1. Овој сајт користи колачиња неопходни за неговото функционирање. Ако продолжиш да го користиш, значи се согласуваш со нашата употреба на колачиња. Прочитај повеќе.

Наука vs Религија

Дискусија во 'Религија' започната од XMaN, 25 јуни 2012.

  1. TaMaRa80

    TaMaRa80 Активен член

    Се зачлени на:
    25 август 2014
    Пораки:
    15
    Допаѓања:
    14
    Пол:
    Женски
    Не верувам во Господ и не наидов на голема подршка околу тоа во животот но ниту во еден момент не помислив да кажам поинаку едноставно, колку и лошо тоа да звучи некому според мене религијата ги запира луѓето во нивниот личен развој и на луѓето им е даден погрешен правец, не верувам во судбина, не верувам дека постои некој кој одлучува што е лошо, што добро освен самите вие бидејќи вие си ја создавате реалноста, верувам во наука, а тоа како настанал универзумот или некои други прашања што науката неможе да ги одговори во овој момент бидејќи сме на почетокот најлесно е да се каже дека Господ го создал светот и тоа е се. Животот можеш да го живееш преубаво и без тоа, можеш полесно да се запознаеш себеси едноставно имаш повеќе храброст.
    Луѓето кои се верници ама вистински верници, верувајте малку се такви иако не се согласувам со тоа мислење не значи дека не ги почитувам
     
  2. ar.ik

    ar.ik Активен член

    Се зачлени на:
    10 јануари 2015
    Пораки:
    59
    Допаѓања:
    75
    Пол:
    Женски

    Поврзаноста на науката и религијата ( т.е Куранот)убаво објаснета од Закир Наик
     
  3. Lady Phoenix

    Lady Phoenix Форумски идол

    Се зачлени на:
    10 мај 2015
    Пораки:
    2.033
    Допаѓања:
    58.306
    Пол:
    Женски
    Јас не знам зошто ви е толку тешко да поверувате во еволуцијата и во тоа дека сите организми на планетава настанале од едноклеточни организми по пат на дооооолготрајна еволуција.

    Дали се работи за недоволна информираност, недоволно едицирање, потешкотии да се разберат механизмите на функционирање на организмите на клеточно и молекуларно ниво... Не знам. Ама воопшто не е невозможно.

    Секогаш кога ќе помислите дека еволуцијата е невозможна, само помислете како вие сте настанале во утробата на вашата мајка: од една оплодена клетка, која во текот на 9-месечната „еволуција“ се развива во многу сложен организам - самите вие. Ете ви ја еволуцијата „во мало“ и на кратко. :)
     
    На Tan4ence, Mishela, Jenniffer и 5 други им се допаѓа ова.
  4. Vertigo TJ

    Vertigo TJ Истакнат член

    Се зачлени на:
    24 ноември 2014
    Пораки:
    188
    Допаѓања:
    779
    Пол:
    Женски
    Jaс сум природонаучник. Според мене колку повеќе човек ја осознава природата и живите суштества толку повеќе се убедува во постоењето на „Виша“ сила. Ако ја разгледаме совршеноста во градбата на една обична клетка (на ниво на органели и нивната поврзаност за да овозможат функционирање на клатката) па организирањето на клетките во ткива, ткивата во органи за на крај органите да се поврзат во еден единствен жив организам едноставно е невозможно да веруваме дека таа фасцинантна организираност е дело на еволуцијата без никаква Божествена интервенција. Уште повеќе фасцинирањето продолжува ако гледаме и во спротивен правец (од органели до ниво на молекули и атоми). Секој кој вака ќе ги постави работите мора да признае дека е премногу наивно да веруваме дека САМО години и години природно поместување на нештата можеле да доведат до она што денеска го знаеме како планетата Земја.

    Науката само ја поддржува религијата, воопшто не ја исклучува.
     
    На EvAngelos му/ѝ се допаѓа ова.
  5. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    Еј, интересна тема. :)

    Науката и религијата (мислам на главните монотеистички религии во светот - христијанството, јудеизмот и исламот) дефинитивно не се компатибилни - барем ако религииве ги земеме во буквална смисла.

