(Морална) Поддршка за сите што сакаат да ослабат

Јас бев на хроно диета, и за 4 недели симнав само 3 килограми (кои претпоставувам е вишок вода), и некако демотивирачки ми се тие резултати, покрај толку рестрикции и пазење. Се мислам дали да ја прекинам и да почнам друга диета, т.е. друг начин на исхрана.

 

Секој ден се будам со надеж дека денес ќе изедам помалку од вчера, дека ќе успеам да се исконтролирам и да се справам со огромниит апетит ама ништо од тоа..ај некој со искуство со нутриционист да ми објасни во соодветната тема -што е потребно, само крвна слика или и нешто др? Јас и овде ќе се распрашам ама и искуство сакам да слушнам. Пишав во таа тема ама не добив одговор..и браво за сите кои имате резултати

 

Здраво @bella.s . Би сакала да ти дадам еден мал совет. Нема ништо лошо во тоа да се има апетит. На телото му се неопходни калории за да функционира како што треба и да ја имаме потребната енергија. Секој има свое ниво на дневен внес на калории, утврдено според полот, возраста, висината, нивото на физичка активност и моменталната состојба на телото (дали има потреба да зголемува на тежина, да намалува или да одржува). Не значи дека ако се водиме по една диета, таа ќе даде успешни резултати. Дури и ако многумина други намалиле на обем и килограми со неа. Секое тело е различно. Но најбитно е да не се гладува. Кога гладуваме, телото се "затвора", што значи ги чува наслагите на масти, мислејќи дека тие би му биле основен извор на енергија во иднина, затоа што ние во моментот не внесуваме доволно калории и макро и микронутриенти.

Те молам не го сфаќај ова како солење на памет, туку како најдобронамерен совет. Исфрли диети, исфрли гладување, исфрли негативни мисли за самата себе. Опушти се - стресот е еден од најглавните фактори на дебелеењето, затоа што го поттикнува лачењето на хормонот кортизол.

Наместо тоа, прифати здрава исхрана. Тоа значи пред се' внесување на квалитетен протеин (пилешко месо, риба, мисиркино месо), потоа салати, кои ќе дадат волумен на јадењето и ќе те заситуваат. Внесувај и овошје кога имаш потреба од нешто слатко. Понекогаш смени и внеси темна чоколада, која е богата со антиоксиданси и здрави масти. Дури и крем бананче да земеш еднаш - два пати во неделата не е грев. На крај, внесувај и здрави масти. Тука спаѓаат сите апетисани - кикиритки, бадеми, индиски ореви, лешници, потоа путер од кикиритки, сланина.

Внимавај да направиш баланс и да не внесуваш премногу шеќери. Значи, ограничи го внесот на скроб (компир, ориз, овес), ако имаш можност воведи интегрален леб и интегрално брашно во исхраната, затоа што подолго ќе те држи заситена. Сепак не го исфрлај, туку само намали го внесот. Затоа што на телото му е потребно се' - протеини, масти, шеќери, витамини и минерали за да функционира и да ни' ги даде посакуваните резултати.

Има проста математика во исхраната:
- За слабеење = протеини + зеленчук
- За покачување на обем = протеини + јаглехидрати
- За одржување = протеини + масти.


И на крај, потребно е да се вежба за да се имаат посакуваните резултати. Не мора да е некоја напорна физичка активност. Пронајди си нешто што тебе ти е интересно и те исполнува, без разлика дали е тоа дома, во теретана, на отворено. Следи некоја програма за вежбање на Youtube, запиши се на аеробик или зумба, трчај во парк, танцувај. Што и да е, само да се покрене метаболизмот. Телото ќе ти биде благодарно и самата ти ќе се чувствуваш многу подобро и полно со енергија.

Ти посакувам успех и се надевам дека не те напнав со долгиот текст.

 

@SwanMay ,најпрвин ти благодарам за советот и одвоеното време..какво напнување баш сакам да слушнам различни искуства и совети..за се што напиша имаш право и сум свесна за се тоа..не сум тип на човек кој би гладувал или држел некои исцрпувачки диети најмогу ради што сум таков карактер кој тешко се води по нечии правила.. но, и свесна сум дека морам да сменам многу нешта а сама не знам од каде да почнам..порано многу пешачев, но откако се роди ќерката фатив некој др.ред,др.правила и ретко сум физички активна, плус имам проблеми со тироидната која мислам дополнително ми го забавува метаболизамот. Сега сум 5месец бремена и од таму огромниот апетит, и секако не мислам да се изгладнувам но да почнам да правам нешто корисно дур не е предоцна..затоа помислив на нутриционист, можеби ако сум под нечиј надзор подобро би се снашла..хаос ми е во глава но сакам да се обидам некако, да се мрднам од оваа точка..само кукам а ништо на повидок
Не сакам да се тешам дека бременоста не е време за ,,диети,, бидејки ако сега качам многу кг.знам дека ми нема спас подоцна..

 

Многу ми е драго ова што го прочитав и со лесно нека ти е бременоста. Во тој случај изрично одбегнувај диети. На бебчето исто така му се потребни здрави извори на храна. Што повеќе салати, семки од тиква, други апетисани, супи, цедени сокчиња, салата од цвекло, морковче, домати, краставички. Сега барем има изобилие.
Внесувај си и какао за железото да не ти паѓа и пиј C витамин.
Овошје слободно можеш да си јадеш, само не претерувај.
Месо ако сакаш, во големина колку дланката - тоа нека ти биде мерка за еден оброк.
Одбегнувај многу солена храна, затоа што ќе ти ја задржува водата во организмот.
Одбегнувај процесирана храна и "грицки", по нашки кажано.

