Ми треба совет и мислење

Ме разбира, не ме притиска за ништо, ама и на моменти знае да помисли да не ми згрешил нешто а јас колку и да се трудам да објаснам дека не е до него, ради тоа што не можам да се опуштам и да остварам некаква блискост периодов, го секира тоа.

 

Наместо да ќутиш, отворено зборувај со него за сè што ти се случува и за чувствата кои ги имаш. Полесно е кога ќе споделиш.

 

@IRBBB

Можда не се имаме разбрано, не е дека ќутам во смисла дека немам споделено ништо со него, туку кога сме искочени немам теми за разговор едноставно не ми се разговара ич. I'd rather stay home. Мислам нема ни поента секое мое отварање на устата да биде споделување на истиот проблем. Дечкото е тука за мене како што кажав, се труди околу мене, не ме форсира за апсолутно ништо само проблемот е што јас не можам да се опуштам затоа што не сум среќна моментално во животот општо.

Како и да е ви благодарам за одвоеното време .

 

Не се затварај во себе.Отворено и јасно кажи му како се чувствуваш.
Ако е разбирлив како што велиш,ќе биде трпелив.

 

Па тогаш не се гледајте некое време. Подобро така, отколку со сила да си ја правите врската монотона.

 

Кога сте заедно нека не ви бидат монотони излегувањата. Правете нешта кои те прават среќна, кои имаат адреналин. Тоа ќе ти влијае позитивно, ќе сакаш и да зборуваш повеќе.

 

Не мора излегувањата да ви се базирани на муабет. Одете на планина, играјте игри, гледајте филм. Ем ќе поминувате време заедно, ем нема да мора дс збориш многу ем ќе ти се крене расположението.

 

Не дозволувај проблемите кои ги имаш во животот, а не се поврзани со него, да ви ја афектираат вашата врска.
Почни своето расположение да го менуваш поради личноста со која што си, во случајов со него, кој не е крив за ништо низ што минуваш ти.
Наместо да ќутиш и вашата врска да страда поради истото, отвори се комплетно кон него, не го криј тоа што те мачи, па макар и си досадна и остави го да ти биде поддршката која ти е потребна, па така и вашата врска ќе ја однесете на еден подлабок степен и конекцијата ќе ви биде подобра од тоа што ви била.
Со такво moody однесување, отсуство на физички контакт и "не е до тебе, таков ми е периодот" никаде нема да стигнеш.

 

Не е дека сакам вака да биде. Најмалце ми е таква намерата. Како да правам нешто за кое што воопшто немам волја? Ќе треба се да е форсирано и фејк а тоа па уште полошо е според мене..

 

Па затоа и ти пишав, адресирај си ги проблемите на право место и не дозволувај да ви страда врската затоа што ти не си среќна во некое поле од животот или некои личности кои те разочарале.
Дечкото е тука за поддршка и сака да те крене, ама мора да му го дозволиш тоа, мора ТИ да сакаш.

 

Си размислувала да посетиш стручно лице, да разговараш за тоа што ти се случува?
Во право е Били, ако се однесуваш така кон дечко ти со тек на време може и да ви се залади односот.

 

Има ли некое место кое ви е омилено и на двајцата,или пак некоја активност?
Можеби покомотно ќе ти биде ако разговарате на место кое ви е омилено и на двајцата.

 

Имам посетено во минатото, знам како да се справам со лоши денови и фала богу од тогаш не сум имала некој ваков период пак, ама ете последниве недела-две се исподесија некои работи и пробувам да се вратам во нормала. Периодов не трае којзнае колку време и сигурна сум дека наскоро и ќе помине, само не сакам додека е вака ете како што кажуваш, да залади односот меѓу нас.

Само малце ми падна чудно дека треба да се однесувам најнормално со него како ништо да не ми е,за да не се оддалечи од мене. Не знам луѓе, не сум робот па да можам да контролирам кога што и како ќе ме мачи. Периодов не важи само за него, туку и за сите мои блиски. Не знаев дека треба секогаш да глумиме среќни и насмеани ако сакаме да задржиме некои личности во нашиот живот (конкретно дечко ми дека е тема на муабет). Би требало ако некој вистински не сака, да може да ги поднесе сите тие mood swings или да издржи некое време со помалце физички контакт. Ако не може да ме поднесе дур сум тажна, слободно нека си замине, ама еве го тука е.

