(Морална) Поддршка за сите што сакаат да ослабат

И јас нешто слично

И јас слично нервоза дури 10 кг симнав сега под 70 никако дури и за време на пост, со посна храна но смирена сум и вака многу ми е добро па макар и со вишок кила.

 

На пинтерест го најдов, chickpea spinach curry.
Запржувам кромид, лук, морков, додавам сос од домати, кокосово млеко, наут од конзерва или тегла и 5 минути пред крај спанаќ. Зачини: сол, бибер, кари, ѓумбир, куркума.
Мх, мх, мх, што би рекла Алачки .

 

Ооо се развила дискусија, а мене никој не ме пинга.
Хелоу, јас сум Малерозна, за оние што не ме знаат, минатата година ослабев 35 килца
Е сега, дури јадев тоа што треба се држев на ок килажа добри 10 месеци.
Ама, продолжен годишен одмор, јадење што не треба и пак успеав да накачам.
Амааа последниве две недели сум на строга диета и намалив 6 кила
Имам уште некое килце до посакуваната килажа, така да ич не ми е криво што уживав, се изнајадов благо секој ден, уште од пиле млеко што не каснав

 

Дали се слабее со 2000 калории дневно? Плус вежбање на орбитрек пола саат? Или многу се? Да намалам на 1500 у комбинација исто со орбитрек? Или тие малку се?

Не ми е битно на мене брзо слабеење. Сакам здраво да бидат симнати тие килограми, за време, ќе биде кад-тад.

 

Ако ти се калориите од месо и зеленчук, секако дека се слабее.
Јас така ослабев.
А така и одржавав килажа.
Е сега ко јадев и јаглехидрати и благо, качив. Ама сама сум си крива

 

Дали може да споделиш како?
И јас имам за слабеење 35 кг

 

Ама зошто дури сега го гледам постов

Строга диета сесре.
Имам пишувано во темава.
Избегавав да се сликам после ковид локдаунот, знаев дека бааѓи сум поправена, ама секогаш кога почнував диета, ме држеше два месеци, слабеев 10тина кила, си викав ок сум сега и пак почнував "по старо" со јадењето.

Е, се така до јуни 2023.
Почнав нова работа, конечно си купив нови алишта, 16ка нормално. Пред тоа, не сакав шопинзи, се убедував дека "ќе ослабам" и нема потреба 16ка да купувам.
Аха, обавезно .
И така, тој ден, си тргнуваме од работа со колешка, ама јас се враќам назад да се поздравам со другите што дојдоа на смена, нешто се глупиравме, се смеевме, и оваа фатила да ме снима, јас не ни видов.
Одам на воз, ми го пушта видеото.
Ко се видов на тоа видео, сфатив дека ситуацијата ми е алармантна.
Уште наредниот ден почнав со диета.
Ќе ја наречам кето диета, дека беше без јаглехидрати.
Еден куп месо и зеленчуци, секој ден, после 6 недели почнав и теретана и терав стога диета дури не симнав 25 кила. После малку се опуштив, ама тоа не е за мене.
Килограмите ми се враќаат со брзина на светлината.
Па така продолжив со диета дури не спаднав до 63 кила. Сакав и уште, ама сите почнаа да ми викаат дека сум преслаба, бледа (знам дека ме лажеа ) и престанав со диетата.
Сега сум 70 ама два месеци буквално јадев што сакам, благо секој ден, пици, пастрмајлии (се давам за пастрмајлија)

Кога ја почнав диетата, само сакав да видам 69 на вагата.
Е сега сакам 59.
Само што ова е трка, не е шпринт, туку маратон.
И се прават грешки. И тоа не е страшно, нормално е.

Намали јаглехидрати.
Ако мене ме прашуваш, полесно е нагло да престанеш да ги јадеш, наместо полека. Барем кај мене тоа не функционира.
Еве сега 1 месец немам каснати благо.
И не е ништо тоа. Имав период од 4.5 месеци кога ич не каснав јаглехидрати ни шеќери.
Знам дека можам пак.
Подобро сам да бираш да не јадеш, отколку да се доведеш до ситуација да не смееш да јадеш.
Имам инсулинска резистенција.
И сега да си продолжам по старо, за некоја година ќе сум дијабетичар.
А тоа не го сакам.
Затоа бирам што јадам.
Е сега нема нутела, ама јбг.
Дозата за овој живот си ја изедов во рок од неколку години

Се расприкажав јас
Значи диета со месо и зеленчуци.
Јади колку сакаш.
За 1 месец гарантирам дека ќе симнеш барем 10 кила и ќе се чувствуваш многу поубаво

 

Предложете ми некои јадења со двопек
И може доручек, ручек , вечера да ми биде двопек со нешто плус?

 

Тука сум и јас ,ама немам ништо ново да кажам.Знам дека го достигнав врвот со кгр. ама никако да почнам,се е од утре(ама кое утре).Се надевам сега во новата ќе се опаметам и ќе почнам скоро со некој режим на исхрана.

