(Морална) Поддршка за сите што сакаат да ослабат

Мотивација не губев, живци само
Ама ко се нафатив на орото, ќе играм
Нема откажување
Тешко или не, на никому не му е гајле, од мене зависи.
Еве денес ждерам месо и варени јајца

 

Секоја чест @malerozna , мене некој треба да ме мава за да ме додржи инает, ама ајде ќе биде до пролет се надевам


Вчера имав изедено две јаболка и после јадев надвор, намерно така за да бидам во калориски дефицит и вчера, ама колку ми беше мака отпосле на желудникот

Денес редовно продолжувам со овошје, салати, јатки и некое мевце или јајца, сигурно ќе се јајца, немам одамна јадено

 

Нема откажување.
Јас сум голем инает, ми треба само да се решам за нешто и терам до крај.
Знам дека апсолутно сé од мене зависи. Јас треба да внимавам што јадам, јас треба да пешачам, јас треба да појдам во теретана и да извежбам

Денес ден број 189 чинам, ме мрзи да бројам
Појадок чиа семе со протеин
Ручек пилешко и зеленчуци
Вечера свинско со свит чили сос

Целта ми е исполнета, сега нова имам. Уште 5 кила да симнам и после ќе почнам турбо да јадам и да вежбам.
Мора газот сега да го набилдам

 

Пробав кето минатаото лето 20-тина дена и се откажав, не можам тие кето теста и лебови
да ги јадам,а на работа секое утро што да појадувам?
Денес доручек проја од интегрално и пченично со сирење,
Ручек тавче гравче и зелка салата
после не планирам ништо,евентуално 1 портокал

 

Не постои кето леб. Читав многу постови на редит како кето леб ги исфрла од кетоза, јас никогаш немам јадено.
За појадок е лесно.
2-3 варени јајца, кашкавал, сувомесно, чиа семе со протеин, супа со зеленчуци. А многу пати за појадок јадам исто што и за ручек јбг, мрза сум некои денови.

Факт е дека кето диетата е скапа.
Најлесно е кифла за појадок или Мекдоналдс, а богами и најефтино. Ама и најштетно.
Парите што обично ги трошев на благо и сокови, сега идат на месо.
Додуша тука зеленчуците се најкапи.
Цена на салата е колку два сендвичи

 

Девојки, деновиве не пишував бидејќи имаше денови каде што грешев и имаше денови каде што истрајував цел ден супер и ќе грешам вечерта со некоја глупост. Но, денес малку повеќе се замислив дека треба стварно да се заозбилам прво за здравјето потоа за фигурата. Поради тоа се решив од утре да почнам со пост, најдобро се чувствувам и најповеќе сум посветена кога постам. Па затоа одлучив така.
@malerozna браво за истрајноста, стварно ме мотивираш кога и да ти ги прочитам постовите. Остануваш упорна и да направиш грешка. Јас ако направам грешка ми се чини готово дека е со мојта диета и се опуштам премногу.
Морам да успеам да влезам во стари алишта. Почнувам од утре со ден 1 бидејќи претходните денови нема да ги важам.
Посакајте ми среќа

 

Сите сме минале низ вакви денови, освен малерозна де
Јас тоа сега дури го сфатив брзо, не значи дека ако каснам што и да е плус од планов за исхрана, мора да го уништам цел ден или цела недела со ждерење се и сешто..
Не, си продолжувам до кај што сум застанала, затоа што и не можеш да си цело време на здрава храна, не функционира едноставно, на родендени се оди, еве ќе каснеш салата и мевце пример по план, а цел живот ли ќе одбиваш парче торта?
Мислам дека крајна цел е сепак да најдеме начин на исхрана со кој што ќе функционираме цел живот, оти јас ако не пазам општо, зборам и пред да имам олкава килажа плус од 20кг после бремености две, кога сум била девојче де и тогаш сум морала да се припазувам со исхрана за да не качувам.
Важен е балансот едноставно, од време на време ако се почестуваш со одредени оброци, да поспоро ќе слабееш ама па ко ќе стигнеш до целта нема да фатиш да јадеш се што не си јадела пример 6 месеци, ќе бидеш поумерена
Под ова не мислам да се честиме еднаш дневно секако
Ама еднаш неделно, еднаш во 10 дена ми изгледа ок, и очигледно барем за мене функционира... за мене е ок и прифатливо за да не се откажувам и тоа е тоа, се надевам и ти ќе си најдеш начин што ќе ти одговара долгорочно


Он топик, се знае, салата, овошје, јатки, месо или јајца

 

Абе и Малерозна има жути минути и јаде што не треба, ама одма се сепнувам и се враќам на диетата.