Наместо 3 големи оброци, распореди во 5, помали. Имај и две мали ужинки од 5-6 бадемчиња или индиски оревчиња, или 2-3 сушени урми или смокви, ако ти се јаде благо. Така нивото на шеќер во крвта ќе остане стабилно и нема да имаш толку кризни моменти да каснеш нешто од стрвост.

Разбирливо е да си збунета, затоа што си на почеток и сакаш да почнеш нешто ново и до сега непознато за тебе. Консултацијата со нутриционист во секој случај би ти годела, затоа што ќе може правилно да те насочи, посебно во твојот случај со проблемите со тироидната жлезда. Токму затоа, одмарај се повеќе, намали на стрес, ако можеш да пешачиш со ќеркичката и да ја прошеташ, одлично.

И на крај, внесувај вода во организмот, која дополнително ќе го чисти од токсините.

 

@SwanMay ти благодарам најмногу
Нема да ми биде лесно, знам..ама ќе се обидам да најдам некое решение..

 

Можр примери како тоа изгледа со оброци?

 

Јас ослабев 3 кг кога почнав да вежбам и да внимавам, сега пак сум ги вратила иако продолжив да вежбам и да внимавам, не знам што е проблемот, не верувам дека толку брзо мускулот ми станал тежок, ова ми е 2 месец како вежбам редовно.
Јас пробав да бројам калории и не можам, едноставно не ми оди, ме нервира и не знам дали сум глупа ама се губам во броењето. Јас си направив некој мој начин на исхрана. Сабајле си јадам овесна каша, дали со путер од кикиритки, дали со некое овошје, со млеко од бадем ја варам, омилена ми е со смоква. Ако вежбам сабајле после вежбање пијам смути овошно со протеин па јадам дури на пладне ручек, обично е некакво месо со салата или со киноа, просо итн. Ако вежбам вечерта после вежбање јадам масти и протеини, како путер, јајца, авокадо, риба итн. Ама уште не можам да си контролирам нападите за благо и чипс. Пробам место благо да јадам чија пудинг ама не ми прави ќеф.
Како и да овој начин ми одговара, иам енергија и да вежбам и онака лесно се осеќам. Само да го одвикнам благото.

 

Дали обемот на телото ти се намалува? Тоа е многу поважно од бројот на вагата. Можеш да се измериш со кројачко метро и да си запишеш во Excel табела или на лист. Исто така, направи си фотографии во бикини или долна облека, за да го пратиш прогресот. Една слика од страна, една од напред и една од назад. И потоа прави по една таква секој месец или на два месеци, на истата локација и со истото осветлување, горе, долу.

Те прашувам за обемот, затоа што јас имам друг момент со вагата, каде што сакам да престане да оди надолу, а не можам да го контролирам и ме фаќа паника. Се консултирав и ми беше кажано постепено да зголемам на калориски внес и протеини во следниве недели и да зголемам на тежини, а да правам пократки серии. Слабеењето е едно, но потоа доаѓа одржувањето на таа тежина, а тука секогаш сум клизнувала и се плашам од повторен неуспех.

Само да редактирам - за броењето на калории, инсталирај си апликација My Fitness Pal. Многу добра и практична програма, која сама ти пресметува калориски внес и макронутриенти кои ти се потребни на дневно ниво.

 

Избегавај голема количина на хидрати и масти во еден оброк.
За доручек е доволно јајца варени и овесна каша со многу малку масти. Пред тренинг јадеш хидрати ориз овез грашак или компир заедно со месо без масти.
Одма после тренинг внесуваш само прости шеќери како декстроза или банана,суво грозје или некое смути по твој вкус. После сат време јадеш месо со мала порциа на хидрати како ориз или компир. Веј протеин пијај помеѓу оброци или пред спиење заедно со масти без хидрати. Протеините од кикири,лешник,бадеми,грашак,овез,тестенина,овие протеини не се рачунат во дневен внес на протеин.

 

http://mvfitnesswitness.blogspot.com/2017/08/primer-jelovnika-na-rotaciji-ugljenih.html

Повели. Можеш и самата да си правиш измени за да не ти биде еднолично.

 

Другарчиња, може ли препорака за веј протеин (кравја сурутка)? Пишете и од каде земате и цена.

Не можам да си ги погодам на вкус, некако многу лити ми излегуваат, а одлично најадуваат.

 

kravjata surutka ne e kako whey proteinite sto se prodavat vo prodavnicite za suplementi.
kravjata surutka e 70% laktoza.
treba da ispies 200 grama prav za da dobies 20 grama protein a isto taka vnesuvas golema kolicina na masti i laktoza so ne e zdravo.

 

На тие и мислев, ама кога прашувам за веј протеин, ми викаат кравја сурутка.

Иначе не е толку трагична според состав, а и фала Богу не пијам по 200 грама, одвратна ми е.

Дај конкретен предлог ако имаш, не знам каде да барам тука.

 

https://polleosport.mk/proteini/whey-proteini/impact-whey-protein-1000-g-banana

 

impact whey protein ti se odlicni no ako si za whey surutkata, togas mozes da ja najdes vo vero so vkus se. ja ima so vkus na jagoda vanila i cokolado

 

Дали смее да се мешат протеини секој ден ? Се мисли на изворот на протеини.
Која храна е исто богата со протеини освен месо јајца и туна.
Планирам да сменам малце.

 

Смее да се мешаат, зошто да не.
Црвен грав и наут. Моцарела.
Потоа, обичен грав, грашок, леќа, пченка. Урда и фета. Брокула и карфиол. Киноа, просо, хељда. Овес. Бадем, кикирики, лешник, индиски орев, орев, ф'стак. Сончоглед, семки од тиква. Чиа семе.

 

Плус печурки.

 

Дали некој го има пиено сирупот за слабеење "Honey Slim"
Да сподели искуство