 

Какво месо јадеше? И за доручек што внесуваше?

 

Највеќе јадев телешки стек, дека ми е омилен.
Може секакво месо и риба, јајца, сирење, кашкавал.

За доручек се знае, варени јајца

 

Си била истрајна и си успеала, браво, тоа е карактер.

Јас благо можам и да не јадам (дури и во пмс) ама чипсови, сокови е тоа ме убива мене.
По месото не сум многу, јадам не дека не ама не го обожавам нешто и неможам често да го јадам. Меѓутоа, во право си, еве јас би можела јајца, јогурт, сирење, чат пат месо и зеленчук и овошје.
Само што целата работа е карактерот, кога тој не е среден џабе е све. Јас не сум ни почнала па ни стигнала до -10 кг зошто и тоа е успех и тоа огромен.

 

Јас изгубив контрола па за нигде сум. Како подуен балон морам пак да си воведам ред

 

Еве ме пак тука, нормално со огромна килажа и желба да се санира истата
Не би да должам многу, ама едно 30 кг сигурно имам за симнување.

Породенна сум пред скоро 4 месеци со второ детенце и мислам редно е веќе да се ставам во ред.
Имам секакви диети пробано, ама нормално отпосле се јадеше како да нема утре.
Ептен сакам еднаш да научам да јадам поздраво и балансирано и да остане за цело време така.
Ама многу тешко за гурман како мене.

Сакав хроно, ама немам баш така време стрикно по саат да јадам со две дечиња, а и ме плаши ручекот дека е само месо со салати.
Пример сакам месо ама макар и една кришка црн леб да имам, онака не го поднесувам вкусот во уста ми мириса лошо само со салата.
Што мислите дали е многу 2 кришки црн леб на ден?
Една за доручек, друга за ручек?
Еве пример за доручек денес имав суви пиперки проварени и на малку масло пропржени со 2 јајца, парче некаде 30гр фета сирење, домат и парче леб.
Ужина не успејав ништо.
Ручек 2 пилешки ќофтиња така со средна големина, мешана салата и парче црн леб.
До вечер ако ме фати голема криза би земала само едно ќофте или малку таратор.

Знам сите сме различни и различни исхрани ни одговараат.
Јас вака најмногу се пронаоѓам, нормално кога би имала компир или ориз за ручек тогаш без леб ќе јадам.
Само што некако си немам самодоверба, не си верувам дека ќе имам резултат кога би јадела вака по мое и се нервирам.
Ама кога ќе ми текне кога не сум на диета што се јадам...
Ќе пробам да вклучам и барем по пола час на орбитрејк.

 

Се натерав и извежбав 30 минути.

 

За празнициве “накачив 5кг” во рок од три недели (килава не се фатени, само ми се задршка на вода). Не можев да се сопрам со благо. До толку шо сега не можам да го гледам не пак да го мириснам или јадам. Немам ни желба веќе, благо не јадам веќе три дена, леб да ама и тоа ќе се исфрли, да направам план само. До сега ослабев 25кг постепено, се надевам и последните 10 ќе успеам да ги намалам барем до лето.

 

Ден 3 завршен успешно.
Извежбано сите 3 дена по половина час, задоволна сум.
Сакам да издржам предизвик од 90 дена без бел леб, благо, газирано, алкохол и секако тука спаѓа и брзата храна.
Се надевам ќе бидам истрајна!
Ќе пишувам повремено како оди.

 

Денеска 7 ми ден како сум на поздрава исхрана во комбинаација со вежбање.
Си купив лента за трчање па така 3 дена вежбав на орбитрек по половина час и 3 дена по 40 минути брзо одење и повремено кога можам по малку трчам.
Гледам да не се форсирам многу бидејќи нозете ме болат, никогаш не сум била нешто активна.

Се надевам во скоро уште некој ќе дојде на темава, па ќе се дружиме и поддржуваме.

 

@Marsi*

Стартувам и јас. Завршија празници не веќе колбаси лани исто од 15ти јануари се запнав за 2 месеци фрлив 5 кг. Оваа година си дадов збор дека ќе си посветам повеќе време на себе како физички така и психички. Плус многу и се залежв. Зедов и од шејкот н хербалајв за почеток и нормално многу поздрава храна повеќе физичка активност

 

Ајмо цурице, ајмо дечаци.
Диета пуштена на најјако. Месо и зеленчуци, толку. Добро, јаткасти производи јадам, тоа не се брои дека малку е.
Конечно стомак ми е "даска"
Купив месо за една недела. 5 телешки стека и кило ипол свинско.
И колбаси х3
Јајца
Кашкавал
Јатки.
Тоа ќе се јаде.
Ама како ми се јаде благо, чудо некое
Месец ипол немам каснато, нема ни сега.

Пријавување на рецепција кој е на диета.
Пред две години имав +30 и кусур.
Од утре теретана