Сега сум четврта година, а уште од прва се мислам што да одам понатаму. Бидејќи сум ПМА треба нешто да одберам од техничките факултети.. Сега се мислам меѓу електро, финки, архитектура.. Што мислите за 10 години кој би бил најперспективен..
Види тоа што си ПМА не те ограничува дека треба да избереш некој технички факултет. Ќе ти дадам пример: имам пријателка која заврши средно медицинско а се запиша на правен факултет и одлично и оди... Не се ограничувај на тоа што треба да запишеш- одбери си факултет кој сакаш да го учиш. Убаво што размислуваш 10 години нанапред- ама тоа е малку потешко да го одредиш во нашата држава. Мој совет: ако мислиш дека можеш да завршиш електро- по можност со просек- знај дека 99% веднаш ќе најдеш работа... Сепак сметај и дека за секој од овие факултети ќе треба да се откажеш од многу работи.
Какво мислење имате за Бизнис Администрација? Се мислам помеѓу банкарство и бизнис администрација.... Што мислите дека е повеќе платено и што повеќе се бара? И дали економскиот факултет од универзитетот Св Климент Охридски е признат во странство? Пример во Америка или Канада?
Сакам да се запишам на постдипломски студии меѓутоа имам голема дилема. Јас завршив на УКИМ-Економски и се мислам меѓу тој и Американ од друга страна- тоа што би учела на англиски јазик го сметам за некоја предност. Што мислите? Има ли некоја феминка со искуство да ме насочи? Секое мислење е добродојдено...
девојки може е малце глупо прашањево ама незнам кај да прашам..дали има факултет некој за музика, театар, уметност?
Има, Факултетот за Драмски Уметности и Факултетот за Музичка Уметност во Скопје. ФМУ имаш и во Штип, при Универзитетот „Гоце Делчев“.
И имаш ЕСРА-за визуелни уметности, но тој е приватен, а многу многу подобар, посети им ја страната баш... Него ја пошто се посветив на друѓи работи баталив факлутет еве 2 години од како завршив средно(музичко-виолина -.-) дефинитивно на тие ако има такви што сакаат не препорачувам најнеперспективна професија и тоа глупо средно да не речам скоро па на никој факултет не можеш да се запишеш... Е сега на 19 години криви дрини исправам упишав вонредно средно медицина, пошто не можам од музичко медицина, а животна желба ми е и се` ќе направам, моите ме запишаа средно во Луј во Скопје и да не речам ми го заебаа животов и сега се трудам од ново све сите стручни ќе ги полагам, може ви звучи лудо, но си ги следам животните соништа... Вие што викате.....Дали добро постапив и дали случајно има некој ко мене, што од средно успеал и влегол на медицина(од средно музичко), немате поима какви врски не ми успеаа И дали вреди ова што го правам...Знам дека може не е просперитетна професија, ама пуста желба да бидам кардиохирург... И да инаку уште се занимавам со музика и ми е во срцето само на друг начин, никогаш не сфатија моите дома дека не сакам да свирам, туку да компонирам и пејам, ама тоа е...И ич не ме подржуваат за медицинава, дека сите се музичари у фамилија освен тетка ми што е докторка и тоа многу добра и дедо ми што бил(ама тој плус свирел)
француски не би ти препорачала, што ќе работиш после? има многу малку француски преводи, малку француски инвестиции, подобро ти е правен.
Кога сега би се запишувала на факултет прв критериум би бил дали по завршувањето на факултетот ќе можам и сама да работам (значи и без тоа да се вработам некаде, во компанија, институција било каде). Значи дали со факултетот би можела со други зборови сама да заработувам. Свој бизнис ли, како freelancer ли...не е битно, битно да не седам дома, да паѓам во депресии зошто не можам да си заработам за еден пристоен живот. Интересите секако би влијаеле, но и практичноста во секој случај. На пр. сакам англиски, но ме привлекува и економијата. Ќе студирам економија а, англиски ќе си одам по курсеви, па ако ми одат навистина јазиците, ќе го владеам јазикот подеднакво добро. Денес за било кое работно место се бара познавање на странски јазик, значи тоа не мора да ми бидат главните студии. Најдобро е ако се направи комбинација од еден факултет, со магистерски од друг, при што се прави диверзификација на познавањата и при барање работа се истакнувате пред другите кандидати кои го имаат завршено истиот факултет. Кај нас многу малку во основното и средното образование се полага на претприемништвото како начин на размислување, па мислам дека и затоа невработеноста е многу голема (секако една од причините). Во секој случај што и да завршите треба постојано да се доусовршува, потврдува знаењето, учи нешто ново. Случајно се најдов во АВРМ во канцеларија каде се пријавуваат за прв пат како невработени лицата, кои сега завршиле факултет. И влегува една девојка, службеничкава и' чита од Прашалникот кои го имаат и секое невработено лице мора да го пополни. Меѓу другото едно од прашањата беше, дали би сакале да Ве повикаат од Центарот за вработување на било какви обуки, семинари за доусовршување, секако бесплатни што се организираат од АВРМ. И девојкава вика - па, не. Јас останав со подотворена, уста. . И службеничкава исто. И ја прашува зошто не? И девојката верувате или не, вика - па, јас завршив факултет. Кога се возбудив, и јас и службеничкава, како бе така??!! Завршила факултет и мисли Господ за гаѓи го фатила (се извинувам за изразов). Е, па со вакви млади луѓе не знам како напред. Јас искрено во моја фирма никогаш не би го вработила девојчево. Ама искрено ви кажувам.
Напротив, познавам многу невработени електро-инженери и тоа не такви кои дипломирале пред многу години. Ни електро не е тоа што беше пред 7-8 години, ама сепак таква е ситуацијата кај нас и не би рекла дека постои перспективен факултет во денешно време без разлика дали се работи за најтешкиот или најлесниот, затоа што на крај ситуацијата се сведува на добро познатото „кој како се снајде“.
Здраво! Не знам колку е соодветна темава за моето прашање, но не можев да најдам некоја друга. Сакам да прашам дали некој знае какви се условите за постдипломски во Швајцарија? Ако има некој што е таму или има некој близок да ми каже колку пари е, дали има некои конкурси или сл.? Ви благодарам!