    Ќе дадам примери од христијанството, зашто тоа ми е најблиско, но истово важи за сите религии - во Библијата пишува дека светот настанал за 6 дена, дека е стар ~6000 год., дека Адам настанал од земја, а Ева од неговото ребро, дека Земјата е рамна плоча... И така натаму. Ако Библијата ја сфаќаме буквално, како што повеќето тоа го прават, а не алегориски, јасно е дека религијата и науката не може да имаат никакви допирни точки. Примериве кои ги набројав се одамна побиени од страна на науката, со докази и факти, и денес ниеден разумен и образуван човек не верува во нив, сеедно дали е атеист или верник.

    @EvAngelos, морам да ти посочам дека и ти, како и многумина други, погрешно си го цитирал Ајнштајн. Бог за кој тој говори е спој на природните сили и законитости во природата, воопшто не е Бог во смисла на ниту една од светскиве религии. Инаку, Ајнштајн самиот не бил верник. Побарај за работиве малце, ќе видиш дека сум во право.

    Што се однесува за другите основоположници на природните науки - особено Исак Њутн, да, биле верници, но имај во предвид дека во времето во кое живееле многу од работиве кои ни се познати на нас денес тие не можеле ни да ги замислат.

    @Vertigo TJ, можеби науката и спиритуалноста не се во директен судир, но не би се сложил дека науката ја поддржува религијата. Наврати се на тезите кои ги наведов кои се изнесени во Библијата - науката не само што не ги поддржува, туку и ги побила, сите до една.

    Навистина не знам зошто ти е невозможно да поверуваш во ова без да се повикаш на „Виша сила“ - фасцинантно е, апсолутно се сложувам, меѓутоа подеднакво е фасцинантна идејата дека сето ова се случило спонтано, по природен пат, со текот на еволуцијата на организмите. Дури, и пофасцинантно е ако животот настанал без помош од интелигентен создател, ако ме прашуваш. :)

    Не сум против религијата и не ги оспорувам општествените придобивки од неа - се додека истата не се толкува буквално и не застанува директно на патот на науката и напредокот.

    Смешно е за се она што сеуште не го разбираме или ни делува премногу неверојатно веднаш да се повикуваме на Бог. Од таа причина и сметам дека религијата и науката се неспоиви - одговорот на религијата на сите прашања кои се неодговорени е Бог, додека науката бара објаснувања засновани на докази и факти.
     
    На Tan4ence, TaMaRa80 и Lady Phoenix им се допаѓа ова.
  6. Vertigo TJ

    Vertigo TJ Истакнат член

    Се зачлени на:
    24 ноември 2014
    Пораки:
    188
    Допаѓања:
    779
    Пол:
    Женски
    Moжеби затоа што, како што се сеќавам од предавањата по физика (биофизика додуша), во природата на нештата е да тежнеат кон хаос а не кон организираност, односно сосема спротивно од се она што еден жив организам е. Не сакам да се докажувам, ги почитувам сите мислења а како и останатите мислам дека и јас имам право на свое.
     
    На EvAngelos му/ѝ се допаѓа ова.
  7. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    Најверојатно мислиш на ентропија - пак, не гледам ништо спорно тука - секој жив организам, од моментот на своето раѓање, тежнее кон „хаос“, односно смрт, состојба на најниско енергетско ниво. Постоењето на животот не е доказ дека некој од хаосот направил ред - ред постои насекаде во природата и универзумот. Сепак, сите нешта тежнеат и неповратно одат кон состојба на хаос. Да постоеше нешто во природата кое се спроитиставува на ентропијата, тоа можеби би бил добар доказ за постоење на некаква виша сила.

    Животот со целата своја фасцинантност подеднакво може да „потекне“ и од страна на интелигентен креатор, но исто така и без него. Е сега, кое од овие две е поверојатно, тоа е нели прашање на лично убедување.

    Секако, и јас го почитувам твоето мислење. Иако, не одговори на првиот дел од мојот претходен пост - за тоа како науката ја побива класичната религија на секое поле. Или можеби под религија подразбираш нешто различно од светскиве релгии?

    Поздрав.
     
  8. daylight

    daylight Популарен член

    Се зачлени на:
    22 декември 2011
    Пораки:
    3.136
    Допаѓања:
    4.106
    За мене религијата сфатена како збир на древни традиции и нивно следење, слепо држење за стари писанија, свештеничка хиерархија, институција и сл. нема допир со науката. За жал гледаме во светот дека дури и дел од атеистите следат непотребни па дури и штетни обичаи додуша под друго име.