На почетокот ми беше многу лесно, ич не грешев, не чувствував глад и бев на ИФ (intermittent fasting) по 24 саати.
Тогаш и симнав највеќе килограми.
Проблемот дојде после од кога почнав да се огрешувам, а почнав со грешките почеток на октомври. Затоа за 2.5 месеци сум симнала само 6 кила, а претходните 3.5 месеци 22 кила

Грешки се прават, падни стани е работата.
Ама мора да се стане после секој пад, да се продолжи со новоизбраниот начин на исхрана.

Денес божиќна забава на работа, ќе видиме што ќе се огрешам. Важно благо не јадам

 

Стварно најбитна е самоконтролата и "лесно" е да ослабеш и да си ја постигнеш целта но потоа доаѓа тешкото, да ја одржиш таа килажа и да успееш да одолееш на предизвиците.
Од искуство си кажувам.

Многу од нас ја праиме таа грешка и вака коа ќе размислам стварно е жално и греота цел труд да ти пропадне, ради факинг привремено задоволство со кое ако се претера со истото, почиња да ти штети и веќе е далеку од задоволство.

Е сега друга работа е ако храната ни претставува утеха и на тој начин си го компензираме она што ни недостига.
Тука веќе станува збор за емоционално прејадување и е психички проблем кој треба соодветно да се третира.

А кога сме кај психата веќе, од друга страна, нели за да го зачуваме нашето ментално здравје потребно е и да си приуштуваме повремено работи и задоволства кои не прават среќни па затоа и сосема очекувано и во ред е некад и да не се придржуваме до планот и да имаме по некој чит деј.

Луѓе сме, не сме роботи но како што рече клучот е во умереноста и балансот е најбитен момент, малце поише тешкичко е ова да се исполни и одржи на долги стази но не е невозможно, само ако се сака и ако човек е упорен.

Верувам еднаш ако го воспоставиш ќе тераш така без проблем, навика ќе ти стане и нема да сакаш да отстапиш и да си го пореметиш редот.

Ајде, полека сите да се стремиме кон достигнување на тоа.
Никогаш не е доцна за промена.

 

Чекај чекај, по 24часа не јадеше па јадеш следен ден? Или лошо те сфатив?
Јас најмногу што можам иф е 20:4

 

Јас и имав таков проблем искрено, може и сега ќе имам, не знам... Се прејадувам кога сум под стрес, јас не осеќам глад пример ама земам јадам се што ќе ми дојде при рака.... вака уште почесто имам кршено ред, ама се надевам нема пак, стварно се обидувам да се контролирам, не само поради изглед ами и за здравјето, оти немам сила да земам да потрчам со децава, ми тежи се на мене.. и ми е многу криво за истото

 

Да, јадев еднаш дневно, обично околу 2 попладне. Без појадок и без вечера.
Многу месо и зеленчуци. Да не претерам, ама сигурно јадев над пола кило месо на ден
Тогаш и највеќе ослабев.

Кога си на кето диета и ја поминеш првата фаза, веќе глад не се осеќа. Некои денови јадев од што морав.
Како намалав килажа, така се намалуваа и порциите. Имам недели кога симнав и по 2 килограми.
Е сега болно ми е тоа што јадев кифли, бургери и сендвичи едно десетина дена (и пиев коктели плус друг алкохол) и сега огладнувам. Од сабајле двапати јадев, пак сум гладна. Добро не е тоа глад да се тресам, ама ми се каснува нешто.
Досега испив 3 литри вода и две кафиња.
Само скролам што да си нарачам
Вчера и помфрит јадев, тоа ме зезна највеќе
Да можам да издржам едно 5 дена без грешки гладот ќе исчезне.
Ама.. нели се празници...
Од такви изговори и се здебелив до непрепознатливост

 

Ама заебаното е шо у тој момент на слабост да го наречам, убаво ни е инстантно, пријатно се осеќаме, само еве мене лично, од коа ќе зеам да се наждерам онака, одвреме навреме иам таква потреба, после колку лошо ми е, и стомак ме боли, мачнини, плус уште појако грижата совест ме јаде после тоа.
И заеби такво задоволство, не вреди воопшто.

Па затоа треба коа ќе те фати таков момент, да си размислиш што е подобро, ете на здравјето прво и најважно, сети се, остај и изглед.
Не се споредува тоа чувство коа си јадеш правилно и ко што треба, полесно се осеќаш, ко пердув буквално, да не зборам па за енергијата, непосредливо е, да не се лажеме кој што сака нека тврди.

