Ако почнете да ја читате оваа книга, ќе тргнете на патување со деветгодишното момче Бруно. (Иако ова не е книга за деца.) Раскажана од перспектива на Бруно, оваа книга на моменти е смешна,на моменти детски наивна, на моменти искрена како што знае да биде само дете и постојано полна со надеж и пријателство. Патувајќи со Бруно,вие ќе мора да го напуштите неговиот удобен дом во Берлин и да се преселите во новата куќа,каде што неговиот татко,еден од командирите на Хитлер,има многу важна задача.Бруно ќе биде тажен,осамен и ќе нема со кого да си игра,па ќе Ве поведе на пат кон оградата зад која има „фарма“ полна со луѓе и деца во пижами на риги.Она што тој не го знае е дека „фармата“ воопшто не е фарма,туку логор и дека чадот од големите оџаци не е ѓубре, туку... Доколку сте запознаени со Холокаустот(а верувам дека сте) мислам дека ќе ви биде јасно за горе напишаното. Мене книгата ме воодушеви , дури и на крајот ме расплака. Со своите 222 стр. се чита во еден здив и на крајот ве остава без здив. Топло ви ја препорачувам.
Баш сакам да ја прочитам книгава, одлични критики прочитав. Е сега ако може да ми кажеш каде да ја најдам?
Па јас ја зедов од градската библиотека, ама не сум од Скопје.Така да би требало да ги има по библиотеките или книжарите(доколку сакаш да ја купиш).
Oд сите книги кои ги прочитав во распустот, оваа книга ми остави најголем впечаток. Ме лазеа морници кога го читав крајот, воопшто не очекував таков крај. Сите кои ја немаат прочитано, топло ви препорачувам одма да ја земите и да ја прочитате. Одлична е! Јас ја зедов од Градската библиотека во Битола
го има и како филм, кој сака може да го подледне, јас го имам гледано неколку пати, порано на НВО го пуштаа стално... перфектен филм http://www.imdb.com/title/tt0914798/
од кога првпат слушнав за книгава и влегов во трага ! Летово ја најдов и ја прочитав и ептенски ми беше интересна... пишувана на таков детски стил а толку зрела и сериозна приказна . крајот ме трогна дефинитивно не очекував нешто такво...но тоа е што е... Шта је од Бога добро је
Јас го гледав филмот одамна, и многу плачев. А има и зошто, навистина тажна приказна. Трагедија за едно германско семејство. Верувам дека книгата е подобра од филмот. Баш ќе ја побарам.
Многу добра книга. Книгата нема голема фабула,а со оглед на тоа што главен лик е 9 годишно дете,книгата е лесно читлива и го задржува вниманието. Ја прочитав во еден здив. Солзи ми надојдоа кога го читав крајот,навистина верувам дека никој не очекуваше таков крај.
Ја немам прочитано книгата, но го имам гледано филмот. Не очекував таков неправеден и потресен крај, а бидејќи го гледав навечер, после него долго не можев да заспијам. Го препорачувам да го гледате, но не навечер пред спиење
Оваа е прва и единствена книга со која ми се случило да ги препрочитувам последните страници. Каков крај... Целокупната приказна е врвна. Тажно, затоа што опфаќа вистински настани, не` носи во едно друго време и ни прикажува животни приказни кои будат емоции.
Ја прочитав пред околу 3 години и сеуште ми стои грутка во грлото. Мислам дека ова е една од оние книги кои ме променија. Откако ја прочитав доста време бев опседната со книги околу холокаустот. Според мене сметам дека треба да биде воведена и како лектира, апсолутно секој треба да ја прочита!
Лектира е, мислам ја обработуваат во осмо или деветто одделение, така некако. И мене ми беше прекрасна книга, многу сакам историска фикција па едноставно немаше простор за утка.