    Но религијата сфатена како спиритуалност и етика може да има допир со науката. За жал многумина научници не внесуваат доволно етика во нивните истражувања. Еден од виновниците за тоа е токму традиционалната институционализирана религија. Ако не сте знаеле, црковните институции неретко финансирале и финансираат и научни истражувања.
     
    На Bender Rodriguez му/ѝ се допаѓа ова.
  9. Tan4ence

    Tan4ence Форумски идол

    Се зачлени на:
    12 октомври 2011
    Пораки:
    5.082
    Допаѓања:
    27.321
    Многу ми е полесно да ја сфатам и прифатам науката отколку религијата од едноставна причина:
    Науката постоела многу пред создавањето на некои религии, конкретно таа почнала да се развива со создавањето на самиот човек. Стотици научници успеале да ја развијат на ниво на кое таа е денес. Таа зависи од размислувањето на човекот, од неговата иновативност и интелигенција Човекот ја развива науката, а таа му помага да се разбере себеси, не го управува неговото однесување, затоа што науката е апстрактен поим за животот и природата, за луѓето, животните, а не една личност под чија контрола се случува се во светот, како што е тоа во религијата. Со неколку збора - науката нема "газда"
    со религијата е спротивното - наводно поради божја волја се случува се во животот, и бог управувал се, а верникот е "заробен" во неговите верувања и во "божји раце"

    И да, некои имаа пишано како сме толку совршени ако немало господ. мислиме дека сме совршени затоа што не знаеме за поголемо совршенство. Затоа што сме задоволни со тоа како изгледаме и функционираме, и тоа само НАУКАТА ГО ОБЈАСНУВА. Пред 80тина години луѓето исто така мислеле дека животот им е совршен а на пример не знаеле за мобилни телефони, не била развиена медицината, додека просечен човек денес полудува еден ден без телефон.
    Тогаш зошто господ не ни дал способност да летаме, да дишеме под вода ако тој не направил совршени? Нашиот совшрен организам со текот на еволуцијата се приспособувал на условите кои се менувале постојано, пред милиони години сме биле само мали микроорганизми, но самата еволуција, самата природа, условите довеле тие да се менуваат, да ги изградат сите ткива органи, системи и да станеме она што сме денес.
     
    Последна измена: 3 август 2015
    На Bender Rodriguez и TaMaRa80 им се допаѓа ова.
  10. aerodrom

    aerodrom Истакнат член

    Се зачлени на:
    17 декември 2010
    Пораки:
    116
    Допаѓања:
    85
    Науката е последица на верата!
     
  11. Strumka22

    Strumka22 Истакнат член

    Се зачлени на:
    16 јули 2013
    Пораки:
    894
    Допаѓања:
    2.442
    Пол:
    Женски
    Помеѓу наука и религија бирам наука бидејќи науката е заснована на факти а религијата не верување, па така имаш колку религии толку вистини, Додека кај науката вистината е една и единствена заснована на докази.
     
    На crimson, Jenniffer, TaMaRa80 и 3 други им се допаѓа ова.
  12. Jenniffer

    Jenniffer Популарен член

    Се зачлени на:
    27 март 2013
    Пораки:
    2.375
    Допаѓања:
    7.415
    Пол:
    Женски
    Веќе и науката станува религија и луѓето ептен слепо почнуваат да веруват во секакви работи. Доколку на некој што цврство верува во реинкарнација дека ти не веруваш во неа ќе те направи глупав. Истото е и со Господ, оди на некој верник кажи дека не веруваш во Господ и гледај што ќе те направи.

    Доколку мислиш дека науката може да го објасни твоето постоење сепак веруваш во тоа, и тоа ти е еден вид на религија, ја нема науката тука.

    Во науката ретко кој се сомнева, се е докажано со повеќе теории, истражувања, и ретко кога се грешка. Тоа е нешто што ме држи повеќе на таа страна.
    Научниците не прифаќаат други мислења и се само поврзани со она што го откриле или веќе го знаат, а не ги вмешуваат и двете работи заедно, гледаат само на едната страна и си ја бранат науката како да е нивниот Бог.

    Знаете дека ние сме уствари 99.9% празни клетки и се случуваат некои работи за кои сме и слепи и глуви, некои работи што не сме ни свесни за нив се случуваат, ама кој ќе ти ги докаже.

