11 причини да бидеш атеист! Всушност сите тие промени кај видовите настанале за да се приспособат на условите за живеење. Додека Дарвин патувал 5 години низ светот забележал дека на различни острови ист вид птици имаат различни клунови, т.е нивните клунови мутирале бидејќи истите птици доаѓале до храна на различен начин во нивните живеалишта. Исто се верува и со жирафите дека имаат големи вратови бидејќи морале да посегнуваат по храна. Доста е веројатно ова да важи и за човекот. Се исправил посегнувајќи по овошки на дрвјата, почнал да пали оган за да се стопли.. етц. Кога зборуваме за Дарвиновата теорија мораме да прибележиме дека овие промени се случувале многу бавно, а не преку ноќ. Јас не го делам твоето мислење дека ова е резултат на креативноста на Бог.
11 причини да бидеш атеист! Во Африка или не знам точно каде има еден феномен на жени-жирафи, кои носат чудни гердани со кои ги издолжуваат своите вратови. И што мислите децата кои ги раѓаат имаат подолги вратови од деца родени од “обични“ мајки? Одговорот секако е не. Епа ако жените од ова племе илјадници години имале желба да имаат подолги вратови, зошто не еволуирале во нов вид на човек, со долг врат? Плус не ми одговоривте како тоа две амеби решиле да се спојат и да живеат заедно?
11 причини да бидеш атеист! Тие жени немаат потреба од долги вратови, имаат ли? Зошто тогаш би имале нивните деца? Не станува збор за генетско наследна особина туку мутација. А, мутациите се генетска грешка, некои се добри, некои лоши. Некои настануваат во корист на човештвото, некои само му наштетуваат, но во секој случај не настануваат по желба. Две амеби во никој случај не решиле да се спојат и да живеат заедно. Јас верувам во тоа дека цел генетски наследен материјал настанал пред настанокот на живите суштества. Дарвин во својата теорија го објаснува настанокот на првата праклетка, а тоа е дека се формирала од неорганска материја. Со ова се согласува науката. Всушност, научниците денеска се речиси убедени дека првата примитивна форма на живот настанала во една „бара“ во која постоеле сите видови на соли на амонијак и фосфор, топлина, светлина, електрицитет и во неа се формира една протеинска врска која била подготвена да помине низ сложени промени. Тука ќе се послужам со цитат од „Светот на Софија“ од Јустејн Гордер. Се надевам дека тоа ќе го одговори твоето прашање. Да прераскажам накратко, значи тој прв молекул настанал кога Земјата се формирала пред 4,6 билиони години. Најпрво нашата планета била вжештена маса која постепено се ладела и се создавала Земјина кора. Не постоел кислород, значи не постоел ни живот во атмосферата. Слободниот кислород се создал со фотосинтеза на растенијата. Значи сите живи клетки кои можат да формираат ДНК настанале во атмосферата кога таа немала кислород, бидејќи килсородот е реактивен елемент и составните делови на ДНК би оксидирале пред да настане овој сложен молекул. Значи денес сме сигурни дека не настанува никаков нов живот, дури ниту бактерија или вирус. Целиот живот на Земјата мора да биде подеднакво стар. Значи еден слон има исто толку долго родословно дрво како и наједноставната бактерија. Дури може да се каже дека и слонот или човекот во реалноста е само една низа поврзани колонии на едноклеточни животни бидејќи секоја клетка во нашето тело носи ист наследен материјал. Еве уште еден цитат од книгата Има уште многу објаснување за Дарвиновата теорија и нејзината веројатност, но се надевам дека барем малку ги разјаснивме работите.
11 причини да бидеш атеист! 1.Под спојување на две амеби подразбирам создавање на повеќеклеточни организми. 2.Мутацијата е наследна и значи: -губење на некои гени -дуплирање на гени -додавање на некои нови гени во геномот 3.Ако не постоел кислород што дишеле првите организми (според теоријата на еволуција и чистата наука, прво настанале сапрофитите, а потоа растенијата; по Светото Писмо е обратно)? 4. Не може да се рече дека слонот или човекот во реалноста е само една низа поврзани колонии на едноклеточни животни бидејќи секоја клетка во нашето тело носи ист наследен материјал, бидејќи ако тргнеш една клетка од твоето тело таа ќе умре, а ако тргнеш една клетка од колонија на едноклеточни организми таа ќе продолжи да постои. 5. Кога ќе сфатат сите атеисти дека сите теории за настанокот на светот најчесто се инспирирани од Светото Писмо(кое не е учебник по геологија или биологија), освен настанокот на човекот. Ама главниот проблем е што модерно е да се биде атеист.
