Молитва

Ке ве замолам за молитвата за здравје,ако некој ја знае да ми ја пише.
Пред некое време на youtube слушнав молитва за да не заштити од магии и нечисти сили,ама беше на српски,па ме интересира дали знае некој молитва за да се заштитиме од нечисти сили.
И молитва за учење.

Фала однапред.

 

Молитва за болни кон Господа
Господи, Исусе Христе, Спасителу наш, Ти слезе на земјата од преголема љубов за да ги спасиш грешниците; Ти со Твојата милостива рака ги излекува болестите и слабостите на сите што ја побараа Твојата помош, им го врати здравјето и им подари нов живот. Премилостив наш Господи, преголемо е Твоето човекољубие. Затоа го упатувам моето срце кон Тебе и со смирение Ти се молам да ми помогнеш и да ми го вратиш здравјето. Знам, Господи, дека не секогаш сум Ти бил благодарен за тоа. Често сум Те заборавал и сум бил негрижлив за овој преголем Твој дар. Не гледај, Господи, на мојата неразумност. Умножи ја Твојата добринаинепо заслуга, ами поради милост, крени ме од постелата на страдањето и маката, а јас ќе ја прославувам Твојата чудна сила и ќе го прославувам Твојот свет закон во сите денови на мојот живот. Помогни ми да ги истрпам болките, смилувај се спрема мене немоќниот, не дозволувај моето срце да се огорчи или во мојата душа да се всели смут или бунтување. Дојди, Господи, кај мене, угаси го огнот што ме измачува, а јас ќе појдам по Тебе и ќе бидам жив сега и во вечноста. Амин.

Молитва пред учење
Преблаг Господи, испрати ја благодатта на Твојот Свет Дух што ги просветува и окрепуванашите душевни сили: да внимаваме што ни се предава, та да бидеме радост на нашите родители, да бидеме од полза на нашата Татковина и на Светата Црква. Амин.

Молитва по учење
Ти благодариме, Создателу, што нè удос тои со Твојата милост да можеме внимателно да ја слушаме науката што ни се предава. Спаси ги и помилуј ги нашите старешини, родители и учители, кои нè водат кон познавање на вистината, а нам дарувај ни сила да можеме да го продолжиме полезнотоучење.

МОЛИТВА ЗА ЗАШТИТА ОД НЕЧИСТА СИЛА
Господе Исусе Христе, Сине Божји, огради ме со светите Твои ангели, со молитвите на Сепречистата Владичица наша Богородица и Приснодева Марија, со силата на Чесниот и Животворен Крст, светиот Архистратиг Божји Михаил и останатите небесни сили бесплотни; светиот Пророк и Претеча, Крстителот Господов Јован; светиот Апостол и Евангелист Јован Богослов; свештеномаченикот Кипријан и маченичката Јустина; светителот Николај, архиепископот Мириклијски чудотворец; светителот Лав епископот Катански, светите словенски просветители и учители Методија и Кирил Солунски и нивните свети ученици Климент и Наум Охридските чудотворци, свети Горазд, Ангеларија и Сава, светителот Никита Новгородски; светителот Јосиф Белгородски; светителот Митрофан Вороњешки; преподобен Сергиј игумен Радоњешки; преподобен Серафим Саровски Чудотворец; светите маченички Вера, Надеж и Љубов и мајката нивна Софија; светиот маченик Трифун; светите и праведни богооци Јоаким и Ана и сите свети Твои, помогни ми мене, недостојниот раб Твој (името на оној кој се моли) да ме избави од сите напади непријателски, од секое зло, од секоја маѓија, враџба, вражање и од лукави луѓе, да не можат да ми направат никакво зло. Господи, со светлината на Твоето блескање сочувај ме наутро, преку ден, и навечер и кога сон ми доаѓа, и со силата на благодатта Твоја одврати го и оддалечи го секое зло нечисто кое дејствува според наговор на ѓаволот. Оној кој така мислел и правел - врати го нивното зло назад во пеколот, зашто Твое е Царството, и Силата и Славата, на Отецот и Синот и Светиот Дух. Амин.

