(Морална) Поддршка за сите што сакаат да ослабат

Според твоите објави мислам дека си супер, зошто мислиш дека си недисциплинирана?

Честит празник дами мои секогаш да ми блескате со убавина и со сила да газите

Денес јас како празнично, ама баш си се опуштив. Мора малку затегнување.
Поручек немав, штедев на калории за вечера во ресторан .
Ручек посен сендвич, со две кришки пеотеински леб, сенф, посна плескавица, посна салама и кечап.
Си поткаснав и некое благце, со мера..
Вечера, печен зеленчук на скара и лепче со лукче. Мх мх убаво си се најадов од лепчето.

 

Навечер јадев благо, плус големи порции некако… во пмс бев, треба да се стабилизирам веќе.

Викендов главно надвор јадев, значи пак големи порции. Ајде, од утре фаќам ред…

 

Викендов изгорев за благо, не знам што ми беше, ама главно јадење ми беше зеленчук обарен.

Ден 8
Поручек овес со овесно млеко чоколадно и боровинки и еден ѓеврек
Ручек посно гравче со тонус леб, маслинки и неколку чаши сок. Со сок претерав.

 

Ме немаше, сеа да се пријавам на рецепција со 78 кг. Периодов имав свекрва на посета, па се изнајадов теста. Па една недела настинка, физичка активност нула, и толку треба, одма се вратив на 80кг.
Ама за 10 дена ги симнав откако се вратив на стариот режим со исхрана и вежбање.
Продолжуваме понатака.

 

Не знам дали сум во дефицит, деновиве сум презафатена и не ги беојам калориите, но сепак се хранам здраво.
Вчера имав салата со зеленчук и кускус со сос од сенф и мед. И од виталиа благите со портокал.

Денес ден 11
Поручек овес со овесно млеко и протеин.
Ручек гравче со тонус леб и краставички.
Вечера од зеленчукот од вчера и портокал и јаболко. И црно чоколадо некоја коцка.

 

Ај помош незнам што да правам веќе 2 дена на диета и одма ми се гади. Ке држам диета 3 дена пример и еден ден ако се опуштам одма ги вракам кг па дури и плус немам време со мало дете сум за сите готвам посебно и незнам што да правам кажете што да купам апчина или хербалифе да почнам да пиам оти веќе психа ме мава искрено.

 

Не ти препорачувам апчиња за слабеење, колку се добри толку се и штетни. Моја блиска особа закачи тахикардија од вакви.

 

Девојки како сте. Јас неделава имав успони и падови, ама никако да попуштам ни грам.
Неделава ми беше многу тешка недела и си поткаснував и со масло, ама од наредната сериозно ќе биде.

Имам 74,5 кг сеуште, 3 недели не сум мрдната, почнувам и физички да сум по активна, деновиве ставав фокус на пешачењето повеќе. Мора малку да се затегнам, времето си врви, а кога ќе дојде лето сакам да се чуствувам убаво во своја кожа. Поради тоа одиме јако


Ден 19 пост
Поручек малку протеин и овес, ама буквално 3 лажици, не можев, згадено ми е од тоа веќе, морам да мислам друг поручек .

Ручек посна манџа од зеленчук една цела чинија, салата и тонус леб 2 кришки.

Вечера планирам од ручекот исто, или протеин еден да испијам.


Денес до сега 9,600 чекори, 7,39 км испешачено.

 

Здраво девојки, се приклучувам на клубот. Hopefully на добар пат сум.
Не сакам да морализирам, најмногу затоа што и мене многу ме нервираа нутриционистите кога викаа балансирана храна, промени на навики и сл.кога јас сакав магично да ослабам.

Ама, вртејќи се така во круг на измореност, постојано гладна со потреба да си поткаснувам, решив да пресечам и да се соземам.

Веќе еден месец сум на intermittent fasting јадам во периодот од 10 наутро до 18 навечер, и внимавам што внесувам, и гледам колку може да бидам во калориски дефицит (иако не секогаш мерам). Внимавањето ми подразбира: да има свежа салата особено од почеток на оброкот, за да го забави покачувањето на шеќерот, а потоа во денот гледам да внесам и протеин и здрави масти. Не ми е идеална исхраната, ама глутен исклучив, и генерално млечните производи. Урда употребувам, и преку сила малку кашкавал кога правам безглутенска пица, ама тоа во овој еден месец се случило трипати.

