Ми треба совет и мислење

Имаш два избори. А ти одлучи кој избор е поголемо "зло" за тебе.
Првиот е да раскинеш и да се соочиш одреден период со сите осудувања и коментари од околината се додека не им помине и заборават. А секое чудо за три дена поминува и се заборава (не сфаќај буквално три дена-таква е поговорката).
Вториот избор е да се омажиш со него за да ги усреќиш сите околу тебе, а ти цел живот да бидеш несреќна.
Е сега одлучи си кое повеќе ти одговара.
Јас кога имав 15 год. сите другарки имаа дечковци, а јас немав од причина што не ни осеќав дека ми треба такво нешто. Ама си фатив ради реда, за да не бидам вечно сијалица во друштво, сите парови-јас непар. И се беше супер се додека бевме во друштво, ама кога ќе дојдеше време да останеме сами, тоа ми беше измачување. Тој, нормално ќе сакаше да ме бакне, јас за да не ме бакне зборував како навиена, демек да ти кажам ова, да ти кажам она, затоа што нели, додека зборуваш не можеш да се бакнуваш. Нормално, со тек на време, дечкото примети дека го избегнувам да ме бакне, не му се јавував на телефон, измислував причини да не се видиме на само, убедував другарки со дечковците да доаѓаат со нас кога излегуваме, само за да не останам на само со него. Дечкото ни крив ни должен ми стана дури и одвратен. Го приметуваше тоа и ме прашуваше дали го сакам, а мене ми беше жал да му кажам дека не го сакам. Траеше таа врска 7 месеци и на крај собрав храброст и му кажав се. Тешко беше, иако бевме деца, дечкото беше повреден. Не го сакав, ама ми беше драг затоа што навистина беше добро дете, не само кон мене туку општо кон сите, беше добра личност, фер, добар другар, искрен и мноогу позитивен, цело друштво го сакаше како лик. И јас го сакав како друштво, ама не и какп дечко. Срцето ме болеше што морав да го растажам и повредам. И ме осудуваа сите за тоа како сум можела да не сакам таков човек. Јас ете не успеав да изглумам како тебе. Тој цело време приметуваше и осеќаше дека не го сакам, само што јас негирав и го убедував дека не е така одреден период. На крај сепак не ме мразеше и не ми се лутеше. И ден денес, после 13 год, да го сретнам, застанува и правиме муабет неколку минути. Го сретнувам од прилика на 2-3 години- еднаш.
Според твојот исказ, ти си била со него од себични причини, за да се покажеш и докажеш пред другите, за да бидеш за пофалба и гордост на родителите. Никаде не спомна како би му било него, не искажа никаква емпатија за него. Ти си загрижена само за себе. Последиците врз него не ти се битни. Срамот што ќе го доживее тој како да не ти е важен, само твојот срам и она што ќе те осудуваат и исмеваат ти е важно. Јас во ниеден момент не ни помислив дека нешто ќе речеле луѓето. Мене се' ми се вртеше околу неговата болка што морав да ја предизвикам за да не биде потаму уште поголема. Бев свесна дека колку повеќе се должи врската, толку повеќе ќе биде потешко и поболно да ставам крај. Ти на тоа како да не си размислувала.
Извини, можеби грешам, ама исказот на твојот проблем е таков. Се искажуваш како да те повредува само тоа што ќе те осудиваат и озборуваат. И текот на врската го опишуваш само како твое измачивање, а него во твојата приказна не го прилажуваш никаде како човечко битие со чувства, туку како предмет. Покажи емпатија кон другите, а не само да се трудиш да им се допаднеш со своите постапки.

 

@Unique__ те имам читано и порано. Горе долу знам дека и претходно пишуваше дека не си секогаш среќна и задоволна во врската. Сите тие случки направиле чашата да се прелие и веќе немаш желба сама да се бориш за врската. Некогаш тоа прво чувство и интуиција и тоа како се точни но секој сака да даде шанса да се оправат работите.
Немој да го бараш, не си ништо помалку од него. Штом така реагира и се однесува значи не му биле вистински чувствата. Дури и запознавање со најблиски не е гаранција за сериозност.
Многу детски од негова страна. Макар и да имал чувства за тебе па сега од некоја причина тоа се променило, треба да е искрен.
А не да се однесува ладно и да не те приметува за ти да си таа на крај што ќе го напуштиш.
Кукавички од негова страна.
Не ти треба таков.
Едно ќе ти кажам, ќе помине.
Можеби сега не мислиш дека лесно ќе поминеш низ сето ова но со тек на време ќе е полесно.
А кога ќе го најдеш тоа што го заслужуваш тогаш ќе си благодарна сама на себе што не си останала ни ден повеќе со таков безчувствителен човек.
Ти праќам позитивна енергија.

 

@Unique__ си ја завршила врската и среќно понатака, но некако приказнава е само од твоја страна.
Те читам од претходно и некако делуваш пре разгалено. Извини ама не може се по твое. Кога веќе му одиш дома, ти дава таква слобода да спиеш таму, која е потребата да ти рече “еј срце, одам до во соба да одморам”?
И како очекуваш да те моли да останиш?
Кога веќе си решила да си одиш, среќен ти пат.
Впрочем доброволно влегуваме и излегуваме од врски.
Не дека те напаѓам или нешто, туку просто нас ни ја сервираш твојата верзија, а не знаеме со што ти придонесуваш за тој така да се однесува.
Се надевам ќе си најдеш соодветен партнер за тебе и брзо ќе го преболиш овој.

 

Не е во ред некој 2 дена да не ти посвети никакво внимание а да наоѓа време и желба за се друго.
Не поминувам јас секогаш долг пат за да се испразни тој во мене а потоа да не ме ниту погледнува.
Патем, ако не посветуваш време на девојка, а се друго да ти биде важно, нешто не е во ред.
Да кажам дека овој пат сум виновна, минатиот пат не се налутив кога го викаа другарите за фудбал, дури јас го натерав да оди, а тој не само што беше на фудбал туку и си бил и на пица и кафе со другарите, а јас бев гладна, па мајка му ме нудеше со леб и ајвар што не ми ни пречеше, ништо не му реков. 6 часа го чекав тогаш да се врати.
Претходно, пред 3 месеци, кога имав менструални болки, морав да легнам, му реков дека ќе се приберам во соба зошто повраќав, тој тогаш се налути.
Го прашав убаво кога влегов, да не се случи нешто, дали е нешто потребно, тој лошо реагира.
Не можам јас цело време да бидам столбот на врската а тој да се однесува како ќе му светне.
Додуша, не се гледаме секој ден, ниту секој викенд, еднаш на три недели одам, очекувам барем тоа време да го поминеме квалитетно, а не на телефоните, компјутерите и секој во посебна соба и чат пат по некое зборче.
Колку и да има страни приказната, не е во ред кога одиш некаде на гости да оставаш сам некој човек кој толку многу се потрудил да поминете квалитетно време.

Ама секој како сфаќа, и не е до разгаленост, само како и секоја жена, и јас сакам да ми се посвети внимание, барем додека сум таму, после што сака нека прави.

 

И јас мислам дека е сервирана само нејзината верзија, ама тоа е секогаш така кога бара совет едниот.
Можеби има причина тој да биде така ладен кон неа, можеби не се осеќа доволно сакан, ценет од неа.
Можеби и нема причина да биде ладен, можеби му поминала приврзаноста и емоциите кон неа кои ги имал на почетокот.
Но мене ми боде очи кукавичлукот негов, демек не ти раскинувам јас, ќе ја тинтрам мачката повеќе од тебе самата да разбереш па ти да раскинеш со мене.
Многу незрело од негова страна вака да ја третира и да нема храброст да поразговара со неа што му пречи, ако нешто му пречи или да и каже бар ако не ја сака повеќе.
Или е премлад или врска нема како да се однесува со женски.
@Unique__ колку години има?
Инаку правилно си постапила.
Ако сака со тебе квалитетно време или ќе биде посветен на тебе или нека си седи со мачката, сестра му, игриците што и да е.

 

Девојката кажа дека не и посветувал внимание баш кога и треба. А и како тоа среќен пат ако си оди, во ред е воопшто да не и зборни, ниту да ја испрати, ниту да се заинтересира како планира да стигне дома? Па згора на се ја избришал додека таа чекала порака од него.
Очигледно е дека таа се трудела премногу околу него кога тој сакал само секс и потоа чао пријатно. Здравата врска бара внимание, љубов, доверба, комуникација од двете страни.

