Народни и верски обичаи за забременување

Никого не убедувам, а тебе најмалку. Не си ласкај толку. Да сакав такво нешто, мислењето ќе беше дефинирано поинаку и ти ќе беше означена, евентуално цитирана. Се надоврзав на неколку мислења.

Патем, се работи за членки кои ги читам и горе доле ги знам. Нема да напишам ништо што ќе ја направи нивната болка поголема. Апсолутно нема потреба да глумам разбирање, оти далеку од тоа дека разбирам што поминуваат, ама ти пак уште помалку.

Да не глумиме лудило со банализации. Знаете сите дека сум атеист, а најмалку верувам во камења.

Не покажавте разбирање за човек. Ама се фурате на животните. Таквата емпатија, која преминува во осуда, слободно задржи си ја за себе. Мене не ми прилега.

И слободно продолжи да вадиш статистики за да им покажеш и докажеш нешто што веќе го знаат, го искусиле на своја кожа. Нешто што им е совршено јасно и доктор им го кажал.

Јас одлучувам да премолчам, зашто ниту сум, а ниту сакам да бидам лицемерна. Да јадам месо и да ги учам моите деца на истото. Да дојдам тука и да глумам сожалување на кутрите животни. А со што придонесувам за да ги заштитам?

На каменот еднаш се оди и толку? Во црква колку? Кои се ритуалите за истата, причесна, миса? Па молење на Бог постојано. Отишле еднаш на каменот и готово, неквалитетно искористено врме од половина час. Страшно.

 

Ако си атеист ама со голема емпатија за разлика од мене, зошто реметиш луѓе по теми за религија? Зошто ги убедуваш во нешто во што ти не веруваш, зошто воопшто се впушташ во дискусија? Ако е така, општо познато е и дека многу луѓе често после одредени проблеми спасот го бараат во религија. Тие луѓе не се за сочувство?

 

Форум, дискусија, дебата.

И ајде, што е тоа толку страшно што ви правиме тука? Што не веруваме во магичната моќ на каменот? Или тоа што сме против крвни жртви? Да, јас сум многу против. Некогаш жртвата бил човек, кој како што еволуирала свеста бил заменет со животно (теле, јагне, кокошка) кое понатаму било заменето со леаници и свеќи. Страшна одбивност имам кон курбан. Примитивно ми е, паганско ми е, сурово ми е. Човештвото на Месечината стигна, на Марс прати сонда ама ние во Македонија уште поднесуваме крвни жртви. Супер.

 

Не да чекаш со скрстени раце туку терапии, пробување и време.

 

Ти не знаеш да мериш на кантар. Што и да сум напишала на тема религија, сигурно не било реметење. Најмалку осуда. Уште помалку пак сум водела дискусија со членови од оваа категорија. Има разлика. А најголемата разлика е во тоа што јас сум атеист, не антитеист.

Ги бирам зборовите колку можам. Знам кога е време да престанам. Гледам да бидам умерена, што не значи дека секогаш сум.

Но темата овде, сум најмалку јас. Али тоа е, кога се нема други аргументи на пишаното.

 

Не ја заменуваш, туку ја селектираш. Онаа што ќе се одлучиш да ја видиш и да ти е битна и онаа која ќе ја оставиш во сенка.
Сите тоа го праиме. Луѓе, безгрешен нема. Се додека човек не се изолира сам на планина, се храни само со овошки кои сам ги посеал и се бања во најблиската река, без користење сапунче, едноставно не може да збори дека е подобар од некој друг.

Во центар на град ќе изберам да бидам веган, ама и самата ќе одам да купам конзерви за мачор од месо. И ќе замижам пред фактот оти не можам да го хранам него само со брокули.

Селективно е, и двојни аршини се и сите ги праиме. Само што некои ги гледаат истите само во другите, а не и во себе.

 

Апсолутно. Тоа и ми беше поентата. Нема круелти-фри начин на живот. Ама тоа не е темата.
И јас се мислам да станам веган, сѐ потешко ми е јадењето месо, ама нема да се преправам дека тоа ќе ме направи круелти фри.
Небитно, тоа не е темата.

 

Како да ја видам?

Ги гледам конфекциите кај нас, ги гледам јагнињата кај нас, затоа што е скроз нормално да гледаш "дома".

Свесно и намерно колење, не е ни приближно што и да речеме, купување fast fashion, ете нешто за што не бев баш информирана, но ме информираа, и следното мое купување ќе биде под влијание на тие информации.

Совршена не сум, правам грешки, но никогаш свесно, намерно и со умисла.

 

И јас исто мислам за себе, дека не реметам и не судам, ама ако си пребараме во мислењата сигурна сум дека ќе излезе поинаку, среќа немам ни време ни намера. Последната болдирана реченица, не си водела дискусија со членови од оваа категорија? Секој си ги има напишано проблемите во потпис, сите стравови, фобии, болести...па ти заклучи дека никој од твоите зборови не се најде погоден?

