(Морална) Поддршка за сите што сакаат да ослабат

Девојки какви оброци носите на работа ?
Јас во близина имам само пекара и продавничка , така да немам многу избор.
Петокот си носев салата со краставички ,домати и сирење ама пукнав за јадење едвај се довлечкав дома.
Некои идеи за јадења што можат да се пакуваат притоа да не се калорични ама и да ме држат цел ден .

ПС: Варени јајца ми е шубе да носам.

 

Салати од свежо овошје со јаткасти плодови и семиња?
Смуди?

 

Јас и официјално сум под 60 кг, сабајле се мерев 58 кг
Веќе се' ми стои како на закачалка, ќе треба да си ја обновам гардеробата.

Ако немате по дома некој што ве нервира, најдете си, резултатите ви се загарантирани

 

Денес одсабајле јадев мусли со млеко, сега ќе јадам макарони само со кечап, цела недела немам јх во уста ставено ни едно колаче што се вика...Вечер ќе искачам може да јадам шеф салата или Цезар, а може и само на кафе да поминам, ќе видиме.Во меѓувреме еден точак ќе мавнам, од почеток до крај на кеј - и назад.

 

Зека се враќа во форма!

Денес во 5 часот заминав на пешачење (да не ме фати жешкото). Се вратив дома тек во 8 часот. Три часа пешачење! не планирав така, едноставно доброто друштво ја направи ситуацијата таква каква што е.

Штом се вратив појадував лубеница, друшката моја.
За ручек планирав компирче , манѓиче некое. АМА:,... на вракање дома какво пиленце печено со печурки ми се виде. Салата од дома и краставички. Па тоа си кувам.
За вечера нешто лесно, да не претерам наеднаш, ќе ми се слоше.

Цела недела не се хранев како што треба, ниту пак вежбав.
Си легнав во 1 часот по полноќ, се разбудив во 4 со мисла дека вака веќе не оде. Морам да ја исправам ситуацијата. Така фино лепо, се заспремав и ајде!
Од жешкото одбегнувам, да не ме фати, па затоа секое сабајле од 5 часот ќе се дружеме на спортска сала.

Како што кажав, денес не се мерив, секако немаше да добијам веродостојни резултати.

 

Jaс да ви кажам не гледам некоја разлика во тежината моја, може кило или две ми варираат секогаш, ама знам дека и да ги изгубам дека тоа е само вода.Јас веќе неколку месеци сум на значително поздрава храна, бел леб исфрлив, уствари скоро секаков леб и мрсна и пржена храна.Мислам да не лажам сега не дека не ми се случува да каснам, ама во главно пазам да ја базирам исхраната на печено и варено.
За доручек јадам овесна каша блага, варена со млеко и некои јаткести плодови или овошје, ама подраго ми е да ги јадам овесните снегулки со јогурт, подолго ме држат сита и послатко ми е дека сум по соленко повеќе.За ручек јадам обично пилешко со компир, ориз, салата, некогаш риба мада ретко зошто не ја сакам, тестенини со сос некогаш и така.
Јас нагласив дека сум гурман човек кој обожава да јаде и готви па морав некој компромис да си направам зошто јас малку сум депресивна кога не јадам добра храна, па така кога готвам ручек мора да го направам со зачини и со масло, не можам онака да го конзумирам блуткаво ми е и грозно.
Првично мене и не ми беше целта да ослабам којзнае колку, јас сакав да го намалам целулитот и обемот и сега морам да се пофалам дека обемот ми е намален за 3 цм исто и задникот, а оној нов целулит кој само што беше почнал да се појавува на нозете веќе го нема.
На задникот сеуште е видлив, ама има време.
Притоа вежбам по една програма од нет која си ја симнав и која ми одговараше, преку еден ден и сега пошто има базен бев неколку пати и пливав малку.Дури и дечко ми ми рече дека почнале стомачни да ми се познаваат и среќна сум ради тоа, веројатно е поради протеините кои ги внесувам многу повеќе од порано, сега секое сабајле јогурт и млеко и стварно ми е одлично и на желудникот, кој патем ми беше ептен осетлив.
Друго ради кое се решив на промена е лошиот и бавен метаболизам кој ме мачеше, сега е супер ептен ми се контролира, поради лененото семе и топла вода со мед пред јадење насабајле.

