барем голем дел од работите. Нажалост, се појави нов неочекуван проблем... проблем што не очекував дека било кога ќе се појави. Недоразбирање во кревет! И нема баш многу место за компромис.
Ја изгубив потполно поврзаноста со него што ја имав на друго ниво од кога се појави проблемот. Едноставно не го чувствувам како дечко. Фали нешто... фали многу! Исто и од кај него е. Овој проблем повлече многу други работи што не ги предвидов. Поврзаност, најмногу.
А пред тоа се беше супер, и повеќе од добро. Имавме наш посебен свет што ни значеше многу на двајцата. Тој свет ни помогна да поминеме низ тон кризи. И од најголемата што ја имавме воопшто. Не зборувам само за секс, туку поврзаност на повисоко ниво во тој домен. Тоа ни ја створи блискоста во голем дел. И сега го нема...

Женски, ми треба и една потврда од вас... навистина е важно согласувањето во кревет заради успешна врска, така? Јас скоро да сум уверена дека е така, само ете, си барам потврда...

Ни еден проблем до сега не ме загрижувал олку, оти не што не знам како да ја поправам работата, туку не знам ни поправена како треба да изгледа! Сложено е и тешко е.
Да раскинам не сакам, да живееме во ваква врска -ич! Не знам кој крај да го фатам..
Помагајте...

 

@Tatjana95, Битен е сексот и те како. Инаку сте само исфрустрирани и двајцата. Најдете некој компромис. Или обидете се да смените некои работи. Да пробате нешто ново. Имате некој конкретен проблем? Ако да, обидете се да зборите и да го решите. Ама ако не сака никој да попушти и да поработите тешко дека ќе профункционира пак.

 

Станува збор за поширока тема што него му е драга а јас ја практикував долг период, ама сфатив дека повеќе не можам и не сакам. Се друго измеѓу е безвредно. Доколку не е топ комбинација, се друго е безвредно... по мое барем. Не ми е целта да имам механички секс со него, туку да ми се врати целиот тој свет и поврзаноста што ја имавме... а согласување не можеме да постигнеме...