(Морална) Поддршка за сите што сакаат да ослабат

Ммм од саботата ме немаше. Викендот малку застранив од режимов ама не беше ништо многу. Саботата утрински пилатес кардио, доручек овошје и кафе а ручек се почастивме со мм по една ролована свинска пола пекарски компир и лажица ориз, тој си припорача и пица па му чапнав едно триаголниче и 200мл црвено вино. Вечера немаше. Неделата доручек исто овошје со кафе, ручек питулици со лукче и сирење кај свекрва ми. Каснав ама нормално без презаситување и прејадување. Вечера и тренинг немаше. Недела е единствениот ден кога не вежбам.
Понеделникот
Кардио и вежби за задник,потење како да е последно.
Д: урми,мандарина и банана со кафе
У: пуканки и малку кикиритки
Р: салата со марулка,црн грав варен, кромидче , магдонос, морков и маслинки
В: нема

Денес:
Кардио и вежби за раце.
Кафе и цеден лимон со куркума и ѓумбир
Д: банана и 3 плочки гранола
У: пуканки ми останаа од вчера
Р: парче свинско печено со свежа салата од марулка, цвекло,морков,маслинки и кромидче.
В:нема

Ете то е женски за овие дена, утре сум со план денот да го почнам со пилатес да здивнам од кардиото, иако пилатесот не треба воопшто да се потценува знае да ме испоти повеќе од кардиото. Денес не се мерев, ама веројатно килажата ми е иста 70кг.

 

Е па месо нели во протеински оди, таман и е, илли не? или дека мрсно?

 

свинско ама немрсно, ова ти најмрсното си го одбрала.

 

Таман си е, ништо нема да и биде од еден помрсен оброк, секако па крај краева месо е. @angelche16 , ненормален форез ми напрај со реброто.


На мени денес исто смути ко вчера али количински и калориски упола, делев со брат ми. Плус горко турско.
Ручек- мусака и салата зелка со цвекло.
Вечера- јогурт и варено јајце.

 

Денес убав ден, апетит пак слабо некако, незнам што е работава
П: тостиран тонус, хумус, маслинки и домат
Р: стек на грил тава и салата огромна со се и сешто
В: појма немам
Утре на вага, јас по гаќи и маичка се мерам секогаш да не тежат пижамите или тренерките

 

Ме изнасмеавте
Ам ајде се држам строго ајде еднаш нема гајле, па искрено се мислам да вечерам само салата марула без месото. Со се коски цело беше 400 гр. А коски полно така да нема нешто многу голема беља зато вечер само салата и ајде. Тоа месо беше на ред моите веќе го истале да се одмрзне. Искрено ретко многу јадам помрсно па ајде еден оброк нема гајле.

 

Добар ден и од мене.

Доручек: палачинки од леќа со вегетаријански намаз и павлака и едно тенко парче пршута.
Ужина: Едно јаболко со малку путер од лешник и една оризова галета
Ручек: Подварок
Вечера :млеко

Денес треба да вежбам ама ќе видиме. Уште ме боли стомак, а и ненаспана сум скроз детево кашлале ноќеска.

Утре пак се надевам дека сум на исто (да не отидам нагоре ми е битно само овие неколку недели). Наредна среда предавам битен проект и потоа ќе имам повеќе време за готвење/вежбање и се останато.

 

А какба салата планираш за вечера да јадеш?

 

Искрено никаква, не ни вечерам. Погоре и во мислењето пишав дека сум на роденден па за да избалансирам со калории не јадам повеќе од на ручек ништо за да можам да каснам едно парче торта, да избалансирам калории. Претходниот пат кога не јадев ништо сите намќоресто ме гледаа па затоа да се избалансира. Добро денес плус и пешачев, деновиве си пешачам, килажа намалувам и веќе почнува да се примеќа по малку. Ете утре ќе знам колку засега имам изгубено. Но во секој случај за разлика од претходните две години најслаба сум иако сум во фаза на слабеење.

 

Нова сум и ќе почнам за ден два во теретана
Дали секој ден вежбате на секоја справа или секој ден на различна?
Сакам да стргнам гради, стомак и грб.
И по колку време вежбате дневно

 

Ако немаш искуство до вежбање најдобро прогуглај едуцирај се или ако можеш да си дозволиш тренер барем првиот месец да те обучи колку толку.