@nextredstyle Да, после ќе се видиме. Се надевам ќе биде подобро

 

@Hellobeautiful

Потполно те разбирам што сакаш да кажеш. И јас сум таква за време на испитната сесија, не ми се зборува и сум лошо расположена. Имам разговарано и со дечко ми за тоа, дека не е до него туку едноставно таков ми е периодот. Ништо не може да ме натера да се расположам тогаш. По скоро цел ден ако си со книги нормално дека ништо интересно нема да ти се случува и темите за разговор ќе се намалени.

Мислам дека е подобро да не зборуваш ништо и да не се преправаш дека си во добро расположение пред него. Биди си своја и верувам дека дечко ти ќе те разбере.
Би ти рекла и да ги сведиш физичките контакти на минимум со него за време на овој период. Најмногу поради него за да не се чувствува виновен за нешто, но и поради тебе за да немаш грижа на совест дека го повредуваш. Но, пак ќе речам, доколку навистина те сака, а верувам дека е така, ништо од ова нема да му е проблем. Ниту ќе ви се промени нешто во врската, ниту пак тој би се оладил од тебе. Заедно ќе го помините ова без грижа

 

Ти благодарам многу .

 

Те разбирам. Не треба да се однесуваш како робот. Ама не треба ни да се однесуваш како да немаш дечко.
Имав сличен период, сакав да сум сама скроз без да гледам ни другарки ни дечко. Ама кога и да излезев со другарките, се трудев да сум со нив каква што сум била секогаш. Знаеја дека не сум во најдобро расположение, затоа и не ми вршеа притисок. Со дечко ми исто. Му кажав дека не сум добра, ама кога се видов со него не ќутев ниту пак глумев дека е се супер. Напротив разговарав за тоа како ми е и што може он да направи за да ми е подобро. Кога не ми се збореше се гушнавме или гледавме филм, па ќе го коментиравме филмот. Некогаш само лежевме и гледавме ѕвезди.

 

@Hellobeautiful сите сме биле во таква позиција.
Некои сме имале подршка од партнерите, некои не. Биди среќна што не си сама и што партнерот се труди да ти помогне околу тоа.
Можеби пак врската влегла во монотон период, пробајте да внесете нешто ново, да ја освежите.
Друго, немој никогаш да се затвараш.
Зборувај за тоа со партнерот уште неколку пати ако треба, најдете го коренот на проблемите, битно е да имате комуникација а не да се повлекуваш.
Комуникацијата е најважна во една врска.
И самата кажа дека претходно си направила слична грешка со тоа што на крајот резултирало со прекин на врската.
Не сакам да сфатиш како да те осудувам туку да те потикнам да не ја направиш истата грешка како порано.
Не си робот, дозволи си да имаш лош ден, сите заслужуваме да имаме лош ден наместо да собираме во себе.
Велиш дека си таква и со сите останати.
Ќе ти кажам да поработиш на тоа да го отстраниш она што ти смета, доколку постои.
Дека е лесно, не е.
Но не е и невозможно.

 

Сите ги имаме тие периоди во животот кога едноставно не ни оди ништо од рака, разочарани сме од се и сакаме да сме сами. И океј е да сме сами.
Земи си време, колку што ти е потребно, гледај да не е многу долго и консолидирај си ги мислите. Нема да замине, ако те сака, впрочем не ни сака, затоа е тука како поддршка. Но, лошо е ако го исклучуваш од твојот живот, ако се затвораш во себе, ако за да бидеш со него треба да глумиш дека си среќна. Нема потреба да глумиш дека си, и да не си, биди со него. Подобро е да си таква, отколку да го избегнуваш. Со партнерот се делат сите мигови, среќни, тажни, тешки... Дозволи му да допре до тебе, не го туркај од себе.

 

Фала ви дечки на сите. Како што кажав сигурно за некој ден ова ќе биде заборавено и ќе си се вратиме и двајцата во нормала, среќни и весели .
Одам да се спремам за да се видиме, имајте убава ноќ сите .

 

Јас би направила пауза. Дај си време.