Никој не знае со сигурност како настанал космосот и се што се тврди се само теории. И теоријата за хаосот и Биг Бенг-от е само теорија. Копјата се кршат дали енергијата која некои ја викаат Бог има разум и интелигенција или е неутрална и дали е една и единствена или има повеќе такви во разни делови на универзумот. Никој не може со сигурност да тврди дека само една интелигенција постои во целиот космос кога никој и нема поим колкав е космосот. Вистината е дека никој со сигурност не знае што и како било или како е ниту кај нас а уште помалку во делови на космосот 100 000 светлосни години далеку од нашата планета.
11 причини да бидеш атеист! Баш и поради ова ја земам во предвид теоријата дека нашето постоење е случајно. Ако сите тие ѕвезди на небото се навистина ѕвезди и ако околку нив кружат небесни тела како планетиве во нашиот Сончев систем тогаш голема е веројатноста некоја од тие планети во некој друг Сончев систем совршено да е оддалечена од Ѕвездата и да има некаква, можеби дури и поинтелигентна форма на живот таму. На овие прашања најверојатно никогаш нема да добиеме одговор, барем не во брзо време, бидејќи колку и да е совршен човекот, неможноста да дојде до одговор на вакви прашања укажува дека не е апсолутно совршен дури ни најсовршениот ум. А нели, светов е премногу совршен за да биде случаен?!
11 причини да бидеш атеист! Јас не мислам дека сме случајно создадени баш напротив свесно сме создадени но не од некоја натприродна сила која шест дена не правела а седмиот одмарала, не верувам во тоа исто како што не верувам дека од една амеба настанал целиот жив свет. Што се однесува до нас ние сме далеку од совршени и дури и за оваа планета не сме многу прилагодени. Имаме тенка кожа која ако ја гребнеш одма се кине и не сме приспособени за никакви поекстремни услови, одма умираме. Имунолошкиот систем ни е слаб во споредба со животинскиот што ме наведува на мисла дали сме и воопшто со потекло од овде. Единствена наша предност во однос на останатите земски животински видови е нашиот мозок кој е супериорен (со исклучок на делфините) и тука е нашата најголема и засега единствена но круцијална предност. Други интелигентни суштества секако постојат и мислам е само прашање на време кога ќе се случи средба со некои од нив. Само да не биде како средбата на Индијанците и Европејците иако може ќе имаме поголема среќа. Што се однесува за Бог, што ако постојат повеќе такви ентитети во разни делови на галаксијата, за сите помали суштества тоа ќе бидат класични Богови или каде се смета дека е само едно ќе биде Бог.
11 причини да бидеш атеист! Нашиот организам се смета за совршена машинерија, зборувам за начинот на кој функционира. Е сега, дали тоа е така бидејќи нашите мозоци се ограничени и не можат да дојдат до сознание за вистинско совршенство е друга работа. Ние всушност не ни знаеме ништо на времето со оглед на тоа што нашиот престој тука е премногу краток. А, и постепено се повеќе се скратува како што се усовршува човекот што мене ми укажува на тоа дека се поблиску сме до доаѓање до некакви сознанија, но животниот век на човекот навистина не ограничува и кочи. Јас сум речиси убедена дека не сме сами, но ајде да не навлегуваме во подлабоки дискусии. Навистина има многу да се дискутира на темава, но тука веќе би требало да се отвара прашањето за апсолутна вистина и да навлеземе во некое филозофирање и да отидеме ептен оф топик.
