Напади од кучиња - со причина или без?

Неколку пати ме нападнале кучиња, сакам животни никогаш не сум ги тепала, вознемирувала. Колку ли само на плоштад имам видено луѓе со велосипед возат глудница по нив. Еднаш мало девојче за малце за нога ќе беше изгризано на велосипед со дедото да не изреагираше човекот одма, исто знам и за напади од домашни миленичиња, сме читале и за фатални напади на деца од домашни миленичиња. Секој не е за куче да чува треба да биде дресирано и секое куче кое се шета да биде со маска и поводник, едно време казнуваа за тоа сега пак се опуштија и никој не шета куче со маска. Строги казни треба за тоа и за напуштање на миленик на улица.

 

Кога видов глутница која се закачува од човек на човек и лае, ни хранење не би помогнало, така беа разбеснети. Си има служби и за тоа, ама очигледно не си ја работат работата. Во други држави, таму каде сум шетала, не сум видела ваква слика. Само во Скопје, метрополата наша.

 

Најдобро е да се носи едно апаратче кое пушта ниски фрекфенции и од тоа кучињата, мачките и другите животни бегаат. Не им штети туку едноставно не го поднесуваат тој звук кој за човековото уво е нечуен.

 

Па ваквите како тебе ве има повеќе што ви смрди душата.
Колку ниско IQ треба да имаш да сфатиш дека не можат ни активисти ни љубители да вдомат, колку што ги има на улица?

Јас велам нахрани, а ти што велиш?

 

Јас сите улични кучиња ги ранам па пак едно од нив ме нападна, да не беше друго куче кое ме одбрани лаејки на него ќе ме изгризаше. Цел живот дома, а и како дете во мало чувавме кучиња, мачки дури и ранет гавран. Сакам животни секогаш кога ќе видам глудница гледам што помирно да поминам или ако имам нешто при мене да им дадам, ама се случувало да ме нападнат. Комшија имаше многу агресивно куче кое лаеше на се плус го чуваше неврзано во двор и му бегаше. Ја имаше искасано една комшика и пак памет не му доаѓаше се имам карано со него да го врзе зошто за да си одам до дома морав да поминам покрај неговиот двор, а тоа редовно лаеше и се пушташе во напад. Мораше мајка ми да ме чека со некој стап или нешто во случај да не нападне.

 

Не знам дали напаѓаат со или без причина, до сега ме нема нападнато куче.
Сум поминувала низ глутница кучиња ама не се ме мариле ниту пак јас. Слободно сум си поминувала покрај нив.

 

Луѓе едвај крај со крај врзуваат не можат сами да се нахранат па куче ќе хранат. Храни ги ако толку голем љубител си. Треба државата да си превземе нешто, а не да напаѓаат луѓе по улица.

 

Па тоа е тпа што не го сфаќате. Државата ТРЕБА да превземе, но НЕ превзема.
И ај не драматизирај, немале луѓето да јадат, не си у турска серија

 

Државава на бездомници не може да им помогне не па на кучиња. Ќе драматизирам пошо е така.

 

Па јебеш га, до државата е проблемот. А ти ако немаш попаметна работа, драми

 

Ma luge sto se otepani od rabota edvaj prezivuvaat tuka ne bezdomnici uste pomalku kucinja skitnici, samo uste tie ni falat na glava
@Emotional123 mnogu emotivno si nastroena kon kucinjata, da zemete da gi priberite vie sto gi sakate doma i po dvorovi ke se najdi careto sigurna sum

 

Моментално немам
едит: по ников ти се гледа дека си душа емотивна

 

Ама па се согласувате дека напаѓаат и лекот според вас е храна да им се даде.
А ако немам да им дадам во моментот?
Ако немам доволно храна во мене за цела глутница кучиња што се стрчала по мене?
Ако морам забрзано да одам покрај некое куче, за да не закаснам на некое место?
Да си ги трпиме последиците, а?