    Науката е напредна да, ама зошто тогаш во целост не знаеме како ни работи мозокот? Ако сме дело на Господ и ако тој не направил совршени, зошто не сме сите исти, според кои критериуми сме правени? Ова размислувањето ми е ептен банално, ама кога ќе размислам поубаво во право сум.

    Не ја разбираме ни религијата во целост, нема цврсти докази за постоењето на нешто. Додека пак науката ми е некако поуверлива.
    Науката има процес на докажување на работите на природен начин.

    [​IMG]

    “Religion is a culture of faith; science is a culture of doubt.”
     
  13. Tan4ence

    Tan4ence Форумски идол

    Се зачлени на:
    12 октомври 2011
    Пораки:
    5.082
    Допаѓања:
    27.321
    Точно дека и науката и религијата се вид на некакви верувања, но сепак не можат да се поистоветуваат една со друга тоест науката не можеш да ја наречеш религија. Науката ја претставува природата и се заснова на факти и докази, додека религијата е верувањето во натприродното.
    Затоа се контрадикторни
     
    На Bender Rodriguez и Lady Phoenix им се допаѓа ова.
  14. Bender Rodriguez

    Bender Rodriguez The lovable rascal

    Се зачлени на:
    27 јуни 2015
    Пораки:
    2.623
    Допаѓања:
    32.778
    Пол:
    Машки
    Од твоево мислење не можев да сфатам дали си за наука или религија. Од реченицава ми изгледа како да си „против“ двете, додека пак од заклучокот на твоево мислење, сепак ми изгледа како да си „in favor“ на науката. :)

    Претпоставувам дека сакаш да кажеш дека секој атом е составен од претежно „празен простор“. Вториов дел од реченицава не го разбирам баш, признавам.

    Науката, за разлика од религијата, не тврди дека ги има одговорите на сите прашања. Не знаеме во целост како функционира човековиот мозок, а не знаеме ни многу други работи. Но, во тоа е убавината на науката. Науката не се прави сезнајна, ги признава своите непознавања и ги признава грешките кои ги прави на патот кон осознавање на вистината. Денес не ги знаеме овие работи, што не значи дека никогаш нема да ги дознаеме.

    Не знам од каде преовладува митов дека Господ ги создал луѓето совршени - напротив, според религијата сите сме несовршени и грешни, такви се раѓаме и остануваме во текот на целиот живот. Со молитвите и вербата во Бога на некој начин само ја ублажуваме нашата грешност, понизно признавајќи ја сопствената несовршеност.

    Разликата меѓу науката и религијата е следна - религијата тврди дека ги има сите одговори, а сите работи кои не ги разбираме, ги окарактеризира како натприродни и како нешто што е Божја волја и човекот не може (и не треба) да го разбере. Освен тоа, религијата не нуди никакви докази туку напротив, од верниците бара слепа верба.

    Науката, од друга страна, се темели на експерименти и факти. Докажани, експериментално или теоретски. Не тврди дека е сезнајна и не бара од никој слепо да верува во нешто. Напротив, научните тврдења за многу работи секој може самиот експериментално да си ги потврди.

    Не гледам зошто религијата би се поистоветувала со науката во смисла на верување во нешто. Научните факти се такви какви што се - законите на физиката се непроменливи, верувале ние во нив или не. Ако рипнеш од покривот на куќата бидејќи не „веруваш“ во наука и во физика, сепак ќе треснеш на газ, поради гравитацијата. Верувале во неа или не, таа постои и делува врз нас. :)

    Поздрав!
     
    На Adina, Tan4ence и Jenniffer им се допаѓа ова.
  15. Jenniffer

    Jenniffer Популарен член

    Се зачлени на:
    27 март 2013
    Пораки:
    2.375
    Допаѓања:
    7.415
    Пол:
    Женски
    Во потполност се согласувам со тебе. Во право си дека и религијата и науката е сосем различни и немаат допирни точки.
    Зборот ми беше само дека секој си верува во што сака, јас повеќе сум во науката. Религијата никогаш не ми била доволно уверлива за разлика од науката кај која секое нешто е истражено и докажено.

    И науката и религијата се базираат врз факти за кои никој не знае со сигурност колку се точни.
    Сепак не сум против религијата и верниците, секој си верува во што сака и што мисли дека е правилно.