Како сакаш кажи ама дечково е безобразен идиот.

 

Ресиси со сите твои совети на форумот се согласувам, ама сега не си во право.
Unique во неговата куќа е гостинка, а така не се однесува кон гостинка. Девојчето погоре напиша дека патувала 3 саата, купила нова облека, била на фризер и плус таму се нашминкала за кого толку се трудела? За некој што е себичен и што не сакал 3 дена да ја испочитува.
Побитно му било да гледа тв и да си игра со мачка? Тоа можел да го направи откако девојчето ќе си одите.
Не треба да ја моли да остане, ама барем треба да ја испрати до автобуска станица, а не да ја остави сама да се снаоѓа во друг град.
На крајот наместо да се извини, он ја избришал од социјалните мрежи.

@Unique__ заслужуваш многу подобро. Он мене ми остава впечаток на ладен и себичен човек, кој не знае да посвети внимание.
Искрено не верувам дека планирал сериозна врска со тебе, тоа можеше да се увиди по тоа што се допишува со други девојки.
Кога си рекла дека сакаш да си одиш, он требало да испадне маж и барем да те испрати до автобуска станица, а не сама да те остава во друг град. Кај крив па и те брише.
Совет: После секое ку*чење следи отку*чување. Ќе си падне он на брашното. Пак ќе те бара, а тогаш отерај го кај што му е место.

Знам дека ти е тешко, колку и да е клише времето лечи се.

 

Јас мислам со тоа што ја избришал и вратил што си заминала.
Кога немаш емоции према некој се ти е исто дали ќе бришеш или оставиш така како е.
Но бришењето покажува дека сепак не му било се исто, а исто и покажува незрел дечко.

 

Ама како да нема од мене љубов и внимание кога и самиот е свесен дека е преплавен од емоции од моја страна, внимание, доверба и почит не само кон него туку и кон неговите? Тој знае дека јас секогаш сум спремна за било што кога се работи за него макар да поместам и планини.
Не можам да се карам со сите, да одам кај него па да му прдне нему да се однесува како што тој сака, ајде она ме сака, ќе го премиже и ова.
Не сум на пат најдена, па да ме земе и остави кога ќе посака.
Плачев по улицата додека барав такси, додека врнеше дожд, едвај се снајдов, со толку малку пари, едаш не крена на слушалка дур си одев, сестра му беше повеќе загрижена за мене отколку тој.

@rolulika има 31 година.

Ми падна тешко бидејки не зборуваше со мене, се инаетеше и на крај ме избриша.
Мене не ми сметаше што се допишува со други девојки, не му бранам јас воопшто, додуша ми беше мило што има другарки, ама почнав да се сомневам кога престана да ми пишува и го чекав или да ми се јави (да не бидам секогаш здодевната или да ми пиша ) а тој да се дружи со други.

 

Не е до годините тогаш, не е зрел.
И јас осудив што така се испонашал не фер спрема тебе а и не сериозен делува штом не ти кажал дека го мачи нешто или да го решите тоа што го мачи заедно или ако те отсакал бар да ти кажел.
Вака делува како си добил што сакал и ај чао.
Ама постапката со бришење покажува емоција иако негативна.
Почекај да помине време и со ладни глави поразговарајте. И да е крај на толку емоции вреди да се направи еден човечен муабет. Ако не те бара бар да се извини и поразговара едно да знаеш не бил вреден за сите солзи и нервози. Те чека нешто поубаво.