11 причини да бидеш атеист! Зашто сметаш дека сме посовршени од еден делфин или кит убиец на пример? Во нивната средина се исто ако не и подобро прилагодени за животот него ние во нашата. Во што е нашето физичко тело подобро конструирано од да речеме еден тигар или пантер? Стави го човекот во природа без алатки и станува многу ранлив ама мозокот и свеста ќе не извадат како и секогаш . Што мислиш поконкретно за апсолутната вистина, во која конотација би ја спомнала? (Мене не ми смета таква дискусија баш напротив но ако сакаш може тука да прекинеме муабет)
11 причини да бидеш атеист! Значи колку што сум запознаена со човечкиот организам - сите делчиња од кои се состои си имаат конкретна функција и ако престане да работи нешто настанува комплетен хаос, што всушност укажува на тоа дека се работи за една совршена целина. Зошто пак ти сметаш дека едно животно е подобро прилагодено во својата животна средина од човекот? Точно е дека сме ранливи, но исто има луѓе кои живеат во за нас екстремни услови. Значи, човекот е прилагодлив и може да живее речиси во секој предел на планетава доколку има потреба. Како живееле порано луѓето без облека на ниски температури и преживувале? Немале никакви услови, а сепак се прилагодиле. Добро се прилагодиле и животните (СЕПАК, поларна мечка сигурно нема да се прилагоди на +40, нели?) и мозокот е главното нешто кое не става на повисоко ниво од сите животни, во тоа се согласувам. Затоа пак човекот со помош на мозокот никогаш нема да остане во природа вез алатки, бидејќи уште од минатото па се до денес гледаме дека човекот успеал да се снајде и преживеал, се групирал во заедници и почнал да ја развива филозофијата. А животните единствено се водат по својот инстинкт за преживување додека пак ние имаме правила, закони, морални вредности - општоприфатени. Нашиот мозок не е толку совршен, не може да ја осознае апсолутната вистина доколку постои. Добро, ова е субјективно. Некои луѓе веруваат дека постои, некои не, но јас мислам дека доколку постои не можеме да ја осознаеме. (Да, прилично нихилистички став.) Но, можеби постои некоја друга нација, посовршена форма на живот која ја дошла до таа апсолутна вистина. А, јас не би рекла дека Бог е апсолутната вистина.
Се согласувам дека ни е организмот добро создаден, за тоа нема збор но дали е подобро конструиран од да речеме еден делфин или тигар, мислам дека не а ќе објаснам и зашто . Еден делфин е совршено прилагоден за животот во вода што би било слично кога ние би можеле да летаме. И не само тоа, цицач е што значи ги има предностите на рибите и на цицачите. Мозокот му е поголем и најмалку исто моќен како нашиот но ете не развиле алатки, можеби немале потреба а може е причината некоја друга но повеќе стручњаци се согласуваат дека делфините не се помалку интелигентни од луѓето, само се едноставно различни. Еден тигар е совршена машина и одлично прилагоден за животот во дивина и во ништо (зборам за телесна градба) не е инфериорен во однос на луѓето. Има многу појаки мускули, појака кожа, појаки заби и ниеден орган не му е полошо направен (инфериорен) во однос на човечките органи. Да не спомнувам и за дигестивниот систем кој може да вари бактерии од лешови нешто од што ние би умреле веднаш. Тука се и хиените и мршојадците кои имаат имунолошки систем за кои ние можеме само да сонуваме. Еден тигар може да живее и во Сибир на страшни студови како и во џунгла на +40 и во ништо не заостанува во однос на човечкото тело. При директен судир без нашите алатки ние сме завршена работа. Што се однесува до апсолутната вистина би сакал да дефинираш што подразбираш под тој поим? Нешто како Бог, супериорна космичка интелигенција или ентитет кој е неутрален и достапен за секого кој знае како да му пристапи ?
Фала и на модераторката за новата тема, сега нема да сме оффтипик. Веке пишав и таму луѓето ни малку не се совршени. Голем дел од храната не можеме да ја јадеме сурова, имаме многу слаб имунолошки систем, кариес нема кај другите животни и слично. Ние сме и многу различни од нив. Ниту еден цицач не може да стои долго време исправено на две нозе. Имаме релативно краток животен век во споредба со некои животни и подолг од други. Господ или природата или кој и да е тој што не создал како да сакал да не живееме долго затоа што сме паметни. Каде би отишло човештвото денес да живеевме повеке од 150 години? Што би направил еден Ајнштајн на пример ако бил жив 300 години?
Од твоето се наметуваат две прашања, зашто сме толку различни од животните (дали сме и воопшто прилагодени за животот на земјата) и дали некој намерно сакал да ни го скрати векот на живеење?