11 причини да бидеш атеист! Точно, мутацијата може да биде наследна, но има и исклучоци, на пример ако потомците не го добијат мутираниот ген. Исто така постојат стекнати или телесни мутации кои можат да бидат предизвикани од најразлични надворешни фактори. Вака сега, ми се чини дека ќе мора да дообјаснам до крај за да биде појасна Дарвиновата теорија. Значи во таа бара настанал еден многу сложен макромолекул што го поседувал својството да може да се подели на два еднакви дела. И така почнал долгиот еволутивен процес. Првата ДНК, или првата жива клетка постојано се делела, но уште од првиот миг се случувале постојани мутации. По многу еони таквите едноклеточни организми се здружиле во посложени повеќеклеточни организми. Така почнала и фотосинтезата во растенијата и на тој начин се создала атмосферата која содржи кислород. Атмосферата овозможила еволуција на животните кои дишеле со помош на белите дробови и го заштитувала човекот од штетната космичка радијација. Бидејќи тоа зрачење кое веројатно било важна „искра“ за настанокот на првата клетка е исто така штетно за сите форми на живот. Колку што јас сум запознаена се работи за теорија која не е 100% потврдена како точна. Е сега, сите теории можат да се потврдуваат и негираат со добри аргументи. За жал не е меѓу нас оној што ја создал таа теорија да ни ги одговори прашањата. Многу непотврдени работи отвраат прашалници во мојата глава на кои најчесто нема одговор. Јас не се изјаснувам како атеист. Можно е да постои Бог, но дури и да постои ние не можеме да бидеме сигурни во тоа, што значи неможеме да го докажеме неговото постоење. Штом не може да се докаже, т.е нема научно потврдени докази за Бог, исто толку е можно и Бог да не постои.
11 причини да бидеш атеист! Бог од својата огромна љубов кон Својата творевина, односно кон нас ни дал слободна волја да можеме да веруваме или да не веруваме во Неговото постоење. Значи јас имам доверба во она што го пренеле светите апостоли дека е точно и верувам во она што го кажал Христос, а што треба до прва да бидне. Ако Бог на сите нас ни го објавеше Своето надумно постоење ние немаше да бидеме верници.
Зарем не ли е чудно како може да е се така совршено создадено од напред? Клетки, молекули, атоми, поставеноста на сонцето и месечината во однос на земјата, конструкцијата на човечкиот организам, каде сама по себе е совршена, во овој контекст го исклучувам било какво пореметување.Човечкото тело е совршено создадено, нема дел кој не е еднакво поставен во сооднос со друг, зборам за скелетот на човекот.Зарем може човекот така совршено да се направи сам себе си? Има такви нешта кои можеби го говорат токму спротивното, дека има нешто што создало такво совршенство.
Чудно е, се согласувам. Баш поради тоа што е чудно ние бараме објаснување за нашата егзистенција и нашето наводно совршенство во нешто поголемо од нас, што не може да биде сфатено, што игра по некои сопствени правила, се крие, им се покажува на тие што веруваат. Дали сте размислиле дека на вашиот мозок заслепен од вашата верба почнуваат да му се причинуваат некои работи? Можеби единствено место каде што постои Бог, пекол и рај е нашата психа. Човекот го има разумот, а разумот не може да го прифати фактот дека ние постоиме тука извесно време, без никаква причина, умираме и тоа е се. Не, разумот бара некое друго „разумно“ објаснување за нашето постоење, бара поголема причина, не убедува дека се не е залудно. Но, што ако е? Ние се плашиме. Се плашиме да бидеме само puppets in a show that come and go. Нашиот страв прави нашите мозоци да ја негираат реалноста. Но која е реалноста?! Ние веруваме дека сме совршени, но можно е да е тоа така само поради тоа што нашите мозоци се ограничени и не можат да ја разберат „едноставноста“ на работите? Нормално дека човекот не се создал самиот себеси. Во секој поглед тоа е невозможно. Но, нели нешто не може да се создаде од ништо. Поентата е, ако гледаме на Бог како на виша сила која создала се, тогаш кој ја создал таа виша сила? Сама од себе? Невозможно. Ние сме сведоци на секојдневни создавања. И за сите создавања има причинител и причина. Не велам дека причината е исто со смислата. Занчи човекот е создаден со причина, но таа причина не е смислата на нашите животи, ако ме сфаќаш. Има најразлични теории за создавањето на светот. Бог, оној религискиот е само една од нив. Зошто мислиш дека единствено духовно, преку Бог можеме да дојдеме до онаа вистина која ја создал т.е ни ја наметнал разумот?
