Ми треба совет и мислење

Што ако имате од време на време анксиозни напади а партнерот не може да ве сфати или бега веднаш штом станува густо?

 

Ќе му објасниш ако сака да му објасниш, ќе чита, ќе гледа да научи што треба тој да ( не ) прави кога имаш паничен напад.
Ако не сака да научи, за мене би бил голем проблем пошто не е нешто кое можеш ти да го контролираш кога ти се случува за да го темпираш кога не е тука и најчесто е хроничен проблем, не е настинка која трае една недела па ај ќе помине.
Јас имав паничен напад страшен кога бевме на одмор Грција и маж ми ако избегаше не знам што ќе правев.
Недавање поддршка при такви психолошки проблеми, за мене е голем проблем. Ако не сака да научи нешто за твојата состојба, и ти одмага наместо да ти помогне, можеби и би размислила дали долгорочно се гледам со таков човек.

 

Па вака инаку океј личност е ама со некои постапки знае да ме извади од памет, да имам анксиозен напад, да се скараме, да го молам да ме остави додека се смирам и ситуацијата знае да ескалира.
Знае низ што имам поминато и секогаш бев искрена кон него. Не сакав да кријам ништо, сакав да знае каква личност сум и со што се справувам. Знае кои работи ме нервираат и некогаш ќе ги прави одново и одново.
Ми беше потребен период да стекнам доверба во него и да бидам целосно опуштена.
Па ќе се повлече, па ќе го нема, па ќе спие до доцна, ќе исчезне некогаш сред разговор и ќе го нема со саати.
Последно нешто што беше е што ме нарече лажга за едно прашање. А претходно ми се изнасмеа како зборувам на дијалект и тоа прилично арогантно.
Исто така ми има кажано внимавај колку јадеш, да не се поправиш, ќе ми биде срам девојка ми да има повеќе килограми од мене.
Исто и така, кога знаеше дека ми се допаѓа, не беше искрен дека договара дејт кој 2 пати му пропадна и потоа се свести дека јас постојам но не сакал да ми каже затоа што не знаел како ќе испадне со девојчето.
Вчера му го кажав сето тоа, се навредил момакот, глуми нешто жртва.

Некогаш не внимава што зборува, што може да ме доведе до тоа ептен да ме повреди со неки разговори.

Денес глуми цел ден лут откако прекинавме вчера затоа што навистина ме навреди со некои зборови.

Се случувало неколку пати да се повтори тоа, да го средиме проблемот и за некој ден повторно да го повтори.

Не очекувам нон стоп да седи онлајн и да зборуваме со саати, туку сакам да се чувствувам сигурно дека можам да му верувам.

Ќе зборува како го боли глава, ќе добил удар од караниците, ќе си го одземел животот ако ме изгубил а од друга страна ќе прави упорно некои грешки кои ќе ме доведат до тоа да имам напад, и ќе се лути на крај.

Ми значи ама навистина не знам како да постапам.

Денес му пишав неколку пораки, чисто да разговараме и ако не, да ги средиме односите и секој по свој пат.
Се осмели вчера да ми каже да посетам психолог за да биде со мене.

 

@bicycle
Ауу точаче, ова за мене се премногу црвени знаменца.
Јас би раскрстила многу порано, не би чекала толку искрено.

 

Ти ги одделив реченициве само за да ти кажам дека човеков е за на психолог под хитно, воопшто не е океј личност како што си напишала и тоа што не те разбира при паничен напад е помал проблем од овие другиве.
Само нека проба некој да ме манипулира дека ќе се убие ако му раскинам, а притоа да сум несреќна во врската.
Ќе му раскинам во наредните 2 секунди, па што ќе си прави со себе си, негов проблем.
Јас едновреме се борев со депресија и панични напади страшни, значи ужасни, кога читав по интернет дека паничните напади траат докај 20 мин ми беше смешно, мене ми траеја по 6 часа без никакво подобрување. И тоа е дел од мене, никогаш маж ми не направил да се осеќам лошо поради тоа, баш напротив.
Или body shaming затоа што си јадела.
Или да ти каже дека ти си за на психолог, а тој не гледа какви работи прави.
Тоа се крајно црвени линии кои никогаш не треба партнер да ги премине во врска.
Мене лично ако ме прашуваш, ова да ми се случи, не би продолжила со човекот повеќе. Би ставила крај.
Верувај ми, јас за раскинување не давам совет така лесно.

 

@tinka-mace и @Mantub
Дали може да ви пишам во лп, не сакам многу јавно да пишувам.

 

Може се разбира душо

 

Пиши

 

Ова како јас да се читам.