Добро еве да речеме дека делфинот е интелигентно суштество, но очигледно поради својата природа својата интелигенција не може да ја насочи во ваков правец како нас, луѓето. Сепак, не значи дека имаат поголем мозок и им е исто развиен. Тие ако биле толку интелигентни (има некој потврден податок за ова или само теорија е?) Како и да гледаме на работите излегува дека ние доколку се сме родени и оставени сами, без влијание на светот ќе се однесуваме исто како нив. Но, ние уште години наназад сме почнале да се групираме, да развиваме екстремитети, како и одредени органи и способност за говор. Човекот започнал да размислува, да се снаоѓа во природата или поточно да ја уништува за свои цели и можеби не сме физички поспособни од некои животни, но нив тоа што им го дала природата им единствениот начин да преживаат. А, човекот пак иако не е имун на многу болести, да, ќе изумрат многу луѓе од нив, но ќе се пронајде лекот како и многу други пронајдоци што ни го олесниле животот. Додека пак животните воопшто не ги гризе совеста ако убијат човек или друго животно бидејќи не знаат ништо за тие морални вредности, етички норми, опшествени правила или како и да ги наречам. Значи и совеста ни е исто така наметаната. Ние луѓето како да сме програмирани да ги делиме работите на добри и лоши, а вооедно и да се измачуваме самите себе си ако постапиме лошо. А, оние кои ги сметаат за луди и кои тврдат поинаку и се однесуваат поинаку се како за инает луѓе со поголем коефициент на интелигенција. Еве да го земеме за пример Сократ кого го отруле, Џордано Бруно кој го запалиле и многу други паметни филозофи, просветители и научници. Значи, човекот сам на себе си е непријател, самиот себе си го кочи напредокот и одбива да гледа подалеку од носот, а тие што погледнале или се принудени да молчат или да го изгубат животот. Значи, се укажува на тоа дека ние сме на некој начин контролирани и со светов управува некој друг, а не ние самите. Е тука се прашувам дали постои апсолутна вистина. Што е апсолутна вистина? Нешто што е за сите точно, факт што никој не може да го негира или побие. Многу научници скренале барајќи ја апсолутната вистина. Можеби сепак користиме само 5% од мозоците и не ни се доволно развиени за да успеат да го преживеат тој терет. Постојано го храниме мозокот со информации и затоа викаат дека тенка е границата помеѓе генијалноста и лудоста. Колку си поинтелигентен, толку повеќе сакаш да знаеш, но има граница и кога ќе ја преминеме нашиот мозок веќе не може да го издржи сето тоа, има премногу информации, премногу прашања и едноставно полудуваме. Е тука веќе се вклучува во игра и телото кое престанува да функционира ако престане да работи нормално мозокот и така таа личност завршува трагично.. Моја претпоставка е дека Ајнштајн да живеел толку време целосно ќе полудел, ниту ќе знаел кој е, ниту што е. Сепак, какви и да се има некои природни закони кои сеуште не ги знаеме и нашиот мозок има лимит. А личностите како Ајнштајн со превисок коефициент на интелигенција (иако има и со повисок - Леонардо да Винчи имал неверојатно висок коеф. -220) иако можат многу да придонесат за човештвото живеат во една сосема поинаква реалност од онаа на која нас ни е позната, значи тие луѓе се гении и толку мисловно се оптеретуваат што нивните мозоци откажуваат или се расипуваат побргу од оние на обичните смртници. Нели на сите ни е позната фразата дека тенка е границата меѓу генијалноста и лудоста? Е тоа е тоа. Тие се посклони кон депресија. Впрочем, вистински среќни се оние луѓе кои никогаш за ништо не размислувале во животот (се надевам дека нема да се навреди никој од ова, тоа е само мое размислување) ..
