Млеко за коса

Од пред неколку месеци почнав да користам млеко за коса и многу ми се допадна производот, навистина дава убава хидратација и изглед на косата.
Но, многу малку информации најдов на интернет за млека за коса, па ја отварам темава со цел да споделуваме искуства за ваков тип производи.
Дали сте користеле млеко за коса, ако да кое и ваши искуства со производот?

Јас моментално го користам ова млеко за коса. Не ја масти косата, многу брзо се впива во косата, дава хидратација и свежина на косата, а има и прекрасен мирис кој го чувствувам и после ден-два откако ќе го нанесам.


Сега ми е речиси при крај ова млеко за коса, па се мислам дали да го пробам ова или некое друго, ако имате вие некоја препорака кое ви се допаднало.

 

И двете ги имам дома и ги користам редовно. Убаво мирисаат и не ја мастат косата премногу. Ми заменуваат регенератор уствари. И подобри се од регенератор.
Бидејќи имам многу сува коса ова ми е за редовна употреба (регенератори веќе не користам, слаби ми се). Инаку за дополнителна нега ставам од време на време и масла (бадемово на пр.) и маски за коса.

 

Го користам ова на лореал и сум премногу задоволна, прекрасно мириса косата ја прави ептен мека и не ја мрси воопшто, инаку јас имам сува. Од дм го земам , многу често е на акција и топло ви го препорачувам .
Наредно искрено сакав да пробам некое на балеа, гледам погоре дека сте задоволни па ќе пробам едно од нив

 

Истово го нарачав чекам да ми стигне деновиве па добро ми дојде рецензијава
Кажи ми како се користи?

 

Не сум користела вакво нешто досега, ама како што гледам од сликите е погодно за сува коса. Мојата е баш таква.
Ме интересира колку често се користи, дали на секое миење, дали на сува или на мокра коса?

п.с. Штом има со мирис на кокос, сигурно избрав веќе кое ќе го купувам

 

На мокра коса се нанесува и не се плакне. Ми беше страв баш заради тоа што не се одмива, да не ми е после претерано мрсна косата ама веднаш се впива и не ја масти, само ја омекнува. Колку посува косата толку побрзо го впива изгледа. Не е јако, мене дури и не ми е доволно и повеќе од ова ми бара косата, посебно на зима. Мене лично тоа на манго ми мириса поубаво, свеж мирис има.
Го користам преку едно миење, а измеѓу тие две ставам маска за коса. Ама реално, колку ми е сува косата периодов, се мислам, може нема да има штета да ставам и маска за коса и да ја исплакнам, па да ставам после од млекото.

 

Бидејќи јас ја мијам косата секој ден, претпоставувам дека нема да морам секој ден да ставам. Ќе ги менувам со регенераторот, наизменично на едно миење.

 

Да, најдобро така штом користиш повеќе препарати и штом често ја миеш. Јас на 2-3 дена ја мијам зимно време, значи еднаш неделно ми доаѓа да го користам... А баш ќе пробам и маска за коса и млеко, да видам дали ќе е премногу или не. Периодов ја запоставив косата, многу и земам (ја фарбам, ја горам со фен, на студ ја изложувам), а малку и давам, т.е. не ја прихранувам редовно . И природно ми е сува косата ама и без нега доволно уште полошо.

 

Фала ти за советите.
Главниот мој проблем со косата е тоа што ми се плетка многу, пишував и во друга тема за ова.
А здрава ми е многу, и густа, и не ми се мрси и ако ја оставам 3-4 дена да не ја измијам. Но не ја оставам баш затоа што ќе се заплетка многу.
Се надевам дека млеково ќе помогне и за расчешлување.

 

Пренежно и преубаво мириса ова со кокосот да знаеш, прекраснотии е, штом сакаш кокос мислам ќе ти се свиѓа.

Јас ја мијам 2-3 пати неделно, секогаш нанесувам од млекото за коса, регенератор моментално не употребувам.
На полувлажна коса нанесувам (само не ставам на коренот пошо и онака ми се мрси косата, па не ризикувам ), а на останатиот дел да и косата ми е преубава, мазна, лесно се чешла.
Пишува дека има и заштита од топлина на фенот производот, па и тоа е плус.

 

Аха, епа би требало, посебно ако ја исчешлаш додека не е впиено. Јас се некако на брзинка шлапам тоа, се брзам, не оставам да постои маската, се немам време. А ќерка ми гледам и кога става регенератор обавезно ја чешла со регенераторот и тоа со ситен, обичен чешал ја проаѓа и ја остава малку да постои па после ја плакне. Така после сушење и е екстра мазна, права и сјајна косата. Јас исто имам густа коса многу јас да земам со чешле да ја чешлам, ќе го скршам Ама има ефект и тоа чешлањето, помазна е косата и клизи низ неа четката.

 

Јас на чешелот ставам од млекото и го расчешлувам низ косата така. Многу полесно се чешла косата така. Потоа плус на краевите дополнително ставам млеко со рацете, затоа што на тој дел најсува ми е. Не ја чешлам пред да ставам млеко за коса, туку истовремено го правам тоа.
Сум забележала со млекото за коса многу полесно ми се чешла кога ми е мокра косата, отколку ако ја исчешлам прво, па потоа нанесам од млекото.

 

Ќе го пробам овој начин, обавезно. Фала.
Инаку се согласувам со се што пиша претходно. И јас ги избегнувам корените, тоа по некое општо правило, а повеќе ставам на врвовите. И да, штити од топлина, сакав да додадам, ама пиша веќе. А тоа е голем плус, зашто стално ја фенирам косата. Посебните продукти за таа намена во случајов не се потребни. И така се прескапи и само го оптоваруваат буџетот.

 

Дефинитивно, се согласувам. Ептен ми е откритие на годинава производов, а и забележувам разлика откако го вметнав во рутината за нега на косата, многу посјајна и похидрирана ми делува косата. Дури и од маските за коса повеќе ми се допаѓа, некако подобро ми делува на косата бар лично мене. И кога не користам маска за коса некогаш, а користам од млекото, не приметувам разлика дека ми фали маска за коса на пример, ја имам истата сјајност и мекост на косата.

 

Дали се овие млека и за коса што се мрси брзо или не се препорачливи?

 

Еве јас со коса што се мрси за еден ден сум и не ми влијаат воопшто на тоа да ми се мрси косата повеќе, исто и како порано ми е се... Немаат мрсна структура некако, косата веднаш го впива производот, не е таков да ја мрси според мене.

Ќе ставаш само на врвовите, на коренот не и не би требало да имаш проблем, но секако најдобро сама да пробаш кај тебе, да видиш како би ти било, сепак ти си ја знаеш најдобро косата.

 

Јас ставам на водена веќе чешлана коса, прво ја цедам и ја чешлам да не е ептен жива вода , ставам од средина па надолу, во коренот не ставам. Ја виткам во крпа и седам така некое време и после ја фенирам.

 

Од млека за коса овие ми се најдобри

 

Првпат гледам дека има и млеко за коса.