(Морална) Поддршка за сите што сакаат да ослабат

Токму така. Ми се јаде и сакам да сум со нормална тежина. Вечна борба. Треба да купам нешто нема број, а навечер пуштам серија и веднаш ми се јавува стомакот дека ми треба чипс. Психа што ти прави.
Кг мандарини нема шанси да изедам. Ама мене не ми прават проблем така да нема да е лошо, барем нема калории. Ке одам во веце често.
Еве сега леб не можам да јадам, месо и салата ме заситуваат, затоа за викенд кеса чипс без мака.

 

Па пишав, вариш ловоров лист, 10тина минути, додаваш прав цимет и ѓумбир, олади малце и цедиш лимон. Ако навистина јадеш ко што си пишала во другиот ком по 2-3 коцки лазања ти немаш бавен метаболизам, ти го бомбардираш со масти и јаглехидрати. Бавен метаболизам е да изедеш 2 киви и да не те протераат или да си на крекери од семки и 1 шоља нискомастен јогурт и да не отидеш во вц. Јади избалансирани, здрави и квалитетни оброци, супа, месо, салата се не ти треба, доволно е месо и салата, супата ќе ја изедеш за вечера со помалку месо, зошто супата е само сол и масти, нема ништо толку здраво во неа.

Апсолутно БМИ не значи ништо, јас имам на граница на obese и over weight, ниска сум а цврста, кај мене да го нема стомакот и образите ќе бидам ко билдерче, цела сум мускул, ми се двојат веќе мускули на рамена, бутот ми е камен и при вежбање на пример стрикно нозе и задник после тренинг да ме пипнеш сум цела камен. Ослабев 20+ кила, не се сметам веќе за дебела туку попуна. Ти го читам мениво за појадок и не знам искрено колку кг имаш, која висина, ама ова мени не е за намалување килажа ама ич, ниту пак 8000 чекори значат нешто. Павлаката и сувомеснатото со кашкавалот ти се аут, можеби некоја нискомасно пилешко и грчки јогурт/хумус би биле подобра опција, вака немаш протеин имаш само масти и јх. За да речеш дека си направила нешто треба да имаш минимум 12 000 чекори без друга физичка активност и со тоа ќе направиш само листови, ништо посебно нема да постигнеш, можеби ќе симнеш некое кило ама нема да постигнеш многу.

Извинете што ви се ставам вака, ама сметам дека 10+ години мака со тежина, многу диети пробани, вежбање од аеробик до крос фит и теретана, прочитано тони и тони литература што и како да јадам и не јадам за да ослабам, имам малку од малку знаење лично за мене акумулирано и конечно после години го применувам и еве функционира, од ххл дојдов до м, од 44 до 38, од 98 кила на 75 моментално. Ако некој сака совет од она што го применувам на себе и очигледно ми делува на драго срце би помогнала, ако не, не мора да прифатите, нема љутиш.

 

@AngelOfArh не не погрешно си разбрала. Велам од нездрава храна можам да изедам еден тон, а од оваа диетава пола од препорачано ме најадува. А за два три часа гладна сум пак.
Сега сум на диета и без грешки, овој викенд прекршив и се чувствувам виновно.

 

Пробај го чајов, не е комплцииран за правење, ама не очекувај дека ќе ослабеш од него. Смени навики, доручек овошје не е доручек, тоа е ужинка, доручекот е најважен, треба да е избалансиран, протеини, јх, масти, а во 2 јабуки нема ништо од тоа. Подобро да си го изела сендвичот на Нарцис. Не е се во калориите, има многу повеќе во нутритивните вредности.

 

62 кг со 165см висина Не знам зошто само менито за појадок го гледаш, кога се гледа целовкупниот внес од целиот ден. Да ти кажам не се ни замарам колку ќе покаже на вага бројката, некако го надраснав тоа, не ми е ни битно дали ќе ги симнам килограмите, сѐ додека не видам тоа што сакам да го видам на огледало. Со ваква исхрана, израмнив стомак за 2 недели и мене тоа ми е супер. Башка вежбам тежински вежби кои се одлични за тонирање на тело. Една фитнес инфлуенсерка што ја следам баш кажуваше дека има разлика дали сакаме да намалиме во тежина или да ги намалиме мастите, има разлика меѓу двете. За тежина намалување е кардио и калориска храна под 1200 калории. За масти, тежински вежби и 2000 калории на ден. Со намалување тежина, веројатноста е голема пак да се вратат килограмите, со намалување масти, потешко. Засега се водам по таа школа и имам резултати. Мали, ама ги има.

 

Отворена сум за прелози за доручек. Се прифаќам само да ослабнам.

 

ВАжно е, и сама кажуваш, зошто зависи која ти е целта. Ако си јадела многу повеќе од ова, да, со ваква исхрана за 1м ќе намалиш, ама после стагнираш. Јас Бубало си ја сакам и си ја следам, нејзин муабет ми е ова, без баланс, за 1м крах и ајмо цурих назад. Пак ќе речам, од лично искуство. Нема диета што не сум ја почнала и завршила, по 1м назад се плус некое кило гратис. Долги рокови се најдобра работа, не диета 20 дена за 5 кила, не викам дека ти така функционираш, општо зборам. на 62кг со 165 висина тебе ти треба сега само да градиш мускулна маса, а со тоа ќе накачуваш килажа, факт, ама ќе градиш мускулна маса и нема да имаш салце. Е за тоа ти требаат повеќе калории, ама со тоа и повеќе протеини од масти, а ти во овој оброк имаш бааги масти (павлаката и сувомеснатото).

Еве како симнав 2 од 4те вратени за 4 дена, со следново мени и за 4 дена 3 тренинга:
Понеделник:
појадок-2 јајца, лажичка хумус, лажичка ајвар и 30гр фета
ручек-гравче 100гр печено, 1 риба ослич, голема порција зелка салата
вечера-палачинки од леќа со фета и авокадо

45 минути Тотал Боди+6мин загревање+6мин истегнување

Вторник:
појадок-палачинки од вечерата со 100гр грчки јогурт и 3 маслинки, тоа имав
ручек-тестенини интегрални со 200гр ракчиња со 1 лажица доматен сос и 1 лажица пармезан
вечера-2 галети со урда и сусам

50мин стомачни+11мин загревање+6мин истегнување

Среда:
појадок-овес со грчки јогурт, 1 лажица путер од кикирики, 1 шака смрзнато бобичасто овошје
ручек-тортиља со зелка, телешко мелено пржено и сос од томато паста и грчки (вкупно со доручек ми излезе 150гр грчки јогурт со 0% масленост)
вечера-палачинки од урда и овес мелен со 1 лажичка ајвар

50мин вежби за нозе и задни+6мин загревање+6мин истегнување

Четврток(денес):
појадок-омлет од 2 јајца, лажичка хумус, лажица урда и искрено малку ми беше па изедов пола шака јатки
ручек-мусака со тиквица и телешко, малку сос од патлиџан, без јајце и салата зелка
вечера-салата зелка со наут и некој зеленчук плус ќе вметнам (ручекот и вечерата сеуште не ми се изедени нормално, ручам кај 2 а вечерам кај 7)

денес ќе ми биде рест деј зошто сум воспалена, немав вежбано може 3 недели

Плус на сето ова ми е лимонот со ѓумбир и цимет, со чај или само со вода сеедно, сега терам малку без ужинка, ама знам да земам зелено јаболко, јатки или нешто друго, сакам додека не ги вратам тие 4 кила да терам без ужинка. Најважен оброк е појадокот, ако е слаб нутритивно пиши пропало на цел ден, особено ако вежбаш.

 

Вежбаш во домашни услови од видеа или во теретана? И дали со тежини или?

 

Дома, со тренинзите на Ана Стојанова, плус некои видеа од Инста што ги имам сејвнато или додавам нешто од себе. Со тежини и со ластици.