Па и генијалноста е еден вид на генетска грешка. Докажано е дека во тие семејства кај што има некој со слаба ретардација (нејкам да го користам зборов ама не знам друг) се рагаат и многу паметни луге. Ние користиме само 5% од мозокот зошто тој што не создал не направил да користиме повеќе? Никола Тесла по својата смрт оставил еден куп недовршени проекти, исто и Ајнштајн. Тие имале натпросечна интелегенција но немале доволно време да ја користат. Муабетот ми е дека тој што не создал (дали Господ дали некој друг) ни дал ОГРАНИЧЕНА памет и ОГРАНИЧЕН период да ја користиме. Тој што не создал (природата, Господ или некој трет) не направил толку паметни колку да може да се управува со нас. Да сме го користеле мозокот 5-6 пати повеке јас сум сигурна дека никој немало да верува во религија, дека сите ке се занимавале со наука за вселената, ке сме нашле лек за сите болести вака сме ограничени. Еве претпоставивме дека некаде во универзумот има некоја друга форма на живот понителегентна од нашата. Ако ние со 5% ористен мозок успеавме да се качиме на месечината, ништо чудно тие попаметните суштества да ја имат посетено Земјата некогаш, можеби и кога не сме постоеле ние уште. Можно е и да имале некаков удел во развојот на човештвото (најдоа цртежи на вонземјани во египетските пирамиди а уште не најдоа алат со кој се носени камењата).
За ова размислував и јас, само не знаев дека било докажано. Мислев дека мора да има некаков баланс, па на пример од две деца во едно семејство ако едното има поголем коефициент од нормалниот, другото дете е најверојатно некаде под нормалната граница или нешто слично. Сепак не мора да значи. Има и исклучоци. А, што ако не користиме само 5% од мозокот? Ова колку што знам јас не е докажано, туку некоја теорија прифатена како факт. Можеби и не сме толку паметни колку што мислиме дека сме? Ете толку гении, толку откритија, а сеуште никој не дал одговор на доста прашања. Не знам дали ми стои во постовите погоре, а и не ми се бара сега, но што ако нашето постоење е случајно? Се изгледа како да има некаква причина, како да има некаква скриена цел, но дали ја земате во предвид теоријата дека сето ова за што размислуваме и на што се трудиме да најдеме одговори е бесмислено? Што ако после смртта навистина нема ништо? Толку луѓе се трудат да дознаат што потоа, ама мене се поверојатно ми е дека нашиот век е определен тука. Доаѓаш, гледаш и си одиш. Не си постоел пред да дојдеш и тоа е јасно. Никој не го поставува тоа прашање каде си бил ти пред да дојдеш тука, нели? Па, зошто толку размислувања околу тоа каде ќе одиме кога ќе заминеме од тука? НИКАДЕ! Баш каде што сме биле и пред да дојдеме. Ама ние луѓето, некои со генетски грешки, некои без, во глобала не се помируваме со ова, па пробуваме да се тешиме со задгробен живот, реинкарнација и не знам што ти не друго. Мил ни е животот, тоа е факт. Но не мислам дека некогаш ќе најдеме одговор на тие измачувачки прашања. Тоа дека постои некаде друга форма на живот, речиси сум сигурна. Ама не можам да тврдам дека се поинтелигентни. Ако биле толку поинтелигентни ќе знаеле дека постоиме ние тука. Или можеби тие не создале како играчка, занимација? Ако ние сме игра лошите болести се како тие цвеќињата од супер марио. Ако се закачиш на такво нешто, изгоре. И тие најверојатно ги воведуваат тие пречки во нашите животи и си играат со интелигенцијата на луѓето, а ние полниме форуми, пишуваме книги, откриваме најразлични работи и сметаме дека сме напред додека тие ни се смеат на тоа колку сме ограничени. Многу прашања отвара темата, глава да те заболи. Има еден куп теории, има многу да се размислува, но само едно е речиси загарантирно. Никогаш нема да можеме да потврдиме некоја од овие теории. Што ако нашата имагинација е исто така ограничена и ние сме преодредени за нешто сосема трето што никој од нас не можени да си го замисли, а камо ли научно да го потврди?! Мене ме заболе веќе главата, ај да прекинам да не ве заболи и вас.
