(Морална) Поддршка за сите што сакаат да ослабат

Не издржав да не се мерам
19.8kg to go
Давајте идеи што можам друго да каснам за ручек а да не е пилешко и риба?
Ќе ги замразам

Мени стандарт, овошје, јатки, месо, салати, јајца

 

Хелоу...
викенд ко викенд, малку направив престап...малку повеќе деее, ама од поднеленик до петок сум умна

Денес прво кафе и чај
Д: парче сирење, домат, варено јајце, чаша јогурт и 1 парче двопек
У: јаболко
Р. чинија супа и парче пилешко месо со салата
У. 2 реда темно чоколадо
В: кисело млеко со урда и сусам

Многу вода измеѓу, кафе чај....
П.С:

После вечерата знам дека ќе биде едно ваганче пуканки, па ќе го напишам да не ми е грижа на совест.

 

Денес на мени
Свинско со зеленчуци
Чиа семе со протеин
Пудинг со протеин

 

Воспаление од вчерашниот тренинг, а баш мислев дека не се оптеретив. Изгледа пошто неколку месеци правев пауза од вежбање. Утре сабајлето сум пак на тренинг, па во сабота пак. 3 пати неделно ми е целта за вежбање, а би сакала да вметнам и јога во деновите кога не вежбам ама ќе видиме како ќе ми иде. Да не се засилам две недели со станувањето рано за на тренинг, да се оптеретам па после да се откажам како многу пати досега. Решена сум дека овојпат нема да биде така и дека ќе му верувам на процесот.
Во поглед на исхрана, немам сменето нешто посебно, имам 80/20 баланс со здраво/нездраво.
На мисла ми е тоа што кога вежбав бев многу гладна и јадев повеќе, а обично оброците ми се мали во текот на денот. Пример вчера имав три мали оброци и ужинка, толку немам изедено во еден ден со години можеби, кога вежбав јадев два оброци и ужинка.
По тоа што читав треба дневно да јадам 120гр протеин и тој дел ми иде ептен тешко бидејќи не можам да јадам толку многу. За другото, пиење многу вода, еден куп салати и спремање храна за на работа за да избегнам да нарачувам храна.
Денеска за храна: две мали парчиња sourdough леб со путер и мармалад од јагоди (ги мислам веќе 2-3 дена), немам време пред работа и ќе ги изедам. Иако подобро било појадокот да биде солен, ама денеска не ми е баш гајле. Пилешко со ориз и зеленчуци плус салата. За вечера, најверојатно многу салата со печен компир и сирење или нешто слично. Најверојатно ќе додадам и пола авокадо во салатата пошто станало меко и таман за јадење.
Немам многу време за готвење денеска.

П.С. дали некоја од вас има анксиозност во теретана? Знааам дека никој не се замара со мене ама ете најчесто ми се оди во празна теретана кога нема многу луѓе за да можам на раат да си вежбам.

 

Среда е, ајде кај сте девојчиња?
Минатиот понеделник почнав, до сега се вкупно -3.5кг за недела и два дена, од сега ќе пишам за точно недела, од среда до среда таман ко што пишуваме

Зошто почнувам да стагнирам не знам, јадам како што треба, се движам многу..
Знам има стагнација одреден период, ама вторава недела ли беше?

Мени стандарт, месо, салати, јајца, овошка некоја

 

So dieta drzis? Jas probvam so 16/8 i jadam najcesto proteinska hrana ovosje vo mali kolicini i salata...isfrlen mi e bel leb, blago i sok

Integralna tortilja, namackana so grcki jogirt marula kromit i seckano peceno svinsko meso
Varena brokula parce sirenje i piperki
Przena tikvica zaedno so piperki patlidxan i urda
Zelka mandza so meleno meso
Pecurki crn patlidzan i luk

 

Па немам одредено некоја си диета туку исфрлив ете работи и бројам калории во главно, јадам јајца најчесто за доручек, за ручек месо и салата, вечера салата пак со нешто, тоа е тоа ...
измеѓу јадам некоја овошка, портокал или јаболко најчесто
Ќе пробам да вметнам и 16/8

 

Почнав да вежбам, намалив малку со храна и си ветив дека барем еден месец нема да се мерам. Е сега почнав и јаболков оцет да ставам во салатата демек да сум ослабела побрзо. Некој искуство со ова или да не се занесувам?

 

За денеска бананата што веќе ја изедов пред тренинг. Не знам дали е правилно или не ама станав уште во 5 и веќе пред тренингот во 7 бев малку гладна и ја изедов за да имам енергија за да извежбам.
Сега, после тренинг сум гладна како да немам јадено цел месец.
Планот е едно лепче со путер и мармалад и едно лепче со јајце и авокадо. После работа (и ручек и вечера ми е тоа ај гес) мусака и многу салата.
Вечер сум на филм така да ќе јадам пуканки. И аман се надевам нема да бидам гладна измеѓу овие оброци, не можам цел ден да ми помине во јадење. Ако огладнам ептен сепак ќе земам неколку оревчиња за ужина, немам крејвинг пример за чоколадо пошто нема да ме засити туку уште повеќе ќе огладнам така да се воздржувам.