 

Девојки,ве молам за совет и мислење!
Живеам со една кучка,буквално животот и е како на филмовите.К*рва е прва класа не ни сакам да расправам за тоа.Дома мириса не се дише и се селам конечно.Токсична е за мене и тоа многу.Со тој што си се допаѓаме заедно работиме ама и таа работи кај нас и е многу упиклива.Постојано го задева,заедно се на паузата,знам дека таа оди по него а верена е за друг.Наместо јас и тој да седиме и ручаме заедно таа е до него.Но ја познавам многу добро.Неа еден не и е доволен,за неа неверството е како добро утро.Дечко имаше еден месец,веднаш после 3 дена се пресели кај него,и после 2-3 недели се вери со бившиот а во бегство е од овој.Постојано ми ја краде униформата на работа и потоа јас немам што да носам.А сум и кажала безброј пати.Но проблем ми е кога тој разговара со неа.Знам каква е по карактер и затоа премногу ми пречи.Постојано оди кај неа на маса и разговара иако знае дека не ја сакам.Дечково е добар,од добар подобар.Се грижи за сите,и гледа на сите да им помогне и угоди.Можам да кажам дека е многу подобра личност од мене.Девојчево мислам дека буквално никој не го сака,ма не се ни тушира,косата и е долга и мрсна како масло мириса на мачки и кучки а тој постојано разговара со неа.Затоа се нервирам а знае дека имам проблем со довербата.Приказната со него ми е долга,комплицирано е,знам дека се грижи за мене и дека ме свиѓа,но кога е нешто изнервиран повеќе разговара со неа и сите други а мене ме одбегнува.И тогаш се чувствувам лошо.Проблем е што знам дека се грижи за сите и дека е злато од човек,ама постојано мислам ако толку многу ме свиѓаше колку што покажува тогаш нема да разговара толку со неа кога знае како јас се чувствувам за неа!И постојано сум тажна и разочарана поради таа причина.Буквално една секунда се смеам,кога ќе го видам со неа да разговара се стресувам и ми се утна денот.И постојано ме прашува што не е во ред,се грижи за мене а како да му кажам дека тој е причината.Не можам да го запрам да разговара со неа.
Работата можам да речам дека ми е лесна песна,ама ги гледам постојано,и не можам.Не сум љубоморна кога разговара со други ама зошто мора да разговара со неа..Имате ли некој совет како да се справам со ова?Буквално пробувам со месеци и сеуште имам напади на аксиозност поради оваа единствена причина.
Ве молам за помош.

 

Исправно си постапила, нема оправдување за такво негово однесување. Не може во врска на далечина моментите кога сте заедно да не ги искористите да си дадете нежности. Сум бил во некоја слична прилика во минатото кога сум имал врска на далечина и кога јас сум бил тој што сум одел во нејзиниот град за да имаме заеднички моменти. И навистина се чувствува кога не го добиваш потребното внимание како на партнерот да му е сеедно дали ќе биде со тебе или не. Можеби мислел дека со самото тоа што доаѓаш дома кај него и таму преспиваш си врзана со него па нема потреба од повеќе внимание и дека него му е исто дали си тука или не си тера тој со секојдневните навики.
Ќе си најдеш сигурно некој кој повеќе ќе те цени, почитува ,сака и каде времето кога ќе бидете заедно ќе ти го посветува само тебе. Мислам дека нема ни да ти се јави , а и да ти се јави неој да се прелажиш да те убеди да продолжите заедно. Ако сакаш врска во која секогаш ќе му бидеш резервна опција за тоа како ќе го поминува времето тогаш врати му се

 

Дали таа колешка знае дека тебе ти се допаѓа дечкото? Ако навистина е толку злобна личност да го знае тоа и да му се упикува, а покрај тоа и верена е, тогаш најдобро е да се оддалечиш од неа. Не ти се потребни таткви луѓе во животот. Ете ќе се преселиш, тоа ти е добра одлука во случајов. И не и придавај многу значење. Кога ќе дојде да разговара со тебе кажи и дека не си расположена за разговор, или нека ви бидат кратки разговорите. А ако навистина не можеш да издржиш, може и најдобро е да и кажеш дека не сакаш да се дружите. Но со оглед на тоа дека работите заедно, може да стане премногу awkward...

А за твојот колега. Зошто не пробаш одокулу (или директно) да го прашаш да излезете? Спомни дека има некоја интересна претстава, дека штотуку излегол некој филм кој си го чекала година дена, или едноставно прашај го дали е расположен за афтерворк пијачка. Ако е заинтересиран за тебе, нема зошто да не прифати. А ако не е заинтересиран, тогаш зошто ти би си го трошела времето (и нервите) за да вложуваш во нешто кое нема иднина?