Е сега, првите две недели ослабнав 2ипол кг, а потоа беше процес на стагнација..што многу фрустрира, ама веројатно треба секој да го издржи и е неопходен. Вкупно ослабена 4 кг за еден месец, но најбитно е што односот со храната е стабилно воспоставен.
Мислам дека ова ми е долгорочна основа, да готвам поздраво за домашните, да научам повеќе за храната и сл.

Најпрво од се сакам да ве мотивирам да го смените односот со храната, да не мислите дека нешто треба да издржите, па после пак да си уживате во храната како што сте уживале..така само ќе се измсчите ќе ослабнете, и после пак ќе се вратите на задоволствата.

Веќе читам состав и гледам дома да биде приготвено. Не се залажувајте со протеински барови, шејкови и сокови без додатоци...

 

И мене ме нервирале, ама уствари не ме мервирале тие туку сме сакале да дојде некој и да ни каже "повели напиток, испиј го еднаш и ќе ја имаш најубавата фигура на цел свет".
Всушност се нутриционистите во право, да треба да смениш навика, не за некој месец, додека слабееш, за цел живот, за да не се вратиш на тоа што си бил. Тоа што не фрустрира сите, па и мене секако, тоа што треба да си истраен. Во суштина слабеењето е многу прост и едноставен процес, во кој што треба да си истраен. А ние обожаваме да го комплицираме оти не сакаме да сме истрајни, сакаме да си седиме дома да си јадиме секој ден се вкусно и да слабееме.
Нема така. Слабеењето е навика, слабеење е кога во неделата повеќе пати ќе кажеш НЕ за нездраво. Тој е тој баланс што ни го зборат тие нутриционистите. Тие знаат, учеле, се спремале и веќе знаат дека проблемот е до психологијата веќе.

Јас мислам дека не смее никој од нас да го нервира постојаното посочување на тоа што треба да се прави. Бидејќи ако нештото го слушнеш мал милион пати, а си тврдоглав, ќе застанеш ќе речеш"чекај бе, дај да видам што е ова што постојано ми го зборат", ако си доволно зрел, а времувам дека е секој кој сфатил дека треба да ослабне и тргнал на тој пат (пола работа е завршена со самото сфаќање во која физичка и психичка состојба се наоѓаш).

Браво, ете пак си го бараш онај баланс што го зборат нутриционистите, и си на добар пат. Само не би исклучила млечни производи, содржат калциум, протеини, витамини, добра поддршка се на цревата и така натаму. Ама ако си решила да не ги јадеш, во ред, ти сама за себе си го бараш својот пат и секој од нас си има свој избор на храна.

Браво, со овој успех стигнуваш со сигурност до неизбежни резултати.

Тука ми се допаѓа што сите заедно учиме и заедно се напредуваме во кулинарските способности.

Истата цел и јас ја имам, ајде заедно да се мотивираме и да ги поттикнеме и другите заедно со нас. Ако не ние за нашето здравје кој друг.

 

Да, тоа погоре за нутриционистите го кажав во контекст дека ментално не сум била спремна да прифатам тоа што тие го посочуваат. А секако дека се во право. Јас воопшто не сум "таблетоман" дури и Аналгин неќам да се напијам кога ме боли глава, ама во моменти кога сум била очајна затоа што ништо не ми стои и морам под итно да ослабам, сум разгледувала и апчиња за да купам. Еднаш дури и Регенор купив, жива глупост, таа храна што се препорачува со регенорот премногу и мрсна и во количина беше за мене. Главниот проблем ми беше јадењето навечер и јадење благо измеѓу оброци. И често знаев бургер и тостови да јадам. И сега не гледам проблем да изедам еден бургер во месецот, ако другото ми е во баланс. Витамини по грешка ако внесев

Почнав од некна дома и пилатес да вежбам. Мислам дека од пилатес не се слабее, ама може да се затегне телото за да ти даде енергија за други работи.

Инаку глутенот го исклучив и млечните затоа што сум со Хашимото. Фактички, свесно си правев штета последниве неколку години, откако ми е утврдено Хашимото, затоа што не сум била ментално силна за да пресечам.

И да, intermittent fasting не го разбрав сега јас, си го знам којзнае од кога,
и многминс ми го препорачуваме, ама кога видов реални резултати кај моја блиска, тоа беше тоа за поттик.

