(Морална) Поддршка за сите што сакаат да ослабат

Симни си некоја од апликациите што ги спомнав претходно и ќе ти служи добро. Ќе си пресметуваш приближно колку калории би ти имал оброкот и ќе знаеш како да ги прилагодиш и останатите оброци, ужинки во текот на денот а сепак да си најадена и во граници на калориски дефицит. Дури и да немаш намера да се водиш според калориски дефицит, мислам дека е сосема океј да си води сметка човек за тоа колку калории внесува во текот на денот.

 

@CarrieBradshow Да не нагаѓам, ама претпоставувам дека кога ги виде бројкиве, си помисли дека е премногу, можеби? Ако е тоа случајот, сакам да ти кажам дека не е, воопшто, и всушност 400 калории по оброк ти се сосема доволно да те најадат (доколку паметно ги организираш оброците) а сепак притоа да слабееш. Три оброци по 400 калории тоа е 1200 калории за цел ден. Нека бидат и 1300 ете, со една ужинка до 100 калории (пример - едно варено јајце, еден портокал, неколку јагоди, една рака бадеми, пуканки и сл.) и си на добар пат да ослабеш.

 

Уште сум тука немој да мислите дека сум се откажала.
Ми дадовте неколку совети, ама искрено само овошје за доручек или само варена храна не би можела и секако побргу би се откажала кога храната не би ми била воопшто вкусна.
Имам пробано и Ун И Хроно и сватив дека за мене најубаво е бирањето на поздрава храна.
Најубаво се чувствувам кога имам убав доручек и полесно го минувм денот без гладување, отколку да имам само овошје за доручек и цел ден гладна и малаксана.
Пробав и послушав и еве една недела јадам по една кришка тонус. Сакав да се мерам на крајот на месецот, ама пусто срце не издржа и се качив на вагата и ме израдува 93 кг значи полека но сигурно оди надолу.
Сакам да кажам и грешки да направиме треба да продолжиме напред без откажување и да створиме навистина една убава навика да бираме поздрава храна, секако некогаш и ќе се почастиме сепак сме живи суштества.
Барем ова за мене го зборам и некако полесно ми е.

Баш убаво кажано, ама сакам да те прашам гледам имаш пишано дека супа некогаш јадеш за вечера.
Дали домашна правиш или купечка, бидејќи обожавам супа?

 

Секогаш правам од ќесичка. Најчесто крем супа од печурки или домати или посна супа. Знам дека ниту една од нив не е најздрава опција, особено крем супата која е покалорична, па затоа внимавам да не јадам премногу. Идеално би било да си направиш свежа супа, можеш и крем супа ако имаш блендер. Сигурно има милион рецепти на интернет. Дефинитивно треба да си побарам некој и јас и да ги заменам купечкиве.

 

Ако мислиш за мене, јас воопшто не сметам дека тоа се многу калории, напротив, баш се таман како што треба. Башка одлични се намирниците, преполни со квалитетни јх (и влакна и шеќер) и протеини и масти.

Еве еден мој предлог за еден ден со 3 оброци и 3 ужинки со вкупно 1000 калории (што се малце, ама така испадна) и околу 90 грама протеин, 95 грама јаглехидрати од кои 30 грама шеќер, и 35 грама здрави масти.

 

Не, воопшто, само ја земав за пример твојата пресметка, да не пишувам и јас, затоа и те цитирав. Инаку коментарот беше и е насочен кон @CarrieBradshow, затоа и ја означив .

 

https://www.calculator.net/bmr-calculator.html

Еве како да знаете дали јадете премалку (и со тоа си го успорувате метаболизмот): ова е калкулатор за BMR, кој отприлика ви дава информации за тоа колку калории вашето тело троши во комплетно мирување односно за процеси како дишење и за работа на организмот. Ваквото мирување не постои во реалноста затоа што ние трошиме дополнителни калории со самото станување на нозе, туширање, усисување итн.

Значи тоа е минималната бројка што треба да ја внесувате за само функционирање на вашите органи, па замислете колкава штета ви прават вашите 1200 калории. Од мое искуство, кога прекинав да јадам 1500 (1200, 1300) калории и ги зголемив над мојот BMR метаболизмот ми се убрза, ми се оди да му се извинам на телото што сум го измачувала толко долго.

Слабеењето не треба да биде гладување, не бидете нестрпливи и јадете доволно калории.

 

Мене ми испаѓа 1280 минимум со ова, а 1800 според тоа колку вежбам, ама јас нормално се најадувам и сосем нормален ден ми е со некаде 1300-1500 калории на ден. Со оглед на тоа што многу јадам зеленчук кој патем е ниско калоричен, а знае да засити.
Освен ако некогаш си дозволам нешто чоколадо или покалорично ама тоа многу ретко.

 

Тоа е сигурно поради тоа што немаш вишок килограми или многу малку. Јас имам доста вишок и ми е поголема бројката.

За секого е различна бројката на калории, ама обично со 2000 калории погоре или подоле може да се одржува здрава тежина. Ако велиш дека толку ти бара телото дневно, океј, ама сакам да знаат другите дека треба да си ги следат сопствените сигнали на телото.

 

Ако сакаш да ослабеш мораш да бидеш во калориски дефицит. Мене на пример за одржување на оваа тежина ми се потребни околу 2000 калории, а за да ослабам, околу 1200 до 1500 максимум, во зависност од тоа колку сум активна тој ден. Секако дека не е здрава одлука да цел живот живееш на само 1200 калории, иако со правилен внес на влакна, протеини, и останати нутриенти не е невозможно.