 

Да не ве цитирам сите, на крајот од мислењето напишав дека не знаеме со што таа придонесува за тој така да се однесува.
Реално, кога сме повредени од некого се обидуваме да го направиме крив оној кој не повредил, а нашиот дел од вината го прикриваме. На овој или оној начин сите некако придонесуваме.
Вика се трудела тинтири минтири. Можда тоа кај овој дечко имало контра ефект. Нејќел сериозна врска, а таа му се наметнувала цело време.
Според мене, за 6 месечна врска да одиш дома му и да седиш со неговите по цели викенди ми е ту мач. Пребрзо.
Единствено што се сложувам со вас е дека требало јасно да и каже дека ваква врска не му одговара и да прекине.
Но, читајки ја unique и тогаш исто би била повредена и тогаш тој ќе беше кривиот.
Затоа уште еднаш ќе и посакам среќа и да си најде соодветен партнер.

 

Е па сигурно не му се тупала дома самоиницијативно, но тој ја поканил. Ако сметал дека е рано не требало да ја вика кај него, едноставно можеле одвреме навреме да одат некаде заедно на викенд во друг град, без притоа да се инволвираат мајки, татковци, браќа и сестри. Друго, идиот е тој кој не цени што некој не се вложува во врската, а @Unique__ докажува дека е умешна и зрела за врска и заслужува партнер крај себе, а не некој кој очигледно порадо би водел љубов со мачка му, оти не е дозреан за вистинска жена. И да, ова не било само еднаш, туку неколку пати и срамота е, невкусно, негостопримилово да земеш здраво за готово некој кој пат утепал ради тебе. Туку, познато ми е ваквово однесување и јас си имав своевремено еден таков од друг град, кој вака слично се однесуваше. Запна, па запна да сум ги запознаела неговите, тој моите, па уште ми викаше да одам да спијам кај него, со сите негови на куп, нормално не сакав, а и блиску ни се градовиве. И тој со големи планови, за на крај да пукне работава, пошто за типов женсково по мажачка преминува во фамилијата на мажот и не треба да брка карира.
@Unique__ раскинов ти е најдоброто нешто што ти се случило откако си со него. Ти си дефинитивно создадена за убава врска, ама за ваков човек, не.
Ако се сте се гледале ретко, требало баш тие денови да минете што повеќе време заедно, ти за неговите не си дошла таму. Уживај во слободата, он нека си остане да си се гали со мачката, таа нека му го грее креветот!

 

Мислам дека по начинот на нашето однесување веќе сите знаат,бидеќи само што започнаа шегите на наша сметка.Не е за неа проблем што е верена,била еднаш или два пати претходно по 2-3 месеци,за неа тоа е секојдневие.Сепак мислам дека ако може буквално ќе се пикне во него.Многу често работи до него наместо на нејзина маса бидеќи сме во кујна,залепена е до него и му ги дава тие флертувачки погледи.Постојано трча да му помогне со неговата работа и многу ми пречи.Тој е таков што не сака да зборува лошо за никој.