 

Интервално постење или Intermittent Fasting) а може и автофагија, најчесто се јади 8 часа и 16 се пости т.е изгладнува терајќи го организмот да ги троши складираните резерви во случајот салото.

Е сега Малерозна била на поесктремно постење, 23 часа правење автофагија. И јас истото го правев, калориски дефицит плус автофагија. Јадев точно на пладне во 12 и нареден оброк следниот ден во 12 часот. На почетокот е тешко ама потоа станува навика, на сабајле само вода пиев и пијам уште колку можам ама без 1.5л на утро не сум, станувам и вода. На сабајле крвта е најгуста и бара вода.

Точно така, кога ќе ја постигнеме целта после е тешко да се одржува, кога еднаш ќе се опушти човек и готово му се губи и самоконтролата и се. Јас денеска се изнатрупав калории од грицки само, 3500 калории само денеска а претходно по 1300-1500 само терав кога си во дефицит слабееш, кога си во суфицит растиш.
Јас од 85-87 почнав, дојдов до 55 (тоа мие најниско бми) само за да видам какво е чувството хаха,а ко почнав целта ми беше до 70, ама кога ќе почниш ај уште малце и сакаш да експериментираш Според БМИ, 74 мие макс тежина, 64 средна (јас сум тука на средина нема да прецизирам точно колку имам) и 55 минимална. И од сето ова заклучив дека идеална тежина за моево тело е 60 до 70.

 

@quattro 55 кг?
Премалку се, држи се до таа идеалната што ја пиша на крај.

Ама ти реков и бројка ко бројка не е толку битна, баш моеш и преку 70 да си, а подобро да изглеаш од коа си бил со многу помала тежина, со вклучена физичка активност секако.

Стварно ја не се замарам со бројки, прекинав, огледалото важно ми е и обемот.

Инаку машала 3500 калории, многу се тоа, ја којзнае и колку сум внесувала коа јадев без осет, може и поише, неам навика да бројам.

 

Да, во еден момент имав толку ама краток период, само за да видам како е бидејќи тргнав со експериментот, и тогаш направив крвна слика баш да видам како стојам, плус дека калориски дефицит и Intermittent Fasting од 23часа. Крвната слика испадна појака од било кога, хемоглобинот над реф. вредност, јас се чудев, бев на консултации кај матичната да видам како е можно. Ама се хранев скроз протеински (месо, риба, зелени салати) плус тренинг и физичка активност. И тогаш матичната рече воведи и јгх како житарици, пченка ова она, зошто само со протеини и кето исхрана, бубрезите се најоптеретени и креатенинот океј, вториот пат повисок. Намалив месо, риба, почнав со јгх т.е житарици, наредно испитување падна крвта иако поправен. Од 171 овај пат ми беше 153 хемоглобнот, железото исто, креатенинот исто.

Па да, ама овие 3500 ги внесов од глупости јадење, грицки само. Иначе јас и со 80 сум океј, според бми 74 мие макс тежина, ама јас сакам повеќе атлетско тело него билдано, и затоа преценив дека оваа средна тежина мие најдобра и ја имам и таа.

Јас броев и бројам уште ама поретко сега, кога ќе олабави и ќе се опушти еднаш човек тоа тие

BMI 20.7сабајле, утре 21 највероватно.

А ова е резултатот со калориски дефицит, Intermittent Fasting и најниска килажа

 

Знам што е intermittent fasting, ама најмногу што можам е 20:4.. со слаба крв, железо сум, секогаш на долна граница што и да користам, ако јадам еднаш на ден ќе паднам сигурно
Со два пати јадење можам, ама со еднашка тешко, или не сум се обидела па да видам како ќе ми е
Плус воопшто не сакам да јадам месо, не сум љубител и јадам колку да ми мине оброкот
И со таа мала количина на месо што ја јадам на ручек не верувам дека би издржала 23h до следен оброк

 

Ден 1

П: 3 мандарини и кафе со кокосово млеко и 3 коцки црна чоколада
Р: 2 кришки црн леб со зрна, со песто
В: 2 пакетчиња нудли и чили благ сос, кисели крастајчиња и маслинки.

Конечно го заменив лебот, па здравје понатака ќе го откажам и скроз.

 

Колку изедов синоќа, мислам дека 3 дена ич не треба да јадам за да надокнадам потрошња за изедените калории
Може треба да удрам 48 саати пост
Само да се пријавам дека бев грешница вчера

 

Можно е ако постиш...