И покрај стресовите кои ги имаме во секојдневието, телевизиите сепак прикажуваат вакви сцени. Не се внимава што се продуцира, не постојат рески граници кои насилните сцени би се забраниле за слободно прикажување во термини кога сите би биле пред ТВ. Во САД е направена група за контрола на медиумите која дошла до заклучок дека (цитирам) ,,исто како што вдишувањето на чадот од цигарите на другите е штетно, така и долгите часови „голтање“ ТВ програми, без да се прави внимателен избор, има штетно влијание — особено врз децата,, Какви пораки носат ваквите сцени, филмови и реалити шоуа и дали мислите дека тие го потхрануваат насиството кај младата популација?
Насилството е прикажано во скоро секој филм. Секако дека, штом и ако ги гледаат и децата, ќе почнат и тие да применат такво нешто на школо. Ама, од друга страна, криви се родителите што ги оставаат децата да гледаат.
Насилство во овие турските серии и тоа на жени, мали деца ми се гадат незнам кој дозволува такво нешто да се имитува посебно оваа серија како беше Мелек тоа ти е незнам вознемирување вистинско.
Повеќето такви серии и филмови се age restriced ама кој да го почитува тоа.Највеќе насилтво има по турскине серии, него по филмовине а децата тоа гледаат и од таму учат..страшно.
Најранливата категорија гледачи се секако децата, но во онаа порана возраст, ние сме тие кои ги насочуваме на такви филмови. Верувам дека добри 90% од мајките кои не сакаат децата да им гледаат насилни сцени, гледаат турски серии и играни филмови во кои преовладува насилство. Што значи оние сами ги на некој начин наведуваат децата да гледаат и они. Нели дома кога е пуштен телевизор на кој во етер оди "Јас се викав Мелек" со почеток од 19:44 часот, сите како хипнотизирани гледаат и децата кои секако не спијат тоа време, имаат ли избор?
Телевизииве и интернет порталите треба да внимаваат што прикажуваат. Со некои снимки се претерува. А за реалните шоуа ќе пишам само едно - катастрофа.
Би рекол се си има своја публика, ке се пази рејтинг/гледач колку може, но нема корелација измеѓу насилни филмови и насилство, исто и за насилни игри. Не сум претепал никого сеуште. Се сомневам дека ке се смени нешто. Но да, не е се за секого.
Не може и јаре и паре, народот сака (не оти сам дошол до идеја и знае што сака ) слобода на избор и сака пристап до информации - ќе треба да се носи и со експлицитноста на импликациите. Сигурно знаете дека порано имало цензура, ретки биле телевизиските содржини со прикази на насилство и обично тие програми се прикажувале доцна во ноќта. Дури ни на вести не пренесувале црни хроники. Ама сега е друго време.