Со него заедно работиме повеќе од година.Пред неколку месеци ми призна прв дека ме свиѓа а беше многу срамежлив,потоа се допишувавме со месеци.Тешко му беше бидеќи само што го загуби татко му пред една година.Излеговме пред 4 месеци и го имав најдобриот состанок во цел живот.Беше се како на филм,веќе добро се знаевме,и толку пати сум се разочарала но таа вечер поверував во љубов повторно.Ме гледаше како да сум му единствената ѕвезда на небото.Прв ме бакна и ме бакнуваше со часови,како тој да не можеше да прекине.И ме третираше подобро од било кој.Нешто се деси после тоа и престанавме да разговараме неколку недели.Тој не разговараше со мене а сепак со наш заеднички другар постојано разговарал за мене.
Но другар му ме свиѓал и кажал на една моја колешка а во меѓувреме ми изнакажа 300 глупости што ме скршија за овој,ама после одредено време решив да не верувам во никој веќе.
Сега сме блиски,постојано разговараме,ама постојано имам страв во мене дека утре може да се деси нешто и ќе престане повторно да разговара со мене.
Недели поминаа а тој се повеќе и повеќе е окулу мене,разговара и докажува колку се грижи.Ако сум нерасположена,без разлика колку да го туркам од себе постојано е окулу мене ме прашува што не е во ред.Само што му спомнав пред некој ден дека веќе не ми се доаѓа на работа(тој и таа се причината) и тој мртов сериозен рече "ако ти не доаѓаш и јас не доаѓам".
Ми кажа пред некој месец дека тешко му е да се отвори на луѓе но полека мене ми се отвори за некои тешки теми.
После работа,последните недели,не стои со другите колеги туку стои само каде што сум јас,и си разговараме.Пред два дена,пред да си одиме,излезе надвор прашувајќи каде сум,а јас бев во еден ќош,затоа не ме виде.После го слушна мојот глас и дојде,ми кажа дека сака да оди дома и да плачи.Божиќ се ближи и му е тешко да прославува поради што татко му почина,а и братучед му бил починат.
Го гушнав,и рече како демек океј е,неважно.Нормално,сакаше само сила да покажи.
Паничам поради претходни работи што ми се десиле,дека ако малку не ми обрни внимание и веќе престанал да чувствува нешто.Знам тоа е мој проблем и морам самата со себе да го решам,уште да најдев начин за оваа кучкава.

Фала ти многу

 

Ало бре до кога ќе трпите некој да ве третира како говна? Па вие си имате семејства,некој ве родил,ве чувал,бдеел над вас кога сте имале најобична настинка,се жртвувал, за на крај да дојде некоја будала и да се иживува со вас,да не ве третира за човек.Офф топик ми е мислењево ама кон сите се обраќам за да не пишувам поединечно.Жени,сфатете ако сами не се цените никој нема да ве цени.Што е тој повреден од вас? Кога тој се однесува ладно,хистерично,писка се дере за без везе работи ...баталете шо ќе ви е во животот.Има и други риби во морето,једино од таа пропала врска само лекција ќе извлечете и за во иднина очите ќе ви бидат отворени.

 

Чим тој не ја гледа неа на поинаков начин, а тебе те гледа; тогаш не грижи се за неа. Побарај го да излезете, сеуше постојат чувства помеѓу вас, може само се чека некој да го направи првиот чекор кон нешто повеќе. Со среќа

 

@Edno-devojce по никоја цена не треба да бидеш со човек со кој не си среќна, не се пронаоѓаш и не те исполнува. Ако не си среќна и задоволна, едноставно остави го. Твоите ќе се лутат и зборат ама ќе помине и тоа верувај. Немој во никој случај да правиш работи што не ги сакаш, само за да ги задоволиш другите, не вреди верувај. Јас викам секогаш, секој своето си го поминал си ги направил своите избори сега е твој ред. Гледај да си го завршиш фаултетот и да си најдеш пристојна работа. Има време кога да бараш и дечко и маж и се останато.
Сум видела вакви примери каде пример долга врска родители инсистираат за брак и стварно не е убаво, не е океј. Мене татко ми да ми рече да се мажам дека ми е време, би го отерала не знам каде. Ако сум им била товар не требале да ме создаваат.
Твое право си е да одлучиш кога и за кого ќе се мажиш. Тоа треба да биде затоа што ти сакаш, а не ради долга врска, околината наметнува или твоите сакаат.

 

@Belgin1 и @moon1 Ви благодарам, како и на сите останати кои се нафативте да ми дадете совет, прочитав се и се согласувам, да можам да го вратам времето поинаку би постапила, но нема назад, жал ми е и за него, но од друга страна он не го поднесе тоа толку разочарувачки (барем така изгледаше) не знам како си дозволив толку да паднам под нивно влијание, вријам од нервоза и денес , излегов на кафе со друштво, ми пишуваат ааа со него си, што вика, сте се смириле, ќе ми пукне филм ќе кажам што не мислам! Како може толку да се замараат кој што прави другиот, со сила ли бре да се мажам господе, не им враќам на пораки директно ги бришам ама претерано е веќе, после се жалат не сум се јавувала, не сум пишувала, се нервирам и јас будала, уста не знаат да затворат! Фала Ви уште еднаш, мило ми е што немав некои поголеми проб од негова страна, но овие од моја на раат не ме оставаат, поздрав