Грешка си ме разбрала за гените, не мора да има баланс во фамилијата. Значи ако дедото има зелени очи, во фамилијата го има тој ген и внукот може да има зелени очи ама со друга нијанса, значи помала екпресија на генот. Така ако дедото е со некое психичко пореметување, во фамилијата шета тој ген. Е сега кај дедото се експресирал генот на друг начин (тоа што ние го викаме ретардација) а кај внукот на друг (генијалност). Има неколку теории за тоа од каде сме дошле и сите се ИСТИ освен Дарвиновата за еволуцијата. Дарвин и не кажал дека сме настанале од мајмуни, тој рекол дека попростите видови настанале од посложени. Така ако се вратиме назад ние сме настанале од амеба Има една ‘‘ луда‘‘ теорија ваква. Некои си батки од вселената дошле за да го извлечат златото од земјата. За тоа да го направат им требале робови. Така тие од тогашните видови животни на земјата земале ДНК правеле пустеле и ги создале лугето. Откако завршиле со земањето на злато настанала поделеност мегу нив, дали да ги уништат лугето или да ги остават да живеат. Така решиле да ги уништат лугето со екплозија. Едниот дел од нив за да ги спаси лугето и животните, земале нивна ДНК и ги однеле на сигурно место. Експлозијата се случила негде мегу Европа и Азија . ’’Добрите’’ вонземјани повторно ги создале лугето од генетскиот материјал. Затоа тие создадени верувале дека главниот Бог доага од небото. Немало никаква комуникација мегу лугето од различни делови од светот а секаде главен и врховен е Богот на Сонцето. Сите граделе култови кон небото, граделе обсерватории. Сите ги представувале Боговите со некој вид на обрач над главата што ако се спореди одговара на сликата на испакнатите глави на Марсовците што сме ги гледале по цртаните филмови. Зачудувачки е, што сите цивилизации скоро истите приказни ги имаат за настанокот на светот и човештвото. Секаде се срекаваат вкрстени животни, коњ со крилја, минотаури, ангелчиња, итн.Пред десетина години беше најдено племе во Америка кое нема видено цивилизација, но точно ги цртале планетите од сончевиот систем со нивните сателити и прстенот на сатурн. Се верува дека сето ова било напишано во Алксандриевата библиотека. Плочите кои се таму пронајдени се кријат од обичните луге. Каде е поврзаноста на оваа теорија со Библијата? Приказната за арката на Ное е онаа истата од онаа со научниците. Првите луге во според Библијата живееле по 300-700 години. Уште се величи Небото, местото на кое се наоѓа Бог. Светците се цртаат со ореол на главите. Далеку од тоа дека е Бог вонземјанин но приказните на сите тогашн цивилизации се слични со оние со Библијата, дури и на оние цивилизации кои биле далеку од зачетокот на Стариот Завет. Штом сите така кажале сигурна сум дека тоа во Библијата е точно само што е дадено со некое преносно значење.
Општо познато е што вели науката, а што вели религијата за настанувањето на светот.Никој со сигурност не може да каже како настанал светот, освен за тоа да се има претпоставки.Парарелно гледано кон науката и религијата, настанокот на светот, според едни се случил само од една експлозија во универзумот, ако добро памтам, а религијата дека Бог за 7 дена го создал светот.Прво, универзумот функционира на база на енергија, второ, таа енергија која е наречена виша сила ( Бог) сосем комотно можел да го создаде светот за толку дена, без никаков проблем, бидејки и во двете станува збор за енергија.Трето, сите живи организми за да опстојат им треба енергија, начинот на кој функционира едно тело е различен кај луѓето и животните, но за да опстои им треба енергија, храната и водата,кај кои и кај едните и другите им се потребни, за да произведат енергија.Четврто, болеста и таа е енергија, арно ама ако човекот би бил премногу интелигентен и ако смета дека се е во негови раце, тогаш зошто не ја искорени болеста, пример ракот? Нашето тело може да се регенерира, но за обична рана, брзо заздравува, но за ракот, очигледно е дека не може истиот да го совлада.Телото не може да функционира, ако нема енергија, а самото е енергија.Зошто не направи човекот сам да живее ете повеќе од 100 години? Ако истиот смета дека животот е во негови раце и е премногу интелигентен.Како може при здраво срце, човек да го фати инфаркт? Кој му го направил, сам себе? Бидејки работата е за интелигенцијата. Луѓето во минатото си го направиле своето, можеби прашувале она што и ние ден денес прашуваме, може и не нашле одговор, како што и ние ден денес можеби нема да најдеме, само се останува на база на претпоставки.Цртежите во пирамидите во Египет, пирамидите во Мексико, совршените градби, се тоа е направено од човек.Но некој преку нив ги направил.И да, Библијата е на база на алегорија и е премногу логична, до толку што впрочем го тврди истото што и науката, само од поинаков аспект ( духовност) а и бога ми толку логична, што и го опишува животот за тоа како би требало човек да го живее најправилно, според основните принципи. Енергија, наречена виша сила ( Бог).Ништо друго. Премногу се логични работиве.