 

Моќта на молитвата-научни докази

 

Дали има молитва за непријателство? Мојот татко и мојот брат никако ен се сакаат па дека верувам многу во бога сакам да ве прашам да не некој знае молитва за ова?

 

По молитвите на светите оци наши, Господи, Исусе Христе, помилуј не. Амин.
Слава Ти, Боже наш, слава Ти.
Цару небесни, Утешителу, Духу на вистината, Кој си насекаде и се исполнуваш, ризницо на добрините, Животодавче, дојди и всели се во нас, и очисти не од секаква нечистотија и спаси ги, Благи, душите наши.
Свети Боже, Свети Крепки, Свети Бесмртен, помилуј не. (3 пати).
Слава на Оца и Сина и Светиот Дух, сега и секогаш и во вечни векови. Амин.
Пресвета Троице, помилуј не. Господи, очисти ги нашите гревови. Владико, прости ги нашите беззаконија. Свети, посети ги и исцели ги нашите слабости, заради Твоето име.
Господи, помилуј. (3 пати).
Слава на Оца и Сина и Светиот Дух, сега и секогаш и во вечни векови. Амин.
Оче наш, Кој си на небесата, да се свети името Твое; да дојде царството Твое; да биде волјата Твоја, како на небото, така и на земјата; лебот наш насушен дај ни го денес и прости ни ги долговите наши, како и ние што им ги проштеваме на нашите должници; и не воведувај не во искушение, но избави не од лукавиот.

Господи, помилуј(12 пати).
Пријдете да Му се поклониме на Царот, нашиот Бог.
Пријдете да Му се поклониме на Христа - Царот и нашиот Бог.
Пријдете да Му се поклониме и да паднеме пред Самиот Христос, нашиот Цар и Бог.

Помилуј ме, Боже, поради големата Твоја милост, и заради големата Твоја добрина избриши ги беззаконијата мои. Најнапред измиј ме од моето беззаконие и очисти ме од мојот грев, зашто беззаконието мое го знам и мојот грев е секогаш пред мене. Пред Тебе единствениот згрешив и пред Тебе зло извршив, за да бидеш праведен кога ќе пресудуваш и да победиш кога ќе судиш. Ете, во беззаконие сум зачнат и во грев ме роди мајката моја. Но, Ти ја засака вистината во срцето, и внатре во мене ми ја објави непознатата и тајната премудрост Твоја. Пороси ме со исоп, и ќе бидам чист; измиј ме и ќе бидам побел од снег. Дај ми да чујам радост и веселба, и ќе се зарадуваат коските мои ослабнати. Сврти го лицето Свое од гревовите мои и избриши ги сите мои беззаконија. Создај чисто срце во мене, Боже, и дух вистински обнови во мене. Не отфрлувај ме од лицето Свое и Светиот Дух Твој не одземај го од мене. Врати ми ја радоста спасувајќи ме и со Својот моќен Дух зацврсти ме. Беззакониците ќе ги научам да одат по Твоите патишта, и безбожниците кон Тебе ќе се обрнуваат. Избави ме од крвта, Боже, на моето спасение, и јазикот мој ќе се зарадува на Твојата правда. Господи, отвори ја устата моја и устата моја ќе ја објави похвалата Твоја; оти, да сакаше жртва, јас ќе Ти ја принесев; но сепалениците не ги сакаш. Жртвата пред Бога е смирен дух; срце понизно и смирено Ти, Боже не отфрлуваш. Господи, направи му добро на Сион, според благоволението Свое, воздигни ги ѕидовите ерусалимски. Тогаш ќе Ти бидат угодни жртвите на правдата, вознесувањата и жртвите сепаленици; тогаш на Твојот олтар ќе принесуваат телци.

Боже, дојди ми на помош, побрзај, Господи, да ми помогнеш. Нека поцрвенат и нека се засрамат оние, што ја бараат душата моја! Нека се уплашат, нека се уплашат и засрамат оние, кои ми пожелуваат зло. Нека отстапат и нека се посрамат оние што ми викаат: "така! така!" Нека се зарадуваат и равеселат со Тебе сите, кои Те бараат, и кои Те сакаат Тебе, Боже, и кои сакаат спасение од Тебе, и нека велат: "Да се возвеличува Господ!" Јас, пак, сум беден и сиромав; поможи ми Боже, Ти си, Господи, помошник мој и избавител мој, не се забавај!