 

И јас го имав истото размислување дека куче не напаѓа без причина. Добро, во поголемиот број од случаите. Меѓутоа и јас бев жртва на напади, без причина, без провокација, без никаква основа, со мирно чекорење по улица. Притоа до ден денес избегнувам глутници и имам зголемена анксиозност кога поминувам покрај улично куче.
Да напоменам, растев со животни и се уште чувам миленици и попрво би избрала животно него човек во било која ситуација. Но, факт е дека куче може да нападне без причина. Лошо е што мора да се увериш сам за да поверуваш. Истовремено, кога веќе говориме за напад од страна на домашни кучиња, секогаш прашувајте го сопственикот дали е во ред кучето да се погали, приближи и допре. Без разлика на големината, изгледот, сопственикот најдобро знае како кучето реагира. Особено да бидете внимателни со деца, кои за разлика од возрасен немаат осет како нивните постапки би влијаеле врз животното.
Верба сам во себе може да имаш, останатото е сплет на околности и среќа.

 

Сега ќе ти речат со тебе секогаш да си носиш

 

Смешна е логиката „нахрани“. Што ако немам да ги хранам, значи треба да ме искинат на парче, па да се лечам по болници. Има многу народ кај нас кој е на макарони и на леќа која чини 28 денари пакетче во Стокомак, оти им е важно да наполнат стомак, а за разновидна и квалитетна храна многу луѓе можат да сонуваат, иако не признаваат. Да, сигурно ќе тргнам за Скопје со две торби леб, и ќе имам за два глутници, а трета ако ме стигне?Си има градоначалници, Герасимовски и Данела треба да си преземат мерки, затоа се платени, а не центарот на Скопје да чини на стационар Вардариште во Маџари. И ние туризам ќе сме развивале, како да не. Додуша и летово во Охрид, полни канти и контејнери со смет кај пазарот и на Туристичка, па никому ништо. Кај нас никој ништо не работи и не презема одговорност, и тоа е проблемот.

 

i kaj mene vo komsii ima kuce sto lae po se , i deca i vozrasni, po drugi kucinja,macki ,go cuvaat vrzano i edna dolga celicna zica po koja se dvizi, ne rzi no lae i se tegne
No kerka im go pusta noke 2-3 pati nedelno da se istrcalo? a stvarno saka da trci go imam gledano kako trci nagore-nadolu po ulicata i mnogu e brzo i silno, ne e rasa od ulica go pribra,nekoj go frlil koga bese skroz malo no mnogu ubavo kuce stana , nesto ko labrador lici no ne e, mnogu skladno telo i podolgi noze ima posiroko graden kos, nazad potesno,, ne e od tie tromavi so dolgp telo i kratki noze ,tolku skladno gradeno kuce nemam videno, no losicko e
Sekogas me lae i koga se vrakame od izleguvanje koga e pusteno strav ni bese, nekogas skoka no najcesto ide i vo nozete ti se pletka da te sopne,kolku pati me ima turnato na zemja, no ne me kasnalo
I imam receno da ne go pusta a taa mi veli, aj pa i ti sto se plasis ako ti e strav nosi si malo sise voda i prsni go
Od togas si nosam voda so mene , nkolku pati go isprkav so voda i bega,i me lae od daleku sega i siseto stom vidi bega
Probajte so voda,neznam dali site kucinja begaat od voda no toa bega a i moeto ne saka voda,pravo se krie

 

Уличните кучиња се опасни и територијални особено навечер!

Летен период доцна навечер, во делот зад зелен пазар и катната гаража 26-ти јули врие од скитници шо се пуштаат по луѓе, лаат, ржат и касаат. Во неколку наврати каснале...другар, другарка и дечко од другарка. Од арно одење се стрчуваат од големи далечини како луди, не знам шо сум направил да ги испровоцирам... Ако одење по улица сам е провоцирање супер.

Страв в коски имам кога бегам навечер дома, налет жив човек нема по улици, нема кој да ти помогне ако те нападнат.

 

Не напаѓало без причина, си го испровоцирал пошто си дишел, гладно било, ова било, она било.
Дали треба на ваша глава да се деси нешто за да ви паднат у вода филозофиите, кога веќе статистиката и искуствата на луѓе кои споделуваат напади ви се малку ?

