Можно ли е младите во Македонија да живеат самостојно?

Во темава гледам имам пишувано во далечната 2017, ама ете сега fresh да си искажам мислење.
Пак не мислам дека има ептен поволни услови за осамостојување.

Тоа што платите се покачија не значи ништо затоа што цените на се исто така рипнаа. Кај мене во зграда одржување знае да биде и 700, и 800 и 1000 месечно, секој месец различно доаѓа. 1000 за телефон, 1000 за тв/интернет. Каде се струја и вода? Превоз? Храна? Еве јас имам и миленичиња, треба и тие да преживеат нели? Месечно за нив минимум 3000 ми одат.

Бидејќи немам стабилна работа, него живеам од фриленс проекти, го издадов станот и живеам со моите. Имам факултет плус диплома од IT курс, и пак работа не се наоаѓа така лесно по струка. Никој не сака да ти даде шанса без искуство.

Ако немаш твој стан, треба да плаќаш кирија. А 200 евра ги даваат станчиња без клима, без греење, без ништо внатре. Моја блиска личност живее сам, вработен е, под кирија, и јаде еднаш дневно за да истера. Тоа не е живеење, тоа е преживување.

Како да живеете во некоја утопија, па сега ќе се убедуваме дека со 30000 можеш да платиш кирија, сметки, храна, превоз па дури и гардероба да купуваш и да имаш социјален живот.

 

Повторно, ми кажуваш лични искуства што се многу ретки во Македонија. Никој не вика дека не е возможно, има луѓе но МНОГУ СЕ РЕТКИ. Разликата е тоа што во другите социјално развиено земји ваквите примери се чести, а ретки се луѓето кои што не се самостојни пред 25 години. Не знам како не сфаќате дека зборам за генералната слика на нашата држава, не за многу ретки случаеви кои се 1 во милион во споредба со нашата ситуација. Нема да ме убедите дека во земја полна со корупција, кронизам и мито во секоја сфера СИТЕ можат да се издигнат само со сопствен труд и чесна работа. Ми зборите за некоја утопија

 

Темава може да иде у канта, бидејќи да беше ова утопија немаше иселувањето (со акцент на млади луѓе, но и цели фамилии) да е волку големо, притоа колкава бројка се вратиле??
И сите лични примери за како некој работел пред 10год за 10000, што тогаш имале поголема вредност од сега, не се одлика на сегашнава тажна состојба. Газдите сакаат не само да работат луѓе за мала пара туку и НИКОГАШ да не бараат повеќе. Нема поента да коментирам, секој пат кога правам вака математика, испаѓа како шизофренија да имам а не реалност у главава.

 

Не можеме да знаеме кој колкава плата зема, луѓето лажат. Пример слушам луѓе се фалат со суми од 40.000, 30.000 денари за фабрика каде често луѓето даваат откази. Тие што заминале кажуваат дека реалната плата е 25.000 денари, ама нон стоп нешто им се одбива, па ни тие пари не ги земаат. Дури и 25.000 ги сметаат за добра плата, оти нема избор, нема каде да одат. Семеен човек со 25.000 може само да преживува, ништо друго.

 

Од рубриката #неседесило издвојуваме: Отишла во банка да бара работа БЕЗ диплома и БЕЗ врски, и ја добила работата веднаш.

 

Едноставно, не.

 

Апсолутно! Толку многу често ја слушам оваа лага што веќе и здосадено ми е искрено.

 

Ни тоа.

 

Знајме како се вработува во банка сите. Да ми кажи некој дека одиш на интервју и ќе те одберат онака и оп на работа в банка, ако не живвев тука во Мк. Барем 5 мина знам в банка шо работат, двајца се во Ск и знам како се вработија.

Тука за обичен работник во фабрика, за в бутик ти требаат врски, не да зборувам за друго, доволно кажува кај живееме.
И јас знам да кажам пример, одма дипломира и се вработи в банка, па го унапредија па личен банкар, па да кај стигна се и многу други примери, кога точно знам како стигна, не дека бил најдобар или немало подобар, а подобриот си останал на иста позиција.

И споредување со странство нема допирна точка.
Кога во Германија, Англија можиш средно да завршиш и одма да најдеш работа со плата која ќе си плаќаш стан сам, храна и ќе живееш, а не да работиш за 20-25000 тука и така не можиш да преживееш, не пак кирија да плаќаш.

 

200 евра доволно? Убава пресметка си направила.
Плата 27 000 за триесетгодишник. 30 годишник што не вози кола (ете не дава пари за гориво, и никад не бил на одмор подалеку од Охрид)
*10 000 од нив одат на кирија заедно со сметки (струја, вода, интернет, одржување на влез у зграда). И замисли, за соба у стан со цимери што е со југословенски мебел, што нема ни Л од луксуз. Нејсе.
*4000 кредит што треба да се плаќа секој месец наредниве 10 месеци. Ќе речеш зошто? Безизлезна итна ситуација. Не дај боже да треба финансиски да им се најдете на родители со 27 000 плата, посебно за медицински интервенции, има да најдеш одма.
*500 денари постпејд сметка за телефон

14 500 денари у старт ги даваш чим ти стигне плата.

