Јас цел живот го учам пајдушкото, никако да го научам. Само правото,ама тоа како што треба не го терам. Смешна сум, али тоа го играм... Кога играм оро се осеќам како македонски фудбалер кога игра фудбал. Желбата е тука, талент јок. Ама јас не се срамам за пајдушко и едноставно си седнувам. Ама затоа мешам чочек џоа професионалец. Љубител на веселби со ора, али пусто антиталент за играње оро сум.
Го знам правото, пајдушко, она 3 напред - 3 назад или незнам како беше , циганчица.. Едвај чекам некоја свадба да си се изнаиграм, па да научам и некое ново
Нема оро што не го знам. Не сум баш некоја народначка ама еве ората ги знам. Посебно овие брзата што се Елено моме
Охооо.. јас сите ора ги знам. Одев на играорна 7 години и си имам став да играње (А) Ги сакам сииите ора и на сите свадби прва сум за играње, ретко седнувам да одморам ...хихихиих
Право, Елено Моме, Пајдушко и Егејско. Само тие. А не сум љубител на фолклор и ора, овие ора ги знам колку да не се бламирам кога одам на свадби.
многу сакам ора. знам неколку ама сакам да научам уште. освен стандардните право и шеска знам пајдушко, елено, чачак, егејско и грчко
Ги сакам народните ора, им се воодушевувам на луѓето кои со задоволство и енергија ги играат. Знам неколку, правото и пајдушко ми се задолжителни, кој не ги знае не е македонец Едно време другарка ми ми покажуваше некои ама не можев да ги научам така, полесно ми е кога ќе се фатам на оро и веднаш се вклопувам. Само колку и да сакам да играм премногу сум крута. Не можам да се опуштам и луѓево мислат дека се правам дама из Париза. Многу тешко играм за вака слабо човече. Мерак ми е кога ги гледам некои кои ко да не ја допираат земјата. Што се вели- везат.
Со пајдушкото живци кинам и никако да го научам. Инаку сите во фамилија сме играорци, со мерак играме. И јас имам желба да научам уште повеќе ора, а имам и чувство за ритам, не сум дрвендељ Сега за сега ги знам онаа право и уште едно знам ама не знам како се вика. Другите не знам да ги почнам, ама кога се фаќам на оро ми треба неколку секунди само да погледнам и се вклопувам. Оние ситните мерак ми се за гледање, ама ич не ги знам. Мајка ми ги обожава, многу убаво ги игра. Но како што кажав имам желба да научам, па се надевам ќе биде што поскоро.
Аууу ниедно оро на свадба не поминува без мене. Сите ора ги знам и секогаш сум прва.Играорци сме цела фамилија, шта чеш.Уште како мала ,имав желба да научам да играм и секогаш го терав тато да ме учи.
Не поминува оро на свадба без мене. Едвај чекам да стигне покана за свадба или крштевка и да се изнаиграм Се’ знам освен жикиното. Е со тоа оро живци кинам и никако да го научам. Како мала учев дома со моите, после се запишав на играорна и таму ги научив поголемиот дел од ората.
Освен правото и пајдушкото други појма немам ич не ме бива за играње ора ко 2 леви нозе да имам кога играм
Ги знам само правото и она 6 напред 3 назад незнам како се вика , ама пајдушкото џабе ми е колку и да се трудам неможам да го научам и неможам
Јас пајдушкото мислам дека го знам подобро и од правото Па и само тие 2 ги знам, правото и пајдушкото, а и она 6 напред 3 назад, ама да почнам сама да играм или да водам нема шанси, не знам да го погодам. Како затнати да ми се ушите, само чекорите ги знам Абе проблемот ми е додека да фатам ритам, 2-3 круга ке се плеткам со нозете ама после ке го фатам редот и баш тогаш ке ми заврши орото. Желба имам голема и да играм и да пеам, ама не ме бива Aко, битно секогаш станувам играм, не дремам како мисир.