Господи, услиши ја молитвата моја, чуј го молењето мое поради Твојата вистина; услиши ме поради Твојата правда и не стапувај во суд со Твојот слуга, зашто пред Тебе нема да се оправда ниту еден од живите. Непријателот ја прогонува душата моја, го понизил животот мој дури до земјата, ме остави во темнина како оние кои се одамна умрени; опадна духот мој во мене, се вознемири во мене срцето мое. Се сетив на дамнешните дни и размислував за сите Твои дела, расудував за делата на Твоите раце. Ги протегнав кон Тебе рацете мои, душата моја е жедна за Тебе како сува земја. Услиши ме поскоро, Господи: духот мој малакса; не одвраќај го лицето Свое од мене, за да не заприлегам на оние, што слегуваат во гроб. Соопшти ми ја утрената милост Твоја, зашто во Тебе се надевам, Господи. Покажи ми го, Господи, патот по кој да одам, зашто кон Тебе ја вознесувам душата моја. Избави ме, Господи, од моите непријатели, зашто при Тебе прибегнав. Научи ме да ја исполнувам волјата Твоја, зашто Ти си мојот Бог. Твојот благ дух нека ме води по прав пат. Заради Твоето име, Господи, ќе ме оживиш; поради Твојата правда - ќе ја избавиш од неволја душата моја. Според милоста Твоја истреби ги непријателите мои и погуби ги сите, кои ја измачуваат душата моја, зашто јас сум слуга Твој.

Човекољубив Господи, Царе на мирот, Христе Боже наш, Ти ја урна преградата на непријателството и им го даде Твојот мир на луѓето, за да живеат по Твојата волја и да му се радуваат на вистинскиот живот. Ти ни заповеда да се сакаме еден со друг и да има мир меѓу сите луѓе, особено меѓу оние што го познале вистинскиот Бог, Отецот на љубовта. Ти рече: Блажени се миротворците, зашто тие ќе се наречат синови Божји. Се покорувам на Твојата света волја, Ти се молам, Владико, дарувај им мир на Твоите чеда (имињата) што се скарани. Просвети го нивниот разум со Твојата светлина и стопли им ги срцата со Твојата љубов, за да не дозволат злото да ги овладее и да ги оддалечи од Тебе. Стивни ја во нив расправијата и изгони ги сите соблазни за разномисленост. Вкорени го во нив стравот од Тебе, за да не се погордеат нивните срца и да не бараат одмазда. Дај им го она штослужи за мир и взаемно поучување, зашто многу е убаво и многу пријатно кога браќата живеат заедно и во мир. Не оставај ги и натаму скарани; ослободи ги од робувањето на човечкиот непријател, приведи ги во Твојот мир и спаси ги. Поткрепи ме и мене да бидам постојанен во нивното смирување, за да ја исполнувам Твојата волја за зголемување на мирот и љубовта меѓу Твоите луѓе, да ја запознаам радоста на миротворците, што Ти ги нарече синови Божји. Ти си нашиот мир. Тебе Те прославуваме заедно со Отецот и Светиот Дух, сега, секогаш и во вечни векови. Амин.

Господи Исусе Христе, Ти им прости на Твоите непријатели, зашто не знаеја што прават. Ти се молам од сè срце, биди милостив и кон оние што ме мразат, што ме навредуваат, хулат и клеветат. Ти ја испитуваш длабочината на човечкото срце и знаеш дека сум немоќен и грешен. Поткрепи ме да го очистам моето срце, да ги умножам делата на љубовта кон моите блиски и да не ги огорчувам со ништо. По Твојата голема милост прости им на моите непријатели; вразуми ги, просвети ги со Твојата вистина, за да не се ожесточуваат против мене и да не бидат казнети заради мене. Добро ми е кога сум во Твојата рака. Ти се молам, недозволувај да ме победи злото, не дозволувај да загине ниту еден од моите непријатели, но сите да се обрнеме кон Тебе, кон Твојот мир и да бидеме Твои верни чеда, зашто Ти си Единствен Благословен во вечни векови. Амин.

