(Морална) Поддршка за сите што сакаат да ослабат

Тешка е Аткинсов бре.
Не во смисла да си гладен, туку ми ја цица цела енергија и концентрација. Да, симнав едно кило за неколку дена, ама што ќе ми е кога не можам да се сконцентрирам на работа. Дури и мањак направив. Ќе ја држам уште една недела, чисто затоа што дадов збор и крај. Се враќам на УН, не како диета, ами како режим на исхрана.
Всушност во план ми е да терам два протеински,два јаглехидратни (и скроб нели) денови. Појадок овошје, многу ми одговара така, а еднаш неделно овошен ден.
Ете така

 

Секако дека вежбам,дневно 1саат наутро и навечер вежбам за стомачните мускули,нозете итн.Кардио тренинзи..Ама дајте некој редослед што да јадам,како и колку.Пример за доручек што е најдобро,за ручек,вечера.Што после тренинг,пред тренинг.. ке ве молам ако има некој малку време нека напише некој пост ке ми помогне многу

 

Два-три саати пред тренинг не треба ништо да јадеш и вода мн малку за време на тренинг.(Тренирав порано ракомет и од таму го знам тоа). И после тренинг барем 1 саат не јади ништо.
А за јадењето: знаеш стандард- намали ги порциите (половина од тоа што јадеш нормално), повеќе овошје, обавезно што е мошно повеќе салати и после 17 часот ако ти се пријаде само зеленчук јади. Кажи збогум на јадење доцна, благо, грицки...Намали со леб, пржено/печено месо. Значи гледај да има се во оброкот (јаглехидрати, протеини, масти), но не јади заедно на пр. и леб и компири (или леб, или компири).

 

Проблемот е што сум 2ра смена на школо,дома за доручек јаболко или млеко со мусли,отидам во школо и нема што да јадам гладувам до 17-18 часот -_-

 

Да не се мешам,ама еве те видов у модни критики... не си малку...повеќе...слаба за слабеење?! Џаст аскинг...

 

Молам?
Што му е на него бре? Каков л-карнитин? Што по ѓаволите е тоа?
Инаку немој да се демотивираш. Ќе има резултати сигурно.
Па, зарем будали сме сите ние што купуваме степери, различни машини за вежбање и трчаме на кеј?
Не, не, тој не е нормален
Според моето долгогодишно искуство со режими на исхрана (не диети), може слободно да кажам дека нема човек кој сум го запознала а ми кажал дека слабеел со трчање на кеј повеќе од 3 месеци а немало резултат. И јас лично сум доказ за тоа.
Кога слабеев пред околу една година, бев на режим и трчав на орбитрејк и плус пешачев, во обем буквално се стопив.
Така да кажи му да престане да се кези од 6 до 6 и да те демотивира или јас лично ќе дојдам таму со секира, па да види како се слабее (преполовува) човек и без карнитин.

 

Да ви кажам право се чувствувам како да сум ја открила Америка.
5 цели денови како немам јадено никакви прженици и консумирано сончогледово масло и се чувствувам супер.
Стомакот сам се повлекува, се чувствувам 5 кг полесна.
Предизвик ми е да си изнаоѓам немрсни и непржени оброци. Наутро јадам овес со јогурт или мусли со млеко, и задолжително едно овошје.
Оваа недела ручав - варена мешавина, риба од конзерва со салата, пилешко варено, туна, варени макарони без ништо, и така.
Откажав кечап, мајонез, грицки, благо, газирано.
Нормално дека не може да се тера бесконечно без пржено воопшто, многу јасно дека ќе дојде ден кога ќе пробаш и прсти и помфрит, пита, ама навистина ќе внимавам тоа да не е премногу често.

Ве советувам да пробате да консумирате повеќе сирова храна, чувството е незаменливо.


А да, и пијам многу јогурт и супи навечер.
Јогурт-диета си го крстив мојот измислен режим.

 

Ајде и јас пак да ви се придружам. Веќе ме срам да ветувам оти 6 месеци поминаа откако пишав овде дека ќе слабеам, а јас сум уште истата килажа - 70 килограми

Ама готово, се решив сега, морам да успеам, морам!
Сега ќе си задавам цели на месец, така за еден месец, што значи до 8- ми април цел ми е да намалам најмалку 5 килограми. За понатаму ќе видеме како ќе се одвива овој месец.

Значи од сабајле сум јадена мусли со млеко и едно нес кафе. Тоа беше некаде кај 8 часот. Сега моментално си пијам турско кафе со една лажичка шеќер(пробав да се навикнам на горко, ама не можам, а со натрен ми е гадно кафето)

За ручек имам јанија која секако без леб ќе ја јадам. За вечера супа, обична бистра.