 

Никој не исклучил и терапии и пробувања за тоа време.
Барем од тие што ги знам од вештачко.
А негде, некаде може и постои таков, но на темава не.

 

Не. Обичаи за мене си се обичаи, и народни и верски.
Со огромен дијапазон човечки проблеми што ги сметам за сериозни (меѓу кои и неплодност) сочувствувам, за ниеден не ги сметам за решение.
Со среќа нека им е на сите и да им се исполни желбата што побрзо, дали после одење у манастири, камења или било што. Јас нема да поверувам дека токму тоа било причината за бременоста, но тоа си е мое право. Жал ми е што сме толку погрешно разберени, но потполно чиста ми е совеста дека никого не навредив и немав лоша намера, ниту ниедно мислење што го лајкнав на други.
Ако ништо друго не влијае темава, барем за курбанот конкретно малку од малку нека се помисли, згрози и откаже некој - па буквално ништо и никого да не повредуваат во своите пракси. Најскромно се надевам барем тоа.

 

Знам, се сложувам и само се надоврзав.

Веган не знам, за вегетаријанец размислувам. Недела дена имав грижа на совест што јадев јагне за Велигден. Жал ми е многу, ама...

Не можам да распнам жена на крст, што во својата најголема мака дала курбан јагне, а јас поради свој луксуз користам шминка. Разлика меѓу тоа јагне и тој хрчак ми нема.

 

Јасно. Значи не сметаш дека верата, па и суеверието е право на секој човек?

 

Далеку од тоа Бриџит. Многу е веројатно да се случило. Кажав и погоре. Тука знам со кого е дискусијата, оти ги читам конкретните членки на конкретни теми, не потписите. Нив не ги ни гледам. Увек пишувам од телефон. Но ако сакаш да си збориме за мене, дојди ми на кафе. Оти тука немам намера да продолжам. Друга е темата.

 

Право се, а подеднакво право е и да се критикуваат и негираат истите.

 

Искрено, најмал проблем е јагнето кое го колат.
Друго е загрижувачко.
'Хранењето' на опсесијата, неможноста да се соочиме со реалноста која ни шлака шамари.

Сите психички и емотивни проблеми произлегуваат од 'стресот' при соочувањето со реалноста.

При тешки медицински проблеми, обавезно треба да има психолог и психијатар кој ќе ја следи ситуацијата, и кој ќе им помага на пациентите да се изборат со сите сопки во секојдневието.

Ако сме емпатични, ќе им речеме да побараат помош... стручна помош, а не да ги храбриме во делузијата.

 

Пак е јагнето - отпосле.
Значи за да колат јагне, прво дете треба да родат.

Да, лажењето на сами себе Е проблематично - многу, ама не ме чуди оти ако речеш дека си бил кај бабата во Кадино *карикирам - луѓето "ти ја сфаќаат маката", ама ако појдеш на психијатар "забегала оваа јаловата" е муабетот.

После јас сурова... мхм, да.

Оти утре некој дете ќе лечи нели со молитви, ај ќе го разбереме, негово си е. Границата меѓу очајот и налудничавоста е тенка, а кога некој ќе ја пројде, одма сите после војна генерали, сите знаат подобро... ама ајде.

Оти сега сум сурова нели, што им викам да си ги приберат мислите и на сериозно советување да одат, а кога некоја - далеку било - ќе направи некоја глупост, тогаш одма ќе биде како никој не видел.





Јас светец не сум.
Совршена не сум.
И не се ни правам, за разлика од многу широкогради, осеЌајни, итн.

Не.
Нас како единствени суштества со свест, треба да ни прави.

Во многу поширока дискусија од оваа, тука сепак се фокусираме на одредена една работа - а тоа е чинот, мислата, однесувањето кое го или не го поддржуваме, како курбанот на пример.

 

Успешно ги 'избркавме' од темава, сите кои се борат со неплодност, и сакаа да одат на каменот...

Не знам дали е добро, или лошо тоа...

 

Oх.
Како и да го ставиш, животните се жртви за човечка удобност.
Жртви за вакцини. Жртви за апчињата што ги испив утрово.
Жртви за козметика. Жртви за миленици. Помалото зло е кучето да нема болви? Од сите тие животинки во лабораторија? Не ме смеј. Тебе ти е поудобно.
Жртви за да се нахраниш.
Овде на каменов, веројатно ги јадат. Не ги спалуваат или оставаат да скапаат за каменот да ги изеде. Тоа го прави исто ко било која друга гозба.
Курбан го викаат, па името некако страшно звучи. А всушност не е посурово од се' друго што човекот жртвува за своја удобност. Да не се лажеме дека секогаш е за потреба.