Намалена оваријална резерва и причини

А колку е најдобро да биде АМХ како по,, книга"?

 

Пред некое време прогуглав баш на оваа тема - редовен циклус а истовремено немање фоликули и негде ми излезе дека постои нешто што се вика ановулаторен циклус односно немало овулација, а сепак имало циклус, но таквиот циклус не потекнува од распаѓање на неоплодена ј.к. како вообичаениот, туку е некој вид „чистење“ на утерусот. Не знам колку е ова до крај точно, треба со специјалист да се разговара.

 

Разговарано, јас не сум човек што нешто остава на случајноста.
Одговорот беше специјалистички и дипломатски, можеби ова, можеби она..

 

Кај мене исто се промени, иако и претходно сум имала 5-6 дена од кои вториот и третиот ден најобилно. Некаде пред 5-6 години ориентационо почна да се намалува и до ден денес имам 3-4 дена од кои само вториот и третиот ден се полни влошка. По пораѓај продолжи исто.
Инаку некаде на 27 години прв пат испитав амх и резултатот беше малку над 1, за во 2023 веќе на мои 32 години да биде 0.04, во две лаборатории исто, приватна и државна. Тогаш веќе имав поминато едно ин витро и две инсеминации, неуспешни за жал и се спремав за второ, но баш тогаш останав бремена природно.

 

Еве и јас да дадам подршка со моето искуство. Имав ендометриоза и една лапараскопија на 33 години. Цистата повторно ми се појави по само 2-3 месеца. Самата ендометриоза и лапараскопијата ги намалуваат резервите иако јас не испитав тогаш амх. Сите доктори ми рекоа само ин витро за дете. Може и тоа беше причината што се опуштив и сметав дека природно нема шанси за бременост. Забременив на 34 години природно. По ова имав два спонтани па тоа беше причината што почнав со испитувања. Амх на 36-37 години му излезе 0.3 во 3 лаботатории, ФСХ 17, на ехо имав мн.малку антрални фоликули. Сите едногласно беа за ин витро. Направив 5 инсеменации и 1 ин витро, се неуспешно. Во меѓувреме се што ќе слушнев од капки, чаеви, фемина капки, хомеопатија и триста други работи пиев. Ни тоа немаше ефект. Кога наеднаш на 41 година бременост по природен пат, успешна. Нема правила за ништо дефинитивно. Јас претпоставувам дека АМХ да сум го испитала на овие години после ендометриоза, лапараскопија, инсеменации, ин витро ќе бил нула.

 

Исто како тебе, намалена оваријална резерва на 38 год со амх 0.05 и фсх високо. Три трансфери со донор јк, третиот успешен, родив на 45. Остави ги цигарите, вози точак, вежбај нешто, јас вежбам јога, може што сакаш само телото да го движиш и да не се нервираш. Оди на воздух, н апланина на море да се одмориш. Провери вит Д и пролактин. Јади авокадо, бразилски ореви, јаткасти плодови, медитеранска исхрана.

 

Ваквите приказни се многу инспиративни и ме радуваат. Во овој релативно краток период на обидувања и ја добив впечаток дека амх и фсх и не се толку битни, колку што е бројот на атрални фоликули

Кај нас правеше со донирани или надвор?
Од еден "шопинг" ти беа јајце клетките или повеќе?
Јас сакам Солун, со свежи, па не знам
Не ми се губи искрено време во чекање чудо

 

Само да ти дадам поддршка за Солун, познавам една што е бремена сега моментално на 53 години со донирани, успеа во Солун после 5-6 години (ако не и повеќе) бавтање во Систина... Во Систина пробуваше со свои јајце клетки...

 

Њуборн кај Трајковски. Прво купив три јк во Ремедика кај Димитров, врска нема. После купив шест во њуборн, втор и трет обид таму. Знам жена во Систина што успеа кај Поповиќ.

 

Здраво
Во целост се сложува со тебе. Не може одговорот да биде мајка природа.
До сега имам слушнато две теории.

Едната е дека интраутерино сме биле изложени на радијација. Односно нашите мајки додека биле трудни со нас биле изложени на радијација( зрачење).
Другата е често држење на ригорозни диети и варијација на телесна тежина.

Дали некоја од вас држела диети или ослабнала многу за краток период ?

 

@it's me A нема одговор зошто кај некои жени така брзо на намалуваат јајце клетките.
Знам само дека има жени што рано добивале и порано. Ја на пример добив на мои 10 годни, родена сум во осумдесеттите и цел живот мака мачам со ПЦОС (што значи имам многу антрални фоликули) ама ретко зрели јајце клетки и често ановулаторни циклуси. Наместо пукање на фоликули кај мене се создаваат цисти. Имам 45 години и сеуште имам циклус, никогаш не ми биле редовни циклусите па не знам дали влегувам или не во перименопауза.

За донирани клетки мене тој Солун ми е многу сомнителен. Знам пар кој имаа четворки зачнато таму, а по правило не смее да се вратат повеќе од 3 ембриони. Знам две жени на кое децата од донирани јајце клетки од таму исто им изгледаат, а жените не се ни познаваат меѓу себе. Не мислам дека етиката им е јака страна. Побитно им е да се оствари бременост по секоја цена.

 

Ајдее, не мислам дека е до толку. Зарем не постои некој правилник дека сперма од еден донор може само еднаш да се искористи само еднаш во одредена земја?
Може така се погодило да наликуваат децата, а ти дека знаеш како се зачнати и дека на исто место па може потсвесно си бараш докази