Од ручекот до вечерата може да грицнам некое морковче, а исто и после вечера доколку огладнам пак.(а знам дека ќе огладнам)
Тука вметнувам уште едно до две турски кафиња до вечер.

За вежбање си симнав кардио вежби од “The biggest loser“. За пола час планирам да вежбам. Исто, имам секојдневни прошетки со кучето (Од сабајле е еднаш прошетано пола саат), а до вечер секако ќе има барем уште две прошетки од по минимум 15 минути.

Тоа е мојот ден за денес.
Ајде посакајте ми среќа



Едит: Еден совет од вас, што мислите на колку време да се мерам на вага? На недела, две? Не сакам да биде пречесто за да не се разочарувам, ама па нестрплива сум, па сакам да знам, за колку време да очекувам резултати?

 

Јас со еден мини и оскуден извештај како напредувам.
Аткинсов се тера некако, стомачето ми се повлече каде-каде, ама се`уште се немам измерено на вага да видам како стојам со килограмите, не сакам да се разочарам и повторно да се демотивирам. Си давам ултиматум некаде до Мај да се вратам на старата килажа. Мислам, на старо-новата, 62-че кога имав, не онаа старата. Се разбираме, де

 

И јас го терам 5 ден од аткинс и се осеќам некако полесно зашто пред да почнам со диетава како што си кажав и порано се осеќав подуено.
А ти анабела колку килограми имаш сега па се враќаш на стара килажа мене по сликите си ми иста па ми изгледаш дури и послабо

 

Ааааа, послабо
Аткинсов со 72 ја почнав. Јас може во стомак не се здебелувам многу, ама затоа се ми е распоредено насекаде по телово. Особено во делот кај рацете .

 

Пробај полека да се одвикнуваш од кафето,пиј повеќе чај и пробај да не внесуваш калории во тоа што го пиеш.И повеќе овошје место кафето

 

Слушај ме кога ти велам не ти е точна вагата

 

Не се мерете бе, ајде колективно да решиме да не се мериме до почеток на април?

Едит - ама озбилно и да нема мамења?

 

ДОГОВОРЕНО!
Еве јас прва се пријавувам, и така вагата не планирав да ја вадам.
Другите без мамење, дури на 1-ви Април ќе се измериме, ко на шала.

 

Ќе почнете да се мерите на вага кога ќе осетите дека почнува топењето
Сега се качувам 2 пати дневно обавезно на вага, ама претходно воопшто не ја користев. Еднаш се мерев кога намалив 5кгр, а после тоа, за кратко време, вагата веќе покажа -10! Е од -10 до (сега) -11 2 пати дневно ми е стандард, зошто сакам да ја одржам килажава.
На 1.80 висина успеав да направам 69-70кгр за нецели 2 месеца. Ако јас можев (со променето тело, родено дете) - СЕКОЈА може! Само желба и мотив треба, а поголем од негативен исход на вагата - нема

 

Моира не не рчкај, ние психопатски се мериме на вагиве , сабајле, пред вц, после вц, после чај, после факс, пред вечера, после вечера, пред спиење... Мора тоа да се прати и запише.

Значи договорот е следниот - сите се придржуваме на некој режим, пазиме со јадењето, некој вежба, јас може ќе трчнам. Уште побитно, НЕ СЕ ЗАМАРАМЕ веќе толку, туку само си го тераме режимчето, живеачката и така. Нема веќе опсесивно мерење.

Ќе се мериме понеделнички на 1 април.

 

Јас ќе се мерам на почеток на мај еднаш, ама уште еднаш на крај на април, така да се важи тоа?
Од старт си кажувам да не испадне дека мамам
Последно се немав мерено 1 месец можда и сеа пред скоро недела дена се качив и ќе се качам некаде кај мај, па после тоа да споредам од мај до април за еден месец што сум направила
Инаку сега ситни бројки бркам, едно 2-3 кг се во прашање, така да вагата не ми е толку битна, колку што ми е побитно да ме собираат сите стари алишта што ќе бидат старо-нови.

 

Па вие стрес си правите бре!
Оставете тоа вагите, терајте си диета каква сакате, и секој ден станувајте со помислата дека сте послаби од вчера - на крај и навистина ќе сте

Опуштете мозок малце, што е ова мерење по 100 пати дневно?

 

Ти викам, затоа мора ваков колективен договор. Еднаш-двапати на ден ништо не е, ама ова е стварно претерување нашево.

Јас гарантирам дека повеќе ми е потешко да ослабам затоа што цело време мислам на тоа. Лани кога реков не се замарам, бам, за еден месец, 5кг. Ми треба малку релакс, секако не правам ништо лошо и штетно. На крај краева, барем здраво се исхранувам.