Постот е малку постар, но ако прочиташ, те замолувам да ми одговориш. И ние го купивме истиот навлажнувач на горење, но не знам дали ние не можеме да го наместиме како што треба или е расипан. Кога е на intiligente mode, не застанува, туку влажноста оди до 99. Како го наместивте на најниско?
Иста е ситуацијата и кај нас. Го ставаме на најслаба јачина, но во затворена соба дури и на најниско достигнува 99 влажност. Ние го префрливме во ходник за да го влажни воздухот во сите соби, па сега на најниско достигнува до околу 70%. Го ставаме на тајмер и по потреба го вклучуваме. Не знам дали е фабричка грешка или е само направен за големи простории, не ми е јасно.
Чудно е стварно, и нам не ни е јасно. Ние се јавивме во сервисот на Горење, ни рекоа да го однесеме да го проверат, па го пративме. Ке видиме тие што ке ни кажат. Мака ми е, не е ефтин, а испаѓа дека за џабе сме го купиле. Во упатството не пишува дека е за големи простории. Нам ни треба за околу 30 квадрати. Ке ја тагирам @0ли , и таа го има, па да ни каже свое искуство.
Кај мене е сувотија воздухот и без навлажнувачот влажноста е 20 Кога работи, се качува. Си работи како што треба, задоволна сум ептен, се осеќа разлика кога е пуштен и кога не е. Јас на ваше место би зела некој уред што покажува влажност на воздух, можеби вам ви треба одвлажнувач, а не навлажнувач, или пак во ред ви е воздухот и не треба да го влажните.
Сепак постои ваква тема доколку некој ја бара https://forum.femina.mk/threads/Прочистувачи-на-воздух.9883/page-7
И овс ќе треба да се купи . Инаку ние купивме мерач за влажност, и влажноста на воздухот во нашиот стан моментално е измеѓу 55 и 60. Некогаш оди до 62, што значи на горна нормална граница. Дека не е многу ладно времето не грееме многу, па можеби затоа, или дека влажно времето надвор. Не знам како ќе биде кога ќе биде поладно и климата ќе биде уклучена на најако. Убаво си рече @0ли , нас за малку ќе ни требало одвлажнувач, а не навлажнувач . Инаку тој навлажнувач от на горење, што го имавме истиот, нели пишав дека не можеше да се сетира, па го пративме на сервис. Излезе дека навистина е со фабричка грешка, па и тие во сервисот не можеа да го направат. Ни рекоа дека ни следува нов, но тие го немаат истиот, па затоа за рок од два месеци да си одбереме производи од кај нив за истите пари. Голема среќа за нас, бидејќи испадна дека навистина не ни е потребен, па си зедов блендер нов за бебе, и други работи коии ни требаа. Ако на вашиот уште му важи гаранцијата, можете да го пратите на сервис , можно е да е и тој со фабричка грешка.
Значи супер испаднало на крај Затоа е пожелно прво да се провери влажноста во просторијата. Еве тука каде што сме во моментов, се движи меѓу 40 и 60 и не сум купила навлажнувач. И грееме, но не се суши. Изгледа и зависи со што грееш. Пуштен е панел цело време, но воздухот е супер. Кога не сме тука еден ден, сме исклучиле греење и ни треба набрзина да се затопли, пуштаме тајфун и веднаш влажноста опаѓа. Излегува дека ако нешто дува, посув е воздухот.
Некој да не има ваков навлажнувач/прочистувач на воздух порачано? Мислам дека Мој личен развој се вика страната на фб. Задоволни ли сте? Вреди ли?
Дали ќе можеш да прикачиш линк или фотографија, ако не ти е тешко се разбира ? Многу се двоумам, а гледам дека цените на навлажнувачите се мноогу високи за мојот буџет. Мене ми треба за соба од 9 м2, па си мислев дека можеби има некои поефтини до кај 500-600 денари, евентуално до 1.000 денари, толку сум во можност моментално. Некој најобичен, но да си ја врши работата. Почнав со греалката, и навечер е неподносливо.. Ми кажаа и дека постоеле и некои со USB кабелче кои можеш да ги поврзеш на лаптоп / телефон. Барав и од нив низ фејсбук, но не можам да најдам. Можеби тие се поевтини, не знам..
