Дали сакате традиционална фолк свадба, нешто комбинирано или класична журка? Ние сме во подготовки за свадба, па бидејки многу ме мачи ова прашање би сакала да слушнам ваши искуства околу амосферата што ја прават различните видови музика.. Би можеле и да ми препорачате и некој бенд/пејач, а уште поубаво би било ако имате и информации и колку чинат..
еве јас да ти го кажам моето искуство: јас правев свадба во октомври, во Битола и ни свиреа Милениум, музиката беше феноменална значи ние се договоривме со нив шо да ни свират, кои песни, започнавме со народни и тоа народни ама весели, ни една јас шо би рекла тажачка песна па после тоа со чочеци ни помина пола свадба, после вечерата српски забавни, македонски забавни, странски , па вовче и се така, преубо беше сакам пак, ихихихихи мислам дека се е тоа договор меѓу вас и музиката
Има ли некој искуство со Арија, Биоритам, Академци, Плус Минус, Соната, Компас Бенд, Сузана Гавазова, Гоце Арнаудов?
Сум била на свадби и Сузана Гавазнова сум ја слушала и Гоце арнаудов и Арија,Гоце-НЕ,зашто може да ти ја зезне цела свадба,не е предвидлив човекот,може да си замине порано,ама ако му се видат лугето дарежливи,ако фрлаат пари,ќе испее....ќе ја истурка свадбата,а може и џумбус да направи,Сузана пее добро ама не прави некоја атмосфера да речеш,многу е млитава,цело време ќе гледа дали е убава,дали и е шминката во ред,дали фустанчето е на свое место,а Арија супер се,барем кај што бев одлични беа,ама на зетот ептен му беа другари па може и поради тоа,па види ти сега....колку ти помогнав или одмогнав,незнам! Инаку јас ги закажав Молика и Анета Мицевска,а за пари искерно не ни прашав! Поздрав
Сум била на многу свадби но на оние кои свират Фонтана ми се незаменливи, што ќе му речиш тоа свират...бев на свадба кај што свиреа само забавно тоа беше журка невидена.....и Молика се добри само што малку почнува да ме нервира нивната пејачка. Гоце Арнаудов е супер , има негов бенд и добро свират ама само народно забавно ни една песна не запеаа и секогаш со него ја носи Анета Наковска од која ми се повраќа....секој со својот вкус но јас сум за ФОНТАНА
Мојата свадба беше класична со сите свадбарски ора и песни а на крај нели имаше денс песни за шизење а ни свиреа група Малибу од кои сум многу задоволна.Музиката беше според програмата на бендот и целата веселба испадна фантастична!Мој совет е,музиката да ви биде според програмата на бендот(било кој бенд да свири),никако со муз.желби на гостите.Еден порачал песна од Миле Китич па вториот пајдушко оро и ќе биде каша попара!
А да нема да дозволам, пораки и честитки од кој ќе стигни...бабата, дедото, вујче од америка е тоа најмногу мразам
Леле немој Сузето жити се! Сум била на свадба каде таа пееше и стварно пее убаво и прави расположение ама за машкиот дел од гостите! И не знам дали јас се најдов на таква свадба со такви гости или Сузето се така си прави ама мене тоа не ми се допадна! Мене ми остави впечаток дека си флертува со гостите за да им ги лапне парите,оваај бакшижот де! Многу непристојно се облекува па поднапиените мажи можеш да претпоставиш што прават! А Гоцето имам слушнато дека е поскап за разлика од другите! Мене како музичари за свадба ми се најдобри Ленчето и Горан Куќич (е не знам како им се викаше групата) Репертоарот на музика си го бират малденците колку што јас знам, ама скоро сите свадби поминуваат со македонска народна музика, ора и чочеци, малце српско, малце македонско забавно, возчето обавезно се врти на секоја свадба и тоа е!
На мојата свадба свиреа Фокус бенд од Свети Николе мислам дека беа,али дечките стварно си ја знаат работата направија невидена атмосфера.А и не се скапи 200-250 евра.
во право си Јупитер се ехстра свират секаков репертоар... Сузето не бе на една свадба каде што бев пееше она и тоа што највише мразам она го прави ке се фати на оро ко свекрва да е а уствари само пари да собере облечена слично ко овие преед мтв во Ск и нормално кога некој е поднапијан она тоа го користи за бакшиш...Гоце е многу скап а и мозе да ти закасни на свадба а и да си отиде порано атмосфера прави супер али цабе кога ке треба да се секираш дали ке пее до 1.30
Јас летово ке правам свадба и ќе ми свират Академци.Многу ми ги фалеа па се надевам ќе се покажат како што треба.
Не можеш на никој да му погодиш-гостите пак ќе мрчат каква музика и да има Искрено би сакала некое мало свадбиче со шведска маса,на некој рибник или ресторантче на отворено,со музика во живо и да има некоја народна мјузик-ко да станат старите да извртат орце и толку... значи комбинација некоја да се направи...ама ќе видиме има уште малку време
Нам ни свиреа „Нели ти реков“ со Кате, си имаа сопствен репертоар, се договоривме отприлика какви песни сакаме да ни свират, па ни ја исполнија желбата. Нарачки немаше, не сакавме да има. Ама затоа поскапо плативме, но не жалиме за парите, затоа што имаше супер атмосфера, и немаше човек кој не заигра. Музиката, според мене, е многу важна на свадбата. Јас искрено, повеќе бев за цела свадба да биде со забавна, рок музика, ама кај нас нема таков бенд кој на свадба може да ти свири само таква музика. Барем јас не сум сретнала, ниту пак слушнала. Може да се прави и комбинација, да има посебни бендови, ама така е веројатно поскапо. Сепак, „Нели ти реков“ беа на ниво на задачата, не засвиреа ништо од тоа што се класифицира како турбо фолк или новокомпонирани песни.