 

Денес на мени:
- сникерс овесна каша
- пилешко, печени моркови, супа и салата
- детокс смути
- ужинка јатки и црно чоколадо

Не знам што точно ќе изедам од ова бидејќи сум настината премногу, ќе се самоцитирам утре.
Може доручекот, супата и ужинките

 

@AngelOfArh Леле фала ти на исцрпниот пост Тоа шо пали кај тебе, не пали кај сите. Се запна за појадокот. Печеница има протеини, не масти Не знам како замислуваш дека јадам павлака, цело канче? Тоа се две лажички колку да премачкам тортиљата. Или кашкавал се буквално два листа, не се ни парчиња. Далеку е ова од појадок со масти, а ти кажува некој шо беше на кето 6 месеци.

 

Ок!

 

Сега ме опиша. Ништо од ова не ми помага за одење во ВЦ. Тешко мене.

Ај сега да пишам за денес:

Доручек: Прво смути од третина мала банана, третина круша, и шака малини. Потоа четврт шоља кафев ориз и две јајца со едно младо кромитче (од зачини кари и лук во прав).
Ужина: едно јаболко и еден бар со јаболко и цимет (Rawbar)
Ручек: веројатно подварокж
ВечераЧ веројатно чаша млеко

 

23ти ден
Леле леле, на сред ПМС сум почнала диета
Но ло пуедо креер
Појадок, кето шејк со некаков гаден соја грчки јогурт едвај го испив.
Ручек, 3 пржени јајца плус туна. Комбинација од соништата, ама мене вкусно ми е
Вечера, ќе видиме.
Денес генералка правам дома, до попосле ќе излезам до маркет, ама прво ќе попешачам едно 20тина минути. Тоа е планот де
Од утре сум турбо на работа 4-5 дена, ќе ме фати и пмс, ќе видиме како ќе издржам
Уште да имав време за вежбање.
И да не бев мрза

 

Ден 3
Д. пола кришка интегрален леб, две варени јајца,малку сирење и ајвар
Р. исто како вчера,киноа со динстан зеленчук
В. варена кисела зелка со свинско димено месо (се надевам на ова ќе остане...) може и чаша црно вино

 

Иста сум и јас за метаболизмот.Секое нешто на старт делува после ништо.Пр.овесна каша првите дена дава резултати после не ,или јогурт со семки...
Додека ми се навикне организмот и толку после пак по старо.
Д: кафе ,јаболко
Околу 2 саатот 2 тонус лепчиња со ајвар и малу павлака.Ова ручек ќе го сметам.
Пак кафе...
В :пилешко со малу ориз.т.е.од златната мешавина повеќе ќе јадам.
Слабо јадам салати периодов.

 

Исто и јас. Пробај со слим микс чајот на Алкалоид, се пие одма после секој оброк. Нема маѓично да слабееш од него, ама го убрзува метаболизмот. Еден месец се пие чајот, па 2 недели пауза. Види дали ќе ти помогне.

 

Од тонус леб одам два пати на ден во веце. Еднаш купив тонус од Диме, цела недела не можев да отидам у веце.

Лелее луѓе кризирам, детево ќе го здебелам од гладна што сум, само и бутам нешто у уста, како кога ти е ладно и го покриваше детето, е така јас со храната. Мислам сите се гладни ако сум јас гладна.

 

Да прашам овдека зошто темата е доста поактивна од темата со диетата што јас ја држам (УН Диета),.Прашањето ми е во врска со хумусот, дали е многу калоричен, дали може да се јади во ден кога јадам јагленохидрати, со што се комбинира кога се конзумира во диета, еве пример хумус намачкан на леб дали дебелее, или пак кога е ден за внес само на јагленохидрати може да се јаде со леб?

 

Да се дебелееш значи да внесуваш повеќе калории отколку што трошиш, така да, фактички секоја храна дебелее ако претеруваш. Хумусот е здрав намаз, ако намачкаш 2 кришки леб или тортиља нема да те здебелее. Иначе најмногу има масти поради маслиновото масло во него. Јас често купувам на Рибела, во него на 100 грама хумус има 231 калории, 19 масти (2 заситени), 6.7 јх (5.4 влакна, 0.7 шеќер), 5.5 протеини, што кажува дека нема многу јх.