Зборевме и за јагнето. Незаклано нема да остане ако не се даде курбан. Чуваме дома кози. Јарињата ги колиме, претежно ги продаваме или мењаме за јагне. Дали ке го јадат мачињата ,дали јас, дали на каменот ке се гоштеваат селаните,на јагнето сатарот не му бега
Точно. Ама да однесеш јагне со верување дека од таа жртва ќе излезе плод? Значи ти земаш дете на една мајка за ти да станеш мајка. Јас така го сфаќам. Не го земаш со намера да се јаде, туку да се оствари некаква цел.
Јагнето на каменот конкретно се носи одпосле. Од кога ке родиш . Фактички честиш. И Да ,го јадат . Таа е намерата , да го изеде некој!
Види, има умни луѓе на светов. Јас не кажувам мое мислење, туку нешто што се истражува. Ако те интересира, научното повеќе од инаетот, еве линк од само едно истражување. https://obgyn.onlinelibrary.wiley.com/doi/abs/10.1034/j.1600-0412.1999.780110.x?sid=nlm:pubmed Постојат многу истражувања на темата, заклучок е дека жената е многу под поголем притисок од мажот. Е сега, ти можеш и друкше да мислиш, тоа твое си е. Само јас преферирам да им верувам на научниците.
Уау, ова веќе е некст левел на навреденост. А тоа што ние бевме наречени себични, со нула проценти емпатија и без осет не е навреда... мхм ок. А за болдираното, ја следам дискусијава со денови ама вакво нешто било која од нас да напиша еве не се сеќавам. Ама ај пак ок, нека ви биде.
Мене стварно не ми е јасно што бараат млади членки во темава што не се во таа фаза од животот кога сакаат потомство да создадат. Што барате бе дечки тука? Сакате паметни да се правите? Па имате бе милион други теми. Жените што имаат мака со неплодност НЕ САКААТ да ги слушнат вашите ставови. Јасно ви е? Остајте ги да си споделат искуства и да си ја олеснат душата, аман веќе, осет да се немало.
Што е некст лвл на навреденост? Почни од начинит на пишување на твојот пост и се ќе ти стане јасно. Извини ама ептија не видов никаде. Почнувајќи од твоето уау се е јасно. Немаше ни потреба да читам потаму.
Во сите насоки кои ви одговара ја свртевте дискусијата за да се оправдате. Па и кој колкава емпатија покажал. Смешно е.
Ама Камелија, овде вика дека тоа е веројатно така затоа што мажите имаат друг начин на справување со проблемот со неплодност од жените и затоа кај нив стресот и анксиозноста се помали. Ама тој ако не ги манифестира, не мора да значи дека ги нема. Па и некако логично е жената да е покревка, посентиментална... По полот со векови така си е одредено. И научникот не може да влезе во ничија душа, па каков и да е.
Лунче не отварај нова тема. Секој си знае на која возраст, во кој момент е спремен за потомство. Ако се/сме млади мајки не сме спремни?! Индивидуално е тоа размислување и желба.
Реков кога не се во таа фаза од животот во која сакаат потомство. кога НЕ ПРОБУВААТ ЗА БЕБЕ. Ако си млад а пробуваш за бебе значи сакаш потомство. На тоа мислев а не на годините. Млади членки пишав од култура,иначе друг збор имав во главата. П.С. Не си сфакај лично одма, не ни знам колку години имаш, а и јас лично сум млада. Да не одиме офтопик.
Во право си. Сум имала блиски случаеви и јас сум страдала со нив. Само нека се смени насловот на темата зошто ова нема поврзаност со верски обичаи. Вера и обичај се две различни нешта. Од срце на сите посакувам барем по еден гулаб дома. Само немојте да дозволите некој да ви ја злоупотреби "маката" за пари, зошто и тоа имам видено.
Би рекла, кој не се нашол во ситуација, не може да знае. Бубче најубаво објаснила. Затоа што колку и да не веруваш, си велиш ај, да не биде дека не си пробал. Не знам зошто е толку несфатливо. Кога е човек болен, а се исцрпуваат медицинските можности, нели се врти кон алтернатива. Зашто сака да оздрави, да живее. Би го прекориле ли него ако отиде на некој камен во надеж дека ќе се излекува или би му рекле помири се дека ќе умреш? Навистина е едноставно. Јас не верувам, ама кој знае, можеби некој ден и мене нешто ќе ме натера да одам по камења и да барам спас по некои нешта кои сега ми изгледаат смешни. За курбанот ми е јасно. Даваат ручек после тоа. Знам за семејства што даваат ручек после некоја операција, истиот ден секоја година. Знам дека даваат ручек за градба на куќа. Знам дека даваат ручек после секакви ситуации всушност. И ова веројатно е дел од тоа. Дека се изедначува со секојдневно конзумирање месо, се изедначува, колку и да сакате да негирате. Дека да помислиме на мачки и кучиња...ние не јадеме тоа. Можеби во Кина имаат некој камен каде после тоа колат мачки и ги јадат. Кај нас не се практикува и изгледа страшно, кај нив може е нормално. Може на индијците им е страшно што ние јадеме телиња, зарем не? Надеж ни е движечка сила, и се додека постои, ќе се обидуваме на секој начин. Стварно е така едноставно. Било да е за работа, за семејство, за здравје, за деца... се движиме, не стоиме.
Сите што напишавте текстови за поддршка, ве разбирам, само на крај поштено би било и да кажевте барем некој адет за кој сте слушнале или бабичка во ваша околина што помага. Зошто не пишувате? Сигурна сум дека имате за барем еден слушнато.
Емпатија било да се оправдува курбан? Не, тоа е само празноверие и паганизам. Врска нема со емпатија. Во обид да се умали и оправда курбанот, частењето парче торта за роденден го донесовме на исто ниво со принесување крвна жртва. Јадење кременадли = колење животно под посебен агол за крвта да го испрска каменот. Да, ептен е исто. И ако тоа што не оправдувам курбан, и го сметам за нешто екстремно примитивно, остаток од време кога не сме знаеле за подобро, ме прави нечовек, неемпатична, ако де Јбг, тоа е што е. Што да кажам друго на темава, освен дека ви посакувам на сите кои се борите за бебуле, новогодишната ноќ да ја дочекате со мало фудбалерче (или фудбалерка) кое ви танцува во мешето
И моментот со парите,со преваранти бајачи,па не сте свесни колку пари даваме по медицина кај шо исто така никој не ти гарантират ништо,машинерија за пари се клиникиве во оваа област,така да смешни се цифрите шо ќе ги оставиме во манастир или под рака на некој бајач и слично.
