Ми треба совет и мислење

Јас тука ќе престанам со коментирање. Не го познавам човекот лично. Не можам да знам дали намерите му се сериозни. Тоа што го имав го кажав.

 

Епа и јас толку очекувам.. а не сакам да го форсирам затоа што ќе го оддалечам од мене и тоа е .. се надевам ќе се среди..

 

Ако не сака ептен да навлегува и да ја пушта во својот живот, т.е ако не е спремен, не би требало ни он да иде кај нејзе, а тоа се случува скоро секој ден и плус преспивања. Значи не е тоа што го кочи.
Се повеќе мислам дека е ради не добра ситуираност, и самото тоа што нејќе во кафиќ да иде. Нема млад човек што презира кафиќи, не мислам да кисне по цел ден од еден во друг, ама едно кафе бе да испиеш на раат, во комоција, наспроти дремењето на скали. Можеби на 13 14 години ова е океј, ама девојкава е мои години, над 20, па Џејсон Момоа нек е, ќе заборави на скали.
Отворено разговор само и тоа е тоа.

 

Точно.. и јас за тоа зборувам.. не дека јас сакам да одиме во луксузни хотели и не знам што, ама сето ова ми е крајно чудно.. ќе соберам храброст да разговарам и тоа е..

 

Има различни луѓе, јас познавам многу луѓе што воопшто не сакаат да одат на кафе во кафич, некој од тие што ги познавам се на возраст на дечкото и никогаш не седнале на кафе, не е дека финансиите се проблем туку едноставно нивниот животен стил не е таков, повеќе сакаат уличен стил, клупа и мирно место, еве да ги наречам old school личности.

 

Речи му:

'Мисла ми е, зошто ти е ок кај мене да идиш, а не ти е јас да идам кај тебе?
Ме криеш мене, или криеш нешто од мене?
Што и да е, ќе го надименеме заедно, само ако сме искрени еден со друг.
Сакам да успееме'

 

Да бе секако. Поарно нека му рече зошто не ме викаш да не си сериски убиец и во тегли чуваш органи од жртвите? Јас кога се сомневам во нешто не одам со вакви политики лицемерни пошто не е така, еве ако е сериски убица нема да го надминат тоа заедно. Не сме во турските серии.

Си правам филмчиња лажам нешто демек за некоја таму што имала дечко и го оставила зошто немал пари сега демек ќе изнесам мое мислење јас нема шанса да направам така и тука се правиш светец, крила на ангел ти растат и тој ем без притисок ем опуштено ќе си пропее. Ако се сомнева за тоа, ако не друга приказна за еден роднина на комшијата на мајка и колега што имал таков случај.

 

Абе... се за своја пригода.
Секој сака прошетка во парк, пикник на сонце, разговори на клупа ама не тоа да стане стандард.
Тешко ми е да сфатам дека има млади луѓе кои презираат да идат на некое фино местенце, уз добра музика, свирка, да се опуштиш. Извини ама клошарење ми е, без навреда.
Со едни од Ск се договоривме за излегување, пази потенцирано излегување само местото не беше договорено, и идеме и возат накај парк. Вика ние секогаш тука излегуваме, подобро е. My ass.
Цела скоцкана ќе дремам на клупа и ќе пијам од пластични чашки, не фала. Тоа ми беше ок на 14 години, сега како возрасни луѓе ми е крајно глупо и клошарски.

 

Никако приказни... директно и искрено.

 

Јас тргнувам од сама себе, пошто многу ситничарам одма ќе си направам филм што му е сега во главата, во што се сомнева, зошто вакви прашања, ќе се напнам ептен, ќе се изгубам, ќе си измислам и проблеми што ги нема, ќе се фатам во мрежа некоја. Вака ако ме смота со наивни приказни одма ќе си пропеам уз муабет најискрено што може. Некогаш со луѓето мора и вака со финти.

 

Ако треба со финти да го 'отворам', тогаш, не ми ни треба.

 

Ееее!! Ете сум јас во две реченици. Ќе се дотерам ќе се средам се и на крај ќе ми рече ајде ќе свртиме круг па ќе седиме пред зграда или на клупа во парк. Јас не се срамам, немам комплекси ама до кога ќе биде така. Плус сите ме гледаат како киснам пред зграда со него, не можам ни да го гушнам ни да го бакнам, срамота е пред зграда да се лигавиме... возрасни сме

 

Ептен филмски живот проповедаш, вистинска љубов, грижлив и совршен партнер, среќни до крајот на животот. Ако понекогаш сите не правиме по некоја ваква безболна финта замина љубовната драма накај хорор. Машките не се комплицирани суштества ако знаеш како да си се поставиш. Со сакам совршен партнер што ќе ме слуша и секогаш ќе биде тука за мене ќе станеш досадна и никогаш таков нема да добиеш.

 

Добив.

 

Секоја врска треба да се заснова на компромис.
Не треба да се исполнува само неговата желба, еве девојката ако не сака така и сака да излегуваат по кафичи?
Мора да најдат средина и да е таков треба да се прилагоди не е само еден во врската, двајца се.

 

Супер, јас имам вака ко тебе пријателка (претпоставував ко тебе по малку нешто што заклучив од тука, повеќе за неа ќе кажам) после 2 месеци врска сите ја избегнуваа. Таа ден денес се прашува зошто, а јас знам. Премногу тежнееше кон совршена врска и партнер и со тоа создаваше притисок и ги напнуваше да бидат исти ко во некое нејзино вакво ко твоето филмско сценарио.

 

Ах со ова болдираното многу грешиш. Совршенство не постои, ама нормално дека треба да те слуша и секогаш да биде тука за тебе. Кој претпочита повеќе да зборува на празно, а да не биде сослушан? Никој.

Да измислува приказни за некои трети особи, за да дојде до одговорот што го сака воопшто не е безболна и обична финта.

 

Да те слуша и почитува не можеш да бараш од него и да му зборуваш за тоа. Или е таков или не е и не може да го смениш ти сега на возрасни години. Мене тоа ми смета што упорно го повторувате.

 

Да го смениш не, ама можеш да го замениш ако не ти одговара.

 

Во три месеци НИКАДЕ да не отидат баш и не е нормално.
За невикањето дома, ми дојде и мене прво мисла дека не му е средено, па не му е згодно. Ама на едно кафе да не отидат заедно, во 3 месеци...
Како што кажа, храна носи некогаш, значи не е до парите за едно кафе што ќе ги потроши. Па и да е, порадо би да ми каже "не стојам добро финансиски" отколку да ме мота по клупи и да глуми лудило.
3 месеци се доволно време за да знаеш дали сакаш да си го трошиш времето со некого, колку повеќе се одолговлекува - толку побезвеза би била евентуалната разделба. А да бидам искрена, со ваков став баш и не гледам некоја иднина во врскава.