Можно ли е младите во Македонија да живеат самостојно?

Не е битно колку сум јас самостојна. Битно е колку ти сакаш да ме направиш мене подолу од тебе, да ме понижиш и да покажеш дека јас сум ништо затоа што живеам под кирија, а ти си многу подобра од мене.
Не може двајца да споредуваш. Јас сум го избрала животот кој што го живеам затоа што бил подобра опција за мене, затоа што кога се соберат сите трошоци (да, сите, и ќирија и храна и облека) мене на крај пак ми останува повеќе отколкушто би земала ако живеев под покривот на мама и тато.
Се имам изјаснето на темата, да можам да добијам конкурентна плата во местото на живеење И МОЖНОСТ ЗА НАПРЕДОК, не би се поместила од дома. Зарем би фрлала секој месец по 200 евра за ќирија?
За некого и самостојноста не е избор, туку единствено решение.

@Tanjamm не си ја разбрала професорката по социологија. Рекла дека додека го подигаш тенџерето дома не си самостојна. Фина изјава.
Епа сама кажа дека не го подигаш. Ем живееш сама, ем сама се храниш. Значи самостојна си.
Има луѓе што живеат со родителите и дома оставаат одреден месечен износ, наместо да плаќаат ќирија. И тие луѓе се самостојни. Не дека тие не би можеле да живеат под ќирија, ама заради одредени причини тоа е подобрата опција за нив.
Не си самостоен ако бараш од дома за кафе и са изкачање. Не си самостоен ако не знаеш машина да уклучиш и ручек да си направиш. Не си самостоен ако не можеш една недела да преживееш ако те остават само дома. Не си самостоен ако земаш плата и на никој начин не придонесуваш во домашниот буџет. Се друго се нијанси. На кого како му одговара.
Зборите за странство... Колку луѓе во странство поседуваат дом, посебно во Америка? Никој не се мачи да купува живеалиште.

 

Не можеш да си ништо зашто одиш по патот кој ти си го зацртала.

 

Оние што заминаа во странство, заминаа од најразлични причини, долга и широка е да ја разврзам што и како. Генерално заминаа зашо овдека не можат да просперираат.
Старото време на нашите родители има потешкотии поголеми од денешното. Денешново време е подобро за живеење од тогашното во секој случај.

 

Јас мислам дека барем 80 %, да не речам сите, сакаат да се самостојни и да живеат сами, да имаат интимност. Но финансиите не го овозможуваат тоа...

 

А што е целта на млад човек освен просперитет и стварање подобри услови за живот? Нормално дека ќе оди таму кај што може да го оствари тоа.

Кои потешкотии? Дека со акции од Заводот за вработување наеднаш се вработувале по 100-200 штотуку завршени среднисти? Кога ти сега ќе го доживееш овде тоа? Никогаш!

 

Znaci stom e takva rabotata da se nema pari i nacin da se zaraboti, togas ich ne pocnuvajte da razmisluvate za osamostojuvanje.Koga ke se omazite ili ozenite prifatete si go zivenjeto vo zaednica kako normalna rabota.So niv ostarete i koga decata ke vi se zenat mazat, kazuvajte im ja istorijata vasa, deka se nemalo za poveke i priberetegi, kako i negogas vasite sto ve pribrale i zivejte 4 generacii pod ist krov.Samo nemojte togas da zaboravite sto ste pisuvale sega pa da barate vasite deca da bidat porazlicni od vas vo razmisluvanjeto.

 

Кажи ти искуство де, да научиме од тебе па и ние живот да видиме. Не само околишеш околу едно те исто. Кажи некој факт.

 

Знаете како викаат - една генерација се соколи, другата бувови.
Е така во мојата фамилија јас и сестра ми сме бувови. Нашите родители сториле и ни овозможиле да живееме самостојно. Но, самостојноста ни е всушност дадена, а не создадена.
Од друга страна, ниту јас ниту сестра ми располагаме со имотот, ..имаше сега брзо некој твит: во МК полнолетен си кога ќе добиеш сметка за струја на лично име.
Е..тоа ние ќе го почекаме. И ок е. Право на родителот е кога, како и дали ќе му остави имот на детето (секако и можност, но јас зборам за мене па викам право)
Ако можеби располагав со имот, ќе земев некој кредит за бизнис, па ќе бев сокол. Вака не можам.
Моето дете ќе биде сокол. Ќе стане полнолетна многу пред мене и ќе има можност да управува со она што ќе го поседува.

 

За почит е тоа што детето е пред се. Така размислува совесен родител и добар човек.

 

Овој предлог е нелогичен. Во соседен Велес е поевтино, но соседните Тетово и Куманово за кирии не се евтини. Нема логика да фрлаш пари за кирија во помал град и за автобус, па плус да се возиш, губиш време, да дремеш по автобуски со некаква лажна идеја дека си самостоен. Тоа е фрлање пари во ветер и малтретирање. Кој има доволно голема плата нека земе кредит, па наместо за кирија да дава за рата. Појаснување за погоре коментарот, социологот кажа дека под туѓ кров и со делење на сметки, со ѕиркање во тенџерето на мама не си самостоен. Значи според неа ако живееш во заедница ти не си самостоен.

 

Пaтни трoшoци плaќaaт фирмите?

 

Моите коментари кои не беа упатени кон тебе (немам поим зошто си ги сфатила лично), немаат поента на омаловажување и понижување. Преувеличуваш многу.
Едноставно, sick and tired сум од слушање на исти приказни. Сум живеела и јас во скопје и знам како е. Сум работела и јас за 200 евра, секој ден трпев мобинг и на крај си дадов отказ.

