(Морална) Поддршка за сите што сакаат да ослабат

Тоа е веќе друго. Сигурно ти брои колку јгх, протеини, масти и калории треба да изедеш во денот. Можеби во другите оброци имаш застапено протеини и масти. А овај сам по себе е само јаглехидрати.

 

@Mumoftwo30 @Mr.Limonko @quattro фала ви на одговорите. А, рецептите на Ана Стојанова какви се, знае некој? Гледам има доста рецепти за здрави десерти, ама не се разбирам и не знам дали се добри за слабеење.

 

Незнам какви се рецептите, ама што и да јадеш не треба да претеруваш.. Не постои храна што можеш да ја јадеш и ќе ти помага да слабееш. Треба да внесеш помалку калории отколку што ќе потрошиш.. Можеш да започнеш некоја недела со броење на калории да видиш од прилика што како, после ако те мрзи тоа да го правиш не мораш ќе знаеш од прилика во кои граници си и со колку благо можеш да се почастиш.

 

За слабеење најбитно е на крајот од денот да заспиеш во калориски дефицит, односно да го ставиш телото да работи на резервната енергија или гориво кое ја складирало претходно, односно на енергијата од складираното сало а не од храната што ќе ја внесуваш.

Тоа значи дека ќе внесуваш помали количини оброци и истите да не се многу "енергични" т.е полни со калории, за да може телото да префрли да работи на енергијата од салото, тоа е исто ко од нафта да префрлиш на бензин, бензинот ппн

Рецептите на Ана Стојанова и сите други останати се базираат на "ниско калорични" намирници, односно намирници кои немаат голема количина на енергија, со единствена цел како шо реков, телото да се префрли на режим да ја троши енергијата од салото а не од храната која ќе ја внесуваш зошто таа храна нема доволно енергија па телото мора да посигни по друг извор на енергија за да преживее и функционира а тоа е салото и тогаш доаѓа до топење на салото и слабеење.

Многу е битно да не јадиш калорични, кондуторски и индустриски јадења полни со нездрави масти и шеќери (јгх) туку истите да ги замениш со нешто поприродно, со поздрави масти, сложени јаглехидрати и протеини.

 

Да, тука си во право, најбитно е да си во дефицит, и физичка активност ако имаш плус, уште подобро, ама у секој случај дефицитот е клучен. Јас така имав ослабнато многу, драстична промена имав, ама благо воопшто не јадев, ептен ретко. Се чудам како сум издржала без благо искрено, затоа сеа барам замена да имам, барем.

 

Ден 13

Одлично се осеќам и добро се снаоѓам. Слики не направив

Гладничка троа од поќе бев за поручек, после работа. Изедов 4 пржени јајца со 2 кришки црн леб и нискокалоричен намаз.
(Поручекот ме фати околу 900 калории, бидејќи кришките беа големи и имаа доста калории во една) и плус една чашка кафе баланс од 85 калории.
Ручек туна во сос од домати, брокула, шери, краставички малку и две кришки црн леб, мали кришки со истиот намаз.
(Овие кришки беа од друг леб, многу помали по 90 калории во едно парче, целиот ручек ми беше 600 калории.)

Достае за денес.
Се мерев денес, точно 77.0 кг.
Вкупно за денес околу 1500 калории.

 

Уф што убаво се храниш бравоо!

 

Појадок: Сок од морков, портокал и лимон.



Ручек: Грашок ќе правам.

Вечера: Салата нормално.

 

14 ден

Денес не сум за пофалба.
Ме мавна депресијата и се разјадов лебче.

Поручек
Две пржени јајца, со една кришка намаз ниско калоричен, по некое боровинче и кафенце едно.
Ручек две/три (непамтам колку беа) кришки црн леб големи со ајвар и малку сиренце (сепак горда сум на контролата со сирењето, итоа е напредок ).
Ужинка 1 банана, една мандарина и јаткасти 3/4 со 3/4 парчиња сув ѓумбир.
Вечера
Едно како пита танка како тортиља со спанаќ и сирење и некоја лажица грчки јогурт.

Не сум во калориски дефицит, ама не е страшно, продолжуваме утре


*76.6 кг денес (веројатно од премногу спиење )

 

@Panda00 Според мене,

Можеби непопуларно мислење, но кога се слабее, исто како кога се тренира, не мора се да биде вкусно, убаво, слатко и да предизвикува оргазам.

Твоето мислење ми фати око, бидејќи многу пати го имам сретнато во овие теми и мислам дека ова е токму проблемот и одговорот.

Многумина постојано бараат вкусни "хелти" рецепти, па како десертот да бил здрав, па како оброкот да бил со сијалички и панделки и така само се навлегува во магичен круг.

