Ми треба совет и мислење

Не вреди машкото, не те сака. Прашање на време е кога ќе почне да те гледа како товар и да те навредува.

И не е рационално и возможно, логично, на просечен нормален дечко, се надевам не сте малолетни... додека сте биле скарани се видел со некоја друга девојка, море бре.

Јас не знам за вас, или јас сум преемотивен, ама ако сум се скарал со личност што ми била девојка, не ми е ништо во ум дури не разрешам со неа и општо земено месец и пол до два не можам да се соземам па камоли да излегувам со други.

 

Освен ако не било за еднаш, ете во момент да речеме, или ако не комуницирал од претходно со таа.
Не знам девојчево што совет бара...

 

Не е дечково за неа...

 

Малце ќе бидам оф топик ама морам да кажам.
Те читам и во други теми и многу апсурдни совети даваш. Ако не можеш на некој начин да помогнеш или да дадеш добар совет подобро игнорирај, а не само бесмислени и детски работи да пишуваш.

 

Правев муабет и се го прашав и му кажав како се осеќам, ми се извини, кажа каоо демек цело време е зафатен со работа , што е и вистина до 4 е на работа после тоа дома работи до вечер и си легнува или ќе подизлези со другари и тоа е времето и дека ми посветува внимание колку што може кога е слободен и како тоа јас не го гледам кога веќе почна да бара и работа за мене за таму и за тоа знам дека е вистина бидејќи разговараше со негова другарка и таа ми се јави да се договориме за викендов и ми кажа дека ми бараат раб за таму, за таа што се видел исто го прашав како тој би се осеќал ако јас го направев тоа и после да не го бришев и ми рече кога ќе појдам двајцата заедно да средиме се да се избришат тие што му сметале него а и тие што ми сметале мене и дека ќе ми покажи се и која е за да не сум се сомневала натака, исто и за слободата му кажав дека кога правевме муабет јас не мислев за да биди вака бидејќи тој пак кажа како јас тоа сум го сакала и му кажав убаво што јас подразбирам во таа слобода и од кога зборнав почна да покажува и чувства и повеќе ме бара.. Само не знам во што да верувам повеќе, си велам доволно познавајќи го дека ако не ме сака нема да си го губи времето, и затоа си велам ете да појдам на една недела па да видам како ќе се однесува и се друго.

 

Пробај некој период, само не биди параноична и немој за секое девојче на глава да му се качуваш. Исто така, не биди ни наивна.

 

Не, никогаш не сум била таква и не ми сметала никоја, ама сега за оваа е поинаква ситуацијата и не сакам да испаднам будала, па затоа и не му инсистирав да ја избриши кога правев муабет за кога ќе појдам да видам што има да покажи и дали сам ќе ја избриши, само не му ја сватив поентата зошто баш кога ќе појдам а не кога му реков, не знам дали е со некоја цел или што е појма немам, можеби сака само да ми покажи како се осеќал тој бидејќи на почетокот од врската тој сакаше да ги избришам сите бивши а јас се бунев зошто не гледав причина кога со некој сум се видела еднаш и после тоа си имав здраво па сметав дека нема потреба од бришење тие си се бивши со причина нема што да сметаат, а сега секако немам план да напињам бидејќи јас самата го мразам тоа. Иначе пишувам бидејќи можеби некоја имала слично искуство а можеби и на некој натака ќе му помогнат совети, и знаете како р кога сакаш некој некогаш си премногу заслепен па тука можеме да си помогнеме.

 

Прво расчисти со самата себе дали сакаш да го поминиш животот со тој човек.
Затоа што стварно не е фер да влечеш некого за нос, па и да ја одбиваш понудата за брак ради престапната година. Не сте деца. И плус 5години во врска не е воопшто наивно. И не знам зошто ако го сакаш не прифатиш да се венчате, не мора па веднаш деца да имате. Во право е да ти се лути, и јас би се лутела на негово место. Имај на ум дека и неговите години го притискаат, разликата во години не е мала.