    Инаку со големиот напредок кој го постигнува науката сум навистина воодушевена. Повеќе сум на страна на науката. :)
     
    На Bender Rodriguez му/ѝ се допаѓа ова.
  16. Tan4ence

    Tan4ence Форумски идол

    Се зачлени на:
    12 октомври 2011
    Пораки:
    5.082
    Допаѓања:
    27.321
    Баш така! :) Она што го тврди науката го докажала со докази, истражувања, експерименти. За оние прашања кои таа не може да ги одговори, тврди дека сеуште не може да се истраѓат, и нема да ги одговори се додека не најде факти и докази. Таа секогаш се развивала и секогаш ќе се развива. пред повеќе од 60тина години уште не се знаело за структурата на ДНК, но денес веќе се е јасно за нејзините нуклеотиди, особините, репликацијата итн. Така да ако денес не знаеме да одговориме некои прашања, со понатамошен развој тие прашања ќе ги одговориме за на пр. 40тина години.
    А кај религијата е едноставно, ќе прашаш некој верник, како настанал човекот, ти вели - господ го создал, го прашуваш како натснале планетите, пак - господ ги создал, и за се е господ одговорот. Затоа религијата тврди дека ги има сите одговори, затоа што нели се се случува под божја воља. Како што спомнав погоре, науката нема еден "газда"., па тој газда да е одговорен за цел свет. Науката е збир од закони, истражувања, и има премногу за да може да најдеш еден соодветен одговор на едно прашање.

    И едно ме чуди - ако господ го создал човекот, тогаш зошто велиме дека релијата била создадена од човекот, а таа го раководи неговиот разум и совеста?

    Еден омилен цитат - Ако религијата и црквата грешат во своите сознанија за тоа од каде доаѓаме, тогаш како можеме да им веруваме за тоа каде не' водат понатаму?
     
    На Bender Rodriguez, Lady Phoenix и Jenniffer им се допаѓа ова.
  17. EvAngelos

    EvAngelos Популарен член

    Се зачлени на:
    25 февруари 2012
    Пораки:
    3.573
    Допаѓања:
    9.823
    Пол:
    Машки
    Мене, кој покрај природните науки имам завршено и теолошки студии, христијанството ми е уште поблиско и затоа ќе мора да те корегирам дека:

    - Библијата никаде не вели дека светот настанал за буквално шест 24-часовни дена. Зборот „ден“ (или на хебрејски јом) е неколку пати користен во Библијата како временски период. На пример кога Библијата зборува за „Денот на жетвата“, сигурно не се мисли за еден ден нели? :)
    - Библијата никаде не вели дека светот е стар 6000 години.
    - Точно е дека Бог го создал Адам од земниот прав, а Ева од реброто на Адам и нема ништо спорно тука. Бог ако сакал можел и од ништо да ги создаде, како што го создал и целиот Универзум, само со Својот збор.
    - Библијата никаде не тврди дека Земјата е рамна плоча. Во времето кога луѓето верувале дека Земјата е рамна плоча носена на грбовите на китови или желки, библискиот писател Јов напишал дека Бог ја закачил Земјата на ништо (Јов 26:7, Библијата). Кој знае колку му се смееле на Јов за оваа идеја, а сепак бил во право.


    @EvAngelos, морам да ти посочам дека и ти, како и многумина други, погрешно си го цитирал Ајнштајн. Бог за кој тој говори е спој на природните сили и законитости во природата, воопшто не е Бог во смисла на ниту една од светскиве религии. Инаку, Ајнштајн самиот не бил верник. Побарај за работиве малце, ќе видиш дека сум во право.

    Еве ги цитатите што ги напишав од Ајнштајн, повели корегирај ме каде сум ги напишал погрешно.

    И јас никаде не реков дека Ајнштајн бил христијанин, муслиман или Јудеист, или пак дека верувал во личносен Бог, ама сигурно Ајнштајн не бил неверник/атеист. Тоа Ајнштајн јасно го кажал:

    Јас не сум атеист, а не би се нарекол ни пантеист. Ние сме во позиција на мало дете кое влегува во огромна библиотека полна со книги на многу јазици. Детето знае дека некој морал да ги напише тие книги. Но не знае како. Не ги разбира јазиците на кои се напишани. Ова, според мене, е ставот дури и на најинтелигентниот човек спрема Бог. Го гледаме Универзумот извонредно уреден и подложен на одредени закони, но само бледо ги разбираме овие закони. Нашите ограничени умови ја сфаќаат мистериозната сила која ги движи соѕвездијата.“
    (Алберт Ајнштајн, Einstein & Religion - Physics and Theology" by Max Jammer 1999 Princeton University)

    И уште еден цитат од Ајнштајн би додал овде: "The more I study science, the more I believe in God".
     