А за проблемот со успорен метаболизам, секако дека при внесување премалку калории тоа ќе се случи. Но тоа не е во никој случај возможно со внесување над 1000 калории. Се додека внесуваш доволно протеини и пиеш многу вода, зелен чај, баш спротивното ќе го постигнеш - ќе го забрзаш метаболизмот.

Ако прочиташ погоре, во повеќе наврати спомнам колку е важно да не се изгладнува човек. Токму поради тоа и постирав калкулатор со кој секој може да си израчуна колку калории би му биле потребни во однос на тоа колку е активен. Но не значи дека секој што внесува 1200 калории се изгладнува. Како што кажа, тебе ти требаат повеќе калории и за тебе очигледно 1200-1500 калории не било ниту здраво ниту реално добар метод за слабеење и си го постигнала само спротивниот несакан ефект. Но не значи дека кај секого е исто.

 

Те разбирам што сакаш да кажеш, ама јас сепак ќе кажам дека 1200 калории не треба да внесува никој, едноставно не е доволно. Затоа кога некој има помалку килограми за симнување оди поспоро - не може да се направи голем дефицит без да се отиде у бескрај.

Ако сакаш да слабееш треба да се запрашаш дали засекогаш ќе можеш да се храниш така, ако одговорот е да, тогаш ќе имаш успешна и одржлива фитнес промена. Кога јадеш 1200 одреден период, ослабеш и после што правиш? Телото секогаш ќе тежнее да се врати во првобитната состојба после таква рестрикција.

 

Јас пак мислам дека ако сакаш да ослабеш и да ги задржиш постигнатите резултати треба да работиш на градење здрави навики а тоа вклучува доволно сон, вода, три оброци на ден и по некоја ужинка, физичка активност, протеини со секој оброк, многу зеленчук и овошје, итн. Затоа и ми е апсурдно држењето на диети, затоа што не можеш вечно да ги држиш и да се придржуваш до нивните правила околу храната. Затоа што тие здрави навики ќе ти помогнат да ослабеш и да ги задржиш резултатите а освен тоа се одлични навики за одржување на физичко и ментално здравје. Ако го прилагодиш калорискиот внес и сепак ги приктикуваш тие навики ќе успееш во тоа. Затоа што ти всушност ќе се оддалечиш од сите оние нездрави навики како недоволен сон, недоволна фдизичка активност, лош начин на исхрана, и други кои дотогаш не ти дозволувале да ја постигнеш идеалната и здрава тежина. Токму поради тоа поблизок ми е калориски дефицит како метод на слабеење, пак ќе кажам се додека ги задржуваш сите тие здрави навики, отколку било каква диета.

 

Диети не ги ни спомнуваме, тоа е веќе рецепт за катастрофа. За калориски дефицити, слабеење итн. сум отворена кон мислења и да имам поразлично ама можеме сите што имаме малку читано за диети да се согласиме дека се дно.

 

Единствено сум ја пробала ун и иако имав резултати сепак не би ја држела. Посветува внимание на имањето 3 оброци на ден, пиење вода и сл. но сега кога би ја држела, најголем проблем би ми бил доручекот. 2 овошки за доручек и тоа треба да те држи околу 4 саати, ако не и повеќе? Нема шанси. Тогаш ми беше океј затоа што секако не јадев доручек мислејќи дека така ќе ослабам. Little did I know се случувало обратното. А читам и за некоја диета тука на форумот кај што треба одсабајле да јадеш благо, ако не грешам?

 

^ Од диети единствено кето диета има логика зашто точно го тангира метаболизмот на мастите, знаејќи како метаболизмот се одвива кај јаглехидратите, како кај мастите.
Ама не е за секого и не е за подолг период.

Инаку битно е и тие да речеме 1500 калории што содржат. Оти не е исто дали во таа бројка имаш 10 или 50 грама шеќери.
Ако е преголем внесот на јх и шеќери, тешко ќе ослабнеш дури и во дефицит.

 

Да се надоврзам само дека сум на кето веќе еден месец и воопшто не сум гладна, туку баш напротив. Сита и со вишок енергија. Правам и intermittent fasting и тоа ми дојде толку спонтано, не дека сакав, туку дека не осеќав потреба за вечера. По еден месец сум минус 5-6 кила. Претпоставувам тоа се течностите што ги исфрлам, но и визуелно сум подослабена. И се разбира вежбам. Престанав да се мерам на вага секој ден и овојпат реков ќе целам само јас да се чувствувам убаво и здраво, а не само да намалам на тежина по секоја цена.

 

Јас на кето не би издржала од единствена причина што не можам без овошје А голем дел од овошјето знам дека не се конзумира. Исто и компир и ориз.

 

Кето диетата е создадена за деца со епилепсија и потоа превземена од страна на индустрија на диетите за $$$. Не знам за вас но јас не сум дете со епилепсија и немам потреба да држам таква диета.

 

Кето диетата е измислена од лица кој се бават со спорт и нема врска со епилепсија. Примарен со секундарен извор на енергија се прави замена, тое то целата работа во кето.

 

Денес баш тоа ми беше за доручек. Таман се калориите. Не успеав да пишам мислење бидејќи батеријата беше празна и после моето прашање, ми се искл телеф. И сеа дури отворам на форумов