 

И за тебе би било добро кога ги читаш мислењата да не ги ставаш при срце.

 

А што тоа јас си ставам при срце?
Тебе те советувам само да не пишуваш вакви глупости за да не се брукаш.

 

А дали сте свесни дека брак не е наивна работа?
Не е ко во врска, раскини па смири се, следниот ден повторно исто.
Брак ниту малку не е наивна работа.
Членката кажа дека сака животот да го помине со него но сега воопшто не е подготвена за тоа.
Или па зошто нему му прднало дека годинките го газеле, сакал деца да има ау мау.
Тоа е наметнато од постарите дека ако до 30 години да не речам 33 не се омажиш ти отчукувал биолошкиот часовник, срамота било, ајде внучиња сакаме, што чекате, време ви е.
Треба да се земат во предвид и чувствата и спремноста на @Oscar Lady не е само желбата од една страна.
Колку такви ги знам што брзаат да се земат па потоа плачат во темите за развод, снаа и свекрва, и слично.

Ќе се мажам кога ќе бидам навистина подготвена за тоа, притискање и условување воопшто нема да помогнат.
Ако тој толку сака брак а членката не е подготвена секој по свој пат.

 

Се мислев од кога напиша за пробемот, дали истото ова мислење што го имаш ти, да го пишам и јас. Ама си велам ајде нека остане, па ќе има напади и.т.н.
Ама ете ти го пиша, мислат бракот плукни-залепи е..

 

@Maro87 ич да не ти е гајле дали ќе те нападнат.
Си го имаш искажано своето мислење.
Ако некому не му се допаѓа океј, ако му се допаѓа, пак ок.

Некои мислат дека се што лета се јаде, па утре офкаат.

Колку така знам луѓе - Јас битно се омажив/оженив, стапив во брак, сега мислете му ја.
Сега, со проблеми у гуша, неискусни, недоволно зрели пред развод.
Ама добро, секој си одлучува за својот живот, која сум пак јас да солам памет на виртуелни ликови?

 

Епа горе долу сите истото го пишавме. Дечко и не ни знај очигледно какво размислување има таа на тема брак.

Иначе баш и пред некој ден ја начнавме темава за лоши свекрва и свекор. Значи ако си се такви луѓето, јас и сега да се омажам и по пет години да се омажам тие ќе си бидат такви. Е сега има момент да го остајш дечкото ако не ти се свиѓа фамилијата, што е прилично дискутабилно...

@edna_malecka Те прочитав во поќе теми, ама овде да пишам, океј е да си саркастична и да се шалиш ама луѓето овде не те познаваат и не можат да знат каква си, ете можи си мајтапџивка по природа или можи си сакаш црн хумор, еве не знам, не те познавам. Пробај да ги пишуваш мислењата недвосмислено и буквално, за да нема недоразбирања. Јас сум сигурна дека не си имала лоша намера ама ете.

 

@Fluffy^-^ се у ред, ама дечко и не ја разбира веројатно членката а некои застанаа на негова страна.
Таа веројатно му кажала многу пати одоколу, од тоа добив впечаток дека тој се брза за брак и за деца.
Сепак треба да му каже отворено а не да се вади со престапни години зошто тоа чиста глупост е но секој одбира во што да верува.

 

Па фала богу некој убаво да пише а да не е понижувачки кажано.
Мајтапџика сум да.
Те сакам многу

 

Не скокајте одма феминистички. Никој не ја тера сосила ништо. Тој само очекува да му каже кога би сакала таа да има деца и да стапат во брак, а после 5 години со некого да не си сигурен дали сакаш или нејкеш не е ОК. Никој не вели да се мажи и да раѓа ако не сака. Туку ако не сака тоа отворено да го искомуницира и да не му го губи времето, а не престапна година било. Ко што имаш право да не сакаш деца, така имаш право и да сакаш, и имаш право да знаеш после 5 год што мисли партнерот на тема Деца и Брак. Никој не ја фатил за врат членката да се мажи па за да ваѓате феминизам, овде проблемот е на недоволна комуникација, а ко што реков после 5 години најнормално очекување е да знаеш кај е партнерот на овие теми, а не да ти ќути и да не ти одговара јасно,
да не ти вели ни "Да" ни "Не".
Друго, не знам кај прочита свекрви, кај прочита дека неговите го терале, кај прочита такви работи, или само си претпоставуваш. Не значи дека ако некој сака да стапи во брак и да има деца дека некој го тера. Најнормална желба е тоа. Не мора да измислуваме ситуација кај што нема

