Налетав на некои убави идеи за во кујната кои се доста практични и лесни за изработка Spoiler: DIY kitchen storage
Елка од хартија Непотребните парчиња хартија кои ги има во секој дом лесно можат да најдат креативна примена во проектот Направи сам Еве еден мој предлог за начинот на кој ја искористив хартијата, наместо да ја сместам во корпата за отпадоци... Лесна и едноставна изработка која може да биде убав декор во ентериерот независно од намената (новогодишни парзници).
Парче дрвена подлога се бои со акрилна боја или поликолор со пигмент, а потоа врз него се прави декупаж. За некои прачиња сум користела чипка и контур боја за стакло, ситни детали од метал и сл.Еве го резултатот.Накит made by me!
@Gea, ѓерданиве се преубави. Сон! Инаку можеш да ги ставиш и во оваа тема: http://forum.femina.mk/threads/Направи-сам-Гардероба-накит.4101/ Сигурна сум дека девојкиве ќе полудат по нив. Бидејќи и јас си најдов милениче, морав да му направам нешто во што ќе спие. Па ја искористив идејата од погоре, за кревет од блуза. Еве како ми испадна на мене: „Обрачот“ го пополнив со стари партали, а основата е од сунѓер. Шиев со свилен конец, зашто обичните за шиење не се доволно јаки.
Уште едно мејд бај ми, овој пат темава е погодена Кутија за накит и часовник, изработени со декупаж техника.
Овие изработки се од ќерка ми, со моја мала помош! Ги подготвувавме за Велигден, за училишниот Базар и за подароци!
Пеперутките се исто така за Велигден, повторно изработени од ќерка ми, со моја мала помош, за Базарот и за подароци! Тие се дури и еколошки, рециклирани, од базата од тоалет хартија, стиропорни јајца, креп хартија и други украсчиња!
Девојки ме интересира дали декупаж техниката може да се направи на пластично шише и ако може да ми пишете чекор по чекор
Амбрела, прилично сум сигурна дека може да се изведе и на пластично шише, само колку ќе делува убаво - тоа е веќе друга работа. Претпоставувам дека ти е за украс, па јас прво би го избоила со акрилни бои, да речеме некоја бела, беж, крем нијанса, а потоа одозгора би правела декупаж. Бидејќи сум ја применувала оваа техника само на велигденски јајца, не ќе можам да ти помогнам околу тоа со што да ја фискираш (залепиш) салфетката. Инаку, добро е позадината на самата салфетка да ти биде во иста боја со шишето, потоа сечеш околу шарите на салфетката, го одделуваш само горниот слој на кој е принтан мотивот и одозгора поминуваш со лепило (јас на јајцата лепев со белка од јајце на врело сварено јајце, па добро се лепеше, без проблем). Во врска со лепилото, може конкретно @Gea да ни каже за нејзините мајсторлаци ипол што користи и дали можеби менува нешто во постапкава, бидејќи и мене навистина многу ме интересира. Па после очекуваме слики од делото.
Декупаж техниката може да се работи на скоро секаква површина. Дури може да се прави и на порцелан и керамика, стакло, метал итн. За на пластика, најпрвин мора шишето да го премачкаш со боја.Нјаубава и најефтина варијанта ти е поликолор.Секогаш бирај посветли нијанси, најубаво излегува на посветла површина.Откако убаво ќе се исуши подлогата, ја вадиш сликата од салфетка или оризова хартија која би сакала да ја пренесеш на шишето, не практикувај сечење со ножици, туку цепкање.Ако користиш салфетка, значи го вадиш најгорниот слој на кој се наоѓа принтот. Го ставаш парчето на местото каде би сакала да се најде принтот и со четка и дрвофикс(иако најубаво е да се користи лепак за декупаж,јас таков користам, но дрвофикс е одлична замена и поефтина варијанта) и со четката одиш од средината кон краевите на принтот.Постапката ја повторуваш на сите останати принтови, зависи колку сакаш да ги има на шишето.Откако убаво ќе се исуши, премачуваш со безбоен лак.Ова не е единствениот, туку е наједноставниот начин. Јас не знаев што да им правам на старите стомни што само прав собираа во подрумот на баба ми и ги направив со декупаж техника.Еве го резултатот:
@Gea, јас само уште едно прашање би сакала да ти поставам и не те гњавам повеќе околу работава. Ме интересира само каде ги наоѓаш салфеткиве/хартииве кои ги користиш за декупажот? Јас досега имам купувано само од поголемите маркети и тоа се трудам да бидат колку е можно понесекојдневни, ама ете, толку е изборот.
@Lady Phoenix воопшто не ме гњавиш, задоволство ми е ако моите мислења се од корист некому. Значи оризовата хартија кај нас не се продава.Постојат хоби арт продавници во Србија и Бугарија и јас од таму ги набавувам, исто како и некои специфични салфетки кои се продаваат на парче. Салфетките ми се преокупација, собирам, купувам, ми донасаат од странство, меѓутоа има доста избор и на алиекспрес. Еве еден линк, значи девојкава е од Србија, продава салфетки на парче, значи не мора да купуваш цел пакет. https://www.facebook.com/pages/Salvete-Nensi/384770638314680?fref=ts
@Gea жено алал да ти е се воодушевувам на твоите изработки убаво би било да отвориш нова тема за декупаж и таму да не просветилиш мене ми се виде многу интересно и сакам да пробам и јас да направам нешто дома - башка што имам стари дрвени столчиња маси витрина што мислев да ги фрлам сега сакам да ги направам за на тераса , а? барајќи низ нетов наидов на ова македонска страна за нарачки - има и за декупаж конкретно, лепила, салфети, оризова хартија и сл. http://www.slikarskipribor.mk/
Многу ти благодарам за страницата, јас во последно време купувам од Кацвер-Ц, а некои работи имам купено од Словенија. Програмата на ФИМО ја има во книжарниците на Штедлер. Ако некој открие уште некоја страница или продавница, нека ја сподели овде со нас сите!
Ова со пластичните шишиња за складирање не би ти го препорачала бидејќи тоа е пластика за една употреба која после првата употреба испушта токсини, па затоа не е препорачливо повторно да се полни со вода или пак, во овој случај, со храна. Има многу докази за ова на интернет, а еве линк од статија која опширно ги појаснува ознакате кои сите пластични шишиња и садови ги имаат и што тие всушност значат http://learn.eartheasy.com/2012/05/plastics-by-the-numbers/ Мислам дека и @Biodevojka може да потврди Другото е супер, идејата за тавите е супер, ќе се потрудам да ја употребам, само кај ќе најдам такви решетки :/
@tace73 сега останува на Вас да ни кажете што е најдобро да набавиме - каков лепак ,четка , лак и сл поздрав ПС ако најдам нешто интересно , ќе ставам тука секако
