Долго време не ти цвета? Повеќе од 3-4 месеци? Искрено не знам. Проби на гоогле или ChatGpt што ќе ти каже. И да нема цвет кај мене се гледа дека пушта млади гранки што ќе станат цвет. Не е останела до сега без цвет. Или проби смени и го местото
Му треба прихрана јас на растенијата со цвет им ставам прихрана, вода од киснати (24ч) лушпи од банани. Можеш да и купиш соодветна прихрана или да наросиш хумус.
Јас две лушпи во тегла со вода ставам да отстои, па после разредувам во повеќе вода и ставам по цвекињата. Ризикот е секако тука, можност за габа и бубачиња да привлече ако е надвор. Последно читав дека можело и да се преврие лушпата пред да искисне, ама мислам така се гори потасиумот. Пребарај banana peel fertilizer. Мене ми се докажа како одлично особено за спатифилиумот и африканските љубичици.
Ми треба совет поврзан со цвеќиња. Имено, во дворот, поточно на ѕидот што нѐ дели од комшиите има едни вакви заѕидани саксии полни со земја која не е сменета со години. Денес ги исчистив беа полни со мов и тук-таму некоја тревка. Сакам да засадам цвеќиња, ама ми треба цвеќиња на коишто им годи влажна земја и да се во сенка постојано. Ѕидот е во сенка скоро цел ден, изложен на дожд и земјата во овие заѕидани саксии е постојано влажна и ладна. На кои цвеќиња би им одговарале такви услови за да не ми зјаат дупките така празни?
Папрат, кала, потос, скиндапсис. Можеш и убава жардинерија комбинација да направиш. Калата се купува како луковица па на есен се вади, и на пролет се посадува пак. Папратот не трпи минус, ќе мораш да го внесеш преку зима. Исто и потосот и скиндапсисот.
Сакам да купам аглонема цвеќе, гледав една страна на инстаграм, меѓутоа малце скапичко ми изгледа па сакав да прашам дали некој одгледува и ако да колку ја има купено?
Колку беше? Да видиш во Ангел Тренд има во Н Лисиче, Центар, имаа интересни сорти сега пред 8ми март, мислам дека видов ама беше мн малечка и одеше со керамичка саксија, а може да беше и нешто што ми личело на тоа. Зборот ми беше имаат попуст 30% на саксиско цвеќе, веројатно уште им трае, само што веќе се е раскупено и тоа што е останато е со последни сили. Не знам за условите ама кога ги видов жардињериве си замислив tradescantia zebrina и pallida во нив. Ги имам гледано во жардињери каде што движам често и се преубави, само што тие се на сонце, ама буквално личат како вештачки од што имаат интензивни бои, а забаталени се скроз, на улица фрлени што се вика. Е сега за да има интензивна боја обично ваквите цвеќиња сакаат сонце, ама не значи дека не би живееле на сенка, само што може да бидат по зелени наместо виолетови. И минус температури не верувам дека ќе издржат, ама многу лесно се зафаќаат, така што неколку коренчиња може да си внесеш и на пролет пак да ги ставиш. Има и една детелина со виолетови листови и со светло розеви цветчиња и таа ми оди во ова, не знам зошто се запнав за виолетово ама така ми оди со жардињерава, е местоположбава со цело време сенка е убитачна, на крајот на краиштата не е важно директно сонце ама да има убава светлина е доволно. А за дренажа може едно мало дупче со бормашина да дупнете доле или да ставиш камчиња на долниот дел на се задржува вода во земјата премногу.
Ќе проверам и таму фала ти за препораката. Инаку јас прашував на инстаграм една девојка, и ми кажа 1500 денари ама мислам дека оваа е доста поголема.
Поголема е, оваа јас што ја гледав беше една педа и беше со црвен тинт, ама и искрена да бидам Ливче и некои сл што ги имам затекнато имаат превисоки цени. Да видиш во Стошиќ во Битола или во тој во Драчево и они знаат да имаат понормални цени. Пример Монстера Таи во Стошиќ преубава 1400 беше. Ако поминам деновиве во Ангел ќе проверам дали беше тоа аглаонема што го видов, пошто од глава не ми излегува ама дека со саксија одеше не го купив.
Вчера бев на зелено пазарче и беше 100 ден поевтина. Си ја нарачав од кај девојкава сепак оти розева ме фати мерак
Едната прецвета, сега е во мирување, има пупки по гранчињата, чекам кога ќе цвета пак. @bookslover Си прашувала погоре за цвеќиња што лесно се одржуваат, можеш да земеш замија, не бара посебна нега, еднаш месечно наводнување само.
Дали е нормално спатифилумот да бара вода на 4-5 дена? Страв ми е да не претерам па да скапе, а ако не ставам вода сите листови свенуваат надолу
Штом овенуваат, си бара вода. Јас штом видам малку да се надолу одма ставам. Така и повеќе расте и нови листови излегуваат.
