(Морална) Поддршка за сите што сакаат да ослабат

А зошто би ти помогнало? Кое е објаснението позади таа комбинација?

 

Сум читала дека исфрлало токсини од телото, помагало при дигестија на храна, слабеело.

 

Не ме сфаќај грешно, ама не постои пијалок што слабее. Па и исфрла токсини. Може да помогне за убрзување на метаболизам, како зелениот чај на пример. Може и да помогне за дигестија, како ќефир на пример. Ама пијалоци не слабеат, а имаш органи задолжени за исфрлање на токсини.


Туку, нешто од денес од инста.

 

Игнорирај, не се објаснувај. Членката која те праша се знае, ние ништо не знаеме.

 

Ден 14

П:Овесни со банана, цимет и грчки јогурт
Р:Печени компири со зеленчук и кашкавал
У:Лубеница
В: Сладолед

 

Во право си. Нека не се објаснува и нека верува во глупости

 

Имаме доволно памет, не се секирајте. За толку знаеме. Не ни треба просветлување.

 

22 ри ден. Три пати неделно вежбам и не јадам леб. Не се мерам, ама веќе се гледа. За 10 дена вагата ќе каже.

 

Човек сака со убаво да ви објасни дека не се слабее со детокс диети кои практично не постојат или со лаксативи или магични чаеви. Ама океј, терајте ако ви одговара.

 

Не сме без памет за некој да ни објаснува, ваѓда знаеме што правиме. А ако ни тееба совет, ќе побараме во темава.

 

Бидејќи не сакам да слушам совети во живо од некој што разбрал, а не доразбрал, нити е стручен или искусен од областа, ќе ве прашам овде, не знаев точно во која тема треба.
Која храна не смеам да ја комбинирам заедно во еден оброк?
Што е најдобро да се јаде подоцна?
Не доручкувам многу рано, поради работата не сум во можност точно да следам на мало растојание да ми се оброците, па кога ќе си дојдам дома сум гладна како волк некогаш бидејќи сум немала време да каснам нешто на пауза.
Најмногу масти ми се таложат на долниот дел од стомакот и отстрана, сакам да го ослабам тој дел.
Ви благодарам однапред.

 

Избегавај процесирана храна, чипсови, благичко, мајонез, зденка, паштета, топено сирење, итн. Разретчи леб и паста, подобро ти е јаглехидратите во оброкот да ти се ориз, компир, овес, хељда, киноа, грав, итн. Така да, идеалниот оброк е: повеќе протеин, одредена доза јх, одредена доза здрави масти. И секако што е можно повеќе зеленчук, и свеж и варен и печен. Пар предлози: ориз со пилешко и варена брокула + салата, варен компир со варен морков со свинско + салата, грав со риба + салата, тиквица полнета со мелено месо и печурки + салата, хељда со варени јајца и моцарела + салата, итн. Избегавај масло во салатата, ионака за домат/краставица/пиперка не ти ни треба, за џабе ќе си додаваш калории.

Подоцна е најиделано да искомбинираш протеини и ниско маслени намирници. Гледај јх да ги внесеш низ појадок и ручек. За вечера можеш варени јајца со ќефир и парче зеленчук; можеш "побогата" салата со повеќе зеленчук плус моцарела (налупај свежа тиквица, краставица, домат, свежи шампињони, ротквица, рукола, итн); можеш да измешаш урда со сусам, свежа краставица и некое поквалително сувомеснато, пример мисиркина пршута или свежа сланина; можеш да наполниш шампињони со моцарела и пармезан и да ги испечеш (можеш и во микро, ако не ти се пали рерна); можеш да исечкаш тиквица тенко како шпагети и да ја измешаш со песто сос, домат и моцарела; можеш туна со свеж зеленчук. Исто така можеш да вечераш овошје кое нема толку калории и јх, на пример малини, јагоди, капини, боровници, рибизли, шумсково сега го има. Лубеница и диња, исто така.

Ако можеш каснувај ужинка некоја, парче овошје, шака јаткасти, протеинско јогуртче. Ќе ја одложиш гладта и помалце ќе јадеш подоцна.

Реално, не можеш баш да слабееш еден конкретен дел, слабееш општо и со тек на време ќе се намалува и тој дел. И јас сум како тебе, ако некаде отиде, ќе се залепи за стомак. Ама па и работата ми е седење пред пц, така да, и тоа си прави меше. Да не звучам досадно, ама избегавај благо што е можно повеќе, барем додека си во фаза на слабење. Напрај си овес со мед и јагоди, измешај протеински јогурт со праски, изгмечи банани и помешај ги со путер од кикирики и замрзни ги и ете ти "сладолед". Не дека и тоа нема калории и шеќер, ама барем не до толку, башка еден куп други нутритивни вредности ќе си внесеш. Избегавај тесто. И ако имаш можност, терај кардио. Вози точак, пешачи повеќе, викендашки качувај се до Средно, пливај ако имаш прилика.

 

Ако верувате во такви глупости, не знаете што правите.
Ама ваше си е, на ваша штета ќе е само секако.

 

Во што сакаме ќе веруваме, солење памет не ни треба.

 

Хидрохлортиазид е диуретик кој се употребува за лекување на висок крвен притисок.
Негова примена за исфрлање на течности од организмот со цел бројката на вагата магично да се промени е апсолутно контраиндицирана.
Промовирањето на некои "детокс" комбинации, како ѓумбир или зелен чај во умерени количини е сосема во ред. Ама, употреба на лекови кој немаат никаква допирна точка со губење на масти е апсолутно нонсенс.
Искрено сум запрепастена, како при толку достапни информации можат да се прават вакви, опасни по живот грешки.

 

Телата ни се околу 60% вода, така да многу јасно дека ако здраво лице се напие хидрохлортиазид ќе исфрли течности кои ќе почне да ги надокнадува уште со првата чаша вода.

 

После ќе плачат у темите како брзо вратиле тежината и како се вртат у круг со диети.
И не е страшно тоа што не знаат, туку тоа што иако 15 души ќе им објаснат, упорно тераат по свое.
Сфаќам како е да се мачиш со вакви работи оти сум била во слична ситуација. Само што јас не пробував опасни експерименти на мене, полека учев и се информирав и не брзав во целиот процес за еве денес да сум во одлична физичка состојба, со исхрана со која можам да терам цел живот, физички активна со одлични резултати и да знам онолку колку што треба и повеќе од тоа.
И не само членката, куп луѓе познавам што немаат никаква претстава за тоа како функционира метаболизмот па мислат дека ако си исфрлил вода, ете си ослабнал, браво. И буквално со неколку вака што мислат сум пробала да им објаснам најпросто, ама не, и во живо како на ѕид да збориш. Онака у душа ме погодува оти само на нивна штета е. Јас за мене си знам. Ама ако неќат...ќе си ќутам ја. Нема јас да изгубам од тоа крај крајова.

 

Јас и порано имав пиено диуретици ама послаби, ми се собираше течност поради хормони, Спиронолактон беше а овој на мајка ми е појак па затоа земав мислев дека пак сум надуена од вода. Важно се почувстував полесно со испразнети црева и без вишок вода. Сепак избегавам да ги пијам често ги пијам многу ретко, штетат на бубрезите.

 

Калориски дефицит, тоа е тоа. За овој месец 2-3кг. во минус. Појадувам банички, што не сум го правела никогаш, бело тесто имав отфрлено одамна, и сега слабеам. Ама после баничката, имам толку обврски дома и на работа, што заборавам на храна до вечер, кога обично јадам нешто овошје и салата.

 

Во ред тоа ама пожелно би било да потенцирате во ваков случај оти во темата пишуваат тие што сакаат да ослабат и за тоа се даваат совети, не конкретно за проблеми со хормони.
Зашто некој ќе прочита и на своја рака ќе направи некоја беља.