Среќна сум што горе долу барем гените ми се малку од помош зошто секогаш се здебелувам рамномерно и слабеам рамномерно така да никогаш не сум имала којзнае мака со тежината, но ќе бидам задоволна кога ќе се погледам во огледало и ќе речам сега може да облечам купачи без цело време да мислам дека сите ми гледаат во задникот со кожа како портокал

 

Видов дека неколку мислења поназад сте разговарале за опремување на местенце за вежбање дома. Мене неверојатно добро би ми дошло нешто такво,затоа што во текот на денот имам обично време околу 21-22ч за вежбање некогаш и покасно,а ретко која теретана тогаш работи.
Само проблем ми е тоа што немам баш простор,а и живеам во зграда така што не смеам да сум баш бучна со вежбањето. Имам орбитрек за сега,а деновиве планирам да купам и степер и тегчиња.

Што друго би можела да купам а,да е ефикасно за повеќе групи мускули,да не зафаќа многу простор и да не е бучно? Знам дека многу барам ама можда имате некој совет.

Инаку во ПМС сум деновиве така што не се ни мерам,ама мислам дека немам ослабено,уште сум на 63кг. Ама не се брзам, кога и да е мора да напредувам.

 

oikraj stomacnite od denes sum i na dieta. velat deka za dietava samo prvite 5 dena bile teaki pa ke vidime...do avgust planiram da ja drzam. ako ima efekt odma vi pisuva.

 

здраво феминки...и јас после толко време се одлучам да излезам од анонимност и да пишам,иако ве следам подолго време.и мене ми треба вашата огромна подршка,веке 10 години сум горе долу со тезината и се завлеков од екстремности до т.н.прејадуванје,,,некое време ке достигнам посакуваната тезина но подоцна за два дена дури накачувам и до пет кила,,,се прејадувам...да мозеби е до мојот карактер кој за друго е цврст а за храната не реагира...еден период тренирав теретана но никогаш не успевав да направам баланс помегу храната и тренингот..и резултати секако дека нема долгорочни,се е само провидно....прифакам секакво мисленје и критика и помош..би сакала и стеф ако се осврне кратко некој совет за регулиранје на правилна исхрана...вака често очајувам а сакам да ја надминам оваа ситуација...протеинска исхрана..колко би ми била идеална?на сите феминки ви посакувам постигнуванје до саканата цел...да ние го моземе тоа

 

Да следиш калории и макронутриенти во програмата myfitnespal.
Eve link od mojot.
http://www.myfitnesspal.com/user/stefcho24/status

 

blagodaram mnogu

 

Најдобро ти е да вежбаш со сопствена тежина доволни ти се само тегчиња затоа што кога вежбаш на справа тогаш вежбаш само еден мускулна група а кога вежбаш со сопствена тежина мора да уклучиш повеќе мускули групи. Само мора да се фокусираш на високо интензивен тренинг значи забрзување на срцевиот ритам.

 

Добро јутро!

За денес појадок лубеница
Ручек Мусака од пиперки. Си ги печам пиперките моментално (требаше црвени, али и бабури не се на одмет, немав други ) потребните состојки за истата се мелено месо, јајца, павлака, зејтин и зачини!

2 пиперчиња си печам, доволни се согласно моите потреби! Значи ручекот го подготвувам во минијатурна тепсија.
За вечера супа и некое динстано месо, сигурно ќе биде.

Инаку, незнам дали пишав
Орбитрекот го земав, теговите исто. Во сетот се вклучени две плочки од 5 кг, две од 7,5 и две од 10кг.

Да го доправам ручекот и да ги сефтосам! Вака понеделнички.. па потоа ме чекаат ред број активности и сигурно уште некои 4-5 км испешачени во два правца.

 

Мој совет да не си набавуваш степер, од проста причина што имаш Орбитрек а тој ти е исти ѓаол со степерот. Башка што е премногу бучен, јас во куќа па лепам лепенки, измислувам топла вода за да не ги разбудам сите, а можам да замислам ти во зграда. Купи си тегови, ленти и пилатес топка, можеш да ги сместиш врз плакар, под кревет теговите и лентите, во некој ќош, мене ми е топката врз плакар и по потреба ја вадам. Вежбам на подлога со пешкир на неа бидејќи многу се потам, мислам дека после 40 минути степер уште 20 минути ќе се потам и да лежам само, а камоли да продолжам со пилатес.