Е баш тоа сакав да кажам, Бог го свакам како некоја виша сила не му давам лице на човек на ангел или не знам што. Не само настанокот на светот, ние многу работи кои се од таа виша сила не можеме да си ги објасниме. Се случуваат многу случајности и настани за кои немаме одговор.
За Дарвин, мислам дека имал веродостојна теорија. Јас се согласувам тоа дека посложените видови настанале од попростите, што ако веќе бараме логика во нештата, ова е доста логично. Да земам за пример едно куче. Ете има кучиња што ги научиле да одат на 2 нозе, има кучиња што свират клавир, пеат, разработиле тактики за снабдување со храна што значи дека размислувале со оглед на тоа дека се бездомници овие последниве. Има и кучиња што играат. Добро, ајде сето тоа да го наречеме тренинг, но порано за најслични на луѓето се сметале мајмуните, а сега имам прочитано дека тоа се кучињата кои се поблиски до нашата интелигенција. Постојано опкружени за луѓе, тие се однесуваат како луѓе. Значи се развиваат. Куче отуѓено од луѓето би јадело само месо, така? Епа кучињата што живеат со луѓе јадат се. Не велам дека тие некој ден ќе станат луѓе, а којзнае можеби ќе се развијат до таму што ќе бидат и попаметни од нас?! Физички се доста издржливи, не за џабе викаат „ќе ти помине како на куче“. Значи, според теоријата на Дарвин човекот ги развил предните екстремитети посегнувајќи по плодовите на дрвја за да се исхрани. Значи не биле ништо подобри од кучиња тие првобитните луѓе. Не, ни зборувале, но со тек на време, доста години поминале пред да станеме тоа што сме. Долг е патот на еволуцијата и оваа негова теорија сепак е потешко да се негира бидејќи е веројатна. Можеби навистина луѓето биле создадени од кал или не знам што, бидејќи нели сите елементи што ги имаме ние во нашите тела ги има и во земјата, но тоа не значи дека ние веднаш сме биле луѓе. Зарем не се пронајдени остатоци од постар вид на луѓе кои се разликуваат во градбата од нас денеска? Што се однесува на твојата теорија - зошто им требало злато на тие толку интелигентни суштества?! Па, и робови? Ако тие се толку интелигентни за да стигнат до тука, што значи дека се поинтелигенти од нас луѓето во овој момент, нема да им требало робови. Точно, постоеле робови на Земјата, но сега со оваа интелигенција и со напредокот на светот ние имаме создадено машини кои можат сами да работат. Зошто на таа толку интелигентна нација би и требале робови? Кога ние имаме создадено машини, тие може веќе да имаат создадено нешто што ќе го поттикне нештото само да се извлече од таму каде што е. А, баш ме интересира зошто го зема златото во твојата теорија? Не верувам дека ако постои поинтелигента нација, истата ги вреднува работите како нас. Значи ако ние се одлучиме дека златото нема никаква вредност и ќе нема. Тие скапоцени камења се скапоцени бидејќи ние сме им ги дале тој епитет и таа вредност. Сигурно многу одамна не било така. Значи тоа колку нешто вреди е релативно, бидејќи ништо на земјава нема поголема вредност од друго нешто. Сите тие бариери ги поставиле луѓето. Навистина не ми се навлегува подлабоко во твојата теорија оти има многу за дискутирање, но ете ти ја побив уште на почетокот. Ако имаш одговори на тие прашања, супер тогаш! ЕДИТ: Ако тие постојат зошто размислуваш за нив од аспект на човек? Сигурно не им е исто размислувањето како нас тука, а ти ги ставаш на ниво на луѓе. Сепак зборуваме за суштества многу поинтелигентни од нас. За енергијата се согласувам, и нашите тела се всушност енергија собрана на едно место. Она за ракот - многу си грешка. Лекот е одамна пронајден, но тука веќе се работи за бизнис. Дали знаеш