Сакам животни, чувам и мачка и куче у домашни услови.
Кучето-мала раса, не можам да го изнесам на кеј од битанги кои без ланец пуштаат слободно да трчаат нивните физички доминантни љубимци, два три пати едвај ја спасив и неа и себе, да не ја удават жива.
По улица морам да бирам време кога е фрекфентно со луѓе, заради глутницата од џукели, ако нешто бидне, да има кој да притрча у помош. На 2 3 пати исто така не нападнаа џукели додека мирно ја шетав мојава на ланче.
Кучето ми е истрауматизирано, се укочува у место ако разбере дека на шетање ќе ја носам.

За мене лично, два пати жива глава спасив, последно беше навечер околу 12, минувам улица, од позади една барака излетаа едно 6 7 биволи, крволочни.
Ржат, лаат, се дурнуваат да каснат. Среќа една кола наиде, почна да свири и да ги довикува за да ги дефокусира и влегов у еден двор.
Другарка на брат стомакот и го распарчаа исто глутница.
Пред мои очи комшискиот питбул удави златен ретривер.
На плоштадот у Ск на познаничка малтезерот и го удавија џукели.

Не ме интересира како ќе се справат со нив, сакам да ги нема од улиците. У 2021 да стравувам дали зад аголот ме чекаат 10 ждерачи е трагедија.

 

Нема врска тоа дека кучињата осеќале страв и/или дека не ги сакаш па затоа напаѓаат. (Барем не секогаш)

Друга работа, јас сум голема кучкарка и често влечам чопор кучиња по мене на улица, или сами кога ќе ме видат тргаат по мене и мафтаат со опашките, или јас ќе викнам едно и ќе дојдат сите да ми скокаат, може игриво да ме грицнат, единствен проблем ми е што ми се плеткаат во нозе и ми скокаат и не можам да одам после од нив.

Сум галела питбули, булдози, вучјаци, загари, и не сум имала страв од ниедно куче. Е сега, ми се има случено два-три пати куче да ми заржи, да проба да ме гризне, и еднаш едно ме гризна за нога ама не беше толку сериозно.

Едниот пат беше кај мене на улица, едно навидум мирно куче ме загледа, беше блиску до мене, го викнав, стоеше до мене, никаква реакција, се наведнав и подадов рака и во истата секунда смени фаца, ми зарже и проба да ми ја гризне раката, ама ја тргнав на време.

Вториот пат, почнаа чопор кучиња да одат по мене, јас ги галев сите, и едно што го галев веќе минута-две почна да ми ржи, да ме гледа лошо, ми ја фати ногата со шепите, ме гризна и не ме пушташе. Мене прво смеа ме фати, зошто одев и го влечкав со се мене, ама почна да ме гриза се посилно и да ме држи и тука и смеа и паника ме фати у исто време, не знаев како да го откачам од мене, а и другиве се засилија од него и почнаа да ми скокаат уште толку.

Ај за првиве два случаи, ќе речам може ја сум била крива, не се пушта рака на секое куче што ќе го видиш на улица, ама во вториов случај ете кучево беше најпријателски настроено и после две минути почна да ми ржи и да ме гриза без никаква причина.

Третиот случај, одам кај другарка и кај неа во улица има ептен лоши кучиња, и тоа сите се домашни, ама сопственициве си ги пуштаат надвор слободно да си се шетаат.. Јас си одам со слушалки, нит се вртам негде, нит правам некои нагли потези, и наеднаш гледам куче од отворен двор на 5 метра од мене како трча со сите сили накај мене и, ме лае и ми ржи, јас дур се свртам веќе беше до мене и беше спремно да ме гризне, јас се извадив од памет троа, само застанав у место, се свртев накај него и го погледнав, ме погледна и застана и оно. И газдава ете го иде од таму, леле браво, не треба да се плашиш, оно ако ти се плашиш ќе те нападне, така треба само да застанеш. Амм.. не. Јас се сметам дека сум имала среќа, зошто кучево има бркано и каснато многу луѓе и газдава пак гајле си нема и го пушта слободно да си шета по улица...

И да, кучињата исто како и луѓето имаат некои причини зошто се агресивни и тригери што ги предизвикуваат да се однесуваат така, а понекогаш може да имаат и ментални проблеми исто како што имаме и ние луѓето, и се е тоа во ред, но затоа и не треба да има улични кучиња по улиците, како што нема никаде по Европа, а тие што ги чуваат газди, треба да бидат затворени во двор, а не пуштени слободно на улица и да напаѓаат луѓе.