(Морална) Поддршка за сите што сакаат да ослабат

Не сме на диета, здрав живот тераме..и преминува во задоволство!!! придружи ни се ќе видиш

Вчера супер ден, не вечерав и се извежбав..

За денес
Д овес со јаболка
У јајце варено и портокал
Р спанаќ
В ќе видам..

 

Апсолутно, ама некогаш кога не гледаш резултати мора да почнеш со строго. Јас од оваа гледна точка признавам дека сум имала нездрав однос со храната, ама со добар режим и грижа за себе, успеав да сменам многу. А се замара кој со што сака, броење калории е најмалку што може да го направи некој за да тргне од некаде.

Утро!

Си ја вратив кондицијата конечно! Само 1 недела строго вежбање ми беше потребно и се вратив. Денес имав такво брзо и напето утро, сега кога стигнав на работа ми текна дека не извежбав 20ките со пленкот, прв пат пропуштам во 10 дена. Тоа е, ќе се потрудам вечер малце повеќе и тоа е. Денес стомак на ред, ми се темни, ама тоа е. Правам лошо некоја вежба за стомак и осеќам дека кичма ми страда ама ќе видиме.

појадок-сникерс смуди
ужинка-шака микс суво овошје и јатки
ручек-цезар од зелка, пилешко димено, пченка, наут и сос од грчки јогурт, сенф, ммасло и малку јаболков, сол, црвена димена пиперка и шарен бибер
вечера-паста со ракчиња

 

Одличен резултат ќе имаш кога и двете се изрегулирани:
- соодветен број калории
- соодветен сооднос на макронутриенти.

Језда за слабеење се кажува само првото најчесто, ама ако сакаш и подолготрајни и поздрави резултати, второто е исто така битно.

 

Добро утро девојкии
Ден 16;
- доручек: омлет со сирење и салата
- ручек: грашок манџичка и салата
- детокс смути

Пак ќе се вежба Клои

@Ugly Duckling chloeting.com , влези на сајтот, има бесплатни програми со распоред, предизвици итн. Јас сум моментално на 2022 weight loss challenge.
Одбери си по твое, има разни програми, за стомак, за губење тежина, за се

 

Да не заборавиме дека тука има жени кои се борат со вишок кг поради дијагнози како: ПЦОС, тироида, дијабетес итн. Мојот нормален однос со храна, за некој не е. Кај некој и најмала количина овошје знае да направи проблем, а ќе речеш здраво е. Кај некој и физичката активност може да биде ограничена од x здравствени причини, па не е доволна за слабеење. Немојте вакви муабети, сите си имаме некаква борба за здравје и вишокот кг се само симптом, а не психичко нарушување. Еден период од животот бев на смутиња и здрава храна, ама вагата не мрдаше сѐ дури тироидната не се оправи.

Доручек овесна каша со јаболко и малку кето мусли. Ужина овошје. Ручек компир манџа со мелено. Денес после ручек менито не ми е испланирано

 

Се мислев . дали да пишам
Почнав со кето од вчера ама и вчера и денес направив неколку отстапки со по 7-8 коцки чоколадо.

доручек/ручек - болоњезе сос со 20-30 gr. мелено, кромитче, лукче, доматче и кето таљатели со жолчка, моцарела, путер и 2x кесички желатин
(не знам дали е правилно што инкорпорирав желатин и путер во смесата)?

и некој да ми каже десерт што може да се јаде кога си на кето ?

И тоа ќе биде за денес веројатно. Во пмс сум и задржувам вода во организмот и покрај тоа што секој ден вежбам 1 час со сопствен отпор и уште два - три часа пешачам без rest day .

 

Ден 22.
Д. овошна салата = печена тиква, две мали киви, пола јаболко плус малку лешници
Р. пилешки стек со карфиол и брокула + микс зелена салата
В. Многу ми е тешко навечер да јадам салата па веројатно ќе подлегнам на парче интегрален леб со намаз

 

Пола парче леб или пола векна леб? Во секој случај, било поминало. Денес е нов ден. Ќе фатиш ред.

Прв болд - читајте состав на пакувањата т.е барајте продукти барем со 90% месо. Стандардите на пазарот се со околу 65% месо, а остатокот се стабилизатори, емулгатори, засилувачи на вкус, бои, глукозен сируп итн.

Втор болд - уште еден мит, на кој никој не се осврнува. Болката во мускули после вежбање не укажува на квалитетен тренинг, напротив е индикатор дека мусклулите се исфорсирани и млечна киселина е натрупана во нив. Така ризикувате повреди.

Зошто? Во процес на слабеење не важи принципот "колку повеќе толку - подобро". На телото му треба и одмор. Формулата е "баланс" а, не исцрпување.

Има преубави кето десерти. Сладоледот и брауни со авокадо се .

