Наслови - нивната важност при изборот на книга

Па им повеќе книги кои според насловот ме привлекле, па после со самото читање уште повеќе сум се разочарала или воодушевила.

Еве дел до таквите книги :
Жена во Црвено- Ејлин Гоуџ - комплетно ме разочара.
Мажи - Адел Паркс - Интересна книга, не згрешив воопшто што ја зедов
Прстен- Даниела Стил - Прекрасна книга се зборува за времето на Евреите ....
Приказната овде е сплетена околу маж и жена, тој постар од неа доволно за да може да биде нејзин татко. Сепак, прекумерно ја сака... иако таа има љубовник Евреин

 

Јас цело време си мислев дека насловите не ми влијаат толку многу врз впечатокот како кориците на пример, ама баш пред некое време читав листа со книги без да има поставено слики, и сфатив дека сум се излажала Многу книги прескокнав и не ги ни отворив, зашто ете, насловите не ми делувале интересни.
Сакам креативни наслови, нешто несекојдневно. Имало книги кои сум ги прочитала само заради препораките. Да биле насловите во прашање, ќе сум ги прескокнела. Имало и такви што на прв поглед ме натерале да побарам некоја книга, а после да сфатам дека не е my cup of tea На пример, Внимавај што посакуваш. Не се сеќавам каде го сретнав насловот, ама си помислив дека ќе читам некој добар трилер, за на крај да видам дека е дело на Александра Потер

 

Meне пак Александра Потер баш ми е добра писателка, пишува лесни и интересни книги, но сепак секој различни книги преферира.

 

Сакав да кажам дека очекував трилер, а Потер пишува чик лит. По насловот добив поинаков впечаток за книгата

 

Насловот на книгата никогаш не ми бил од пресудно значење дали да читам некоја книга или не!!! Но, кога малку ќе размислам, навистина насловот на книгата понекогаш многу кажува за содржината!!!
Мемоарите на една гејша, Три жени, Загубената ќерка, Царица, Под мермерно небо, Крила, Невеста во Борџии, Нефертити, Фотографија, Ловец на змејови, Коски, Лавиринт, Копилето од Истанбул, Римска љубовница... и уште многу други наслови кои „навестуваат“ што не очекува под кориците на книгата!!!

 

Кога ќе се најдам во книжара со толку многу книги околу мене, најпрво ги читам насловите, ако некој ме привлече потоа ја читам кратката содржина позади и тоа е пресудно да ја купам. Инаку, често купувам книги по препораки или кога некаде ќе прочитам, на нет или во списание, дека некоја книга е добра.

 

Наслови -не, но корица-да

 

И наслов и корица
Кога немам препорака некоја за книга насловот и корицата и те како играат важна улога во изборот

 

Да, насловот може да ме привлече за да ја земам одредена книга. Последно ја читав Девојката од хартија од Гијом Мисо, која ја зедов од библиотека прво заради писателот, а второ насловот.. И не згрешив, ви ја препорачувам на сите.

 

Книгава ми е една од омилените
Чекам да помине некое време,па да си ја препрочитам

 

И јас така правам со омилените.. Не знам колку пати можам да ги препрочитам Страници за нашата љубов и Драги Џон од Николас Спаркс

 

Загубената ќерка и Принц на бел коњ, ако не си ги прочитала,ти ги препорачувам

 

Да, насловите ме привлекуваат за да ја земам одредената книга. Секогаш е така бидејки прво што погледнувам на книгата е насловот, ако ми се допадне ја зимам книгата, а и кратката содржина ја читам така набрзина и многу ретко ги промашувам книгите.

 

Да,многу важен

 

Секогаш кога ке видам книга и ке го прочитам насловот веднаш судам дали е таа книга е добра или не.
Никаде без ќерка ми (Бети Мехмуди со Вилијам Хофер)
Овој наслов не предизввика некој интерес за читање кај мене но кога подлабоко ја разгледав и ја прочитав кратката содржина, и тоа како се разгоре интересот

 

Според мене е многу важно. Има многу уникатни и креативни наслови и од домашни и од странски автори, кои буквално се метафора на она што читателот ќе го чита во книгата. Тоа е една додадена вредност на книгата, да има добар наслов, но истиот да не биде патетичен. Дури пишувам ми текна на „Музеј на невиноста“, некој следен пат ќе ја земам да ја читам, оти и самиот наслов интригира. Во регионот има и наслови на книги плагијати, буквално украдени од странски дела. Кај нас не сум сретнала. Има и земји каде не е дозволено да издадете книга со наслов кој веќе постои во државата, и тоа е добро. Кај на тоа не важи. Што мислите вие на оваа тема?

 

Важно е. Ама само од еден аспект: насловот ни дава некаков првичен впечаток и очекувања за книгата. Кога купувам книга или земам од библиотека, прво гледам автор и наслов, па ја земам да прочитам за што се работи, на позадината на книгата нели каде што пишува кратко резиме. Има добри книги со не толку креативен или привлечен наслов и обратно. Тоа е она што "не' лаже" и зошто некои книги се добри ама не толку познати и читани. Кога се работи за било какви производи, паѓаме на добрата амбалажа, ова важи и за книгите, а насловот е дел од таа примамливост. Но, на крајот, квалитетот тежи повеќе.

 

Добра книга со добар наслов е полн погодок. Инаку, и во земјава се случува аматери да стават наслов на книга каков што веќе има, но тоа го прават од аматеризам и не знаење дека си пукаат во нога.