 

3 недели и вагата не е мрдната. Јадам само по една кришка леб во денот. Благото ми е исклучено 5 дена неделно, другите 2 можам да изедам само 1 ред чоколадо или една чаша линонада. Вежбам 4 пати неделно кардио за -500kcal. Не знам што да правам веќе, совет некој

 

Гледам одамна не сум пишала,вежбам од понеделник до петок половина час на орбитрек,
плус 1 час јога за викенди па ќе видиме дали ќе даде резултати,уште е многу рано.
Вагата покажува малку помала тежина ама многу полесно се чувствувам отколку минатата недела.
Околу исхраната гледам што подобра да биде,сакам да го сменат засекогаш начинот на исхрана
д-проја од палента,фета и авокадо
р-ќофтиња,салата,малку компир
не вечерам,јадам од 10 до 6,може само мала ужина пред 6,овошје или малку црно чоколадо

 

Океј. Докажано дека можеш да се држиш до дисциплина и рутина.
Ама јас би ти предложила да искалкулираш дали внесуваш доволно протеин, тоа има многу значајна улога и не се плаши да јадеш протеин. Искалкулирај си калории дали сепак си во калориски дефицит. Размисли дали да почнеш да вежбаш со тежини, за почеток не мора со тегчиња туку вежби со сопствена тежина. Не се плаши од јадење јаглехидрати толку исто бидејќи ти се потребни за енергија како примарен извор само што најдобро е да се јадат вечер бидејќи ти се приспива. За појадок пробај да јадеш нешто солено и доволно количински за да вечерта не кризираш за храна па јадеш се пред тебе. Исто можеш да пробаш интермитент фестинг т.е да не јадеш пример 16 саати, а да јадеш само во 8 саати прозорец. Пример прв оброк во 12 попладне и последен пред 8 вечер.
Немој да се плашиш од здрави масти - јатки, авокадо и слично.
Дали имаш испитано хормони вклучувајќи и тироидни хормони?
Ова е само мој совет од работи што ги читав јас.

 

Имам PCOS иначе, страв ми е ради тоа да не нема резултати. А во струк имам намалено 7 цм.
За исхраната еве вчера
За доручек 2 варени јајца, една чаша чај без шеќер, една супена лажица ајвар. За ужина протеинско чоколадце (од тие со суво грозје и житарки). За ручек тањир манџа и пола кришка леб и поради тоа што јадам од 10 до 18 часот јадам едно јаболко за крај и тоа е се.
Знам дека за подобрување на состојбата препорачуваат губење тежина, но ми стана страв дали е возможно

 

За да намалиш килажа со пцос треба да јадеш многу малку јаглехидрати, а многу протеини и зеленчуци.
Ова што го пишуваш е многу малку храна, ти треба повеќе, многу повеќе храна. И почни повеќе да се движиш, обиди се барем 12 000 чекори на ден да правиш.
Јас на почетокот на диетата јадев по 600-800 грама месо на ден. Ако јадев помалку, надополнував со јајца. Ама не 2 јајца, тоа е премалку. Треба повеќе да јадеш.
Полна чинија варени зеленчуци нема ни 200 калории.

Провери си TDEE
https://tdeecalculator.net/
Ако јадеш 250 калории помалку од потребните дневни калории и правиш над 10 000 чекори дневно, ќе бидеш во дефицит од барем 600 калории и на здрав начин ќе симнуваш 3 до 4 кила месечно, што е здраво.
А ако не јадеш шеќер и јаглехидрати, ти гарантирам дека првиот месец ќе симнеш барем 7 килограми.

 

Луѓе стојам во место па и плус ми покажува вагата, храна ми е мерена, јатки, месото, пазам на внес на калории, само дома спремам храна, нема скриени калории, втора недела ми е, се демотивирам страшно
Дали инсулинскава резистенција ми прави проблем, што е работава
А голем вишок имам, не е дека малку па тешко да се симнуваат

 

@I shto sega штом си со ПЦОС малерозна ти даде убав совет за исхрана. Плус гледаш дека не е се изгубено, си наналила 7 цм во струк. Тоа воопшто не е малку. Јас кога почнав да вежбам во претходното студио ми рекоа нема да се водиш според вагата зошто ќе се разочараш туку ќе мериме обем. И јас на вага бев со иста тежина +/- 500 гр ама на обем имав намалено раце -3, задник -5, струк -7. И да, тоа што го јадеш дефинитивно е премалку храна.

@Vanilla15 верувај му на процесот и не се мери и не се оптеретувај (знам дека е тешко и љубопитна си). Додади барем неколку илјади чекори за почеток за да си го раздвижиш телото.

 

На ден имам минимум 10 000 чекори, со две мали деца сум, имам часовник ми мери...
Е сега не вежбам, оти и преморена сум искрено навечер веќе и сакам само да седнам да одморам

 

Колку км е 10000 чекори.колку км пешачиш ти за да направиш 10000 чекори колку ти излагаат у км кај тебе?

 

Околу 8км ми излегуваат отприлика
Надвор сум често, на два пати излегувам по час, час ипол со деца и роварам