Односно, пак се тренира мозокот или истиот станува зависен храната да ја гледа како задоволство, награда, утеха - што и првично довело до проблемот со вишокот килограми. И на крај, пак цел ден мислиш на храна.

А баш целта во овој процес треба да биде и да се исправат тие нездрави навики и храната да се гледа како извор на енергија. Да се изгради поцврст мајндсет.

Значи ќе седнеш ќе јадеш месо, туна, јајца, зеленчуци и ако сакаш слатко, ќе си земеш свежо овошје. Знам, досадно е, ама досадното е добро во овој случај.

И ако сакаш некогаш тестенини, земи си класични и направи си 1 чинија. Не ти се потребни тестенини од леќа, цвекло или јапонска пропалица што велеше еден . Бидејќи и трагањето по фенси тренди производи е дел од магичниот круг.

Пресметај си колку ти треба дневен внес на калории прво. Ако имаш премногу килограми и/или нула кондиција, започни со едноставно пешачење од физичка активност.

Не ја комплицирај и со среќа, you've got this

 

Јасно, те разбирам што сакаш да кажеш. Не барам ништо фенси, само чисто ете да имам некоја замена, макар еднаш во неделата кога ќе ме фати криза за благо, од причина што кога сум пробувала да се ,,лишам" од благо, брза храна или што и да е, само уште повеќе ми се јадело и имало јојо ефект, а кога сум јадела ,,од сѐ по малку" тоест умерено, сум се осеќала добро и психички, и физички. Не е оправдување, ама последниве две, три години имав некои стресни промени во животов, па тоа и на храната и на линијата ми се одрази, и малку изгубив компас што како. Сега сум во фаза на враќање во форма, и затоа пишав тука, сечие искуство е добредојдено. Ама, држи вода тоа што го кажуваш, во право си, некогаш и самите се опседнуваме со храна и мислиме дека без нешто не можеме (како во случајов ја со благото ) а нема везе, сѐ се може ако си упорен и дисциплиниран, тоа ми е проверено. Фала во секој случај на поддршката, ми значи и ќе го имам предвид твоето мислење

 

@Panda00 Апсолутно нема зошто да се чувствуваш лошо што килограмите се последицата на претходен доживеан стресен период. Нормално е, don't beat yourself up

Веќе успешно си го поминала половина од патот во овој процес бидејќи веќе си свесна и сакаш да се вратиш во форма. Тоа е најважно, одлучноста за промена

Во однос на кризите за благо, види што ги предизвикува, бидејќи многу често тоа не значи дека ти се јаде благо, туку:
-Оброците не ти се доволно богати со протеин, хранливи влакна и масти т.е не се заситни.

-Под стрес си, бараш емоционална утеха, жедна си, не спиеш квалитетно и доволно.

-Наеднаш нагло си престанала да внесуваш јаглехидрати и шеќери и тоа вообичаено backfires.

Значи, не се плаши да јадеш јаглехидрати, и тие се потребни, само консумирај ги умерено. Па дури и коцка чоколадо не е крај на светот.

Воедно, не си давај рокови, дека мора до Петок или до Декември да ја постигнеш целта.

Биди присутна во моментот, види дали си под стрес, труди се колку што е можно повеќе да го менаџираш, пиј повеќе вода, пешачи за почеток, гледај секој оброк да ти е заситувачки.

Биди досадна и упорна - бидејќи во ова најважен е континуитeтот. Значи мораш секој ден to show up for yourself. Тоа е тајната, нема скратена рута

 

Фала ти премногу.
Баш така, континуитетот е најбитен. Би додала само дека сето ова треба да го гледаме како начин/стил на живот, поточно треба да си практикуваме физичка активност и здрава исхрана постојано, не само додека да ослабеме и после пак на старо да се вратиме, а со тоа и килограмите да се вратат. Џабе целиот труд. (Ова колку им го кажувам на другите, толку и на себе си го кажувам зашто и таму ми беше грешката ) На тоа и мислев кога реков дека кога се лишувам од нешто, само полошо правам.
Среќно на сите, можеме!

 

15 Ден

Поручек ѓеврек (300калории округло) и кафенце (86калории).
Ручек две пржени јајца, салата со зеленчук и лосос и две кришки црн леб со нискокалоричен намаз.
6 парчиња мочи благи, по 35 калории едно беше (210калории).
И 3 коцки црно чоколадо.

Thats it

 

Појадок: Житарки со банана и шумско овошје.

Ручек: Месо јадев, потточно плескавица правев печена.

Вечера: Салатка.

Денес повеќе имав за јадење.

 

Појадок: Грозје, покасно мандарини

Ручек: Цезар салата без мајонез и кашкавал.

Вечера: Пченка шекерец со лимон и хималајска сол ја правам.