(Морална) Поддршка за сите што сакаат да ослабат

Кето диетата таква е
Арни се, ама сепак за мене лично тоа е премрсно.

 

Знам дека е таква, само ме интересираше искуство од некој што ја држел. Вака теоретски мислам дека холестеролот би се покачил, па сакав да знам од пракса.

 

Јас ги следам на Редит, фино изгледа
Ама и таму не е баш јади колку сакаш и можеш, пак се ограничени

 

Штом исклучуваш цели групи на храна (овде се скоро исклучени јаглехидрати), секако дека ќе ослабиш и е многу рестриктивна диетата.
Ама искрено ова не ми изгледа на здраво слабеење. Без јаглехидрати барем малку, губиш мускулна маса. Вода и мускул прво ќе се лизне и секако слабееш, ама ќе се мачиш со масно ткиво подолго време. Без барем малку јаглехидрати и вежбањето е тешко, скоро невозможно. Немаш енергија.

Тие од Редит остај ги, тоа е култ бетер од хроно.

 

Јас се трудам ништо да не исклучам, ама јх дефинитивно морам, ако реално гледам што јадам, 80% јх ќе биде.

Денес лепче сабајле 2 парченца од хроното, на ручек едно, вечера ни едно

Еве од денес од сите три оброка + snacks (овошје и кафе тука)

136 од пресметани потребни 160


MyFitnessPal ми пресмета дека треба макс 1500 калории на ден да внесам за да слабеам околу 1кг неделно.
Го завршив денес денот со 1300, мислев ќе надминам 1500... дај Боже вака да можам секој ден

 

Не сум учена на темава
Aма мислам дека кратење калории без целосно исклучување на групи храна е најдобриот и најздравиот начин. Нормално дека ќе намалиш на јаглехидрати, ама да се оди комплетно на масти ко кај кетото не ми изгледа на добра идеја.
Можда дека не сум навикната на толку масна храна, па ми изглед невозможно да поднесам и еден оброк од тоа мени.

Во секој случај, секој си е посебен случај.
Кето може да е супер за некого, лошо за друг. Исто и исхрана со ниски маснотии, мене ми одговара најдобро, за друг не е правиот избор.
Она што секому одговара е балансирана исхрана, ама ретко кој го постигнува тоа. Кога нема рестрикции и точно одредени производи што можеш да ги конзумираш, лесно се забегува.

Спојлер

Meне ми се допаѓа овој начин со контрола на калории, ама секако не е за сите.

 

Цела недела се имам здраво хрането, со баш доволно калории од здрави работи и вежбав на орбитрек 6 дена, 40-60 минути и немам ни грам ослабено... а баш сум личност која брзо слабее. Се разочарав, ама ќе продолжам, што ќе правам.

Што правам грешка? Еве ќе почнам и да пишувам што јадам, да видиме.

Доручек: 2 јајца, парче р'жан леб, домат
Ужина: варено класче
50 минути на орбитрек + belly fat вежби
Ручек (многу доцна ме фати...): смути од овошје
Вечера: 2 полнети пиперки, салата од домати

Вага кај мене дома немам така да нема да се мерам многу често, ама на 2 недели ќе мерам обеми, мобеми и тие ствари. Ако е многу малку на 2 недели, на 30 дена ќе мерам. Ајде со среќа, сакам резултати.

 

Малку ти е 1 недела Срцка

 

Не сум правела кс скоро, али планирам.
Овошје се јаде, претежно зрнесто, значи јагоди,малини,капини,рибизли,лимон исто..
Дозволено е.
Јас не јадам секој ден јајца, само и предложив на Камелија замена за месото.
Риба,пилешко,јајца..
Таква е кето, маснотии прво па после протеини.
Јх можеш,но со под 50гр дневен внес побрзо слабееш.

 

@CameliaMiller ќе се согласам со Ливинг дека најдобро е да одиш на балансирана исхрана без исклучување на цели групи на храна. Ова од проста причина што знам многу личности кои држеле какви не диети, и потоа пак си ги враќале килограмите само малку штом се опуштат и не внимаваат. А вака ако си воспоставиш еден балансиран режим, понтаму ќе ти премине и во навика па нема ни да се осеќаш како да држиш некаква диета.
Супер што си намалила леб, затоа што највеќе дебелее а особено белиот. Газирани пијалоци замени со смути, чај или вода, пиј многу многу течности, за ужини јаткасти плодови затоа што заситуваат, зеленчуци нека имаат приоритет во готвењето и ќе симнеш килограми и без да се оптеретуваш претерано да броиш калории.
Плус супер што ќе вежбаш и фитнес, па да идеш да ни се фалиш во темата, тука сме да се бодриме.

 

Доручек: гранола со млеко, банана и вишни + варено јајце за повеќе протеин
Ручек: конзервирана туна со пченка + салата домати
Вечера: пилешко + печени компири

Активност:
Денеска ми е ден одмор од орбитрек, само ке правам вежби за стомак и пешачење.

Инаку да прашам, би ли ги препорачале продуктите на Виталиа? Мусли и такви работи? Би требало да се здрави ама некако како многу шеќери да ставаат.

 

Јаас би ти рекла да ги избегнуваш од Виталиа, затоа што навистина имаат многу шеќери.
Ако ти е за здрави благи, тогаш можеш да си направиш дома колач со овесни (оние од Кам во жолто пакување), суво грозје или некое друго суво овошје, бадеми и мед. Подоцна ќе ти го пишам точниот рецепт, мене ми се превкусни, а и заситуваат.

 

@Purplelilac Имам дома овесни снегулки, па кажи кога можеш за рецептот.

 

И сувото овошје ви е засладено.
Можеби може сами да сушиме?