 

Д : 2 варени јајца парче проја и малку мортадела
Р -В:туна со 1 кисела краставичка ,сенф и малку макарони.
Се докажува дека побогат доручек ме држи сита цел ден.
Слабо вежбам таман влегов во некој ритам се мачам со болкиве во зглобови и изгубив воља...
Ај ќе видиме утре вагата.

 

Се вежба еден ден гради и бицепс, па грб и трицепс, па нозе, рамо и пак одново.. За секоја муслулна група си има посебни вежби и справи. Кардио и стомачни можеш секој ден да правиш, можеш стомачни преку еден ден зависи во каква форма си и колку можеш да издржиш.

 

Обично во секоја теретана има вработен кој може за почеток да ти објасни колку-толку
Јас кога одев секој ден вежбав различна група на мускули: еден ден предни, друг задни, трет странични и четврт само кардио. Секој ден пред да почниш вежби со тегови се прави 10 минути кардио за загревање.
Иста група на мускули не се вежба секој ден.
Вежбав 1ч дневно, 6 дена во неделата.

 

Резултат - 0,5 само...е многу бавно ми оди, многу...

Д овес со јаболка
У банана
Р леќа
В леќа
И денес 3 литра вода..

 

Скоро - 1 кг ама скроз гола по гаќи и маица.Обично не се мерам така па ќе си рачунам -500 гр.
Е сега оваа килажа најчесто и најдолго во животов ја имам и секогаш кога сум на диета откако ќе дојдам на овај број после ептен тешко надолу оди.И да слезам уште кило две веднаш се враќам на оваа бројка.
Ќе продолжам со внимавање без бел леб без грицки...и со повеќе физ.активност се надевам.
Се частив варено ѓеврече и јогурт сабајлево.

 

И јас така бев се додека ете така, не бев на стрикно некој режим туку си правев сама некои отстапки па секое малку малку се частев. И симни 3 врати 5, симни 2 врати 4, симни 1 врати 2, никако да задржам. Се дур држев диети така беше, сменив начин на живот и видов ефект. Ама јас си имав за симнување многу и мораше да се реагира поригорозно.

Утро!

Денес е рест деј, нема денес вежбање, ама ако не врне ќе изнесам дете и куче да прошетаме. 30ките и планкот ги оставив за пред спиење, да не брзам утрински, па ќе пробам 30ките сега да ги направам 40ки со оглед на тоа што ќе имам време и нема да вежбам нели.

појадок-проја од овесно брашно, праз и спанаќ со фил од фета, урда и пилешко димено
ручек-врап со мелено телешко, салата, пченка и сос
вечера-паста со ракчиња

 

Добро утрооо!
Денес сум видено расположена претходната среда вагата ми покажа 80.25 а денес 78.75 кило и пол минус Не ми се верува се полесно и полесно ми е откако сум на режимов, поенергична, порасположена. Претходниот четврток имав прв воден ден па затоа и сигурно ми покажа повеќе разлика овој пат. Се повеќе и повеќе имам мотивација за да стигнам до посакуваниот изглед.
Денес на мени:
Доручек - кафе и два портокали
Ручек: Денес ми е скробен па така најверојатно нешто измеѓу компир или ориз и марула обавезно
Вечера: Исто, само на пола

 

Ооооок, само -200гр од минатата среда ( се мислам меѓу ова емоџи или ова )

Очигледно не оди ова вака, па од пред 2 дена вметнав повеќе активност: сабајле брзо одење 20- 30 мин. навечер вежба на справа 30 мин.

@angelche16 мене многу ми си убава, таман ми изгледаш. Ти си знаеш уште колку можеш да ослабнеш, ама можеш и само да си ја одржуваш тежината, ти стои

 

Јас наместо во минус, во плус сум 1 кило Во февруари ослабев 2 кила и сега наместо да одам уште надолу јас 1 вратив Планот за март не ми испадна како што мислев, барем ова едново што го вратив да го ослабам ќе сум среќна