Боже на љубовта, Боже на мирот и долготрпението, помогни ни да живееме во овој дом секогаш во мир, во слога и љубов. Засилувај го нашето трпение, зашто Ти,Господи, си долготрпелив кон нас грешниците. Скротувај нè со благост кога сме гневни, не дозволувај му на злото да влезе длабоко во нас, да ги помрачи нашите души и да нè раздели. Ти сè опростуваш, помогни ни и нам да бидеме готови да простиме и да се смириме. Отстрани ги со Твојата силна десница причините на неразбирањето и кавгите и всади го во нашите срца духот на кротоста и љубовта, за да бидеме чеда на семејство од Тебе благословено и да напредуваме во секакво добро за Твоја прослава, на Отецот, и Синот, и Светиот Дух. Амин.

Почесна од херувимите и неспоредливо пославна од серафимите, нетлено си го родила Бога Словото, тебе, која си Богородица, те величаме.
Преславна и секогаш Дево, мајко на Христа Бога, принеси ја нашата молитва на твојот Син и наш Бог, преку тебе да ги спаси нашите души.
Надеж ми е Отецот, прибежиште ми е Синот, покров ми е Духот Свети, Троице Света, слава Ти.
Слава, и сега: Господи, помилуј. (3 пати),
Господи Благослови.
Господи, Исусе Христе, Сине Божји, заради молитвите на Твојата Пречиста Мајка, на преподобните и богоносни отци наши и на сите светии, помилуј не. Амин!

 

Bliska drugarka,česna i iskrena,so blago srce i visoki moralni vrednosti e od semejstvo vo koe verata e tabu tema,tatko i e katolik,a majka i so islamska veroispovest.( iako e toa samo po radjanje,vo sustina dvajcata se ateisti ). Tesko e da se pronajde vistinskiot pat vo vakvi slučai,a decata obično biraat da se deklariraat kako ateisti.
Ponekogaš tolku mnogu sakam da i ja približam ubavinata na mojata pravoslavna vera,ponekogaš toa i go činam preku razgovori za odredeni svetiteli,no sekogaš se čuvstvuvam pomalku neprijatno,iako taa go počituva ona što i go govoram.
Dali e pravilno voopsto sto se molam za nea,sto go molam Gospoda da i pomogne da ja ostvari svojata najgolema želba,što od srce posakuvam sreka za nea,a pritoa ne sakam jas da bidam taa koja bi i ja pokažala ubavinata na mojata vera,bidejki smetam deka taa samata mora da go izbere svojot duhoven pat.
Dali voopsto e pogrešno da i govoram za moite molitvi,bidejki osven verbata deka Gospod ke i pomogne,jas sustinski ne možam druga uteha da i pružam.

 

Треба,Бог не повикува да се молиме за сите дури и за нашите непријатели а камо ли за нашите ближни.Предложи им да прочита некое дело по свој избор од Светите Отци или Библијата

 

Hunk,blagodaram

Jas vlijaam na nea vo smisol na duhovna potraga,no nesigurna sum dali da i gi nametnuvam svoite religijski ubeduvanja ili da ja potiknuvam samo da se svrti kon verata na svoite pretci....iako bi bila srekna da razgovaram so nea za ubavinite na pravoslavieto....sekako blagodaram za brziot odgovor,ke se obidam kako što mi preporaca,pritoa molejki se na Gospod da i go pokaze vistinskiot pat.

 

При раѓање, не е класична молитва туку пофална песна
Богородице Дево, радувај се благодатна Марије, Господ е со тебе! Благословена си Ти меѓу жените и благословен е плодот на Твојата утроба, зошто Ти си Го родила Спасителот на нашите души.

Си го повторував ова во себе, помогна многу. Вториот пат дури цело време очекував некој полош момент од тој што е, во себе си повторував, и не осетив некоја болка полош момент не дојде. Само најдобриот момент ме изненади мене самата камо ли другите...

Исто си го кажувам во себе кога ќе слушнам дека некоја блиска личност е бремена или родила.

