Науката во секојдневниот живот и светот околу нас

Море сте изнапишале, а јас немам појма

Идејата за снегулките зашто се баш шестокраки ми беше дека во кристалната решетка на водата (распоредот на молекулите) тие се токму како шестоаголник поврзани.

За маслиновото, кога е механички цедено, без дополнителни процесирања, голем процент се незаситени масни киселини (што се нели поздрави) кои имаат двојни врски, за разлика од заситените кои се со единечни врски. Правило во хемија е дека соединенија со двојни и тројни врски (незаситени) многу полесно стапуваат во реакции со други соединенија, отколку заситените, а тоа значи и дека се поподложни на физички фактори (светлина, температура, притисок итн)
Затоа горат на пониска температура од масло за пржење и се пакуваат во темно стакло за да се зачуваат од расипување и измена на составот што е можно повеќе.

Медот не се расипува зашто содржината на шеќер е превисока за бактерија слободно да живее (освен некои видови во мал број) слично како што не може да живее во пресолена средина. Знаете дека порано месото го чувале преку зима без фрижидери така што ставале сол на него. Ваква "густа" средина стручно се вика хипертонична средина.

 

Супер тема за да научиме нешто плус

Наједноставно објаснување за појава на виножито е интеракцијата на светлината со капките дожд. При премин на зрак од една средина во друга (во случајов од воздух во вода) доаѓа до дисперзија - појава на спектар, се одвојуваат брановите должини и се добиваат боите од кои е составена обичната, бела светлина. Слично се случува и кога светлината минува низ призма.

Што се однесува до формата, интересното тука е што виножитата секогаш се цели кружници. Ние гледаме само дел бидејќи се наоѓаме на земја, ако некој лета со авион може да го види убаво целото виножито. Нивната сферна форма ја "диктира" геометријата на капките која е исто така сферна, но таа зависи и од анатомијата на нашите очи, поточно осетливоста и способноста за детекција на бои. За ние да ја видиме пр. црвената светлина, мора да постои точно определен агол под кој светлината од сонцето упаѓа врз капките и расејаната светлина која доаѓа до нашите очи. Затоа некој ако се наоѓа на повисоко место ќе види различен облик од оној што е пониско. Секое виножито има уникатен изглед кој зависи од нашата положба.

Зошто е ова вака? Мислам што се случува на атомско или молекуларно ниво што определува кои масти се пореактивни?
Исто, што е тоа во структурата на алкохолот што прави да има пониска точка на замрзнување во споредба со водата? Дали е само до типот на хемиската врска или има и нешто друго?

 

Зошто пламенот од свеќа не дава сенка?

 

Зошто вселената се шири и каде?

 

Затоа што свети. Како можеш да видиш сенка од нешто што свети. Пламенот е тој што дава светлина, а не тој што треба да е сенка. Сенка ќе биде се зад предметите во близина.

 

Извор на светлина нема сенка. Сенка се создава кога светлината е блокирана од објект.

 

Ова е вистина, скоро кога летав, имаше виножито, цел круг. Јас појма немав дека всушност виножитото е цел круг се превозбудив од „феноменов„ и еден куп слики направив. Да ги најдам, може и да постирам некоја.

 

Ако се сеќаваш органска хемија кога си учела, разлика меѓу соединенија алкани, алкени (двојна врска) и алкини (тројна врска).

Водата е H20, Алкохолот е Етанол C2H5O (т.е. најчесто кога се кажува алкохол во секојдневна употреба се мисли на етанол, инаку алкохоли се група на органски соединенија кои содржат кислород). Различни соединенија имаат различна природа.

 

Колку што памтам, незаситените полесно стапуваат во реакција бидејќи јаглеродните атоми имаат слободни места за сврзување со нов атом, што значи има електрони кои се полесни достапни за да формираат нови врски и поголеми се шансите да се сврзат со друго соединение. Плус поради тоа што не се заситени, се формираат повеќе двојни или тројни врски меѓу самите јаглероди и тоа ја прави молекулата уште пореактивна за да се раскинат тие врски и да се поврзат со други атоми.
Кај застените сите места се зафатени со единечна врска, стабилни се и треба енергија да се раскине врската, да се истисне електронот и да се формира нова врска, што е секако потешката и поспора варијанта.

 

Додека сме на тема сенки, скоро ми излезе рил на инста каде беше поставено прашањето зошто нема сенка додека хурурзите оперираат во салите. Одговорот беше дека се користат повеќе светла за убаво да се осветли целиот пациент, односно на местата каде што би имало сенка се користат светла поставени под различен агол па така се анулира нивната појава. Јас ко видов бев ко , едноставно објаснување, а никогаш не сум се запрашала зошто е тоа така.

Следејќи ја оваа аналогија, сега ми е јасно како забарите ги гледаат забите, т.е. како ги осветлуваат. Иако делумно го блокираат светлото кога се директно врз нас, верувам дека со помош на рефлексијата на светлината од огледалото можат добро да ги видат забите без да има сенка врз нив. Може и ќе потврди некој дали е точно ова

 

Еве го виножитото.

 

Никогаш не би ми паднало на памет дека е можно вакво нешто.
Дури ни во цртаниот го нема ова.

 

Дали од истите причини не е добро да се пржи на маслиново масло?
Се пржи или не, мислења поделени. И дали истото важи и за печење? Посекојдневен живот од ова-амин

 

По правило да, не се пржи, масло што содржи голем процент на незаситени масти не треба да се изложува на високи температури, може да гори и мириса. Мада не е страшно брзо пропржување на тивко. Има маслинови за пржење, тие се различни од овие вирџин ладно цедени што се.
Али пак, имајте си башка за пржење, ладно цедено маслиново за сирова употреба е најздраво

 

Маслиновото масло генерално има пониска точка на горење од други масла што стандардно ги користиме за готвење (пр. Рафинирано сончогледово масло), па треба да се внимава да не се загрева на многу висока температура. Мислам за екстра врџин беше околу 165, за обично околу 200 степени. Ова е генерално. А читав дека има студии што покажуваат дека и покрај пониската точка на горење сепак е постабилно од други масла при загревање до точката на горење. Така што мислам дека е многу подобра опција за готвење од повеќето масла што ни се широко достапни.

 

Ни сенфот никогаш не се расипува инаку...

 

Со шеќер се прави, не те гори не се мисли на температурата иначе ако ракијата мрзне има вода во неа и тоа не е добра ракија, доколку е како шо треба чистиот алкохол има висока температура на мрзнење.

 

Читав баш скоро на вики, од хемија и биохемија се разбирам околу ич проценти, гуглај

Ова во хир ми аут треба да го напишам, гуглам свашта оти ете така ме интересира, после заборавам и така