    На Sky-butterfly и daylight им се допаѓа ова.
  18. EvAngelos

    EvAngelos Популарен член

    Се зачлени на:
    25 февруари 2012
    Пораки:
    3.573
    Допаѓања:
    9.823
    Пол:
    Машки
    Како науката напредувала и научниците откривале нови работи во природата, со тоа доказите за интелигентниот дизајн во природата се зголемувале и затоа многу современи научници поверувале во Бог баш поради модерните научни откритија. На пример Д-р Франсис Колинс кој бил директор на националниот институт за истражување на човечкиот геном и е заслужен за неговото декодирање, откако видел колкаво количество информации се складирани во ДНК молекулите, сфатил дека е теоретски невозможно тие случајно да настанале и тоа е една од причините заради кои тој е силно убеден во постоењето на Бог.
     
  19. EvAngelos

    EvAngelos Популарен член

    Се зачлени на:
    25 февруари 2012
    Пораки:
    3.573
    Допаѓања:
    9.823
    Пол:
    Машки
    Јас пак помеѓу науката и атеизмот бирам наука, бидејќи науката е заснована на факти, а атеизмот е обичен натуралистички светоглед кој вели дека не постои Бог и се што гледаме, Универзумот, животот се тоа настанало случајно водено од самонастанатите безлични и слепи сили на природата.

    Во своето дело "Еволуција од Вслелената", познатиот британски астроном Фред Хојл и Викрамасинге пишуваат дека веројатноста животот да настанал случајно изнесува 1 од 1000...0 (40 000 нули). За споредба, бројот на честиците на сите галаксии видливи со денешните телескопи изнесува 1....0 (80 нули) и овој број треба да го помножиме 500 пати самиот со себе за да стигнеме до горниот.

    Хојл вели: Кога ќе размислите дека еден типичен ензим има синџир од можеби 200 врски и дека има 20 можности за секоја врска, лесно е да се увиди дека бројот на бескорисни комбинации е огромен, поголем од бројот на атомите во сите галаксии видливи со најголемите телескопи. Тоа е само еден ензим, а има преку 2000 такви кои служат за многу различни цели. Оттука, како дошло до оваа ситуација која ние сме ја затекнале ?
    Хојл додал: Наместо да ја прифатиме извонредно малата веројатност дека животот настанал преку слепите сили на природата, изгледа дека би било подобро да претпоставиме дека потеклото на животот бил еден промислен интелектуален чин.

    Затоа јас немам толкава вера за да бидам атеист и убеден сум дека е поразумно и понаучно да се верува во Бог и дека Бог е творецот на природните законитости кои ги проучуваме во вселената.
     
  20. EvAngelos

    EvAngelos Популарен член

    Се зачлени на:
    25 февруари 2012
    Пораки:
    3.573
    Допаѓања:
    9.823
    Пол:
    Машки
    Интересно, мило ми е што уште еден природонаучник се вклучи во темава :) Баш денес на фејсбук објавив една слика каде ги споредив електричниот мотор и бактерискиот флагелум - микробиолошкото моторче што како пропелер ги движи бактериите. (ја прикачив во атачмент на оваа порака). Ова е невозможно да настанало случајно бидејќи би морало сите негови составни делови да настанале случајно и одеднаш да се сретнале и да се наместиле сите во одредената позиција за да го образуваат моторот.
    Никој разумен атеист не верува дека електричен мотор може да настане на овој начин. Никој разумен атеист не верува дека со експлозија во печатница може да настане енциклопедија или дека морските бранови можат да напишат реченица на морскиот песок итн. Ама кога станува збор за неспоредливо покомплексните дизајни во природата и во живиот свет, одеднаш за тоа се одлучува да се верува дека сето тоа случајно настанало со текот на милијардите години. Демек ако додадеш доволно време, невозможното станува возможно, а возможното сигурно. Ова е против секоја логика, разум и наука.
    Мило ми е што се согласуваме околу овие работи! :)
     

    Прикачени фајлови:

    На Vertigo TJ му/ѝ се допаѓа ова.