Секако да има сопствени правила, но ете чудно е што сето тоа е совршено поставено, совршено функционира, но не е само поради голема верба да се види сето тоа.Не е дека јас сум премногу религиозна, не одам по каноните на црквата, не се причестувам, не одам на литургија, не се исповедам, не постам, но сепак знам и верувам дека има нешто, дека постои Бог, бидејки до сега стопати ми се укажало на тоа, низ секојдневието.Се согласувам дека се е во нас, но тоа постои и надвор од нас, нешто што ги прави нештата по свои правила.Вербата и довербата си го прават своето.Секако дека е уште почудно што тука сме само привремено, интересно е што нашето тело по смртта го снемува, а останува енергијата/ духот на човекот.Еве да ги опфатиме и астралната проекција, клиничката смрт и што луѓето доживуваат за време на клиничката смрт, тоа пак сосем други работи поврзува и кои сосем друго говорат, во контекст на овие теми.Секоја религија Бог го нарекува со различни имиња, а единствено нешто што ги поврзува, а и науката, тоа е енергијата, што е сосем пологично за создавање.Духовното човекот го имал од секогаш, без разлика дали и во што верува, со оглед на тоа што го споменав претходно.
Но, како можеш да бидеш сигурна во тоа? Некогаш дури и сетилата не лажат. Всушност, јас мислам дека воопшто не им верувам на сетилата. Како што напоменав претходно, можеби ние не сме толку совршени, можеби нашите мозоци се дури и подолу од просечното (а, колку е просечното?), па затоа не можеме да ја видиме едноставноста во начинот на кој ние функционираме. Зошто да се исклучува таа можност? Со помош на разумот ние знаеме до каде оди нашата интелигенција и до каде оди човештвото. Фасцинирани од нашето наводно совршенство не земаме во предвид дека можеби и не создала некоја виша сила, некоја поголема интелигенција за која сме играчка.. А, ние на таа интелигенција гледаме како кон Бог. А, зарем Бог не е нешто највозвишено, што не учи на љубов, почитување, добрина? Што ако сме само марионети во нечија претстава? Што ако нашиов свет постои во некој друг свет кој има контрола врз нас? Што ако некој друг има влијание врз нашите мисли и зборови? Што ако сме принудени да го пишуваме тоа што го пишуваме? Колку би било тоа злобно, нели? Но, ние одбиваме да гледаме така на работите. А, можно ли е никогаш да не размислуваме на овој начин бидејќи некој всушност не сака да се комплицираат работите во овој наш паралелен, второстепен свет? Уф, знам дека премногу филозофирам, но не можам да прифатам дека се е толку едноставно. Не создал Бог и толку. Ќе живееме повторно после смртта бидејќи духот не умира, тука сме поради некоја поголема причина итн итн итн... НЕ. Не можам да верувам во тоа.
Имав постирано во темата Божји чуда, мој коментар за нешто што ми се случило лани, можеби ќе беше и поинаку.Затоа сум сигурна, а тоа е и дополнително.Тешко е да се утврди тоа, само се претпоставки како Дарвината теорија и ред други работи, еве пример астралната проекција, клиничката смрт што луѓето доживуваат за време на клиничката смрт, како што споменав погоре, укажуваат на токму спротивното.Мене нешто што посебно ме интересираат, бидејки некако е чудно како се случуваат.А човекот може да прави добро, а може и лошо, тоа е сосем доволно за да се разјаснат овие работи. Иначе секоја религија учи на добро, а и да сме марионети, единствено да го живееме животот, зошто вака или онака се вртиме во круг, било кој и да дискутира, дали научници, црквата итн., пак на истото остануваме.А веројатно тоа совршенство или таа интелигенција е дел од нас, бидејки еве еден вајар може да направи совршена скулптура, до толку да изгледа како жива и ред други нешта кај човекот кои имаат улога во создавање.
Текстов е превземен од mystodonia.com Ме интересираат ваши мислења во врска со ова. Инаку Гордана, тоа што луѓето го доживуваат за време на клиничката смрт, како тунели, рај, бла бла бла, се е состојба на умот. Барем јас така мислам. Има и многу истражувања што упатуваат на тоа. Астралната проекција е веќе сосема трета тема за дискутирање и има многу што да се каже. Нели тоа е всушност одвојување на душата од телото? Дали астралната проекција или пак клиничката смрт го докажуваат постоењето на црковниот Бог?
Не станува збор за никаков феномен, ами за обичај кај тој народ, на девојчињата да им се ставаат гердани за секоја нивна наполнета година ... Тоа е тоа. Зашто доколку ги тргнат тие гердани по незнам која година да речеме вратот т.е. главата би им паднала, зашто е намерно издолжен самиот врат на не природен начин. На сами молекули, на наједноставни клеточни животни не им е потребен нешто кислород. Плус тоа, светото писмо не е најстара и единствена книга што постои. Премногу си можда задоен со самата религија, па затоа си против Атеистите и зборуваш дека било некаква мода да се биде Атеист.