Инаку

Појадок:
Две кришки Нутри, путер, кашкавал мешан 1 лист, 1 кисела краставичка корнишон
Кафе - Нес, 2л. шеќер, 30мл млеко 1.5%
Ужина: 1 праска, 1 круша, 2 сливи
Кафе - Турско, 2л шеќер, 2л Кофита кример

MFP ми пресмета 715 калории, уште толку имам до крај на ден.

За ручек ќе имам варени јајца, златен микс и свежа зелка, исто и за вечера, па очекувам помалку калории, а ќе пијам и кафе уште едно.
Ако ме фатат кризи ќе иззобам еден морков, мада еве уште не сум почнала да кризирам деновиве.

Малку ноќе оти навика да јадам чипс/сончоглед. Ама пијам вода со лимон и се лажам.

Вчера завршив со 1320, од дозволени 1500 (т.е. 1800 ама решив построго да терам, затоа 1500) а не бев ни секунда гладна.

Само што не изедов пола кило бел леб, не јадев чипс ич и не јадев чоколадо ич. И не вечерав кватри формаџи пица

Инаку мерам и бројам и масло/оцет/сол затоа што маслото и оцетот имаат многу калории.

Па за да не забегам вчера последната салата со цеден лимон и пола лажиче маслиново ја јадев.

 

Ако е посоодветно постов да оди во темата Фемина инстаграм за диетални јадења, нека преместат модераторите.

@Srckata28 Повели.

Спојлер

3-4 чаши (од 200 мл.) овесни снегулки, 70 гр. мелени ореви, 50 гр. сецкани бадеми, 150-200 гр. бело суво грозје или можеш некое друго суво овошје, 2 кесички цимет се мешаат и се додава зовриена вода за да се соединат (околу 400 мл.). Гледај сите овесни да се натопени и тоа значи дека е доволно. Според рецептот се додава и лажица мед во смесава, но јас не ставам затоа што е преблаго за мој вкус. Истото важи и за сувото овошје, може да намалиш количина ако ти е преблаго.
Се става во мало плехче на хартија за печење и се пече 25-30 минути додека не добие карамелизирана боја.

 

убав рецепт, на која температура го печеш 150 - 200 ?!

 

Зависи од јачината на рерната. Јас го печам некаде измеѓу 150-200, на 175 да речам

 

Предлог мени од нутриционист,блиска личност губи по 4 кг месечно со ова мени
Понеделник


појадок - омлет од 3 јајца (2цели и 1 белка) со 1/2 домат и 20 грама спанаќ ( на масло го пропржувте доматот да испари водата, го додавате спанаќот, откако ќе омекне, додавате смеса од изматените јајца)


ручек - 250 грама телешко месо


вечера - 300 грама бела риба (печена)


ужина (во кој период од денот сака, не по вечерата) - 2 палачинки (со оризово брашно) со 1 лажичка јаворов сируп (или мед)

рецепт -( 1,1/2 чаша оризово брашно, 1/2 (по избор -јачмен, рж, спелта) 1 јајце, 1 чаша оризово млеко, 2 чаши вода, 1 лажица масло за јадење,1/2 лажичка сода бикарбона) прстофат сол и шеќер) прво се мешаат мокрите состојки со јајцето, на крај се додаваат сувите)


(оризово брашно - кој било ориз, бел или интегрален го чистите го ставате во блендер, сецко...и го мелете)


Вторник


појадок - 1 грчки јогурт + салата од 1/2 авокадо и 1 тврдо варено јајце


ручек - 300 грама пилешко со чипс тиквички (1 тиквичка се сече ситно се става малку сол и масло за јадење сето тоа се меша, се реди на хартија за печење, се става во загреана рерна) -20 мин.


вечера - салата од 150 грама обарен спанаќ со 100 грама пилешко и 1/4 авокадо


ужина - 2 печени јаболка


Среда

појадок - 2 палачинки со оризово брашно, сервирани со 1/2 лажичка јаворов сируп (мед) и 1 варена круша

ручек - салата - 1/4 авокадо, 1 варено јајце и 200 грама мисиркино месо

вечера - 1 порција шпагети без глутен од пченкарно брашно или оризово со 100 грама козјо сирење)

ужина - 2 реда црно чоколадо


Четврток

појадок - палачинка од банана (1 банана 2 јајца - Бананата се пасира со вилушка. Доколку сакате можете да оставите покрупни парченца. Се додаваат јајцата и убаво се мати да се соедини. Се пржат на загреано тавче премачкано со масло. Формата да не им биде голема за да може полесно да се превртуваат за да се допржат).

ручек - порција мусака од тиквици

вечера - 2 варени јајца со 20 грама козји кашкавал

ужина - 1 печено јаболко


Петок

појадок - 2 обарени крушки

ручек - риба 300 грама (печена)

вечера - салата од барена брокула со 150 грама телешко месо

ужина - 1 ред црно чоколадо


Сабота

појадок-1 здела сутлишај (со оризово млеко)

ручек - 200 грама мисиркино месо

вечера - салата 1/2 авокадо, 2 варени јајца и 20 грама козји кашкавал

ужина - печен компир


Недела

појадок-1 здела сутлијаш

ручек-месо по избор

вечера-омлет од 2 јајца и парче козјо сирење

ужина - 250 милилитри јогурт

 

@Cosmi Ако некој има пари за таква исхрана, блазе си му.

 

Откако испробав различни диети кои ветуваат симнување и до 5 килограми за една недела , сфатив едно нешто : Без здрава исхрана не бидува. За време на тие диети се чуствував омалаксано , се ми пречеше, ослабнав не велам не , но едноставно не вреди , зашто после се враќаат килограмите колку толку.
Сега за 1 недела симнав 1кг и тоа со здрава исхрана. Среќно феминки