12 500 ќе ти останат да правиш што сакаш. Абе едно влегување у најефтин супермаркет и одма ситниш илјадарка. И не, не зборам за купување месо, кашкавали, лососи. За најобично млеко, леб, тестенини 500 оди ко ништо. Што е со овошје и зеленчук? Хигиенски производи? Една Рексона сигурно не користиш цел месец, посебно во лето. Сигурно нема да смрдиш на километар.
Тие 200 евра за преживување ко што кажа. 200 евра за 30 дена у месецот тешко изводливо. Ете сакаш да заштедиш нешто на страна. Да тргнеш пари за "не дај боже ситуации", прегледи, свадби итн. Ако успееш со 200 евра свака част. Мисловна именка моментално ми е купување течна пудра од 500-600 денари, декоративна козметика или не знам што. Патики, нова облека не знам од кога не сум купила. Облека битно да ми е чиста испрана и испеглана, а ако тераш мода сигурно ни 200 евра нема да те оправат.

 

Сечија битка е различна. Мала дигресија на примерот со макароните. Имам многу блиски луѓе заминати во странство, на некои од нив почетоците им беа такви. Можеби не толкава екстрема со храната и јадење еднаш во ден, туку излоацијата и константното бубање си го направи своето. Некој би рекол се исплати, јас гледам личности кои сега се зајадливи, преполни его, и се радуваат на туѓа тага. Првиот пат мислев трипам, ама се случи на неколку пати и знам сум во право. Не би премногу во детали, пробав и јас на два пати да хаслам, за малце ќе си го уништев здравјето. Ама секој со паметот.

 

Колку години имаш?

 

Прати ЦВ во стопанска банка. На стори ми искача оглас постојано. Нема кадар, бараат нон стоп млади за работа.
И знаеш што се случува кога ќе ги вработат? Втор ден каснат, трет ден бараат да си идат порано зошто имале закажано на фризер. Не се ни зезам.
Сакаат сите одма плата голема, а реално многу од младите се страшно мрзливи и не се осамодтојуваат баш зошто е полесно да им даваат пари отколку 8 саата да седат на стол. Изговори милион.

 

Во банка и јас немам чуено некој да се вработе без врски.

 

Куклич, почнав да работам пред 20 години за 18 чисти . 10 години подоцна, ми понудија работа за 18 чисти. Се спакував и заминав.
Може таква ми била кармата, еве не знам.

Сега смешно ми е, мислам фала им за се, ама знам колку живци кинев тогаш.

 

Не знам од каде ви е тоа дека сите млади низ Европа живеат самостојно? Тоа можеби низ поголемите градови каде доминираат згради па не можат две генерации да живеат под ист покрив во шупи од 60м2. Но и те како живеат многумина со родители во помали средини затоа што имаат огромни куќи со дворови. Кириите низ поголемите градови се изгор скапи и тешки за наоаѓање.

Интересни студии од САД
https://news.prudential.com/58-youn...mpacting-their-parents-path-to-retirement.htm
https://qz.com/nearly-half-of-americans-age-18-to-29-are-living-with-t-1849882457

Германија
https://www.destatis.de/EN/Press/2020/08/PE20_N045_122.html

Италија
https://www.france24.com/en/europe/...upreme-court-sends-wake-up-call-to-big-babies

Италијанците, Шпанците, Португалците, Французите се многу бетер од Балканци. Посебно Италијнците. Кај нив не е невообичаено по три генерации да живеат во една иста куќа.

Скандинавските земји имаат некој повисок процент на млади луѓе што излегуваат од домот на своите родители после факултет но и голем дел уште живеат со родители.
https://www.thelocal.se/20170518/ho...number-of-young-swedes-to-live-at-home-report

Дали може во Македонија да се живее самостојно? Прашањето е зошто некој би живеел самостојно во помалите градови кога луѓето таму живеат претежно во големи куќи и дворови? И тоа се претежно микро семејства со мајка, татко и две деца. И ако во случајот едно од децата е женско кога се мажи излегува од куќа. Скопје е друго. Повеќето се во мали станови и самата потреба за приватност ги тера луѓето да чинат чаре.

Живеење сам не значи и по дифолт поквалитетен живот. Приватност секому му треба и мир на крајот на денот да се одмори. Но близина со родители си има и свои предности.

 

Има разлика од сопствен избор и немање на сопствен избор. Не знам каде низ постовите негде спомнавме за културата и живеење во мултигенерациски куќи. Истото го има и во Азија и Африка. Вон тема е скроз

 

Можно е да се издржуваат, ама не можат на пример да се збогатат преку работа, Македонија не нуди такви шанси.