 

Јас се молам за сите, поготово за тие што не се молат сами.
Бог е личност, и во одредени моменти ќе има шанси да го спознае. Не е филм што ние сме го гледале и ако не ги повикаме тие што не го гледале ќе собере прашина. Самото чувство ќе и се јави. Нејзино е дали ќе прифати да верува или не.
Кај мене кога раснев немаше многу од молитва или причесна или слично, мајка ми ги следеше обичаите за поголеми празници и за слава, не беше суеверна, имавме Библија што само јас ја читав, имавме молитвеник да видиш само во каква состојба е сега, 21 година е секаде каде што сум јас, служеше за да биде под перница како дете кога се плашев, служеше кога бев во болница со деца, пред секој испит, пред секоја работа, за недај Боже, и сега последно ја препишав песната од него за да бидат на правилно место големите букви

 

Најубавите молитвеници и Свети Писма се оние кои се изветвени од читање.

 

јас кога се породував си ја кажував оче наш.Една жена што не ја познавам додека одев на контролни прегледи во бременоста ми беше кажала само моли се на Господ. Ми рече и заборавив. Нокога дојде момент да се породувам фала на Бога се сетив на нејзиниот совет и се молев, Оче наш беше тогаш едниствена молитва што ја знаев. Секогаш ја благословувам оваа жена кога ми текнува каков скапоцен совет ми дала.

 

Молитва за смирување на скарани

Човекољубив Господи, Царе на мирот, Христе Боже наш, Ти ја урна преградата на непријателството и им го даде Твојот мир на луѓето, за да живеат по Твојата волја и да му се радуваат на вистинскиот живот. Ти ни заповеда да се сакаме еден со друг и да има мир меѓу сите луѓе, особено меѓу оние кои го познале вистинскиот Бог, Отецот на љубовта.

Ти рече: „Блажени се миротворците, зашто тие ќе се наречат синови Божји“. Се покорувам на Твојата света волја, Ти се молам, Владико, дарувај им мир на Твоите чеда (имињата) што се скарани. Просвети го нивниот разум со Твојат светлина и стопли им ги срцата со Твојата љубов, за да не дозволат злото да ги овладее и да ги оддалечи од тебе. Стивни ја во нив расправијата и изгони ги сите соблазни за разномисленост. Вкорени го во нив стравот од Тебе, за да не се погордеат нивните срца и да не бараат одмазда. Дај им го она што служи за мир и взаемно поучување, зашто многу е убаво и многу пријатно кога браќата живеат заедно и во мир. Не оставај ги и натаму скарани: ослободи ги од робувањето на човечкиот непријател, приведи ги во твојот мир и спаси ги.

Поткрепи ме и мене да бидам постојан во нивното смирување, за да ја исполнувам Твојата волја за зголемување на мирот и љубовта меѓу Твоите луѓе, да ја запознаам радоста на миротворците, кои Ти ги нарече синови Божји. Ти си нашиот мир. Тебе Те прославуваме заедно со Отецот и Светиот Дух, сега, секогаш и во вечни векови.

Амин!

 

Преподобниот Григориј Синаитски се сретнал со преподобниот Максим Капсокаливиски и беседел со него, меѓу другото му рекол: „Ќе те прашам, мој чесен оче, кажи ми: ја практикуваш ли ти умната молитва? Тој, наведнувајќи ја својата глава, му одговорил: „Не сакам да ги кријам од тебе, чесен оче, чудата кои Пресвета Богородица, ги направи врз мене. Уште од мојата младост јас имав голема доверба во мојата Господарка Богородица и со солзи Ја молев да ми ја даде благодатта на умносрдечната млитва. Еден ден, како и вообичаено дојдов во храмот, и Ја молев за тоа со безмерна топлина во срцето, и кога потоа со љубов ја целивав Нејзината света икона, одеднаш во моите гради почувствував некој посебен вид на толина, и пламен излегуваше од светата икона, којшто не ме изгори, туку ме ороси со исполнетост и во мојата душа внесе големо умиление. Од тој момент, мој оче, моето срце започна, внатре во себе, да ја кажува молитвата, и мојот ум се насладуваше со сеќавањето на мојот Господ Исус Христос и мојата Пресвета Владичица Богородица, и секогаш живее со тоа; и оттогаш молитвата не престанала во моето срце; прости ми“.