И напишав и на Миме пост ама ми се избриша, немој да и обрнуваш толку внимание на храната, не и дозволувај да си игра мајтап со тебе. Имаш продавничка, купи си туна, јогурт и мусли, јајца во лето не ти препорачувам ама ако планираш долгорочно да јадеш здраво во зима немаш гајле, од дома прави си сендвичи со намаз сама што ќе си го направиш, пример од урда, кисело млеко и краставичка рендана, јас додавам и лукче и оревчиња, сепак за на работа лукче орпаѓа од опција. Можеш да си спремаш палачинки само од белка, со интегрално брашно и да си ги носиш на работа со истиот намаз или да си ги јадеш со сиренце, со овошје, со домашен намаз од лешници и какао, тоа му иде како Нутела... Мислам кога веќе си решила да и придаваш на храната толку значење и да ја мислиш, еве неколку предлози, иначе јас додека мислев јадев одвратна храна, сега кога одам во продавница ич паметот не ми оди да купам нешто нездраво, пак се фаќам за краставиците и сирењето

 

Членство во теретана ти е добра инвестиција, без шала

 

Да, за тоа и јас се слагам со Стеф, теретана, вежбална, но кога немаш време или можности а сакаш да вежбаш мораш да се снаоѓаш. Јас имам во околината теретана, имам и вежбална, од теретаната не сум задоволна од проста причина што трчав кругови околу сала, правев чучњеви и пеперутки, некои склекови, ништо посебно, два пати на стаза ме стаи да трчам, на степер еднаш, на точак неколку пати и за месец дена ништо. Во вежбална пилатес, аеробик, скоро една година и ништо, џабе парите ги дадов. Вака дома ми е подобро, вежбам кога сакам, и колку сакам нормално. Пример вчера имав цел ден некако гости, обврски, па јадев испоместено, некако доцна многу, па си вежбав некаде дури вечерта, кај 10 саат.

 

Луѓе помагајте!!!
Си заостанав јас деновиве, а толку бев мотивирана, сабајле дури и еден бурек со месо изедов, сега чувствувам грижа на совест, па и вагата вика 75кг.
Кај ми отиде мотивацијата, желбата да ослабам не знам.
Дури и на орбитрек веќе не вежбам, последнава недела тотално стагнирам, ај 74кг бев, па и после јадење се измерив ми покажа 75кг не сум ни загрижена за тоа, туку за мотивацијата.

 

Ајде Dream-Girl не се предавај!
Бурекот со месо замени го со нешто помалку калорично, јади зеленчук, овошје, барем сега ги има во изобилство. Почни да вежбаш. Ама не само на орбитрек, ќе ти се здосади. Така се губи мотивација. Комбинирај различни вежби за да не ти се здосадува.
Што е до мотивацијата, сама ќе си дојде. Поготово ако направиш слабеењето да ти биде забавно.
Ти одлучуваш како ќе изгледаш и колку килограми ќе имаш
Затоа превземи ја контролата во свои раце и само напред!
Среќно

 

Јас кога слабеев, и кога се борев со стрвот да пробам нешто мрсно, калорично, нездраво и непотребно, а исто така и кога изостанував со вежбање си кажував едно нешто: - Дали тоа чоколадо/бурек/сендвич/чипс/пиво вреди повеќе од она што сакам да го постигнам, и дали поуспешно ќе стигнам до целта ако седам цел ден и не го мрднам газот да повежбам. Ќе се погледнев во огледало, ќе си го видев стомакот, и ќе се фатев за работа. И мој најдобронамерен совет до Дрим Грл - Exercise in the morning, before your brain knows what you're doing. Еве ти и една мотивација од мене, затоа што резултати кај тебе има, и сега не е време да се откажеш. Ем да се присетам на старите добри денови.

 

Stef фала ти најмногу што ми го олесни животот со myfitnesspall
Туку,мала помош:
Height: __ft __inc
Што е ова?Треба ли да напишам колку сум висока foot и inch?Бидејќи јас моите сантиметри ги претворив во фут и инчи и ми вели дека е невалидна висина? А,висока сум 163цм што значи 5 фт,64 инч? Леле којзнае колку сум се изглупирала.

И дали гугловиов converter kg-lbs e точен?

No laughing,please!