 

Дека мора да се мажи одма - не мора.
Ама од некој емоционален аспект - која е границата меѓу долга сериозна врска и брак? Потпис и законски бенефиции оставете на страна. Ама меѓу двајцата што е тоа што толку се менува? Претходно се сакале, сега во брак не или обратно? Претходно се варале, не се знаело кој со кого легнува, а сега во брак треба да се верни?
Многу пати ќе чуеш - уживај дур си во врска, ќе видиш во брак какви проблеми ќе имаш. Кои се тие проблеми? Ако со некој не се мирисам, нема ич да сме заедно.како прво.
Екшали ме интересира - кој е клучниот момент уствари кога одлучувате дали со некој да се мажите или не? Зашо не се работи за една дешавка, него повеќе години.

И пак ќе речам, не мора одма. Ама глупи изговори од типот престапна година е ово оно само ми личи на играње играчки и криење на правата вистина.

 

@Mantub во мојот пост никаде нема феминистичко мислење туку фактот дека не мора да стапува во брак кога тој сака. Ако не може да ја чека нека најде друга, едноставно е.
Нели одлуката е заедничка?
Фактот дека повеќе од родителите се мешаат во врските на своите деца беше кажано општо, конкретно за случајов не ама нема да ме изненади доколку и тие имаат нешто удел во тоа, земај го во обзир и тоа. Ама шо знам јас, ништо, ете ти си во право, подај рака.
Тој неколку пати и спомнал, таа му кажала не веднаш па ајде ќе се лутиме, ќе се тегнеме, не знам што.
Нема потреба од напнување околу таа тема неколку пати.
Еднаш до два пати е доволно.
Треба да се прифати одлуката и на нејзе, а не да се однесува тој ко мало дете, ќе се лутиме, ќе се однесуваме ладно, па моево дете ќе се срами од мене што ќе изгледам како дедо и триста ти чуда.

 

Која одлука да ја прифати дечкото?
Девојката не му рекла Не сакам па за да прифаќа.
Таа ова го пишала
"Често он "на шала" ќе ми го спомне муабетот за тоа, буквално не реагирам трагично ни ништо."
Гледаш овде јасно искомуницирана желба?
Јас овде гледам - не велам ни Да ни Не очекувам тој 5 год да ми чита мисли.
"Не веднаш" не е одговор што треба да му го кажеш на партнер после 5 год. После 5 год секој има потполно право да те праша "Ако не веднаш, кога?" И тоа не е никакво притискање туку едноставно очекување од партнерот јасна комуникација, што е нормално очекување после 5 год. Да одеа 1 месец, ќе беше непристојно прашање. Ко што реков, таа нема обврска да се мажи и да раѓа, има обврска да комуницира јасно. Тоа е обврска на сите партнери. Ако таа му каже сакам деца за 5 год, а тој каже во наредниве 2 сакам, тоа е веќе јасна комуникација. Ништо погрешно нема во тоа да сакаш деца. Не е ОК да се збоеува за желбата за дете ко нешто онака да му текнало. Желбата за дете е желба од срце и е сосема легитимна желба.
Таа да му речела Не и тој да ја терал ќе беше скрос друго.
Овде никој не ја тера туку тој само јасно кажува дека сака да има деца и да се жени.
Таа е таа што е ни ваму ни таму.
А фактот дек родителите се мешаат ќе го земам во обзир кога ќе е напишано дека се мешаат