Е така значи на неприроден начин им е издигнат вратот, ама за чудо бебеињата не им се раѓаат со издолжени вратови иако според теоријата на еволуција ова би било исход. Ако на жирафата и` се издигнал вратот бидејќи го тегнела за да јади од повисоките гранки, зошто и овие луѓе не мутираат и добијат подолги вратови? Значи основните хемиски реакции по кои функционира целиот жив свет се: 6 CO2 + 6 H2O + светлина -> C6H12O6 + 6 O2 (Фотосинтеза, ја вршат само растенијата во своите зелени делови) C6H12O6 + 6 O2 -> 6 CO2 + 6 H2O + енергија (согорување, ја врши секоја клетка на секој организам) Без разлика дали организмот е едноклеточен и 100 * 10^9 клеточен, потребен му е кислород. Никој не вели дека Светото Писмо е најстара книга, ниту пак дека е учебник по геологија, биологија и било која друга природна наука.
Прво да разјаснам, не верувам во теоријата на еволуција како што е претставена но исто не верувам ни во моментална креација од виша сила. Примерот со децата со долги вратови е невалиден зашто неколку стотици години е премалку време за да се извршат генетски промени предизвикани од подолгиот врат на родителите. Сепак што ќе се случи после 1000 или 10 000 години со тие деца ако континуирано нивните вратови бидат издолжувани никој не знае но има голема веројатност дека децата после 10 000 години ќе се раѓаат со нешто подолг врат. После 100 000 години најверојатно нема ни да имаат потреба од физичко издолжување.
Па и јас не верувам, односно ни во Светото Писмо не е напишано дека Бог зеде кал и го направи пајакот, после зеде кал и ги направи стоногалката и кокошката... Но, човекот го направи со Своите раце од кал и му дувна во устата негова. За мене е прифатлива теоријата на еволуцијата и теоријата за коацерватната капка, НО сето тоа со благослов Божји. (Во Светото Писмо стои дека Бог и` нарредува на водата да сотвори живот, и тогаш од послушност во водата се создава живот.) Свесен сум дека ден денеска има еволуција и одредени видови еволуираат од еден во друг, но се` тоа е само продолжеток на креативност Божија. Сите теории на еволуција и создавање на светот, свесно или несвесно влечат корени од книгата Битија. И не знам по кој пат ќе повторам, дека Бог од Својата огромна љубов и ненаметливост ни дал Јас не верувам дека Бог ќе им даде на овие несреќни жени подолги вратови, (т.е. ќе ја благослови нивната еволуција) бидејќи Бог знае дека тие од долги вратови немаат потреба.
Сите религии се плод на човекот кој не умеејки да си ги објасни појавите во природата, им придавал својства на вишите сили. Почнувајки од религиите со повеќе божества до модерните разноразни религии и секти кои се измислуваат секој ден се со цел финансиски придобивки. За мене религиите се тоа, перални на пари. Многу познат е цитатот на Рон Хабард, кој ја измислил Сциентолошката Црква чиј најпознат претставник е Том Круз “Ако сакате брзо да се збогатите, формирајте своја црква„
Баш пред некој ден налетав на поимот скиентологија. Разгледав неколку сајтови, и тоа што го заклучив е дека има сериозна профитабилност од тоа иако (не)успешно пробуваат да замачкаат очи со тоа „сите се добредојдени без разлика на верата“ бла бла. Значи човекот е соочен со појави кои не може да си ги објасни. Тогаш доста логично е позади тие појави да стои нешто поголемо што човекот не може да го сфати, зарем не?
Под појави во природата мислев на грмотевици, плима осека, суша и сл. Затоа измислувале бог на грмотевицата, на морето и сл. и за да немаат непогоди им принесувале жртви. Денес сите овие појави се научно објаснети, па немаме потреба од многу Божества. Сепак останало некое верување кое секојдневно се модифицира врз основа на потребите на претставниците на црквите.
Точно, тоа е денеска објаснето, но не се објаснети многу други прашања. Дали тоа е причината поради која луѓето се уште веруваат во Бог? Ти сметаш дека бројот на боговите во кои веруваат луѓето се намалил бидејќи се објасниле појавите кои не им биле јасни на луѓето, така? Јас мислам дека секојдневно се повеќе прашања се отвараат на кои просечниот, па дури и надпросечниот човек не може да најде одговори. Теории - милиони, одговори - нема.
