Најперспективен факултет?

Нормално. Ама сите факултети се перспективни само кај нас не.

 

Се согласувам дека човек треба да се прилагодува на ситуацијата и новите желби да учи нови работи - нешто што кај нас за жал е несватливо, а и нема многу флексибилни начини за едукација (и покрај тоа што има еден тон факултети). Сепак тоа дека времето не е фактор не се согласувам и мислам дека е погрешно - времето е веројатно еден од најбитните фактори, само што човекот го разбира тоа дури кога ќе го снема. Инаку, да - перспективата не е апсолутна константа, ама човековиот живот уште помалку е.

 

Не зезај, флексибилни начини мислам дека сега има повеќе од било кога. Јас кога студирав одевме во библиотека (универзитетска, на катедра) и имаше еден компјутер со дајлап на располагање за сите студенти, дома ретко кој имаше интернет. Сега имаш милион курсеви/how to, и на јутуб и на курсера и на уште триста други платформи, кои дури и не се финансиски недостижни, и самите универзитети имаат онлајн курсеви, она што го бараш ќе го најдеш сигурно. Времето како ресурс мислев и на тоа дека ако и јас и ти работиме 40 часа неделно, заработуваме исто? Веројатно не, така што во таа смисла, многу други клучни фактори играат улога за перспективноста на професијата. А времето како ресурс кој го трошиш за учење, тоа од струката зависи. Одредени вештини ги совладуваме за ден, два, недела ама други за месец или година, две. Тоа е нешто што не зависи само од нас и нашите квалитети, просто не е исто да учиш да проверуваш апи во Постман и да ставаш бајпас на срце. Во таа смисла, време да научам имам секогаш, ама зависи што барам и што ми е потребно. Јас магистрирав заедно со моја професорка од факултет, јас на 26 таа на 52. Дали таа нешто изгубила со тоа? Секако не. Дали јас сум добила? Уште помалце. Ниту таа каска зад времето, ниту јас сум некое супер дете. Лошо се наместени работите, да мислиме дека немаме време.

 

Во мојот коментар реков дека се согласувам со вас на темата дека секој треба да биде флексибилен и дека не е никогаш касно да се учи нешто ново, само кажав дека кај нас (а не на и-нет) нема многу квалитетни опции за преквалификација, како што има во други држави- на пример за мед. сестра, наставничка или воспитувачка и сл (каде физичкиот контакт е сепак битен)., а и сите неразбираат англиски доволно добро за да можат да се преквалуфикуваат од кураеви на и-нет. Впрочем постоењето на домашни опции, ќе ја зголеми свесноста на луѓето дека може да се преквалификуваат без разлика на возраста (па ќе ги користат и опциите на интетнет).
Што се однесува до "времето", мојот пост се однесува на тоа дека изборот на погрешен "неперпективен факултет" (што е и темата на форумот), може скапо чини особено ако од него освен знаење очекуваме да ни донесе и професија од која ќе живееме - и тоа пред се заради потрошените 4-6 години од животот (наместо да учиме нешто што полесно ќе го применуваме и ќе го доусовршуваме во правец во кој ние сакаме или едноставно да работиме и на тој начин да се развиваме и заработуваме). Впрочем мојот заклучок е на база на реални примери, лично познавам многу луѓе кои се преквалификиваат (генерално преку курсеви) или се уште лутаат барајќи ја својата професија или виза за странство и многу од нив се покајале за сопствениот избор на факултет (од кој немаат баш некоја корист).

 

Одлично те разбрав, и затоа дополнив дека најмногу зависи од професијата, особено во однос на образованието и достапноста, ама ете тоа би бил прв чекор кон промената, учење јазик и со тоа си отвараш уште една врата, а тоа е секако поквалитетно образование. За времето, пак нема да се сложам и се земав затоа себе за пример. На 40 години работам нешто што нема врска (или има многу малку) со моето формално образование кое сум го стекнала пред 20 години. Тоа не значи дека бил погрешен избор или неперспективен, туку дека многу работи се промениле во овие 20 години, и јас и светот и така сум стигнала до нов избор, веројатно и тој нема да биде конечен. Од таму твоето мислење дека 4 години ти се "изгубени", јас не мислам така иако моите се многу повеќе од четири А за жал, образовниот систем е тој и не верувам дека ќе се смени скоро, по дефиниција не е перспективен.

 

Здраво,феминки.
Сакам да ве прашам дали на ПМФ има смер за информатика некаде прочитав дека има ама не сум сигурна?

 

Да, имаше, би требало да има уште, освен ако од некоја причина не ги стават студиите во мирување, но не би требало.

https://www.pmf.ukim.edu.mk/tabs/view/ca64f17e67664c1550821c5b71ff3570

 

Дали има некој да сподели искуство или пак знае од некој близок свој за смерот Радиолошки Технолог на Медицински факултет- Скопје?
Конкретно што да се очекува,дали е напорно колку и општа медицина (знам по сестра ми) или е малку полајт варијанта?
Било каков совет е добредојден.

 

Радиолошки техничар дали е напорно колку и општа медицина?
Во кој универзум е ова?

Учат од прашања. Одговорени прашања. Колешка имам која паралелно работи смени од 12 саати во болница и студира на смеров. Ете толку е споредбата.

 

Хахахахахахахах фала на одговоротт,дека имам јас една познаничка па спротивно збори се изнаутепа од зборење колку глава не се крева од книга

 

Можеби имаат некој предмет што бара да седнеш и да научиш, ама тоа е еден, два предмети.
Факултет кој бара присуство на вежби и предавања кој има обемни материјали, кој вара ангажираност сигурно не би се завршувал на време додрка паралелно се работи по 12 саати.

Во секој случај нема споредба со општа медицина.
Едниов е 3 години другиов 6.
Со едниов си стрчен кадар со другиов си доктор.

 

Јас ги прашав моите кога имав 18 години: На кој факултет имате најмногу врски и најлесно ќе најдам работа? И се запишав на тој факултет го завршив со 9ка просек, магистрирав и докторирав на истиот. Немам ден без стаж и неможам да кренам глава од понуди за работа сега бирам кај и што сакам да работам. Заработувам 2000 евра месечно во мк. Ако чисто бирав по желби и афинитети тој факултет не ми беше прв избор ама ми стана интересен. Тоа е моето искуство.

 

Сè кажа, само најбитното не го кажа кој е тој факултет. И си барала каде имаат твоите врски, значи не ти се заслужени оценките.

 

Добро друже, докторат имаш, нели знаеш дека негациите не се пишуваат слеано? Не е тоа многу тешко правило.

 

Па со врски

 

Знам дека физика има многуу.

 

Поентата ми е да се бира и рационално. Ај тоа е друга тема.

 

Па кажи за кој факултет се работи.Нема да ти ги земеме работното место и титулата.

 

Факултетот е ирелевантен. Битни се упорноста, истрајноста, флексибилоста и логиката.

 

Темата е перспективен факултет што значи треба кажете кој е тој што е перспективен, а не нешто друго. Ако не сакате да кажете, воопшто не ни пишувајте на темава.