Преп. Григориј прашал: „Кажи ми, свети оче, дали додека ја кажуваш молитвата: Господи Исусе Христе... чувствуваш Божествена промена или грабнување на умот, или каков било друг плод на Светиот Дух?“ Преп. Максим му одговорил: „Да, и заради тоа, оче, одев на пусти места и целосно го засакав безмолвието, за во поглема мера да се насладувам со плодовите на молитвата, односно со преизобилната љубов кон Бога и вознесувањето на умот кон Господа.

Преп. Григориј повторно го прашал: „Оче, кажи ми, го имаш ли ти тоа за што кажуваш?“ Преп. Максим го наведнал погледот и му рекол: „Не прашувај за моите прелести“. Тогаш преп. Григориј му рекол: „О, кога Бог би ми дал да имам таква прелест, каква што имаш ти, свети оче! Впрочем, сакам да те прашам: Во тој момент кога твојот ум е со Бога, што гледа тој со своите очи? И може ли тогаш умот истовремено со срцето да ја твори молитвата?“ Преп. Максим му одговорил: „Не, не може. Затоа што кога благодатта на Светот Дух ќе дојде во човекот со посредство на молитвата, тогаш молитвата престанува, така што тогаш умот целиот е обземен од благодатта на Светиот Дух и повеќе не може да дејствува со своите сопствени сили, туку живее бездејствено и Му се потчинува на Светиот Дух, и каде што сака Светиот Дух, таму и го води, или во несоздадената Божествена Светлина, или во некое друго неискажливо созерцание, или, како што често се случува, во Божји разговор, кратко речено, како што сака Утешителот, Светиот Дух, така ги утешува Своите слуги; каква потреба и да има секој од нив, Тој им ја дава Својата благодат“.

Околу 1330 г. преподобен Григориј Синаитски пристигнал на Света Гора сакајќи да дознае нешто повеќе за умносрдечната молитва и созерцувањето. Меѓутоа, овие две духовни состојби во тоа време биле речиси непознати меѓу Светогорците. Единствениот кој знаел за нив и до совршенство ги практикувал бил преп. Максим Капсокаливиски. По овој разговор со него преп. Григориј повеќе не го сметал за човек, туку за земен ангел.

 

И ти да не помина безболно?
Мене со првата ме замолија да потпишам одговорност ако умрам да не се криви, ама само молитвата ме извади
А вториот пат инстинктивно барав да ме однесат на преглед, 15-20 мин откако влегов на преглед, бебето беше надвор - да се чудиш... кога не излезе в кола

 

Слава на Бога. Па, што знам, имав болки. Ама се заборава. Еднаш имам раѓано. Помина ок, без комплкации. И релативно брзо, за два три часа откако фатија јаките болки. А на бокс го гледав саатот во породилната сала, 2.35 ме качија, 2.50 се гушнавме со бепчето, срцето мамино, фацката намуртенка

 

Ние не треба да му читаме или рецитираме напамет научени молтви на Бог, туку лично, искрено и со свои зборови да му се молиме.
Како би ви било на вас кога вашето дете секој пат кога ќе дојде да комуницира со вас, би ви читало од ливче во раката што некој друг му го напишал? Зарем не би сакале да чуете нешто лично, искрено, свои зборови од вашето дете?

Свесен сум дека постојат некои убаво срочени поетични молитви, но Бог не можете да го импресионирате со поезија или рима или убав речник. Една искрена и лично ваша воздишка за Бог ќе значи повеќе и ќе биде посодржајна од една цела молитвена песна. Исус рекол дека Бог знае што ќе го молиме уште пред да се помолиме.

„А кога се молите, не употребувајте напразни повторувања како народите; зашто мислат дека ќе бидат послушани, заради многуте зборови. И така, не бидете како нив, зашто вашиот Татко знае што ви е потребно, уште пред да Го помолите.“ (Исус, ев. Матеј 6:8, Библијата)

 

Луѓе освестете се и почнете да го користите од Бога дадениот мозок. Молитвеници, календарчиња, крстчиња, бројаници, свети води, свеќи, икони, сето тоа се правело и ќе се прави за бизнис во име на религијата. Верата во Бог не се состои во ова. Ама додека има овци, ќе има и волна.