Ова е приказна за две деца кои со помош на својата имагинација создаваат маѓична шумска земја. Спојлер Во маалото на петтоодделенецот Џес Аронс, се преселува ново девојче Лесли Бурк кое е голем авантурист. Тие за краток период стануваат најдобри пријатели и наоѓаат место кое ќе биде само за нив двајца, место каде што ќе можат да побегнат од стварноста и тешкотиите. Тие секој ден по училиштето одат во шумата блиску до нивните куќи. Тоа е древна шума со маѓични суштества, место каде што имаат и пријатели, но секако и непријатели. Здружувајќи ги своите сили тие стануваат кралеви на новата земја наречена „Терабитија“. Со помош на терабитијанските војници, тие се борат против џиновскиот трол, месојадците и сите други непријатели кои сакаат да им наштетат. За нивната земја да може да се види, потребен е отворен ум поради што не секој може секој да ја види. Исто така, тие мора да преминат река со помош на јаже за да стигнат на териториите на Терабитија. Но еден ден Џес во утрината ќе отиде со својата наставничка во музејот. Во меѓувреме се случува трагедија... Неговата најдобра пријателка Лесли умира давејќи се во реката која води до Терабитија. Џес не може да се помири со тоа. Тој истрчува во шумата барајќи утеха. Тој сè уште има надеж дека во шумата ќе ја најде Лесли, но тоа не се случува. Бидејќи Терабитија останува без кралицата, на нејзино место доаѓа помалата сестра на Џес, Меј Бел. Меј Бел заедно со Џес оди во Терабитија каде што отпрвин не може да види ништо, но потоа ги гледа сите оние маѓични суштества, а на нејзината и на главата на Џес стојат круните направени од Терабитијанците.
Многу, многу тажна книга, од кога ја прочитав после две недели не можев да престанам да мислам на неа. И филмот е прекрасен.
Книгата ја немам читано, ама филмот го гледав и ме остави без зборови, преубав е, ама многу е тажен, мислам дека можел да биде малце поубав направен.. Ама така би се загубило она што приказната навистина е, нели? Ама и вака е доста поучен..
Јас филмот го гледав доста интересен ми беше и на крај си плачев не знаев дека има книга ама ќе ја побарам на нет.
Еден од омилените филмови ми е , ама ете , не сум знаела дека има книга..Ај ако некој ја купи нека каже колку пари е , или вака или во лп, да почнам да си штедам (најозбилно нека ми пише ... ) Вака нешто би изгледала, а ? :geek:
