(Морална) Поддршка за сите што сакаат да ослабат

Не смее со млеко. Млекото ти е извор на додатни масти, јх, калории во овој случај затоа се избегнува. Црно, незасладено кафе, незасладен чај и вода се дозволени во fasting period.

 

Можеш да пиеш со млеко во тие 8 часа додека јадеш. Кога ќе почне фастингот може да пиеш само вода и незасладени чаеви и кафе, како што веќе ти кажаа.

 

Не може ни незасладено бадемово/кокосово млеко? Кравјо ја секако не пијам

 

Не може. Сè што има калории не е дозволено додека трае фастингот.

 

Има енергетска вредност=калорија , значи не.Тоа е поентата на фастингот, да не се внесува никаква калорија.
Ако пиеш кафе ни шеќер не треба да ставиш.

 

Ако можеш пиши ми лп

 

Ми треба ваше мислење
Бидејќи мака мачев со диетиве , можеби ослабнав малку од диетите ,но ми се смачи од готвењето , немам мн време за тоа , затоа се префрлив да јадам само салати .Значи салати обични :-Зелка,краставици ,моркови,зелка црвена , цвекло и тоа , малку масло и малку сол и малку пешачење ... Прашањето ми е дали е здраво , и дали може брзо да се ослабне од јадењето само салати?

 

Само салати? Ќе симнеш 2-3 кг, зависи од метаболизам, за брзо ќе ти се смачи само тоа да јадеш, и пак на старо ќе се вратиш, а со тоа и килограмите.

 

Се надевам дека нема да биде така

Мене за сега ми е ок , бидејки јадам неограничено и кога ќе ми текне , за разлика кога тоа ми е ограничено ,вака бар не сум гладна и имам слободно време
Се надевам дека брзо ќе ослабам , освен салати пијам и кафе и заситена сум

 

Те читам постојано и цело време бараш некои диети, брзи начини на слабеење....Не сакам да ти попувам ама не знам како планираш да живееш со салати.Со марула и цвекло ќе живееш два дена, третиот ќе ти се слоши и четвртиот веќе ќе бидеш со хамбургерот пред тебе.Вака само се измачуваш и ништо нема да постигнеш.

 

Ќе ти фалат јх, а и како што ти рекоа, ќе ти здосади.

Наместо да бараш и бараш постојатно нови диети, инфорирај се трите органски соединенија (јаглехидрати, масти и протеини) по колку треба да се конзумираат, во која храна ги има, како се комбинираат едни со други, кои треба да доминираат количински. И вака знаејќи го сево ова, сама ќе си ги бираш оброците секојдневно.

 

Јади уз салатите и јајца варени, туна, пилешко, грав црвен од конзерва можеш...не треба за пилешкото и јајцата повеќе од 10 мин готвење, додека ја правиш салатата се готови. Плус можеш по една кришка тонус да каснуваш со нив, за јаглехидрат да внесеш. Салатите се здрави ама не е здраво само салати да јадеш.

 

Засега супер се чуствувам , ќе видам понатака , ако не можам ќе внесам и туна и пилешко .Ќе пишам деновиве

Хамбугер и такви фаст фуд немам каснато 5 години.

Мене јх ме дебелаат , собирам храброст да ги тргнам од исхрана .
Најголема кривица за моето дебелеење се токму јх и скробот .

Гледам скроб тука , него сакам скроз заедно со јх да ги елиминирам од исхрана , можеби ќе додадам само чист протеин , на пр туна , пилешко , телешко .
Инаку фала за долгиот пост

 

Aко сакаш диета со малку јх, тогаш кето. Ама кето не е за секого, полека се преминува кон таква диета и е само додека ослабеш, потоа пак постпеено се враќаш.

 

Јас си правам смути со пола банана, млеко и лажичка какао. Откако ќе го изблендирам ставам овесни снегулки и чиа семки, го ставам во фрижидер барем 2 часа да отстои да набабрат семките и снегулките. Превкусно е.

п.с. ги купувам овие снегулки од маркет, според мене највкусни се и не се многу chewy.

 

Добро де, онака ставив хамбургер како пример, поентата ми беше дека ќе се прејадеш со било што друго што не е салата.

Инаку, не се дебелееш од јх, туку од нивно преголемо внесување.Сосема е во ред и компир да каснеш, и ориз и леб.Ама замени бел со кафеав ориз, бел леб со цело зрно, пржени компири со варени(сладок компир место обичен уште подобро) и најбитно,направи ги порциите помали.

Не се живее без јх, тие се основен извор на енергија.

Супер е да јадеш салати и здраво е - и јас обавезно секој ден по два пати јадам - ама не ги јади само нив туку како што ти кажаа и другите, комбинирај ги.Еднаш направи пилешко, телешко, свинско, еднаш свари леќа, грав зашто не се толку сложени за правење ако не сакаш многу да готвиш, друг пат туна земи, четврт пат ориз, сите тие со најразлични салати и ете ти ручеци.Пак мораш да зготвиш нешто ако сакаш да ослабеш, ама не мора да е толку сложено за да биде здраво.

Исто така додавај семки и јатки во храната.
Можеш и да почнеш да ограничуваш од колку до колку ќе јадеш, на пр. јадеш од 10 сабајле до вечер до 8 и толку.

Не знам што и како работиш ама ако е возможно, колку поорганизирано и секој ден во слично време јадеш доручек, ручек, вечера - толку подобро.

 

Убаво објаснија погоре, не се живее без јх, барем не без оние здравите (а и човечки е да посакаш и чоколадо да каснеш еднаш). Имам другарка која порано имаше навика да се одрекува од нездрави јх и да се фали како не јадела благо веќе 3, 4, па и 6 месеци. И знаеш што? Ене ја денес, пак јаде. Не, не постигна некои вау резултати во слабеење. И ден денес се прејадува на јх, голта цели чоколада дур да трепнеш.

Се што си забрануваме, само уште повеќе го посакуваме, не е нешто поинаку кога станува збор за храна. Поради оваа причина не функционираат диети (во смисол пак се враќаат килограмите потоа) затоа што не те учат на самодисциплина и самоконтрола туку едноставно ти забрануваат да јадеш одредени продукти и на тој начин те изложуваат на голем ризик од прејадување. Од се по малку и умерено - јх, масти, протеини.

Те сфаќам кога викаш дека немаш желба за готвење (или можеби дури и време), ретко кој има денес кога сите сме на трчање ама има и начин за тоа. Убаво спомнаа погоре - организирај се во сабота-недела, зготви си ручек-вечера за колку дена можеш повеќе и после не мора да мислиш на тоа во текот на неделата. Има многу видеа на јутуб што можеш да ги искористиш како пример за weekly meal prep.