 

Вчера не пишав, скробен ден ми беше.
Д. 2 банани
Р. Ориз со зеленчук
В. Малку од ручекот

Ужина : чај, портокали

Денес ми е јаглено-хидратен ден

Д. Банана и јаболко
Р. Њоки со пелати сос
В. Нешто благо или 1 ред црна чоколада

Ужина : една рака јаткасти , чај и некое овошје ќе биде

Со вагата се скарав овие дена, чекам до утре за резултати.

 

Зависи која е целта на тренингот. За жал во македонскиот јазик иаме само еден збор, болка. Но реално по вежбањето може да не се осеќа ништо, или пак да се осеќа два типа на болка.
Едниот би го опишал како "замор". А другиот е баш болка - болка.
Од овие три опции, најдобро е да се осеќа "заморот" во мускулите, или на англиски muscle soreness. Чувтвото всушност е на границата помеѓу замор и болка.
Ако во наредните 24-48 часа од тренингот не се осеќа некаква "тензија/замор/soreness" во мускулот кој е вежбан, прашање е колку ефективен бил тренингот во однос на стимулација за раст на вежбаниот мускул.

Едит: најдобриот збор за да се опише што треба да се чувствува во вежбаниот мускул после тренингот веројатно е воспаление.
PS: Лактатите не се причина за болка во мускулите (вака се сметаше во минатото).

 

Добар ден и од мене.

Ненаспана и уморна го почнувам денов. Се надевам ОК ќе се држам со храна.

Доручек: Mug cake од банана, јајце и протеински прашок. Малку урда со тоа и малку кисело млеко.
Ужина: Кафе и некое овошје
Ручек: Или сарма или турли тава (од тоа имам остатоци)
Вечера: Не знам

Денес ден за вежбање.

Лично јас сум тука за да намалам неколку килограми што ми сметаат. Јас сум од тие со ПЦОС што тешко симнуваат килограми, а лесно ги враќаат. Не секогаш се приметува зашто имам тело во форма на песочен часовник и рамномерно ми се распоредуваат килограмите (од типот никогаш сум немала голем стомак или огромен газ), ама цела сум широка (освен струкот кој секогаш ми се познава). И сакам да сум поздрава варијанта од себе. Цел живот пазам што јадам. За мене прејадување благо е пола чоколадо дневно на пример или парче торта. Ама и тоа ми смета на линија. Од кога знам за себе морам да припазувам на линија. Еднаш пробав со нутриционист и се разочарав од пристапот. Сега гледам дека сите се исти. Си имаат они пристап што го фураат и баш им е гајле. Кому се погоди погоди кому не тој си е сам крив. И набиваат чубство на вина дека на тој што не му е погоден нивниот свет режим нешто греши. Затоа сега сум си решена да издржам колку што можам повеќе без благо и без грицки и да имам контрола на храната со применување на она што цел живот ми палело кога сум сакал да ослабам (цели житарки за доручек, без леб и без благо). Ќе видиме дали ќе успеам. Инаку имам многу лош однос кон сопственото тело, никогаш не мислам дека сум доволно слаба или дека изгледам добро, дури ни кога луѓе ми даваат комплименти. И си го знам и коренот на проблемот (мојата слаба мајка со различа конституција од мојата која знаела и да ме осрами пред продавачки за изгледот на телото). Вишок огромен никогаш сум немала освен во бременост. Ама дел од тој вишок ми остана. Дали е од годините, дали е од пореметување уште повеќе на метаболизам заради метформинот или од што е не знам. Не ни сакам да испитувам. Ако можам да го средам ОК, ако не пак ОК. Битно кондиција имам добра, крвна слика ми е ОК и тоа е тоа.

 

Во право си за дијагнозите, ама дали УН е решение? Еве не сум доктор, не знам. Јас од тоа што читам на темата, истите членки јадат чипсови, колачи и сл. и после компензираат со диети. Не ми беше целта никој да навредам, сакав да дадам една друга перспектива, дека од слабеењето се прави квантна физика, кога скоро секој може да излезе и да пешачи. Во однос на дебелеењето, јас колку што знам е математика, битен е калорискиот внес, не знам дека од едно јаболко некој се здебелил, поправи ме ако грешам.

 