Еве верувајте, пренапорнс работа, дома премногу обавезно...храната ми беше најголема утеха. Можев да изедам цело чоколадо наеднаш. Сега на чоколадо не ми текнува..ама гледам здрави бомбици да направам, или некој убав поздрав колач, а не јадам често ни такви.

Се слабее прво од главата...
Поздрав девојки

 

Ден 22

Поручек овошно смути
Ручек посен грав без масло со 3 кришки ржан леб.
Вечера од гравчето што ми остана.

 

Гледај наместо купен 'ржан леб, направи си домашен, без брашно. Има многу варијанти на протеински лебови што сосема задоволуваат критериум за леб. Кај Драгана фитлајф има рецепт за леб од леќа, скроз протеински, често го правам и стварно мене ми е вкусен. Кај неа се топчиња као за сендвичиња, а јас го правам во форма на проја, и пак е супер.
https://www.instagram.com/reel/C5ytLeJrPls/?igsh=YXV5dm1hbzVoN2Jn
Наместо псилиум поевтина варијанта ми е да ставам мелен лен..исто врши работа, иако со псилиум е малку поеластичен. Ама минимална разлика, а псилиум па и поретко наоѓам.

 

И јас терам со постот, ама со масло. Пред неколку дена немав воопшто ослабено, не знам во меѓувреме дали нешто се сменило.

Тоа што го сфатив е дека сум опседната со храна. Живеам за да јадам. Уште додека го јадам оброкот, мислам на следниот. Најлошо е што имам навика да јадам благо како награда, затоа што сум заслужила после напорниот ден.

Откако го сфатив ова пред неколку дена, или поточно си го признав, се обидувам да го сменам. Прочитав и некоја книга со совети, ама многу тешко оди. Два дена беше добро, третиот пак утнав. Ама навиките не се менуваат лесно, бараат упорност… Знам дека можам да направам промени, ама не сум доволно мотивирана.

 

Zdravo devojki,
Dali znaete dali ima gotova hrana da se kupi,znaci dietalna personalizirana za sekoj den,znaci za cel den primer

 

Здраво живо имаат програми, не се персонализирани, ама има програма за слабеење. Не сум ги пробала, и не знам некој кој ги пробал конкретно овие за слабеење. 2-3 години по ред се мислам дали да си купам за роденден, ама скапи се, а не ми се ризикува бидејќи не знам каков ефект ќе имаат.

 

Го јадам тонусот секогаш, омилен ми е тој плавиот. Ме мрзи искрено да си правам леб некогаш и уште ако не ми се погоди морам со сила да го јадам маредните денови.

Како јас да сум го пишала ова, толку многу се пронајдов, деновиве си го размислував истово..
Веќе немам убави оброци во постов и ме фаќа депресија, никакво ми е деновиве.
Дали ти се дешава често да се прејадуваш емоционално? Јас мислам за себе дека емоционално се прејадувам. А малце видам мака и одма на храна.

Искрено не знам колку е паметно да се воздржуваме од храна што ја сакаме, сепак еднаш сме на светов. Трикот мислам дека е во количината.
Мене целта ми е да ослабам прво, да измизерувам некое време за да дојдам до саканата тежина што ме мачи од ко знам за себе. Па после ќе му ја мислам за одржување.


Ден 23
Поручек обарен зеленчук
Ручек црвен грав, со неколку криши тонус и салата.

Ве молам дајте некој убав посен рецепт без масло, оти ќе дојде момент ништо да не сакам да каснам или грав ќе ми никне.

 

@Ariel гледај кога јадеш благо, да го каснеш баш како десерт, веднаш после оброкот (кој хоупфули содржи некој протеин и здрави масти) за да го забави покачувањето на шеќерот во крвта. Ако го јадеш да речеме само благото по неколку саати, брзо ќе се качи шеќерот, ќе се излачи веднаш инсулин за да го неутрализира и следно многу побрзо ќе имаш крејвинг за нова храна.

 

Ден 24 - 73.5кг

Денес јаболко, протеински шејк, индиски ореви и печени кикирики и обарен зеленчук со соја сос.

 

Да, секогаш се прејадувам емоционално. Сѐ исто како тебе, истите прашања ме мачат, ми здосади постот и уште пред неколку години реков дека нема да се откажувам од ништо. Точно дека трикот е во количината. И повеќе салати, тие држат место во желудник, а нискокалорични се. Мене маката ми е што еднаш ослабев, пред 10-12 години, ама сега пак се здебелив. Не толку многу, ама одам напред .