колку ќе изгубат фармациите доколку се пушти лекот за рак во употреба? Точно, некој ќе заработи на пари, но светската економија нема да стои толку добро. Како прво ќе нема веќе хемотерапија и луѓето нема очајно да испробуваат секакви лекови само за да си го спасат животот што во очите на тие што го пронашле тој лек е безначаен. И ќе помине уште многу пред да се „открие“ лекот. И така е пренаселена планетата, нека се чистат, нели? Е така размислуваат некои луѓе. Има толку скриени експерименти, јас лично верувам дека одредени луѓе не држат сите во раце, бидејќи како што се напомена претходно во темата, ние не сме ни малку совршени и подлегнуваме на многу болести. Сигурно постои некој вирус што доколку ни го пуштат ќе не снема сите за неколку минути. Што се однесува на инфарктот при здраво срце, тоа е убаво објаснето како настанува инфаркт. Имено, поради најразлични фактори, дали пиење, пушење или нездрава исхрана на ѕидовите на крвните садови се таложат одредени материи кои го попречуваат нормалното циркулирање на крвта. Од тука може да настане тромб или згрутчување на крвта и движејќи се низ крвните садови ќе наиде на место каде што не може да помине. Кога таа грутка крв ќе стигне до коронарната артерија во срцето делот од срцевиот мускул што е снабдувам преку таа артерија нема да има доволно кислород и тоа ткиво ќе изумре. Зависи од тоа колкав дел се оштетил ова може да биде најчесто фатално за тој човек. Па, види ти сега дали ова се случува на луѓе здрави во секој поглед на зборот. За работите дека се логични и за Бог и ништо друго не се согласувам. Ништо не е премногу логично, а свртувањето кон Бог не е ништо друго туку прифаќање на некоја теорија, (значи не е тоа факт, туку само теорија) поради повеќе причини. Некои од причините се не доволна заинтересираност за науката и сопствени сознанија, неможноста да се разберат другите теории ИЛИ доволно познавање на сите теории и факти, побивање на истите и прифаќање на Бог како единствена вистина. Сепак тоа си е индивидуално. Јас не мислам дека е толку логично и едноставно.
За лекот знам дека е пронајден, дека се е заради профит.Но зборам, колку може телото да се одбрани против канцерот, па макар и да се прима соодветниот лек за ракот? Не зборев за тоа дали е најден лекот или не, зборот беше колку може организмот да се одбрани од соодветната болест, па макар и да станува збор за случаеви каде веќе се губи надеж.Има луѓе кои биле болни од рак, а со хемотерапија, нивното тело успеало да се одбрани, па се живи, си функционираат нормално.Но, доколку човекот е премногу интелигентен за да може сам да одлучува за сопствениот живот, може ли да одлучи самиот за тоа дали ќе биде успешна борбата против ракот? Кој го одредува резултатот од таа борба? Еве и да е со помош на лек, дали со сигурност ќе успеат здравите клетки да ги отстранат канцерогените? И да се прима лекот, ако треба човек да умре, ќе умре, што значи пак некој го контроилира неговиот живот, начинот на кој функционира неговото тело.Една обична настинка, може да ја совлада организмот, но потешката форма на болест, не може. Додека за инфарктот, се случува и на здраво срце, знам такви случаеви.Има и луѓе кои пијат, пушат цигари, јадат не здрава храна, а имаат пак долг живот.Секако дека има одговор од страна на медицината, но некогаш и нема, дури и кога станува збор за потполно здрав организам, кој ете така настрадал.Значи секогаш фали делче кое укажува дека човекот е немоќен, за да тој одлучува за сопствениот живот. Религијата вели дека Бог постои од секогаш, а науката истото го збори за енергијата и начинот на кој функционира универзумот.