Кај мене, мојот ме замара да јадам, демек многу сум била слаба. Му кажав дека замарање за да јадам, е исто како на дебел човек да кажеш да престане да јаде, оти е многу дебел. На фин начин му кажав, ако уште еднаш спомне за мојата килажа, може слободно да престанеме да комуницираме. Без разлика дали си слаба или дебела, некој да ми кажува како треба да се хранам и колку, е навреда за изглед (body shaming).

За анксиозните напади, кој ги нема доживеано, нема да разбере што и како да прави во ситуацијата. Можеш да му објасниш што е анксиозен напад и што би било најдобро да направи во таа ситуација.

За "ghosting-от" не знам што да дадам совет. Освен да ти каже нареден пат- зафатен сум сега, ќе збориме за неколку саати.

Разговарајте, ако нема промена во иднина, раскините. Најдобро и за двајцата.

 

Фала ти душо, и ти си во право, нема почувствувано и не знае како е, можеби затоа тоа одалечување.
Инаку имам едвај 56 кг, се хранам исклучливо здраво поради тоа што ми наби комплекс за мојата килажа, дури и вежбам.
Решив да се тргнам, да дадам време.
Не можам повеќе.

 

Не дозволувајте вакви комплекси да ви набиваат девојки. Ако ви речат пак така, речете им дека тоа не е нивна работа, ваше тело ваша работа. Најбитно е да си се чувствувате вие добро во своето тело па дали со 56 или 76 кила.
Кој слепец, 56 кила дебела му била.
А он манекен да не е случајно? Па и да е, пак не го оправдува .

 

Знае дека 56 килограми е нормална тежина? Прати му слика од BMI, дека се е во ред со твојата тежина, а тој ако има набиено комплекси за неговата тежина, не е твој проблем. Па сега на тебе да ти кажува што и како треба да правеш со твоето тело.
Важно е ти да се сакаш каква што си. А него ако не му се свиѓа, нека си фате патот (без навреда). Бидејќи ако некој искрено сакаш, тогаш сите негови маани ќе ти бидат совршени.
Кога и да ти требам нешто, слободно пиши ми ЛП.

 

Мислам дека треба да прочиташ повторно што имаш напишано. Одговорот лежи во тебе. Потсвесно знаеш дека личноста едноставно не е за тебе. Љубовта подразбира да бидеш со некого и во добро и во зло. Со дечково, само ќе тонеш и ќе ти се намали самодовербата. Единствено се согласувам со него, за последната реченица, лично и само лично за тебе, да ти биде подобро. Само контекстот на неговата реченица не е во ред искажана.
Во таа состојба во која си, најмалку ти треба таква личност покрај тебе, туку треба да си опколена со луѓе кои ќе те разберат и ќе ти дадат поддршка. Ни прв, ни последен. А анксиозноста некогаш се јавува и од токсични луѓе околу нас. Така да, направи селекција на оние кои те прават да се чувствуваш неубаво.

 

Леле, понекогаш кога ја читам темава се нервирам што сѐ трпите и уште барате совети за демек да поправите нешто.
Што да се поправи? Да му ги одврзите уште повеќе рацете да ве догази?
Ова се однесува на сите девојки: прво сте вие, лично вие и вашата среќа и задоволство. Почитувајте се, сакајте се себеси со сите маани, доблести, недостатоци... Ако нешто сакате да смените, сменете го за вас. Ако тоа ве прави среќни. А не за некој мочко кој злоупотребува ситуација за да лечи комплекси.
Не понижувајте се да молите некого за внимание. Тој што ве сака и цени ќе ви го даде целото внимание на светот. Можда не сте осетиле или доживеале, но кога некој ве сака ве сака слаба и дебела, ниска, висока, со одредена дијагноза или комплетно здрава, токму такви какви што сте. И прави сѐ за да биде со вас во секој момент, колку и да е тешко.
Сѐ друго е само пополнување нечие време.

 

Во право се членките над мене, дека не треба да бидеш со тој човек. Не те заслужува. Неговото однесување ни малку не е океј. Личност која вистински те сака и почитува никогаш нема да се однесува така со тебе. Не се мачи да ја спасуваш врската која не е за спасување. Остај го нека глуми жртва, нека се лути, ма што сака нека прави. Подалеку од него.

Ако сакаш можеш слободно да ми пишеш лп.

 

Да ве известам.
Готово е.
Ви благодарам.

 

Ќе коментирав и за ситуацијата ама веќе нема потреба.
Мило ми е за тебе, мило ми е што стави крај со ваков токсичен лик.
Посвети си време на себе .