Јас сум ма таа шо јаде чипсови, колачи, кашкавал и сувомеснато Јадам навистина, и слабеам. Јас не сакам од ништо да се лишам, уживам во секаква храна. Уживам и во чиа пудинг, и овесна каша, ама и во тост со сѐ и сешто. Е сега, не ни имам многу кг за симнување, ама ми требаше друг режим за да дојдам до ова ниво. Пишав и претходно, кај мене исхраната во текот на денот е 80% здрава и 20% нездрава. Некогаш таа нездрава храна е и 10%. Не осеќам ниту глад, ниту фрустрација, а среќна сум. За да дојдам до тука ми требаше време. За јаболчето што го спомна, јас се откажав од скоро секакво овошје 6 месеци и симнав скоро 15кг. Озглогласеното кето ми помогна да намалам кг, да сменам изглед на тело, ми го подобри здравјето, имунитетот, ме набуста со енергија и уште куп многу придобивки. Со овој режим што го терам сега, тоа немаше да го постигнам. Во врска со пешачењето, изгледа наивно, ама и не може секој. Кога имаш некои навики од години уназад, многу е тешко да почнеш. Кога ќе те фати умор и ќе ти се прислоши, се разочаруваш. Сум ги поминала сите тие фази, и навистина имам разбирање за секоја која минува низ нив. Затоа викам да не се потценуваат 5000-6000 чекори, зошто тоа е само почеток. После ќе се дуплираат. После ќе почнат да вежбаат 10мин., па 20, па ќе стигнат до цел саат без проблем, па нема да може да им помине ден без вежбање. Ама за да се стигне до таму, потребно е време, трпение и најважно, поддршка.

 

A ?Пола леб до сега не сум изела. Сега сфатив што сум напишала ,а мислам на вакво пола.Кај нас ги нема па немам соодветен превод.

 

Ама не е на одмет одвреме-навреме и малку реалност да се понуди, оти кога гледаш дека некој се врти во круг, од поддршката очигледно нема многу корист. Со другото сѐ се согласувам, тешко е, не е плукни-залепи, ама има фактор и себезалажување во целава ситуација.

 

Здраво, вчера почнав со Ун диета па навистинааа се надевам макар на -10 за 90 дена. Денес дпручек банана, ручек ориз со мешавина(грашак, пченка,морков) и салата. Сакав да ве прашам дали смеам да мешам ориз со мешавината и кога готвите храна дали ставата сол,вагета, масло? Имам домашен јаболков оцет, дали може да ставам во салатата? Утре ми е ден за јаглехидрати, дали смее некоја кифла од бело брашно или мора интегрално? Од физичка активост освен трчање по деца друго немам а од први почнувам во теретана, овој пат сум многу решена да ослабам. Куп прашања имам, ама не сакам да правам многу грешки, ве молам некоја девојка што е поупатена да помогне

 

Така е, јас затоа некогаш и си преќутувам

 

Искрено тешко е, јас цел живот се припазувам бидејќи имам пцос, инсулинска резистенција и предијабет.
Сега после бременост, породување ми е уште потешко да симнам кг.
Да се откажам? Не.
Се обидувам еве со нутриционист, знае и каква терапија пијам и се, почнав и редовно да вежбам, знам дека преку ноќ нема ништо да се случи ама некогаш ме нервира кога не гледам резултат.
Не бројам калории, тоа нутриционистот се мисли, ама вагата дома ми иде низ прозор да ја фрлам, ама не се откажувам.
Ќе пишувам тука додека не стигнам таму кај што сакам, и ќе се замарам со вага
И после посакуваниот резултат, јас пак ќе морам да пазам на калории, да пијам редовно терапија, бидејќи дупло ќе вратам ко што направив зимава грешка фатална.
Ете некој мора така, што да праиш
Маж ми е преслаб, троши цел ден да, ама и јаде богами, ко ќе седне посебно навечер пред да легне, вечера па грицки па благо. Не го гледам него дека брои калории а нема кај да го штипнеш, коска и кожа е.
Не сме сите исти и тоа е.

 

Денес носев фармерки што ногата не ми ја собираа, не па стомакот и половината. Уште имам чварци за топење за да ми стојат добро. Битно, не морав да ја здиплувам сланината навнатре за да ги закопчам.

Утепана сум денес. Два саати сон само и утнат ден. На јх ми забега, непланирано.
Утрото...шака замрзнати вишни.
Ужина банана и кисело млеко.
Ручек грашок со месо..немав време да си готвам друго и салата кисела зелка.

Се надевам ќе имам енергија за Клои вечер.

 

Според мене најголеми проблеми се:

1. Броење на денови - ништо не добиваш со тоа, може само негативен притисок и евентуално разочарување - ако се решиш дека е време за промена сфати си го тоа како подобар lifestyle, нема тука рок, зошто ако има рок, што понатаму? Ете, вака-така ја достигнуваш целта, и? Едноставно почни да ја правиш промената и ѕирни до каде си после пола година или година, на пример.
2. Чудни комбинации со макронутриенти - еден ден само овошје, колку ти душа сака, напукај се со шеќер, па ден скроб, па ден јаглехидрати (а уствари што е разликата во ден скроб, ден јх?), па после неколку денови игнорирање на протеини, ајде ден протеини - никогаш ми немало логика сето тоа, поготово не на долгорочен план.

На сето ова би додала броење и ускратување на зеленчук - изедов пола краставица и 3 шери доматчиња - барем на зеленчук не мора да се крати, ај што е здраво и потребно што повеќе, туку и толку малку калории имаат повеќето, што речиси бескрајно можеш да ги јадеш.

П.С. Не му се плашите на лебот, само треба добро да го искомбинирате и секако, со усул.