Многу прашања, не знам од каде да почнам :geek: Ајде прво за делфините. Интелигентни се нема за тоа дилема и се од ретки „животни“ чија интелигенција и однесување е студиозно испитувана од повеќе светски институции. Резултатите се фасцинантни и што не и се познати на пошироката јавност е само заради малиот интерес на просечнипт човек (кого го интересира животот на еден делфин?) и заради различниот животен простор. Има една многу интересна книга со повеќе експерименти на луѓе и делфини од еден познат психолог па кога ќе ја прочиташ ќе се увериш и самата. Знам и за други експерименти посебно за интеракција со луѓето како на пример при воденото раѓање но бидејќи не се 100% потврдени нема да ги образложувам иако нудат многу простор за размислување. Гардијан објави доста интересна статија за делфините и ќе видиш дека има работи што малку кој ги знае: http://www.guardian.co.uk/science/2003/ ... ch.science Спомнуваш ако сме оставени сами. Има документирани случаи на деца најдени и одгледани од животни во дивина и никогаш не се успеало да се доведат на ниво на цивилизиран човек, имале проблем и со говорот и секогаш останале како припитомено човеколико животно. Изгледа дека човечкиот мозок има најглема можност за учење во помлади години и ако го програмираш на еден начин како мал многу тешко или никако не го менуваш понатаму, како да е веќе кодиран на еден и траен начин. Тоа би значело дека воспитувањето и тренингот се најмалку исто важни за тоа што сме сега и ако ги загубиме од оваа или онаа причина ќе се вратиме во камено време. Моралните вредности и совеста ни се наметнати и не сметам дека се вродени (се согласувам со тебе). Тука не мислам дека сме подобри од животните и кога би биле оставени без воспитување за добро и лошо најверојатно совеста ќе биде строго лимитирана на она што исклучиво нас не интересира. Во општество каде на пример се жртвуваат мали бебиња на некој замислен бог дали воопшто некој се замара со совест кога од мали се научени дека е тоа добро за нивното општество. Прашањето се поставува што би се случило со цели општества кои би имале сосема поинакви морални норми и сфаќања од нашите и дали нашите се некој врв или се погрешни во некои битни елементи односно дали моралните норми и совеста се во склад со човековата природа или не? Што се однесува на програмите, точно е дека сме програмирани и тоа на два начина. Прво од раѓање преку гените а второ преку медиуми и школо. Така да првото програмирање го скратило животниот век и нашите способности а второто не става во калап воопшто да не помислиме дека постои првото програмирање. Клучните прашања се кој и со која цел не програмирал, како да ги тргнеме бариерите (ако е можно) и ако ги тргнеме дали ќе го зголемиме животниот век и ќе добиеме посебни способности или нашата база е во старт осакатена? За апсолутната вистина малку подоцна зашто е тоа доста обемна тема но која може да се поврзе со претходно напишаното
Хонор теоријата таква сум ја читала не дека јас сум го земала златото. Таму пишуваше дека на тие суштества златото им требало не за богатство туку за да опстанат, нешто како што е за нас воздухот. Им требале лугето оти лесно било да ги направат на лице место, и да ги посеат насекаде каде што имаат потреба. Случајно или не, најстарите цивилизации се срекаваат на местата каде што има многу злато. Гледав емисија на 24вести во која беше објаснето дека пирамидите, градбите таму на Маите, и уште неколку такви градби се поврзани не знам на кој начин преку тоа географска должина и ширина, не се градени туку така. Целта била демек да пракаат сигнали или така нешто. Тие цивилизации исто напредувале во ист период а немала никаква комуникација мегу нив. Дарвин зборува за еволуција и неговата теорија држи вода до негде но, дали тоа значи дека јас сум настанала од амеба, бидејки тие се најпростите форми на живот? Друго, во времето на диносаурусите се срекавале суштества кои се физички далеку поразвиени од нас, но ниту еден вид не ја постигнал интелегенцијата на човекот. Најдени со купишта фосили од тоа време а нигде не е најдена машина алатка или било какво орудие. Другите животни на планетава се можеби и подолго од нас па нема никаков нивен напредок. Видете човекот колку брзо напредува, за само десетина илијади години што сме овде што сме направиле. Иако постојат многу научни и религиски теории мислам дека никогаш нема да се разјасни прашањето за нашето постоење.
