Од понеделник до петок во 19:40, во секоја нова епизода од „Напуштени“, ве внесуваме во животите на Филиз и нејзиното семејство, за коешто таа е и столб и покрив, односно се’ она што треба да бидат родителите за децата, а во овој случај – не се. Мајка им ги напуштила кога Филиз имала само 9 години, а помалите браќа и сестричката, биле речиси бебиња. Оттогаш младото девојче кое и сега има само 20 години, машки го носи светот на своите плеќи. И емотивниот, и финансискиот товар - се’ е во нејзини раце. Но и покрај суровиот живот, Филиз не му се предава на очајот. Таа е достоинствена и упорна девојка и се грижи за останатите деца како вистинска мајка. Внимава на нивното образование, не им дозволува да прават грешки, бескомпромисна е и строга кога доброто однесување е во прашање, зашто нејзин најголем страв е да не си го види семејството растурено, нејзините браќа и сестри да не се откажат од училиште и да не и' бидат одземени од страна на државата. За да го држи семејството заедно, Филиз ги трпи сите непријатности од татко ѝ - алкохоличар и понекогаш мора да се однесува како и нему да му е мајка. Во нејзиниот живот нема место за младост, љубов, копнежи, соништа. Во името на семејството, Филиз ја отфрла секоја прилика што и' се нуди... https://kanal5.com.mk/napushteni/a474438