Во мкд, за жал не постои целосно осамостојување, дури откако ќе ја донесеш најтешката одлука, да пакуваш куфери, тогаш се случува тоа. Тоа е мојот на став на темата, кој по некој случај си го пропуштила.

А да, тие кои што ги нарекуваат оние со дипломи џаболебари кои седат дома. Верујте, не сте во нив да знаете како им е.

Еве јас работам нешто, кое нема врска со мојот факултет, па за мене лично, факултетската диплма е најскапото парче тоалетна хартија.

Spoiler

Ништо не вреди без конекции од мама и тато, заедно со партиската книшка.

 

Под кирија живеевме, сами плаќавме сметки и кирија. Помош од нашите послабо затоа што немаа едноставно. Плата земавме подпросечна и првите 3 години беа претешки, но со огромна љубов и откажување од многу работи успеавме да достигнеме малку подобар стандард. Штедење за стан никогаш не доаѓаше предвид, висината на кредитот е исто како и висината на киријата така што и сега, 6 години покасно кредитот за стан го отплаќаме со откажувања од многу работи. Првите година и 7-8 месеци јадевме леб, маргарин, макарони и кечап и компир печен затоа што евтин беше. И понекогаш уфрлувавме некој сезонски зеленчук што можевме да си го дозволиме. Примањата вкупно ни беа 18000. Јас земав 6 хонорар,тој 12000 плата. Од тие 120 евра беше киријата (1 соба и импровизирана кујна) 50 евра беа сметките и околу 1000 плаќавме интернет и кредит за мобилен. Од заштеда кога живеев со моите имав околу 300 евра, тој немаше воопшто. Маникир,кафани и кафиња надвор не сакам ни да спомнувам. Тоа и сега со солидни примања ретко кога си го дозволуваме. Кога беше ептен кнап, наоѓавме начини да дојдеме до екстра денар, мм фаќаше тезги некакви смешно платени, ама и тоа беше огромна помош. Тргнувајќи од личен пример - сметам дека секој млад чоек што сака да се осамостои, доколку има некакви основни примања - може.
И уопште нејќев ваква исповед затоа што не го глеам форумов како личен дневник, ама изглеа нема овде начин да кажеш мислење и тоа да се земе за веродостојно. Тоа е животот во Мк,луѓе. Тежок е, ама кога ќе успееш да се осамостоиш - задоволството е големо.

 

Зависи која фирма ама во многу фирми и не плаќаат.

Далеку од тоа дека се исповедувам туку само дискутираме и давам одговор зошто не сакам да излезам под кирија. Ако ти мислиш дека си успеала тогаш ок ама пак се враќаме на ова дека ова не било живеење туку преживување. Јас да почнам да се хранам со макарони и компир печен само, со мојата здравствена состојба, верувај деќа ќе завршам по болници.Сакам да ти кажам дека ти и другата членка бевте тие што спомнавте и се исмејавте на некој начин демек срамота било 30 годишници да живееле со нивните.
Колку што разбрав, ти си имала партнер или дечко до себе ама не секој има сериозен и стабилен човек кој знае што сака.
Се надевам дека сега ме разбра зошто кажав дека не може. Пошто има голема разлика од живеење до преживување. А со 300 евра месечно под кирија само се преживува.

 

Прво се преживува а потоа со малце повеќе труд почнува и да се живее. Ретко кој почнал самостоен живот лесно и глатко. А фала богу дека ќе се разболеш само од макарони, затоа среќа што нашево поднебје изобилува со зеленчук и овошје кои се достапни за сечиј џеб.
п.с. не ги исмејав туку реков дека е возможно да се осамостојат и со пониски примања, ако сакаат.

 

p.s. Се откажувам од дискусија. Кој како сака нека живее, јас го кажав моето мислење.
Кад-тад сите ќе мораат да се осамостојат.

 

Да за тие што ги покрадоа државните фирми во процесот на приватизација. Оф топик во тоа време секое лето и зима одевме на одмор во државни хотели, најадени и напиени во животот,градинката и подоцна школото. Здрави бевме а и кога ќе се разболевме лекови купуваа моите за смешна сума. А сега јас едвај еден одмор дал на моево ќе приуштам. За градинка сум на список на чекање бидејќи не сме важни фаци низ маало да свртиме два-три броја. За работа ако немаш вујко владика тешко. Последнава година како не работами одам на огласи скоро секој прашува дали сум мажена и колку деца имам и откако ќе кажам едно дали во блиска иднина планирам второ-дискриминација на ангро,газда е му се може. Да се разболе малоно ќе отиде заштедата правена со месеци. И ти ми велиш поарно е денешново време,ах за .
Ќе си украдат или веќе украле и немаат никаква одговорност. Епа на времето вакво нешто било непоимливо.

 

За амбициозни личности кои сакаат постојано да се надградуваат и да просперираат, мкд е некој круг од пеколот, бидејќи нивните стремежи се неостварливи.
Луѓе кои немаат проблем со тоа да живуркаат, се задоволни и благодарни со тоа што го имаат, претпоставувам дека повеќе или помалку им е ОК тука.

 

Познавам и многу амбициозни луѓе што останале овде и напреднале многу - не би рекла дека "живуркаат". Глобализацијата и Интернетот си имаат удел.